اتمنى لو ماوافقت!!!!!!!!!!!!!!!!

ههههههه شر البليه ما يضحك
لو تشوفيني في الملجه كل يوم ضرايب كنت اقول ابا احس ليش البنات يقولون احلى ايايم ايام الملجه و كله دموع و صياح و زعل


انتي صليتي صلاة استخارة فيه ؟؟؟

و ليش حكمتي عليه انه بخيل ؟
و كيف يعني ما في احترام من بينكم ؟...
انتي عطيتينا الصفات بدون ما تقولين لنا الاسباب اللي خلتج تشوفين في هالاشياء

حبيبتي انا صليت صلاة استخارة بس بعد ندمانة اني وافقت
ومافي احترام من معاملتة معاي وكلامه واسلوبه
واما بخله سالفة ثانية وانا صارلي معاه سنة وشوي وحسيت في هذا كله واكثر

بعد بقولج انتي ما شرحتي كيف يعني ما يحترمج و كيف يعني بخيل وياج

انا كنت اتحراه بخيل الوحدة يوم تعرس تباه يدلعها و كل شوي هدايا انا اختي ريلها كل ايبلها ماركات و انا ايبلي تقليد .. كله كنت اقول انه بخيل

بس مسكين والله هو ما يعرف و في ناس حريصين يحبون يجمعون للمستقبل و نحن الحريم بطبيعتنا نحب نصرف ..

الله يعينج يا ميمونة

شكلج مب طايقتنه ابد .............واحس شعورج اتجاهه ما بيتغير حتى لو اعتدل

شوفي حبيبتي اقري اذكار الصباح والمساء وبترتاحيييييييييين ونفسيتج بتتعدل ....... ويمكن انتي حاكمة عليه غلط وفي واااايد شباب في الملجة يكونون اوكيك وبعد الزواج الشرررررررر يطلع من عيونهم وفي العكس وانشاءالله ريلج من العكس


الله يوفقج ياااااااااااااااااااااارب

ميمووومة:
انا وحدة مالجة بس احس عمري اتعس انسانة لاني ماحصلت على الانسان اللي كنت اتمناه .

أختى العزيزة ..

بصراحة احس انك متحاملة عليه بسبب لا ذنب له فيه .. الإنسان اللى اتمنيتيه لم يحصل بينكم نصيب

وهذا هو نصيبك ..وليس كل مايتمناه المرء يدركه

بل على العكس .. قد يكون ماتمنيته شر لكِ ولهذا ابعده الله عنك ( والله يعلم وانتم لا تعلمون )

حاولى تتأقلمى معاه وتشيلى الآخر من بالك نهائيا

اتمنى انك تحاولين أن تنظرى إلى مميزاته بعين العدل لا بعين الحب او الكره

:)

عزيزتي
حاولي تدورين على ايجابياته وتقارنينها بسلبياته بعد كذا استخيري مره ثانيه وثالثه وعاشره وقرري
قبل الزواج وقبل مايطيح الفاس بالراس

اختي انا من رأي عاشقة الجوري 0
ودي أسألك سؤال يوم الملكة يعني وهم يملكونلك ايش كان احساسك كنت مرتاحة أومتضايقة؟
اذا كنتي مرتاحة أو عادي توكلي على ربك0
أما أذا كنتي متضايقة بلاه أحسن أو أستخيري الله والله الهادي0

انا اللي فهمته من كلامك انك كنت تتمنين انسان له صفات معينة وانصدمتي لمن شفتي خطيبك بهالصفات صح ؟

عموما ما اقدر ازيد على كلام البنات شي .. وازني بين عيوبه ومميزاته وشوفي ايش اللي فيه مصلحتك

بصراحة انا من وجهة نظري انك تعطينه فرصة وتقولين له ايش اللي مضايقك منه ... واذا اضطريتي تدخلين احد من اهلك لان هذي حياة وزواج ... فك الخطوبة من الحين احسن من الطلاق بعدين

تفاهمي معاه يمكن هو ما عنده خبرة في التعامل في فترة الخطوبة وانتي بتنبهيه لهالشي

وبعدين يصير خير احكمي عليه بناء على نتيجة مصارحتكم

الله يوفقك

انا اشوف انه احسن شي تصلين الاستخارة وايد وخبري اهلج او وحدة قريبة منج من صوب اهلج على اللي يضايقتج منه

أنا من رأي إنج تصلين استخارة ..


وتصارحينه بإلي فيج ...


يمكن تكونين فاهمتنه غلط ...


والله يهديج وينور لج طريقج يا رب ...

السلام عليكم و رحمة الله و بركاته

صلّي صلاة إستخارة أختي...و الله تعالى ما بيضيعك إن شاء الله...

و ليش ما تقدري تعملي شيء...

أول شيء تقدري تواجهيه بلطف...

و تقدري كمان تكلمي أمك أو أختك في الموضوع...

و إن شاء الله خير أختي..

حاولي انج اتغيرينه
ازعلي منه فمره
و كلميه فمرة ثانية
وان شاء الله خير


والسموووحه

أنا من رأي إنك تصلين صلاة الاستخارة ..





والله يهديجك وينور لك طريقك يا رب ...

غاليتي اول شي اتمنى انج تستخيرين 7 مرات لا اقل واذا اكثر هب مشكله
ثاني شي معلومه احب اقولها لج ولغيرج من البنات اللي ما عرسن..حبيبتي نحن جنس حواء بطبيعتنا نعوومات رقيقات حالمات رومانسيات..القصص الرومانسيه والافلام الهنديه والاجنبيه خلتنا نكون فكره خياليه عن شريك الحياه
يعني مثلا كل وحده تتمنى زوجها يكون وسيم وطويل وشخصيته قويه وطيب وحنون وكريم ورومانسي و و و و ونعيش في الاوهام
وتكون هالصوره في بالنا سنوات وسنوات ويوم يتقدم لنا الريال نحس انه الحلم تحقق ونعيش حياه مثاليه سعيده نفس الشهد
بس حبيبتي الواقع شي ثاني بالمره....حبيبتي لا تنسين انه انتي هب كامله واكيد فيج عيوب فما بالج بالريال؟؟؟

شي ثاني اختي اخذي ورقه وقلم واكتبي حسناته في الصفحه اليمين وسيئاته في الصفحه اليسار وشوفي منو طاغي على الثاني وهل سيئاته تستاهل انج تكرهيه او لا وهل هي قابله للتغيير والتعديل ولا لا

شي ثالث اختي اذا انتي كنتي من قبل على علاقه بواحد فهذا مب معناته انه ريلج لازم يكون نسخه من الحبيب عشان تحبينه وماله ذنب اصلا في اي شي مضى عشان تقارنين بينه وبين اخر وعلى فكره هالشي من الشيطان عشان يزيد الكره في قلبج

شي رابع اختي..خليج عاقله وواعيه..اعرفي انه انتي ممكن تصارحين زوجج بارائج والاشيا اللي ما تحبينها بس باسلوب حنون صادق في النوايا وليس بالتجرح والاهانه

وبعد هذا كله اذا بعدج ما تطيقينه خلاص يا بنت الناس صارحي هلج ولا تدخلين في حياه زوجيه خسرانه من بدايتها

شي اخير بظيفه انا في فتره الملجه كنت ماااااااااا اطيق زوجي لاني انصدمت في طبايعه تبين الصدق انا كنت عاقله والكل يشهد وزوجي كان مراهق لاكبر درجه وفوق هذا كله اندفاعي وعصبي ويموت في الهواش عشان يفرض شخصيته علي..ما انكر اني فكرت وايد بالانفصال قبل لا يطيح الفاس بالراس بس امي قعدت معاي وعقلتني وقالتلي اصبري وتعوذي من الشيطان لانه عيوبه بذكائي اروم اغيرها
وفعلا يا بنت الناس الحين خفت العصبيه واااااايد وعقل وركز وتغير لدرجه انه اهله يموتون فيني لاني غيرته لهالدرجه بس كل شي يكون بالحب بالصبر بالكلمه الطيبه..

الله يسعدج ويهدي سركم

انا اشوف انه احسن شي تصلين الاستخارة

تسلممممممممممممممممممممون الغاليين على اهتمامكم وردكم
وانشاء الله بسوي اللي اقدر عليه
وتمنوا لي السعادة