قصة في غاية الروعة من تأليف_أحلى حب_

دلع بنت مثل فلقة القمر شعرها مثل الحرير أسود وطويل كتير يعني بنزل لتحت خصرها بكتير لانها ما بتقص منه الا اطرافه وبتعتني فيه بشكل ممتاز واحلى شي انه كثيف واله لمعة، وعيونها بلون البحر الصافي زرق على رمادي واسعات ورموشها كثيفة، بشرتها موردة واحلى شي خدودها المليانين اللي دائما حمر وبيعطوها مظهر طفولي وحلو، كل ملامحها ناعمة وصغيرة، متوسطة الطول ومليانة شوي، طيبة ورقيقة ومرحة بس شوي لسانها طويل، عمرها18سنة في الثانوية العامة فرع علمي ذكية كتير وشاطرة وطيوبة أبوها متوفي من حد ما كانت صغيرة وإمها هي دكتورة في الجامعة مثقفة وذكية وطيوبة...عندها 3أخوة وأختين......
أحمد26سنة بشتغل مع عمه وشركتهم مدموجة مع بعض شخصية قوية وحلوة بس عصبي وغيور متزوج من قمر بنت عمه ومعهم وعد سنتين ونص وقمر حامل في شهرين.....
أمل25سنة متزوجة إبن عمها محمد وعندهم عبدالله 5سنوات ومروان3سنوات والصغيرة حلا سبع أشهر.
هشام23سنة بدرس طب في لندن
دارين22سنة ممرضة حلوة وناعمة كتير كتير كلها على بعضها مثل اللعب في شكلها الرقيق عيون رمادي واسعات وشعر بني على كستنائي فاتح طويل وخصله مموجه بشرتها بيضا طويلة ومليانة هادية وحساسة.
فارس20سنة بدرس بالجامعة إدارة أعمال شخصية حلوة وجذاب لدرجة كبيرة ومتفوق في دراسته عمه وعده يعطي منصب مهم في الشركة بعد ما ينهي.....ويتخرج......مع انه احيانا بالاجازات بروح بداوم معهم، هدا غير عن انه عامل مثل روميو عصره واوانه هههههههه بحب هيفاء بنت عمه التاني ومقرر يخطبها بس ينهي ويتخرج..........


بعد يوم دراسي شاق وصعب ومتعب ركبت دلع بعد ما خلصت من المدرسة مع اخوها فارس اللي مثل دائما بمر عليها لحتى يرجعها على الفيلا وفي طريقهم سألها: كيف هيفاء؟
ضحكت دلع: الحمدلله مثل دائما
فارس: دلع ......
دلع: نعم
فارس: جد بحكي
دلع: يعني شو هالسؤال طبعا بخير ما في جديد ولا قديم شو يعني بدها تكون انخطبت
فارس بعصبية: فال الله ولا فالك
دلع: ههههههههههههههههه سوري استاذ روميو
فارس: دلع قصري لسانك الحق مش عليكي الحق على اللي بسألك اوكي
ضحكت: خلص هدي اعصابك بس
فارس: المهم كيف المدرسة معك
دلع: الحمدلله لولا هالمعلمات
فارس: ليش ايش فيهم؟
دلع: بيعطونا مليون واجب
فارس: يعني شو بدك تروحي عالمدرسة تتسلي
ضحكت دلع: ههههههه لا انت التاني قصدي كتير بيعطونا وظايف
فارس: شو متوقعة ما انتي علمي.
دلع: لا متوقعة ولا متنقعة
فارس اطلع في اخته بعدين: ههههههههههههههههههههههههههههههههه والله انك تحفة ههههههه الله يعينها هيفاء عليكي كيف متحملتك.
ضحكت دلع: حرام عليك شو شايفني
فارس: اسمعي بس تحكي معها سلميلي عليها طيب
دلع بهبل: على مين؟
فارس: دللللللللللللللللللللللللللللللللللللللللللع
ضحكت كتير وقالتله: طيب طيب خلص شو قالولك عني ما بسمع
فارس: بتجنني الواحد
دلع بدلال: طبعا من جمالي
اطلع فارس على اخته وهو بضحك: بهاي معك حق ما قلتلك؟
دلع: شو؟
فارس: بتعرفي لمين بدي ازوجك؟
دلع باهتمام اطلعت عليه ( على بالها حد عليه القيمة ههههههههههه): مين؟
فارس: لأمير؟؟؟؟؟؟؟؟؟؟
دلع بعصبية: شووووووووووووووووووووووووووووو؟
فارس وهو بضحك: شاوي ان شاالله ليش مش عاجبك شخصية وحلو و.....................
قاطعته دلع بقرف: واعرج.
فارس بعصبية صرخ فيها: دللللللللللللللللللللللللللللللللللللللللللللللللللللللللللللللللللللللللللللللع؟
دلع بخوف:نعم؟
فارس: نعامة ترفسك من امتى هالحكي بتحكي ماما ما علمتك تتكبري عالناس
دلع سكتت اصلا كلام اخوها صح وهي مش عارفة ليش هيك قالت حست بالقهر من حالها وبدت الدموع تتجمع في عيونها واطلعت على اخوها: آسفة.
فارس لف وجهه عنها: اعتذارك مش مقبل ولا تبقي تعيديها انتي مش احسن منه سامعة
هزت دلع راسها ونزلت من السيارة بعد ماا دخل فارس السيارة في مكانها المعتاد ودخل وراها عالفيلا فشاف دلع واقفة مع مرت اخوهم وبنت عمهم بنفس الوقت قمر والصغيرة وعد واقفة ورا امها لازقة فيها فضحك فارس وقال: السلام عليكم ورحمة الله وبركاته.
قمر بابتسامة: اهلين فارس وعليكم السلام ورحمة الله وبركاته.
فارس: ليش وعد متخبية وراكي شو عاملة
ضحكت قمر واطلعت على بنتها: وعد حبيبتي وقفي قدامي يلا اشوف
هزت وعد كتافها بدلع وما قبلت فضحك فارس ومال حملها ورفعها بالعالي وهي بتضحك في براءة دلوعة العيلة.........
وهم واقفين بحكوا رن التلفون اللي في الصالة فردت الخدامة وبعد بشوي اجت الخدامة قالت لقمر: مدام تلفون الك؟
قمر باستغراب: مين؟
الخدامة: الأستاذ أمير اخوكي.
إبتسمت قمر وتركت وعد مع عمها فارس وراحت ترد على أخوها أمير بينما دلع ما عجبها لوت بوزها مترين وفارس لاحظ واطلع فيها بنظرة عصبية شوي راح يخنقها فلاحظت نظراته لالها وحملت حالها وطلعت على غرفتها مع كتبها وأشياءها...............
قمر: أهلين أمير الحمدلله بخير كيفك انت؟
أمير: الحمدلله عايشين شو بدي احكي ماما عازمتكم كلكم عالعشا اليوم؟
قمر: اليوم؟ طيب ما قلت لأحمد
أمير: بلى بس حبيبت اقولك حتى ما يكون عندك اشي
قمر: لا متفرغين ما في شي عنا
أمير: احسن
ضحكت قمر: وانت شو اخبارك
أمير: مثل ما احنا كيف وعد حبيبتي
قمر: الحمدلله بخير شقية فارس حاملها
ضحك أمير: هدا فارس نكتة عامل حاله روميو زمانه الحنون
ضحكت قمر وهي بتطلع على فارس اللي حامل بنتها: يعني.
أمير بارتباك: قمر.......
قمر: هلا
أمير: دلع بدها تجي معكم؟
إبتسمت قمر بس ما علقت على سؤاله وجاوبت: اكيد مرت عمي واحمد ما بيتركوها لحالها وحتى لو عندها دراسة.
أمير حس براحة وسألها: كيفها؟
قمر: الحمدلله بخير بس
ضحك أمير: بس شو؟
ضحكت قمر: مش ملاحظ انك بتسأل عنها كتير هالفترة؟
أمير بارتباك: ها لا بس ما هي بنت عمي عادي يعني
قمر وهي فاهمة عليه: اكيد ما فيها شي.
وهون دخل أحمد وقال السلام ولما شاف قمر بتحكي عالتلفون اطلع فيها بنص عين وسألها: مع مين بتحكي يا حلوة؟
إبتسمت قمر وبعدت السماعة شوي: أهلين حبيبي مع مين يعني؟؟؟؟؟؟؟؟
ضحك أحمد: قمر؟
قمر: مع أمير تاخد تشوف
أحمد: لا كملي كلام انا طالع ارتاح
قمر: طيب
أمير: شو بدت الغيرة؟
ضحكت قمر: انا عارفة المهم كيف ماما؟
أمير: الحمدلله بخير.
بعد ما سكرت قمر التلفون عن أخوها اطلعت على بنتها وعد اللي لزقت في عمها فتركتها معاه وطلعت تشوف أحمد.......
غرفة دلع
كانت أشبه في جناح فنادق بتجنن في لونها الأزرق والوردي سواء في الستائر ولا في الاثاث الحلو والمميز..................كانت واقفة تمشط شعرها الطويل بعد ما غيرت مريول المدرسة ولبست تي شيرت لونها أحمر وتنورة جينز متوسطة الطول بقت مثل الملاك الحقيقي......بعدت الفرشاة من ايدها وحست بضيق من حالها" يا ترى ليش انا هيك قلت عن أمير ما في اطيب منه بس....." حست حالها بجد كانت متكبرة بس هي ما كان قصدها.............
أمير عمره27سنة شخصية بغاية الجاذبية والاناقة حلو بس عصبي كتير وشخصيته قوية عمل حادث قبل سنتين مما أدى لإصابته بالعرج على طول في رجله اليمين ومع هيك هالشي ما نقص من ثقته بنفسه او حتى من وسامته وجاذبيته............كان خاطب بس خطيبته تركته وقت الحادث بعد ما جرحته بكلامها ومن وقتها ما رجع فكر في بنات فيا ترى ممكن يدخل الحب قلبه من جديد؟؟؟
دلع الها دور في حياته ولا لا؟؟؟؟؟؟؟؟؟؟؟؟؟؟
والمزيد من الاحداث في التكملة
بتمنى يعجبكم هالجزء القصير
اذا عجبتكم بكملها