السلام عليكم ورحمة الله وبركاته
اسمحولي لأني نزلت الدرس في موضوع جديد بس ترا صفحة الجوري ما تفتح عندي..
بشرح لكم كيف تسوون هذه
بسم الله .. نبدأ الدرس..
أول خطوة أفتح الصورة عن طريق file
Open
..
2 . أنسخ اللير مرتين
Duplicate layer
وأخفي وحده من الثلاث ليرات..
( في صندوق الليرات .. اضغطوا على العين اللي جنب الصورة.. تختفي العين
والطبقه ما بتبين.. )
يعني يصير عندي 3 ليرات.. وحده مخفيه و2 ظاهرة..
بشتغل على اول لير من فوق
3.
أكبر الصورة باستخدام اداة التكبير zoom
من صندوق الادوات او بالضغط على حرف Z
على لوحة التحكم..
انا اخذت نفس صورة المرتحله .. وهذه هي بعد ما كبرتها..
4.
عندي طريقتين..
وحده نرسم بالفرشاة
والثانيه نستخدم الclone stamp tool
بقولكم بالفرشاة كيف تسوونها..
احنا بنلون العيون.. ونحتاج نختار لون قريب جدا للون منطقة العيون .. ولا مانع من استخدام اكثر عن لون حتى تبين الصورة طبيعيه..
بنحدد لون من الصورة نفسها..
باستخدام الeye dropper
اللي هي هذه الاداة
اختاروها من صندوق الادوات او من لوحة التحكم .. حرف I
مرروها على الصورة وركزوا على هذه الارقام
شوفوا كيف تتغير حسب المكان..
هذه اللي تحدد لنا درجة اللون..
اختار مكان في الوجه اشوف لونه مناسب.. واسجل الارقام
الخطوة التاليه..
اقوم بكتابة الارقام في صندوق الالوان..
هكذا اكون اخترت اللون .. ( الصورة بس للتوضيح.. مش هذا اللون اللي اخترته طبعا )
وارسم بالفرشاة على العيون.. ( انا استخدمت الدائره رقم 7.. او 9.. ) اختاروا وحده كبيرة شويه .. حسب حجم العين
طبعا نحاول نضبطها شوي ونجيب شكل العيون.. ما نحط دائرة كبيرة ونقول خلصنا..
انا بعد ما الون اجيب المساحه وامسح الزيادات اذا حسيت اني ما محدده العين عدل..
بعد ما تلونون شوفوا الصورة.. اذا حسيتوا ان اللون ابدا مش قريب لوجه الطفل ممكن تغيرونه وتكررون هذه الخطوه لين تقتنعون باللون.. طبعا هي ما بتكون طبيعيه 100% بس نريد شيء قريب..
خلصنا هذه الخطوة..
وهذه الصورة مع رسمة العين
5
اختار اداة الsmudge
من صندوق الادوات او حرف R
اممرها على الجفون اللي لونتهم مع الضغط على الماوس.. ( نفس طريقة الفرشاه) ..
بتشوفون الشكل بيتغير شوي..
بيصير جذيه ..
6
اختار الفرشاة مرة ثانيه..
بس هذه المرة تكون ارفع.. يعني اختاروا رقم 2 مثلا..
اختار لون اغمق عن الالوان السابقه.. ( يعني نفس لون الرموش او الحواجب تقريبا)
وارسم خط من تحت على العيون وهي مسكره..
وهذا الشكل..
7
ادمج الليرين مع بعض..
Layer
Merge visible
8
اظهر اللير المخفي ..
صار عندنا ليرين اثنين..
9
انقلوهم للايميج ريدي..
واختاروا التوقيت اللي تشوفونه مناسب لكل فريم..
في هذه الصورة اخترت 43 ثانيه للعيون المغمضة
والعيون المفتوحه 84
- - - -
هذه وحده ثانيه..
العين المفتوحه 18 ثانيه
والمغمضة 24
..
تم بحمدالله ..
اي استفسار.. اي نقطة مش واضحه لا تترددون في السؤال..
وهذه الطريقه انا بروحي سويتها وما ادري اذا في طريقه احترافيه اكثر..
بس تراه ينفع للمتدئين مثلي.. ولا شو رايكم؟
اتوقع الclone stamp
يكون احسن.. وانا سويتها وطلعت معاي.. بس ما اعرف اشرح كيف..
اذا عرفت.. بحط لكم اياه ..
وحقوق الدرس المش مفهوم .. محفوظة لمنتديات عروس..
<< بتشوهكم البنت..
ماعليه الشرح مب لين هناك.. بس هذه ثاني مره لي.. يعني بعدني جديده في هالمجال..
انتوا استحملونا اول 100 مرة و عقبها بنصير محترفين ودروسي بتكون مفهومه اكثر ان شاءلله
خخخ مش ناويه توقف <<<<
اختكم
:flower: :flower:
