ازالة الشعر بالليزر

أختــــــــي كم جلسه يعتـــــــــمد علي سماكه الشعر وطبعا يختلف من وحدة الي وحده انا قبل كنت اسوي لليزر عند الدكتورة فاطمه

المدني بس ودريتها الحين غيرت اسوي السوفت ليت لي يشقر الشعر في صالون ..

ليش ما كملتي عندها ما نفعج الليزر انا وايد خايفة من ان اسوي ليزر لأني بشرتي وايد حساسة

ما كملت اختى لانها ما قالت لي متي اخر جلسه او كم جلسه المفروض اخذهااا وسعرها كل جلسه نفس السعر المفروض الجلسه الثانيه

تكون بس شيك اب مثل البااااقي ، وفي بنات ويايه في الدوام مسوين لليزر عند سعاد لطفي ..

مشكورة الغالية على المعلومات ماقصرتي وانا سمعت عن سعاد لطفي وبعد عاشة القطامي

في رأس الخيمة بس غالية وايد كل جلسة سعرها نفس الثانية

اختي انا توني راده من العياده قبل نص ساعه سويت ليزر في منطقه الشنب في عيادة الخاجه عند الدكتوره منى وخذت عني حق فتح الملف 150 و الليزر 100 درهم وقالتلي عقب شهر تعالي
هو عقب ما سوتلي حسيت كانه منتفخ بس احساس والمنطقه كانت محمره وعطتني مرهم صغير قالتلي استخدميه لمده يومين ل 3 ايام وبس ... عاد عقب 3 ايام راسليني عالخاص اذا تبين اتعرفين النتايج اوكي الغاليه

انشا الله تكون النتيجة زينة وتستفيدين علشان أنا أسوي بعد
وأشكرك على الرد

بنت ند الشبا

وين عيادة الخاجه؟

ابي اعرف كل التفاصيل لوسمحتي عن الليزر اللي سويتيه عندهم

وبعد صالون السوفت لايت في شارع الشيخ زايد في دبي الليزر عندهم ب500 درهم بس اتسوين مرة بفلوس ومرة ابلاش


واعرف كم وحده امسويات عندها ويمدحونها واايد لا يطلع حب ولاشي وما يطلع الشعرالا بعد فترة طويله مثل شهرين والا ثلاث



وارجو اني افدتج في هذا المووضوع

أختي ام خلفان الصالون مضمون مثل العيادات أخاف يخربون الوجة لأن العيادات أحسن وأضمن تسوين عندهم الليزر وبعد النظافة عندهم غير
ومشكورة الغالية على ردك

أنا أبدا ماأنصحج تسوين ليزر عند سعاد لطفي ربيعتي سوت واستوى ثانيه يوم مكان الشعره كأنه كدمات سوده

انا بعد ودي اسوي

انا اسوي عند الدكتور على النميري

الويه مع نص الرقبه ب1250
ويعطيج كريمات للبشره
وفيه غيره في دبي عيادات متخصصه

احيانا تحسين انه الويه منتفخ ومحمر خاصة لو البشره حساسه
بس عادي يخف ويروح
واحيانا مكان الشعر مثل الحرق بس لا تخافون يتقشر ويطيح

بس يابنات الافضل تختارون العيادات الجيده وليس الصالونات

والله اشوف في قناة ام بي سي بلاوي الليزر والتقشير اللي يسوونها الناس في عيادات غير معروفه
واو مراكز تجميل غير مؤهلة

[grade="DC143C FF6347 FF0000 DC143C DC143C"]بسم الله الرحمن الرحيم

اختي ام خالد رعاك الله آمين 0

يعلم الله اني توني اشوف استفسارك عن اليزر اللي يشيل الشعر 0

اختي العزيزة انا بقول لك اللي شفته في اقرب الناس لي ابنتي عمرها 16سنة وفي وجهها بعض الشعر الخفيف لكن وش تقولين عن بعض بنات اليوم من القافة وحب المظاهر المهم ما احب اطول عليك رحنا لمركز ادمة شارع مكة با الرياض واللي تشيل به وحده اسمها غالية وبعد ما شافت ابنتي قالت يبي لك 4 جلسات و2000ريال قلنا بسيطه دامه مضمون على كلامك قالت نعم مضمون عملنا كل الجلسات كل سبوعين جلسة المهم خلصنا منها وجلسنا شهر لم يظهر الشعر وبعد الشهر طلع رحنا لها قالت بسيطة وتعمل لنا جلسة 900ريال ثم جلسنا شهر ومثل الاولى المهم ما همتنا الفلوس عند النتيجة الله لا يوفقها صار وجه ابنتي يحمر وفيه بقع سمراء ورحنا لها ووصفت لنا كريم وقالت ان بشرة ابنتك حساسة مع العلم ان اول مرة جيناها قايلة ان بشرتها عادية 0

اما الثانية بنت الجيران راحت لمركز ثاني ونفس الحكاية 0

والكلام المظبوط قاله الدكتور محمد العيسى عندنا في الرياض وفي مركز كبير ومشهور ومع ذلك ما كذب على الناس قال اليزر يشيل الشعر قؤقتا ثم يطلع واي واحد يقول انه يختفي للابد فهو نصاب وهذا الكلام الصحيح لذا انصحك بعدم الشيل شيلي با الطرق العادية احسن لك حتى يجي شئ مضمون 0

اتمنى لك كل توفيق ولا تنساقين ورى الدعاية 0[/grade]

اليوم عندي موعد عند الدكتورة سميحه هاذي اخت سعاد لطفي

وبسوي عندها ليزر بس بعد خايفه لأن بشرتي حساسه

وهي مسويه حق3 من ربيعاتي وكلهم يمدحونها
مليت من الحف وما شي حل الا الليزر
بس الله يستر

ادعولي
وانشاءالله اول ما ارجع بخبركم بالنتايج

اذا في حد من البنات جربوا الليزر فالمركز الأوروبي في العين تقولنا ؟؟


ويزاكم الله خير

:o:oأختي افلاجية مشكورة على النصيحة صراحة خافيت وايد انا سمعت من اطباء أن الشعر مايزول لكن يخف بعد سمعت من صاحبت صالون أن وحدة خسرت 10000 درهم وما استفادت ارجعت حق الصالونات تشيل الشعر بالطريقة العادية0000000000000الله يعينا

حلو انه الواحد يتخلص من الشعر بشكل نهائي بس الخوف من الاضرار

والله يوفقك كل وحده سوت الليزر و ان شاء الله يظبط معاها

مرحبا :smile:
أنا بعطيكم رأيي في هالمسألة .. الصراحة معرووووف في هالدنيا تدرووووون أحس إنه مستحيل إزالة الشعرباليزر ما يؤدي إلى آثار جانبية .. أصلا إنتوا
فكروا فيها إذا ما يطلع الشعر يعني بتكون المسامات مسكرة يعني ماشي عرق من وين بيطلع العرق إلا من المسامات
اللي في الويه :think:
وبعدين إحتباس العرق في الجسم يسبب أورام أو حبوب مثل ماتفضلت الأخت وقالت عن مزيل العرق
وهذا بالتالي سيؤدي إلى سرطانات الجلد والعياذ بالله ... عافانا الله وإياكم هذه الأمراض الخبيثة :sad:

الصراحة الواحد لازم ما يخاطر في هالشي إذا كان شي طبيعي عادي لـــــــــكن نفس هالأشياء الواحد ما يضمن
والضامن سبحانه وتعالى :no:
ومشكووووووووووووورين عالعموم :shy:

بس منو قال انه الليزر يشيل الشعر نهائيااااا


اصلا معروف انه فقط يخفف من سماكة ولون الشعر وايضاااا يباعد بين فترات ظهوره

يعني البنات اللي شعر ويهم مثل الوبر وغير ملاحظ مافي داعي انهم يسوونه

اما اذا كان شعرها سميك واسود وكل يومين يطلع<<<نفس حالتي سابقااا
في هالحاله المفروض انها تسوي اللليزر

الحمدلله الشعر يخف ويصبح خفيف وفترة ظهوره تطول

وعن الاحمرار والبقع

انا كنت اعاني منها بعد الليزر ينتفخ ويهي وشكلي يتغير بس الحمدللله كم يوم فقط ويروح كل شيء