ابغى نصيحتكم في الشغالة ارجوكم

أولا: الله يهون عليكي أنشاء الله وتقومين بالسلامة ونباركلك حزتها على المولود..

ثانيا: بالنسبة للشغالة أختي (قل لن يصيبنا الا ما كتبه الله لنا) لو الله كاتبلك أنك تتأذين منها راح تتأذين (الله يبعدك عن أذيتهم )

بس أنا أقولك صلي أستخارة ..وأنشاء الله ما فيه الا الخير يا الغلا..

ايه رايك تجيبي شغاله بالساعه

اختي الشغاله فيها المشاكل ومنها الفايده وبعدها مشاكل وفيه الفايدة

انا عندي وحده .... طبعا تجنني ساعات بغباءها المستحكم وساعات تدمر لي اغراض بالهبل وساعات اشوفها تساعدني كثير وارتاح نفسيا واقول الحمدلله ان عندي خدامة

وافكر لما هي محد شلون يستوي حالي

والله ياختي ولو اني ما الاقي حد يضايقني بغباءه لكن اتعب وايد واتعب غيري من الشغل ...

الخدامه لها فايدتها ولها اضرارها وعاد انتي وشطارتج معاها

خليني اقولج عن التعامل ...

1- لا تسولفين معاها وتطقينها سوالف معاها لانها راح تتمرد بهالاسلوب
2- لا تفهميني اني اقصد انج تكونين صلبه معاها الي اقصده انج تفرضين احترامج
3- لا تتركين اغراضج الثمينة مشرعه للغير دايما خبيها في مكان مسكر
4- راتبها عطيها اول باول .. علشان تحس انج ما ظلمتيها
5- اذا غلطت وزعلتي عليها ...راضيها بطريقة غير مباشرة ..مثلا امديحها اذا سوت شيء عدل او اشتري لها قميص ولا اي شيء ((طبعا علشان ما تطلع حرتها بعيالج ))
6- اياني واياج تحرمينها من الاكل او انج تميزين اكلها عن اكلكم ..داميا خليلها من اكلكم شوي وصدقيني جذي تحس انج تحبينها ومب ظالمتها
7- لا تضغطين عليها بالشغل ...وعطيها فرصة ترتاح بالعصر وفي الليل لا تقعدينها من النوم علشان الطفل يصيح ولا شيء تحملي لان النوم سلطان بتطلع حرتها بالياهل
8- دايما حاولي تفهمينها الشيء اللي تبينه واذا ما سوته فهميها مرة ثانية علشان ما تغلط مرة ثانية
9-علميها النظام في العمل ..يعني الساعه الفلانية تسوي جذي والساعه اللي عقبها تسوي جذي ..والخ الخ
10- لا تحرمينها من الطلعات اذا طلعتي فسحة او تسوق اخذيها معاج ..منها انها تشوف عيالج ومنها انها هي تتمشا وتستانس


هاذي النصايح اللي عندي واللي اسويها مع الخامة والحمدلله يوصلني من وراي انها تقول عني اني طيبة رغم اني اهاوشها اذا غلطت بس احاول دوم اني اراضيها بالطريقة اللي قلت لج عليها

عادي لاتخافين وكلي امرك لربك وبعدين اذا ماتبينها على طول لأن بيتك صغير جيبيها بالشهر
خذيها الين بعد ولادتك وبعدها خلاص تروح

تحمليها فترة وان شاء الله خير

الله يقومك بالسلامه
اذا انتي بيتك صغير وقادره على بيتك بعد الولاده ليه تجيبين التعب لحد بيتك
اذا نتي حابه انك تجيبينها لبيتك استقدمي شغاله بالايجار لمده معينه وهي فترة نفاسك
وماراح احد يهتم باطفالك كثرك
تراهم امانه ولازم تهتمين

انا أؤيد اختي دفء الخليج ميه بالميه

وهذي شغالتي مافي احسن منها وبعد سنتين ترووح اجازه كم شهر وترجع مره ثاانيهيعني صارلها عندي 4 سنوات والكل يمدحها واقوولهم المعامله الحسنه والهديه راح تشتغل من خاطرها وتحطج فوق رااسها 000على فكره الي عندي اندونيسيه متزوجه وعندها بنتين صغار عمرها 27 هذي المواصفات دايما تكون اوكيه وخااصه اذا عندها عيال000

مشكورات حبيباتي على الردود اسأل الله ان ييسر لي الخير
بالنسبة لنظام الشغالة فترة وتروح ياليت القى عجزت
وكان هذا اخر حل عندنا الله يعين والشغالة يمكن تكون هندية لان زوجها بيكون سواق عند عائلة ثانية وان شاء الله يسمح لهم ان يسكنو عندنا لأن فية سكن خاص بهم اذا اجتمعوا وصاحب السواق موافق حاليا لاكن ان شاء الله ما يغير رأيه

[frame="7 80"]انا اوافق كلام دفء الجليييييييييييييييت 100%، ما راح يصير لج الا الي رب العالمين كاتبنه لج، ومو كل الشغالات نفس الشئ وسيئات( اصابع ايدج مو نفس الشئ،) انا في نظري من او ل طفل لا زم الحرمة تييب شغالة، ومو شطارة ان الوحدة تقعد تتحجج لا ما ابي وما ا دري شو..ووووو....،، انا بصراحة لمدة 4 سنوات ما عندي شغالة واشتغلت شغل اليهد وحتى وانا حامل والله العظيم تعبت تعب كبير ريلي الحمد لله يفتخر فيني اني نظيفة وقدها وقدود،وانا اصلا منالنوع اللي يحب الشغل، بعد ما يبت ولدي يبت شغالة بعد ما كمل الشهر الخامس، اول شئ ما ارتحت بعدين بديت امشي واقشم شغل البيت علي وعليها ، واحس والله ما في مثل شغالتي مرتاح، نووووووووووووووم على كيف كيفها،،بس شغالتنا وايد طيبة ومسكينة وهادية، ما يطلع باذن الله منها شئ....انا اللي اطبخ بنفسي لزوجي وانا اللي مهتنمة بالولد، وهي مهتمة بالتنظيف فقط...............ف اللي خايفة من الشغالة لا تييب وتتحمل شغل البيت ..واللي تبي اتييب بس مو تخلي كل شئ عالشغالة .[/frame]