تعالوا اخبركم شو سويت في أول عيد لي مع قلبي

السلام عليكم ورحمة الله وبركاته

ابدا كلامي بالشكر لاعضاء هذا المنتدى الذي اخذت الكثير والكثير من الأفكار والتي لم
تخطر على بالي وخاصة الافكار التي تخص الحياة الزوجية

ومن منطلق اعجابي بهذه الافكار زاد اعجابي كثيرا بالمنتدى وإلى الآن هو الافضل

ماراح أطول عليكم راح أقول لكم شو سويت في ليلة العيد
وهذي أول ليلة رومانسية اسويها
طبعا كل الليالي رومانسية بالنسبالي مع زوجي بس هذي غير

الليلة كانت حمراء
في البداية وزعت بتلات ورد أحمر على السرير ورتبت الهدايا بشكل حلو
والهدايا عبارة عن
عطر،ملابس داخلية،وفصلت له دشداشتين طبعا الدشاديش كانت في الكبت (الدولاب)
وغلفتهم بلون وردي وأحمر وحطيت حذالهم بطاقة اعايده فيه
وخذت ورقة لونها وردية ولفيتها بشريط الهدايا لونه أحمروكتبت فيها
حبيبي العيد فرحة
وفرحة العيد معاك غير
هذا اول عيد لنا مع بعض
وانشاء الله يكون العمر كله
اقبل الهدايا البسيطة مني
وعسى ان تنال اعجابك
وبعد ماتشوف الهدايا
ابيك تفتح الكبت
وطبعا انا معلقة في الكبت الدشداشتين

وزعت الشموع الحمرا في الغرفة
وحطيت في الكميدينو شموع وبتلات ورد
ويبت طاسة حلوة وخليت الشموع الحمرا تطفو
والله كان لمنظر يهبل

رحت للحمام وزهبته
شليت الاشياء الي مالها لزوم
ويبت سلة وحطيت فيها جل شاور والاسفنجة والشامبو
وكل شي جديد
وحطيت الشموع
واااااااو المنظر روعة

بعدين رحت وزعت بتلات ورد من الصالة لين الغرفة

وعقبها رحت واتكشخت
لبست لبس احمر وحطيت مكياج

وحطيت اباجورة في الصالة

واتصلت ل طويل العمر
اقوله يلا متى بتي ابي ارقد

اول مادخل استغرب من المنظر
قال معقولة هذي غرفتنا
واتفاجا بكل شي انا سويته واستانس عليها


بس خلاص خلصت الليلة الرومانسية