السلام عليكم ورحمة الله وبركاته
مرحبا بنوتات
اليوم جبت لكم منتج ،، ذكرته من قبل " أشواق لا تنتهي" ..
بصراحه بعد ما جربته لفتره .. قلت لازم اقول لكم عنه بالتفصيل
sandal scandal
مرطب و مقشر للأقدام من Benefit
بصراحه بنات لازم تجربونه لأنه شي خيااااااالي و نتائجه تبين من الأستخدام الأول
نشوف في البداية نتائجه و فوائده :
نعومه ،، ريحة حلوه ،، مرطب و مقشر و علاج للتشققات ..
الحين نشوف طريقة الأستخدام ::
قبل النوم ،، اغسلي اقدامك و نشفيها ،، ادهني منه على اقدامك مع مساج و تدليك خفيف
بعدها البسي الجوارب اللي تجي معاه ،، و نامي نوووم العوافي
لالالا لا تخافين ،، ريحته تجنن ،، حتى شكل الجوارب كيوووت
اول ما تصحين الصبح راح تحسين بنعومة فوق الخياليه ،، و ما زالت الرائحه الحلوه مستمره
مع الأستمرار عليه راح تلاحظين الفرق خصوصاً في التشققات اللي راح تختفي ..
استخدميه مرتين الى ثلاث مرات اسبوعياً ..
و الأفضل انك تستخدمين كذلك واقي من الشمس لأقدامك ،، نفس الواقي لجسمك استخدميه لأقدامك..
تستخدمين الواقي الصبح اول ما تصحين من النوم و تشيلين الجوارب ..
واذا وقفتي عن استخدام المرطب ،، استمري في استخدام واقي الشمس لمدة اسبوع..
اتمنى انه يفيدكم ،، جربوه وما راح تندمووون
نسيت اقول عن اماكن تواجده :: في اي محل يبيع منتجات ماركة Benefit
في قطر تلقونه بس في محلات فيسيز في اللاند مارك ..
في دبي و السعوديه بعد تلقونه في محلات فيسيز ..
و سعره 149 ريال ..
اختكم // ام خالد
عزيزتي ام خالد كفيتي ووفيتي في شرح الموضوع كامل فلا مجال للسؤال..