تخيلي نفسج مكاني

السلام عليكم ورحمة الله وبركاته : أخواتي في نتدى عروس ،،، تحيه طيبه وبعد ،،

بدخل لكم في صلب الموضوع مباشرة ، عندي صديقه أعزها وأحبها وااااايد وأشعر بالراحه لما أتكلم معاها تعرفت عليها لما رحت الحج بحكم انو كنت مع حملة وهي بعد كانت من ضمن الحجاج في الحمله كنت معاها في مكة في نفس الغرفة تقريبا اسبوعين خذت رقمي وأخذت رقمها وبعد ما رجعنا من الحج صرنا نكلم بعض ونطلع مع بعض نكلم بعض باستمرار ،طول السنتين بس في الفتره الأخيره حسيت صار في خلل في علاقتنا يعني مرات أحسها ماتبي تكلمني أو ما لها خلقي يمكن لأنها صايره تداوم وترجع البيت تعبانه وعلى فكره هي يتيمه يعني لا ابو ولا أم ، يمكن تستغربون ليش كتب لكم هالقصه لكن الصراحه بعد قراءاتي لهالمنتدى أحس فيها ناس واعيه ومثقفه تساعد بعضها فممكن تعطوني ارائكم ومقترحاتكم شلون أعرف شو فيها واذا كانت تبي تكمل معاي ولا لا ، وشو ممكن اسوي حتى أبين لها مدى تعلقي بها واحترامي ومعزتي لها ،،،،

ولو بقدم لها شيء عربون محبه شو ممكن يكون هالشي ؟ واسمحولي طولت

ولكم جزيل الشكر وماراح أنسى من ساندني في مشكلتي والله يوفقه ويسدد خطاه واللي ماقدر يفيدني الله يجزيه خير على دعواته لي في ارجاع المياه الى مجاريها