ولدي و حالة جديدة

هي فعلا مشكلة عزيزتي

ويمكن مثل ما قلتي للشغالة دور فيها ... هالخدم مالهم امان وكل يوم نشوف قصة عنهم وعن بلاويهم

انتبهي لتصرفاتها معاه ... وحاولي انه يكون مع الوالدة طول الوقت مو مع الشغالة ... احتمال يكون تعلق عادي ( نسبة كبيرة من الاطفال خاصة الاولاد يتعلقون بالخادمات بدون سبب معين )

راقبيها حاولي ترجعي بدري من الدوام وخلي الوالدة بعد تراقبها .. ان شاء الله المسألة ما تتعدى انها تعلق وبس

جايك الويك اند خصصيه لودك اطلعي معاه وديه الألعاب في السيف او غيره وبدون الشغالة .. بعدين وده المطعم اللي يحبه .. اشتري له لعبة وبتشوفي انه خلال يومين بيصير دائما معاك

هو لسه صغير ومن السهل تغيرين من طبعاه .. لا تخافين

أول شي أكيد شعور مو حلو إلي انتي حاساه ثاني شي خلي مثلا أمك تكلمه عنك وتشوف شنو رح يرد يقولها عنك وهو صغير على طول رح يتكلم مايخبي بس وشوفي شنو رح يقولها عنك . انها تسأله عادي شلون ماما ماما حلوة و شذي و هو يقولها مثلا ايه حلوة لا موحلوة هي تسوي كذا كذا شوفي انتي وانشاله مافي شي

لو هيه خدامتج جان قلت لج سفريها
بس حاولي تقضين وقت اكثر معاه و تلعبينه و تضحكين معاه و لما يقولج انتي مب حلوة لا تصارخين في ويهه او تتنرفزين و خلي امس تشوف شو سالفته مع الخدامه ولا تخليه وايد معاها ...

و طمنينا عنج

عادي حبيبتي الياهل يحب الي يهتم فيه سواءا ساعه ولا ساعتين ولا اكثر ...

بس بعد لا تطمنين للخدامه وحاولي تراقبينها ...

السلام عليكم و رحمة الله و بركاته

إعطيه من حنانك أكثر و أكثر أختي...

المسألة مش مين اللي يلبسه و يحممه...

المسألة من يحبه و يعطف عليه...يخرجه و يجيب له ألعاب...هذه الأشياء تلفت نظرهم كتير...

و لو قال لك ماما مو حلوة...قولي له ماما ليش مو حلوة...كلميه بلغة الصغار...و إفهمي منه...

الله يخليلك إياه يا رب...

ربي يخليكم لي كلكم و لايحرمني منكم

سامحوووني يمكن زودت القصة انا يوم كنت اكتب كنت واااااايد مقهورة
بس اول ما رجعت من الشغل كان ولدي بحظني وظل الخميس والجمعة عندي حتى انه ما يبي الخدامة انقلب عليها
طبعا يروح يشوق وجهها ويرجع لي والجمعة خذيته البر يعني طول اليوووم ما شافها


الحين رد قلبي لي واليوم مو راضي اروح الشغل