@ من روائع اللهجة الإماراتية @

السلام عليكم ورحمة الله

قصيدة باللهجة الإماراتية البحته ، حاولت ابحث عن الشاعر قائل الابيات ولكن لم اوفق في ذلك

استمتعوا بالكلمات العفوية الرائعة



[poem font="Simplified Arabic,6,deeppink,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اسهرت ليلي والخِلي بايت ذهيل=اسباب من تحلا المثايل وصفته
بو يادلن ضافي على متنه ثليل=خلّن امعذبني وانا في ذمته
حذرن من القنّيص مذيّر يثيل=مثل العزيب اللي بعالي قفرته
العين عين الحر لي شاف الضويل=زول الحباري وتّقت عن طلعته
له هايتن جنّه من الامهار خيل=يمتاز في غاية صباه و نشوته
امعزلن مثل الدبي خصره نحيل=يا ريم هذي بالمثايل وصفته
صابر على التعذيب والهير الطويل=ذي عادة العاشق ويا معشوقته
يا بن خليفة الوصل اصبح امحيل=والدرب فيه ألغام نصف اموقته
منّي لك التقدير والشكر الجزيل=يامن تبرع في خطور مهمته
لتكسب المعروف وتنال الجميل=يا كاعبن نظم القوافي شهرته
مشكور من عندي عليك الله كفيل=من يوم شاركت الخِوي في محنته
يلومني خالي من العقل الهبيل=لي ماعرف ذوق الوداد و ليعته
وش استفاد المستجير امن الدخيل=ادّاخلت ناره وصارت جنته
انا الذي تابع طريجي والسبيل=يا صاحبي شوف المنايا حدّته
اطوّح الونّات وايرّ العويل=واناوح الورقى بعد في سجعته
والدمع هملولن على خدّي هميل=ينساب فوق الخذ ياري عبرته
تايه وفي الصحرا ولاعندي دليل=والنوالي شطّبه وش حيلته
لي مالكنّي ملك للمال البخيل=ولأ وحش حرّن قبض في شبكته
خلّن وداده لا يحول ولا يزيل=لو زالت اجبال الرواسي الثابته
لأنه وداده في وسط قلبي نزيل=شابج على لفواد وثّق قبضته
واصبحت في حكم المحبة له ذليل=حبّه يهددني ويفرض قوّته
ياليت منهو لا حسود ولا عذيل=والواشي يسكت لا يبيّن رمسته
طعم المحبة بيننا كالسلسبيل=ندر الشرف نسكن بعالي قمّته[/poem]