حمى وزكام وبلاعيم....مع الحمل

السلام عليكم ورحمة الله وبركاته

اخواتي انا حامل في الشهر الثاني...
من امس وانا اعاني من البلاعيم والزكام...وما اخذت اي ادويه غير اني غرغرت بماي وملح ...واليوم حسيت بحراره في جسمي وبدوخه...قلت لازم استشير الدكتوره...

الدكتوره قالتلي في التلفون لازم تاخذين مضاد ووصفتلي مضاد اسمه amoxilوقبل ما اخذه طبعا قريت النشره ولقيت انه مكتوب عادي يستخدم وقت الحمل...بس ما ادري هل هو امان يستخدم في اول فتره من الحمل..خاصه انه الشهور الثلاث الاولى مهمه جدا ومطلوب الحذر فيها...

المهم اخذت من المضاد حبه الصبح وحبه المساء بس قلبي مب مطمن لانه مضاد واخاف انه يضر بالبيبي...والشي الثاني يوم زادت عليه الحراره اخذت حبة بندول عشان ينزل الحراره وكان فيه صداااااع فضييييع.....هل البندووووول له اي ضررر؟؟؟ :(

وثالث نوع من الادويه اخذت stripsils حبوب المص اخذت مرتين في اليوم مره الصبح ومره فليل...

هذا كله في يوم واحد اخذت 3 ادويه مضاد وبنادول وحبوب المص...... وانا الحين ميته من الخوووف..اخاف اني اخذت ادويه وايد...واخاف اكثر يكون لها اي ضرر على الجنيين...
:cry:
ياريت لو حد منكم يطمني ...او يكون استخدم اي نوع من هالادويه في فترة الحمل...

شي ثاني....تعرفون اي ادويه شعبيه ممكن استخدمها وتخفف اعراض الزكام والبلاعيم بداال هالادويه..؟؟.