حبيت آخذ رأيكم في موضوع...

صباح الخير يا صبايا....

صبايا عيد ميلاد زوجي قريب إن شاء الله راح يكون بعد أسبوعين وأنا مقرره إن إحنا نقضي هذا اليوم مش في البيت... في مكان الكل مدحه إللي هو:

جزيرة حوار في البحرين

بس أنا إلى الأن ما قررت إيش الهديه... أنا كنت مقرره إني أعطيه ساعه مع أن هذي الهديه تقليديه وأنا أبغى شيء غريب بس وحده من عيلتهم عيد ميلاد زوجها الأسبوع إللي طاف وعطت زوجها هديه ساعه وإنتشر الخبر في العيله فما أبغى يقولوا قلدت عليها...

ما أبغى تقولوا جوال مع إنه محتاج واحد ولا أبغى عطر أو كبك أو قلم أو محفظه ولا حتى ساعه...

إقترحوا لي إقتراحات تنقط عسل لو سمحتوا....

أنا العام الماضي عطيته طقم بيجامه وروب حمام وعطر...

و في مناسبه قبلها شريت له ملابس وااااااجد...

هو لمح لي إني أعطيه كبك و قلم ديور بس أنا ما أبغى شيء هو يختاره أنا إللي أبغى أجيب الهدييه إللي بمزاجي عشان لا يتعود يتشرط في هديته...


مع إقتراحاتكم أبغى أي وحده راحت جزر حوار أو سمعت عنها تقول لي الفكره حلوه والله لا؟؟؟؟

ثاني شيء خاطري أشتري كيكه بس ما أقدر لأن المشوار بالباخره تقريبا ساعتين فبتذوب وغير كذا أنا ما أبغى يصير عنده خبر إنه يوم ميلاده إلا بعد ما نوصل...

طبعا هو يعرف عيد ميلاده بالهجري بس بالميلادي ما يعرف عشان كذا ما راح يدري إن شاء الله....

إقتراحاكم صبايا و إذا فيه شيء بتزيدوه خبروني...

الله يوفق إللي بترد علي إن شاء الله...