@ ضيف من خارج الحدود @

صـــارع 17-11-2005 67 رد 5,005 مشاهدة
ص







طبعاً بعضكم يذكر هذا الموضوع و فكرته

!"! إعلان عن موضوع لمن يحب المشاركة فيه !"!

انا طرحت هذا الموضوع قبل 3 أشهر تقريباً
طبعا وصلتني ثلاث رغبات بالمشاركة ولكن ماوصلتني المقابلات
فاجئتني احدى الاخوات قبل فترة بسيطة بالسؤال عن الموضوع وهل هو قيد التحضير الى الآن
ولماذا تأخر كل هذي الفترة ، وبما ان هناك اعضاء ينتظرون الموضوع نزلته في العام
يحق لك عضو المشاركة هنا بمقابلة مع احد افراد عائلته
مع التقيد بشروطها المذكورة في الرابط وهي :


(f)ان لا تتعدى الـ 10 اسئلة
(f)التنويع في الاسئلة ( جدية و فكاهية )
(f)نبذة بسيطة عن ضيفك واذا البطاقة الشخصية يكون احسن << لقافه


ماحد راح يرسلي على الخاص مثل ما كانت فكرة الموضوع في بدايته
اللي حاب يعمل مقابلة مع احد افراد اسرته ، ياليت لو ينزلها دايركت هنا في الموضوع
عسى تعم الفائدة والكل يستمتع بمختلف المقابلات من مختلف الدول والثقافات التي يحويها عروس سيّد المنتديات


يرجى من الأعضاء الكرام
عدم الخوض في الضحك والكلام الجانبي والتقيد بصلب الموضوع حتى لاتتعرض ردودكم للحذف وتوثيقها بالتنبيه
ولكم خالص الشكر
مشرفات الركن العام



س
ما شاء الله

تسلم اخوي هادي

فكره جميله ،،،

اتيت هنا لحجز كرسي،،، ولي عوده بإذن الله


سفيرة فوق العاده
ص
مقابلتي مع اختي الصغيرة

نبذة عن أمونة

آخر العنقود عمرها 6 ، بنت جريئة ذكية وعدوانية نوعاً ما
ذات شخصية قيادية ، تحب لفت الانتباه وتسليط الأضواء عليها ، دلوعه ابوها وامها
يوم تزوجت ، سألت زوجتي بكل جرأة : صار لج اسبوع عندنا ، متى ترجعين بيتكم !!! هههههههها
تحب الأكل والوالدة مسوّيه عليها حظر عشان ما تسمن ، اللي يميزها عن جميع اخوانها ان الله حباها شعر اشقر
وكلنا قلنا للوالدة بما انها آخر العنقود ، فأكيد حبر الشعر الاسود خلّص

يلا نبدأ المقابلة

س1 / شو اكثر شيء تحبيه في الدنيا ؟
ألعب في الحديقة ، واطلع اتمشى مع اصدقائي ، واروح الكورنيش ألعب كرة والسباحة ، فقط هذا << تراه اهي قالت فقط هذا مو انا :gum:

س2 / ماهي امنيات المستقبل ؟
ابي اكون ملكة و اطول بسرعه واتزوج

س3 / ماهي أكلاتك المفضلة ؟
الكيك و الأكل اللي تطبخه امي ، بس

س4 / شو اكثر برنامج نال اعجابج في التلفزيون ؟
البرنامج اللي طلع على قناة mbc3 الاطفال اللي معاهم شيخ يعلمهم قرآن و يزورون بيت النبي

س5 / لأي المشايخ القرّاء تفضلين الاستماع ؟
ماعرف اسمه بس يطلع بالتلفزيون

س6 / اكثر لون تحبينه ؟
الوردي والاحمر والازرق والعيناوي و الوحداوي ، ( ههههههها الاخت ضيعت ودخلت بالنوادي )

س7 / شو حسيتي لما مات الشيخ زايد - الله يرحمه - ؟
اول شيء ماكنت اعرف ، ولقيت امي تصيح وسألتها ليش تصيحين ، قالت : لأن الشيخ زايد الله يرحمه مات وانا تمّيت معاها اصيح

س8 / انتي الحين عمرج 6 سنوات ، متى ناوية تلبسي الحجاب ؟ ولماذا ؟
لما يصير عمري 7 او 8 سنوات ، لأني لما اقول لامي ابي شيلة وعباية ما تييب لي ، وعندنا بنات في الكيجي تو يلبسون عباة
( ابوك يالكذب :cool2: )

س9 / ماهي امنياتك في الحياة ؟
اتمنى اخوي يرجع بسرعه واتمنى يجيب ويّاه حلويات ( ترى عندها اخوين غير هذا مسافرين ولا سألت عنهم )
و اتمنى اروح الكعبة واريد اروح الحج مع ابوي و امي ، واتمنى انا واخواني في يوم من الايام ( شوفوا الفلسفة ) نذهب لمكان نلهو ونلعب.

س10 / تحبين الله ؟ ولماذا ؟
طبعا احبّه اكثر من كل شيء ، لأن الله هو اللي عطانا الفلوس و هو خلانا نشتري وعطانا البيوت عشان ننام فيها و نلعب فيها و نتكلم فيها وعطانا الجسم والريول عشان نمشي و نروح بيت الجيران ، وعطانا يد عشان ناكل ونحمل أولادنا وعطانا بطن عشان ناكل وعطان فم عشان نبلع.....بس

نشكر الاخت أمون على تفضلها بالاجابة على الاسئلة
ص
هلا

سفيرة فوق العاده

حياج الله
وبانتظار مقابلتج مع احد افراد العائلة الكريمة
تحيتي
س
اخوي هادي


الله يحيك ويبقيك

بصراحه لقاء رووووعه ،،، الله يخليها لكم ان شاء الله،،، باين عليها جريئه



سفيرة فوق العاده
و
حلوة الفكرة وااايد وانا ان شاء الله برجع وبييب لقاء ويا حد من العايلة

ملحوظة مهمة: فديييييت قلبها أمونه الله يحفظها ويبقيها لأهلها ويبارك لكم فيها
ويجعلها علم ونجمة من نجوم الاسلام ,سبحان الله حبيتها قبل لااشوفها ماشاء الله عليها
ضحكتني واااااااايد ..

ودمتم سالمين
S
لقاء رائع
وفكرة اروع
الله يخليها لكم
انشالله يا حلو براءة الطفولة
مشالله عليها
طالعة على اخوها الكبير

:)

وانشالله تبلغ في حمودي وتسوي له مقابلات


دمتم سالمين
اختكم شريفة
ص
هلا

سفيرة فوق العاده

ايه والله جريئة ، والجرأة لها إيجابياتها و سلبياتها والله يكون بالعون
تحيتي
ص
هلا

ورورة

هذا وانتي ماشفتيها ، لو تشوفينها تموتين فيها بس تحمّلي تاخذ عليج ... عشان ما تاكلج أكل بالكلام
مشكورة ع الدعوات الطيبة وانا بانتظار مقابلتج مع احد افراد العائلة الكريمة
تحيتي
ص
هلا

SHREEFA

حضورج الأروع
ولا تحرمينا من مقابلة احد افراد العائلة ، طبعا إلا الشيخ سعود .. لان مقابلته كلها غاغا غوو
تحيتي
b
مشكوووور أخ هـــــادي عالموضوع >> تبي الصج كتبت أخ صـــارع وبعدين مسحتهااا!!!!!!!

ماشاءالله عليها باين عليها حبوبه
بس ديروووا بالكم عليها واقروا عليها معوذات دايما عن عيون الناس

وان شاءالله نشوفها عضوة معانا في منتدى عروس


ودي أشارك معاكم بس مافي حد في بالي اسوي له المقابله
أختي الصغيرونه ماتعطيني ويه هالأيام !!!!!!

يالله بكتفي بالمتابعه معاكم
*

ربي يحفظها امونه الحلوه


ماشاء الله عليها
أ
سلاااامي على امووون .... الصراااحة مسكتة .,, حواار عجييب ...
احلى شي يوم قالت حق ام محمد .. متى بتردين بيتكم
فدييتها عسولة ,,,like me

يالله ان شاء الله بشارك وياكم ...
وسلم على امووون وااايد ..




بنفسوجة
&
ياحبي لها
اجل تصرف حرمتك
الله يحفظها
موضوعك حلو بس بجد مافي بالي احد اسوي له مقابله
المشكله فكرت باختي الصغيره بس والله لو فتحت معها سالفه بتسويها فلم هندي:eek2:
وتطلع لكم تكمله من الشاشه وتطلع لكم بالحلوم:eek:

افكر واشوف ولي عوده باذن الله
ا

تسلم أخوي هادي عالفكره الحلوه

ما شاء الله تبارك الرحمن على امونه

الله يحفظها من كل شر ويخليها لكم وتشوفونها عروسه ان شاء الله
ص
هلا

business_girl

صارع هادي بو محمد ، كلّه واحد قولي اللي يريحج
ولا تحاتين اكيد نقرأ عليها والمفروض كل واحد عنده يهّال يقرأ عليهم ترى عيون الناس ماترحم
وبانتظار مشاركتج لا تتعذرين بأختج ، مو شرط المقابلة مع احد صغير
تحيتي
ص
هلا

القمر وضيه

آمين يا رب
وبانتظار مشاركتج معانا .. لا تنسين
ص
هلا

بنفسجة العين

حيالله اللي ماتت
انا كل ماشوف اسمج الحين اتذكر ذيج السالفة .. الله يسامحج بس
بانتظار مشاركتج واتمنى تكون مقابلة مميزة جدا
تحيتي
ص
هلا

&&_عاشقة الجوري_&&

والله صرفتها .. كان شيء غير متوقع ابد
بانتظار مشاركتج معنا وبلاش هالاعذار اللي ماتنصرف عندي
تحيتي
ص
هلا

الدانـــــه

آمين يا رب
بس ضحكتيني يوم قلتي تشوفونها عروسه
الاخت من الحين تبي تتزوج ومرة سألت امي يصير اتزوج اخوي ؟!!!
تحيتي وبانتظار مشاركتج معنا
X