اذا لي معزة عندكم بتساعدوني

طيب ليش فجاه بينقلب مزاجك في شيئ معين بدور براسك يسبب لك هلحاله ؟ على العموم بس تشعري هيك حاولي تذكري بينك وبين نفسك حسنات زوجك وحطي ببالك انه ممكن يزعجه هالتصرف ويظن انك مش راغبه فيه ممكن بهالشي تجرحي شعوره حاولي تكونه بشوشه في وجهه اذا كان في شي في بالك حاولي تصارحين اختك او اقرب صديقه لك. وبيني له الاشياء اللي تحبينه فيه والطريقه الي تحبين يعاملك فيهازوجك واذا كنت حامل بالاشهر الاولى ممكن يكون احد اباب نفورك في بعض الاوقات وهو (الوحام) اتمنى ان لا اكون اطلت عليك ويكون في كلامي افاده لك

شكرا عزيزتي على الرد الجميل ،،

انا لست حامل ولا يقلقني هذا الموضوع ابدا ..

مع العلم ان زوجي مرح وحبوب وما عندي اي شي مضايقني منه ،،

هههههههههههههه
اختج مب احسن عنج و حطيت موضوع عن هذا بس انا شوي كنت صريحه مع نفسي و قلت الاشياء اللي ادور في بالي
اذا تبين انا و انتي بنحاول نتشارك و نتساعد

ياليت حبيبتي

انا مستعده اتساعد بس ابي احصل حل لمشكلتي

بختصار زين حبيبتي انا بالبدايه كانت افكاري متشددة و الصارحه الخوات ساعدوني جزاهم الله كل الخير

اول شي اختي النرفزه ما تيي جذي
يعني شو هو الشي اللي يضايقج
انا ماكنت احس بالحب تجاه ريلي يعني شخصيته بصراحه ما تعجبني وايد فكنت اتنرفز منه وايد

بعدين تحول الموضوع عندي الا ملل من حياتي مب مقتنعه بزواجي و ارتباطي
فصرت اكره كل شي حواليني .. الا بنتي هالشي الوحيد اللي حبيته صج و احس فيه بالسعاده
مع هذا اكره كل شي لدرجه ان احيانا ما يهمني اذا بيتي معتفس


بس الحينه قررت اني ارتب مشاعري و افكاري مثل ما قالوا لي الخوات اذا ما حبيته اليوم بحبه باجر ان شاء الله


انتي الحينه شو اللي يضايقج و يخليج متنرفزة ؟

عزيزتي
اجلسي مع نفسك شوفي سبب النرفزه
لاتقولين مالها سبب
حطي هالنقاط وشوفي حلها
عزيزتي يمكن الي عندك تغير في السلوك والمزاج ومايمنع تروحين عند اخصائيه نفسيه
ترا العلاج مو عيب
حاولي تفكرين بنقطتي
والله يسهل امرك

بصراحه خواتي

النرفزه ما تييني مني والدرب ،، يعني صج احيانا يتغير شعوري بين ثانية واخرى ولكن هو تراكم لمواقف حصلت ..

هناك اشياء ربما يراها البعض بسيطه ولكن هي تعني الكثير بالنسبة لي ..


مثلا ،،

هو لما تزوجني قال لاهلي انه ما يقدر يدفع لي رسوم دراستي لأن وضعه بسيط وآنا في جامعه خاصه ورسومها وايد وهو ما يقدر عليها ،، واهلي وافقو وقالو له احنا ناخذ ريال مب فلوسه ..

بس الحين احس باحراج من اهلي بعد الزواج واشوف صديقاتي ازواجهم يدفعون لهم وآنا اهلي يدفعون لي فاحس بنقص فيني عنهم ..

وفي اشياء بسيطة بعد تضايقني وآنا وايد حساسه ما اتحمل شي ،،

يعني مثلا اهو دوامه وايد طويل .. يطلع من الصبح وما يرد الا مع اذان المغرب وآنا انتظره واقعده احاتيه وما يتصل وايد بحكم انشغالاته في الشغل واذا اتصل فيه دايما يكون مستعيل وما يقدر يكلمني ،،

واذا رجع البيت انتظر منه لو كلمه حلوه .. يكون دايما تعبان وما له خلقي ،،




لو وحده منكم تمر في هالوضع شلون بتتصرف وشبتسوي ..

مع اني الحمد لله احبه وايد ومقتنعه فيه ،، وهو بعد وايد يحبني ..

السلام عليكم و رحمة الله
حبيبتي لو تسوين يعني مقارنة بسيطة, هو يشتغل طول اليوم و أنت قلتي أن دوامه طويل و انشغالاته كثيرة, يعني لا تعاتبينه لأنه مو سهل, بادري إنت بالكلام الحلو هو محتاج له و راح يحس إنك بتهتمين فيه, و ممكن يتغير كمان, أما فيما يخص رسوم الدراسة أهلك يدفعونها عنه وهم مش أغراب, يعني ما في داعي تضايقين روحك, و بصراحة أنا مو متزوجة بس مرات يصير أنه أتضايق بسرعة و أبكي على أتفه الأسباب و مرات من غير أي سبب, بس هذا راجع لتراكم عدة أشياء, بس الحمد لله الحين ما أضايق نفسي, لأنه ما فيه شئ بيستاهل.
أتمنى أكون أفدتك و إدعي لي الله يتمم لي اللي في بالي

وانا بعد مو متزوجه والله لايوريك نرفزتي على اشياء ما تسوى ما ادري ليش !!! ساعات اتضايق من نفسي لانه هالنرفزه دايم تطيح براس اهلي اما الناس الغرب لا ...ادري حرام هالشي ومالهم ذنب بس غصب علي وقاعده احاول اتعوذ من ابليس ....سمعت يقولون ان المشي مدة ربع ساعه يخفف التوتر و العصبيه ....جربيها يمكن تنفع معاك

البنات ماقصرو

ماأأقدر أقول غير الا بذكر الله تطمئن القلوب

حبيبتي السبب الاول هو ما له يد فيه
الشي الثاني انا يوصل مع صلاة العصر و العشا يطلع لربعه
الملل و الوحدة هيه اللي تنرفزج
لكن فكري فيها هو يشتغل حق منو مب عشانكم ؟
لو قلتي لنفسج الحينه ما بتنرفز هيه كم ساعه نكون فيها مع بعض عيشها بأحلى صورة
و ادعي ربج و استعيذي من الشيطان
وان شاء الله تقتنعين و تحاولين انج ما تتنرفزين عليه

حبيبتي عليج باذكار الصباح والمساء فانها خير زاد للمسلم وتخفف النرفزه وااااااااااااايد
اانا كنت انفسج ببدايه زواجي..تعرفون شو مشكلتنا نحن يالبنات..نحلم واااااااايد ونتخيل انه اللي بنتزوجه ملاك منزل من السماء ونغفل انه الكامل الله وانه نحن هب كاملين عيل كيف الرياييل اللي هب بشر منا وفينا

اختي ريلج ماله ذنب في انه ما يقدر يدفعلج الرسوم..هذي مادياته وظروفه يالغاليه وهو ما غشكم ولا شي بس هذي ظروفه وهالشي ما ينتقص من رجولته وهلج وافقو وصار النصيب وخلاص ..اختي تعودي لا تقارين حالج بحال غيرج ترا كل من له ظروفه والبيوت اسرار..وتذكري انه الرسول محمد سيد البشر عليه الف صلاه وسلام كانت مرته خديجه تصرف عليه ..هل هالشي قلل من قدره في عيونا وفي عيون سيدتنا خديجه..ابدا بالعكس صار هو رسول امه محمد وبعدين دينا يقول خذوهم فقراء يغنيكم الله حبيبتي تذكري هالشي
يمكن ربيعاتج الله عطاهم رياييل مقتدرين بس ما تدرين شو عيوب رياييلهم ترا محد كامل غير الله..ممكن ريلها ما يحسن معاملتها في البيت ويمكن ما يمزح معاها ودمه خفيف شرات ريلج..صح؟؟
شعور الندم هذا من الشيطان اللي يحب يخرب على المتزوجين
لا تعطين للشيطان فرصه وتعوذي وكوني صارحي ريلج او بأول باللي بخاطرج عسب لا تتراكم الامور في غلبج وتعميج عن السعاده

الله يسعدج

الف الف الف شكر لكم يا بنات وعسى الله لا يحرمني منكم

ان شاء الله استفيد من نصايح كل وحده فيكم

وياليت اللي عندها مواضيع او مقالات حلوه بخصوص الحياة الزوجية تحطها لي بستفيد منها وايد ،،

واللي تعرف اسماء كتب ممكن تفيدني تدلني عليها وتكتب لي اسمائها ..

الحل بسيط جدا بما أنك والحمدلله عرفتي او اكتشفتي مشكلتتج فهذا يعني نصف الحل والنصف الثاني هو التزمي وعودي نفسك انك تبتسمي أمام زوجك وتذكري الأجر من هذه الأبتسامه عند الله وكل ما حسيتي أن بتنعفسين وتنكدين على المسكين قاومي هذا الشعور بإبتسامه يعني ناقضي نفسك او عاندي نفسك بقوة ةتغلبي على الضيق مثلا إعتبري الضيق هي إمرأة جميلة تحاول تاخذ منك زوجك واكيد مش معقولة بتبخلي بأبتسامه عشان تحافظي على عش الزوجية


تحذيرررررررررررر:

العوانس واايدين يعني حطي زوجك في عيونج لا ياخذونه عنج

وووي فديته محد يقدر ياخذه مني

شجعتيني حبيبتي على الابتسامه وعناد الضيق

بقولج شي
انا في بدايه زواجي اكتشفت شي .. فقررت اني اخليه يحبني فما يفكر انه يجرحني

و صج قدرت اخليه يحبني

بس انا ما فكرت اني احبه ...

و بعد ما عرضت مشكلتي على البنات في المنتدى و جزاهم الله الف خير

قررت مع نفسي ان انا اللي احبه الحينه ...
...

و اذا عن الكتب في كتاب وايد حلو لصلاح صالح الراشد ... و اسمه كيف تكسبين محبوبك

و اذا تبين ان شاء الله كل يوم بنزل فقرة و شي تدريب يستغرق 14 يوم عشان تتخلصين من الافكار السلبيه في حياتج مع زوجج و تجعلين مكانها اشياء ايجابيه ...
و من الكسل اللي فيني اقول باجر ببدأ ههههههه

مسامحة حبيبتي

تأخرت عليج بالرد

انزين يالله نبدأ على بركة الله وآنا بانتظارج