حامل بالشهر الثاني والدكتوره حذرتني من الاجهاض ..ياليت تدخلون

اختي الغاليه

انا في بنتي كنت اروح للجامعه ..وما ادراك ما الجامعه ..... جحيم

المهم اني بنتي كانت وااايد نازلة وكنت احس بالم شديد بعد والدكتور قالي لازم ترتاحين وتستلقين كلما سمحت لج الفرصة

وسويت اللي قالي عليه وتركت الجامعه وكنت من اشوف كنب او سرير او مقعد مريح انبطحت فيه والحمدلله كاني ولدت وبنتي ماشاء الله عليها كملت السنه وشيء

يعني اختي نامي وارتاحي وانسدحي قد ما تقدرين ..وارتاحي ولا تركضين او تطلعين درج

الف شكر يالغاليه

من جد اسم على مسمى

ادفأتني نصيحتك
واثلجتي قلبي بتواصلك








الله عليك ياغصن صايره شاعره ......شفتي كيف اختي دفء الجليد اسمك طلع المواهب



الف شكر

لا تخافين حوامل كثير تكون عندهم نفس المشكلة واهم شي الراحة مثل ما نصحتك الطبيبة

ترتاحي وتقللي من شغل البيت ولا تحملين شي ثقيل ابدا ( طوال فترة الحمل )

ومع حبوب التثبيت والراحة ان شاء الله ماعليك الا العافية

والتغذية الصحية مطلوبة لصحتك وصحة الجنين

انا قبل اسبوع كان نزل عليي شي بني ماقدر اقول عنه دم ورحت للدكتوره و قالت لي كل شي سليم الحمد لله بس قد ماتقدرين ترتاحين

بس الحين خوفتيني تقولين تحسين بألم اسفل البطن؟ شلون صاير هذا الالم؟

لاني من امس احس بألم اسفل البطن كان شي يابس داخل بطني او كان الم اللي يسبق الدوره

اخاف لايكون البيبي نازل لاسمح الله

طمنيني :(

شوفي الي كاتبة ربي لك بيصير .. اذا كل الاطباء قالوا لك بتجهضين وربي كاتب لهالجنين انه يشوف النور بيصير غصب عنهم واذا عطوك كل حبوب التثبيت وسوى لك كل الي يقدرون عليه وربي كاتب لهالجنين انه ينزل بينزل بدون ماتقدرين تسوين شي

كل الي عليك انك ترفعين يديك بالدعاء لربك بعد كل اذان وفي آخر ثلث الليل وادعي ان ربي يثبته لك وسوي مايرضي ضميرك امام رب العالمين من انك ترتاحين وتتحملين مسؤولية هالطفل خليك دائما رمنسدحة ورافعة رجليك على مخده عالية والزمي الراحة ودلعي نفسك مره ولا تنحنين ولا تشيلي شي ثقيل ولا تمشين كثير ولا تسوين اي مجهود ولا تطلعين وتنزلين درج كثير يعني تحركي على خفيف مره مره

انا اعرف بنات كثير يسقطون من كثر الحركة وبدون حتى اي علامات واعرف بنات كثير سبحان الله يجيهم دم إلى السادس ويقولون لهم احتمال اجهاض وسبحان الله ربي يتمم لهم يولدون عادي

وإن شاء الله ربي يثبته لك ويفرحك بشوفته سليم معافى ان شاء الله

السلام عليكم والرحمه..

هلا ...

الغاليه ماعليج الا العافيه...

المهم ترتاحين وماتتحركين وما تشلين شي ثجيل..

والله يتمم عليج ان شاء الله وتشوفين الياهل بصحه وعافيه..

الله يعطيج الف عافيه..