اشلون انسى؟

بقولج شي


انتي مستحيل انج تنسين حبيبج الاولي لأنج عرفتيه لفتره ومب سهل انج تنسينه

بس خلاص انتي قلتي انه مابينكم نصيب ويمكن هو تزوج الحينه يعني كل واحد راح بطريق

وانتي لازم اتعيشين حياتج

وماشاء الله اثنين متقدميلج والله ياكثر البنات الي ودهن يعرسن

صلي استخاره يمكن ترتاحين لواحد منهم وتوافقين عليه

اصلن يوم بتعرسين

انتي مابتسمحين لعمرج انج اتقارنين ريلج بواحد انتي عرفتيه من زمان

لانج بتحسين انج اتخونين ريلج واكيد انتي مابترضين بهالوضع


اتوكلي على الله وصلي استخاره

والله يوفقج يارب

حبيـــــــــــــبتي انا حاسة فيكي.. ومتل ما قالت اختي صلي صلاة الاستخارة لانو بتريحك انشالله
واذا كنتي خايفة ما تحبي زوجك فبعتقد انو اذا عرفتيه ممكن تحبيه وممكن كمان تكتشفي انو انتي نسيتي الي قبل... اي وحدة لما تطلع من تجربة من هل نوع وما يكون في شخص تاني بحياتا بتبقى متذكرة الاولاني لانو هو شكل فرااااااغ بحياتا ما كان موجود اصلا قبل ما تعرفو لهل شخص ولما يروح هل شخص بيبقى الفراغ الي هو سواه.. بس لما يجي شخص تاني ويملاه رح تحسي انو بديتي تنسيه لانو على قولتك ما عرفتي غيرو... بصراحة انا بدي وصلك فكرة وحاولت عبر عنها قد ما بقدر وانشالله تكون وصلت...اذا ما فهمتي قصدي خبريني وبحاول اشرح بشكل افضل
والله يهدي بالك اختي

حبيبتي اللي نســــــــــــــاك أنســـــــــــــــاه

وأتمنى لج التوفيق يارب

اختي الغاليه
الدنيا هذه كلها اقدار مكتوبه للانسان
وكل شي قسمة ونصيب
الله ماكتب لج نصيب مع الانسان اللي حبيتيه
هذا شي مكتوب لج انج ماتاخذينه
عيشي حياتج ووكلي امرج لرب العالمين
وعسى ان تكروهوا شيئا وهو خير لكم

ماتدرين يمكن هالرجل اللي متقدم لج راح يحطج داخل عيونه
ويحبج ويموت عليج
وطبعا بالمقابل الله راح يحببج فيه وراح تموتين عليه انتي بعد

قبل كل شي سألوا عن الشاب المتقدم اخلاقيا
وصلي صلاة استخارة
ووتوكلي على رب العالمين
وانشالله نسمع احلى الاخبار عنج
بالقريب العاجل
موفقه يارب


دمتم سالمين
اختكم شريفة

لا تفوتينهم دندن
رح تندمي بعدين
والندم مارح يفيدج
والاخوات كفو ووفو

انا ممكن اسألج سؤال و ممكن يكون شوي جارح

بعد 10 سنين شو راح تفيدج ذكراه ؟؟؟
بعد 10 سنين تشوفين عيال ربيعاتج و خواتج و تسمعين ان عنده عيال شو راح تفيدج ذكراه
بعد 10 سنين شو راح يفيدج الندم على ذكراه


انا ما اقولج ان الحب ما يألم أو فراق الحبيب يأثر
بس انتي قولي لين متى ؟؟
صدقيني بيونج ناس أشكال و انواع الزين و الشين الطيب و الشري و انتي راح ترفضينهم بدون تفكير
و بعدين ليش ؟؟؟
لين ما بيي لج يوم تحسين انج كبرتي
حتى على ذكرى الحبيب كبرتي
بتتمنين اي ريال المهم ريال و السلام و مب من حقج تتشرطين بالعكس تتمنينها من الله و يمكن في صلاتج تدعين ان حد ايي و يتقدم و في داخلج تقولين اي ريال ان شاء الله شيبه بس اشوف ياهل يمشي وراي يقول ماما


صدقيني صدقيني ما في حد اي حد مهما كان يستاهل انج تضيعين احلى ايام عمرج عليه

ياااااااااااااحبيبتي يا دندرن

اصحي ياقلبي لاتهربين من واقعك ترا هذا اكبر خطأ
حطي ببالك شغلة وفكري فيها زين
هو عنده زوجة ,, وعنده عيال ,, وبيت ,, وعايش حياته ......... وانتي ؟؟
قاعدة تتحسرين على ايامك ,, وذكرياتك ,, وحبك ,,

شفتي الفرق اقسم بالله فرق كبير والله لو فهمتي قصدي زين وتمعنتي بكلامي بتوافقين على واحد من اللي خاطبينك بسرعة طبعا احسنهم خُلُقاً

يعني خلاصة الموضوع والله شئ يقهر هو عايش حياته وانتي قاعدة
حاولي تخلين وضعه مركز اثااااااارة بالنسبة لك يعني اذا تذكرتي انه متزوج وعنده اولاد ومن الى صدقيني بتشيلين بقلبك اكثر واكثر وبتشوفين وقتها حياتك

الله يوفقك ان شااااااء الله ويزوجك ولد الحلال الصالح يارب

اسمعى نصائح الاخوات فعلا كلهم كلامهم صححححححححح

شوفي حبوبة أنتي جدامج الحين فرصتين بدال الوحدة ,,

و بالنسبة لأوهامج إنج ما راح تتقبلين الشخص اللي بترتبطين فيه أو أو أو ... الخ ,, أنا سمعت إن أي شخص مقبل على علاقة جديدة

و كان في السابق لها علاقة ,, الأفضل إنه ما يقدم على العلاقة الجديدة إلا بعد 6 شهور تقريباً و أنتي أخذتي 10 سنين يعني فرصة

كبيييييرة و كافية لأنج تتخلصين من اللي أنتي فيه ..

راجعي نفسج و شوفي حياتج و صدقيني إنج لما بترتبطين بأي شخص ما راح تفكرين في غيره لأنج ما راح ترضين بهالشي ..

و الله يوفقج و يكتب لج اللي فيه الخير ,, توكلي على الله و استخيري ..


و إن شاء الله ما نسمع عنج إلا الأخبار الطيبة ..

السلام عليكم ورحمة الله وبركاته

وااااااااااااي ياريت اقدر اطبق كل هذا

زين انتوا تقولون تزوجي واحد من الثنتين

بس لو تعرفون منو اهم؟
بقولكم كل شي

انا الله يسلمكم بنت كويتيه عاديه لا ملتزمه حييل ولا فري حييل يعني بنت تخاف ربها عاديه
احب البس واحب اطلع عادي ومريت بتجربتين حب الاولى لمن كان عمري 17 اول مره احب اهي اول مره اكلم كان شاب طائش بس كان يحبني يعني عمره ما جاسني علشان احطكم بالصوره بس كان عنده سوالف بطاليه "يعني يشرب " بس قبل لا تعلق فبه المهم مرت الايام والاهل طاحوا على اني اكلمه وصارت لى مشاكل مع الاهل وكنت معانده الا ابيه كنت ابي اتزوجه كنت ما افهم كنت ياهل المهم امي قالت لى لو تموتين ماتاخذينه ومن ذاك اليوم وامي ماتكلمني علشان غلطه كل انسان يغلطها ومع الايام انا هديت الشاب بعد ماشفت ان مستحيل ان نتزوج لان اصلنا غير اهوبدوي وانا حضريه وحياته غير وتفكيره غير ولو اهو انسان ملتزم جان اهلى عادي زوجونه بس اهو ماكان زين المهم عقب سنتين بالغلط تعرفت على واحد وكان خوووش واحد كان انسان فعلا انسان والله يوفقه كان يخاف الله علمن اشياء وايد زينه بس هم مكان في نصيب الله مو كاتب اني اخذه بس علاقتي معاه محد كان يدري عنها يعني لا اهلى ولا احد الا رفيجتي يعني حبيته وانتهت العلاقه ولا احد دري عني ومت من القهر لمن افترقنا لاني والله للحين احبه بس شسوي مو بيدي لو بيدي جان انا خطبته بس مهما يكون كل واحد عنده عزه نفس وكرامه المهم ادري طولت عليكم بس قبل جم يوم طلعت مع وحده تصيرلى مع الاهل المهم انا حيييل وياها وقالت لى انا بقولج سالفه قتلها شنو جان تقولى اشرايج باخوي ؟ جان اقولها ليش جان تقولى امي تبي تخطبج حق اخوي ها اشرايج؟ انا الصراحه مادي شنو صار فيني موقف ما اعرف اشلون اتصرف فيه جان تقولى تري امي قالت حق امج وامج قالت ماعندها مانع جان اقولها بس امي ماقالت لى ولا شي "لانها ماتكلمني " وطبعا البنت هذي تعرف سالفتي كلها ان امي ماتكلمني وقالت تدرين امج شنو قالت حق امي جان اقولها شنو قالت ان واحد يصير حق امج خاطبج "هذا الى يصير حق امي عنده اكثر من شاب وكل واحد احسن من الثاني بس المشكله انهم بدون وتوهم ماخذين الجنسيه" المهم انا اهني انصدمت ان اشلون امي قالت لهم الخبر هذا وانا الى لازم اعرفه ماقالته لى انا تعبانه حدي لان اخوي البنت الى تصيرلى كويتي وشهادته ثانويه واهو عادي يقطع بالصلاه وشوي متين اما الى يصيرورن حق امي انا ماادري منو فيهم يبيني لان في 3 اكبر منى واحد عمره بال 30 والثاني اكبر منى ب 3 سنوات وكلهم زينين بس المشكله انا اخاف ارفض الى يصير حق البنت وبالاخر امي ماتقولى ان الى يصيرلى من طرف امي خاطبني ..... وبعدين انا ما احب المتان بس قلت اخته تعرف كل سالفتي وامها طيبه وابوها طيب بس اخوي متين انا اخاف ما احبه لان متين شسوي وبعدين يقطع بالصلاه


يارب فهمتوا علي؟
مشكورين وايد والله لايحرمني من قلوبكم الطيبه

قطي كل شئ ورا ظهرت وتزوجي الى متقدملك وانسى الافات هو بعد تلقينا متزوج

وعندا عيال ..

يا عمري
يا حبيتي
يا بعد قلبي انتي
انا اقولج تزوجي و انسي اللي فات
بس لا تتزوجين و انتي مب مقتنعه
لانج بتكرهين حتى اللي كنتي تحبينه
صدقيني بتكرهين الدنيا كلها

تزوجي بس تزوجي و انتي مقتنعه و مفكرة في كل الاطراف

و بعدين تعالي
كيف تخلين امج زعلانه منج و ما تكلمج ولا تكلمينها
انتي كم ام عندج في هالدنيا
ما تخيلتي باجر لو بعيد الشر ماتت و هيه ما تكلمج تعرفين شو مصيرج جدام ربج
شو بيكون احساسج و انتي تضيعين سنين من عمرج من غير ما تكلمج
يا الله كيف عندج قلب هذه امج
انا ما عرفت قيمه امي صدق الا لما يبت بنتي
لا تظنين ان امج ما تحبج عسب جي ما تكلمج هذه ام و انتي ما تعرفين شو يعني ام

حبيبتي يا قلبي اول شي سيري عند امج و ردي علاقتج معاها سوي المستحيل المستحيل عشانها

و بعدين فكري تعرسين بس بشخص ترضينه من كل النواحي لا تاخذين واحد حتى بالشكل مب عاجبنج و بعدين تقولين ندمانه ترى حتى الشكل احيانا مهم ولا جان الله حرم النظرة للي يبا يخطب


ما اقول غير الله يهديج و يسعدج

انااشوف انك انتي مستسلمةوانتي ماتبين تنسين
انامااقول النسيان بايدك
لكن لاتضيعين يومك كلةوانتي تفكرين شلون انسى
اناقريت جزءمن قصتك اللي كتبتيهابالاخير
واقولك مدامك نسيتي اول مرةصدقيني بتنسين المرةالثانية
بعدين الىمتىبتضيعين عمرك صدقيني العمرراح يمشي
سواءنستي اوتذكرتي
بعدين احب اقولك الجاي لصلاةالاتخارةواستشيري امك
واسالوعنهم وماخاب من استشار
وترىالحب بيجي بعدالزواج
اتمنىافدتك

اختي الغاليه استخيري شنهو الخسرانه فيه استخيري مره ومرتين وثلاث حتى توضح لك الصوره استخيييييييري

وبالنسبه لامك ترى تعرفين الجنه تحت اقدام الامهات والله يبعده عنها لو صار في امك شي الله يخليها لك ان شاء الله
لو ماتت ؟؟؟؟ شنهو بيكون شعورك ؟؟؟؟
وترى هي مازعلت منك من قبل الا لانك انتي السبب في زعلها لاتنسين
وانتي تقولين تخافين ربك صح طيب مدام تبغين ربي يرضى عليك كلمي امك والله هي الوحيده اللي بتنفعك مو الناس والله يهديك ويصلحك ان شاء الله وتكونين من اللي ملتزمات كثير :) مو عادي :)

اقولج احسن شي انج تستخيرين ربج وما خاب من استخار استخيري في الاثنين اللي تقدمو وبعدين إذا تقدموا رسمي استخيري اكثر عن مرة