اخواتي ارجوكم افتوني في امري

السلام عليكم ورحمة الله وبركاته وبعد ،انا بصراحه صرت احس ان المنتدى هذا جزء مني واحب اخذ مشورتكم في اشياء كثيره حتى المهم فيها انا بقولكم قصتي من باب الفضفضه ومن باب انكم تشورون علي انا انسانه الحمدلله فيني طيبه وخوف من رب العالمين شاء الله ان اعجب بشخص زميل لي في العمل وهو ايضا اعجب فيني تعرفنا على بعض اكثر حتى وصلت العلاقه للحب مابي تكون قصتي تقليديه او اسمع منكم كلام تقليدي انا الحمدلله ماني مراهقه او ان هذه اول علاقه كانت لي علاقه مع شخص اني لكن ماكان فيه توافق ابدا.
المهم اللي ابي اوصلكم اياه اني انا على ثقه بان الشخص اللي احبه الان يحبني لاني اختبرته في مواقف كثيره وتاكدت من صدق مشاعره تجاهي المشكله انه في بداية العلاقه فتحنا موضوع الارتباط وفهمني ان يمكن يكون صعب شوي وانا اعرف هذا الشي لان عندنا ومايخفى عليكم اننا اهل الخليج فيه مفارقات قبليه بين بعض الناس وخصوصا ان والده هو كبير القبيله بالنسبه لهم وعائلتنا مايصير ياخذون منهم ولاهم نفس الشي وغير هذا بحكم علاقتي فيه اللي الان صار لها اربع سنوات تعرفت على اخته الوحيده وامه لكن من ناحية امه بسبب انها تزورنا احيانا في العمل وعزمتنا عندها في البيت وكأنها حست ان في شي بيني وبين ولدها مع انها من بلد عربي يعني مو منهم ولا مننا الا انها يوم قالها عن الارتباط وعن علاقتنا قومت الدنيا وقعدتها وهددت انها تعلم ابوه.
وبعدين كلم هو ابوه عن موضوع الارتباط وما تتصورون ردة فعله طرده من البيت وماتكلم معه لمدة شهر كامل ،شفتو مثل كذا اب مايدور سعادة عياله انا انهرت وقتها وخصوصا ان اهلي جدا متسامحين وماعندهم مشكله من ناحية العوايل اهم شي يكون انسان مستقيم وخلاص.
من طبعي انا اني مااحب اكون في الظلام صارحت امي واختي الكبيره بعلاقتي فيه وكلم امي وارتاحت له اصلا هو انسان جدا ذوق واخلاقه مره حلوه والله موعشاني احبه بس جد هو انسان محترم ،المهم مرت الايام وقلنا يللا على امل الامور تتعدل بعدين قالي خلاص شوفي حياتك انا مارح اوقف في طريقك انا ماقدت لكن هو جبرني وبعدنا عن بعض شهر ،وبعدين رجعنا مره ثانيه ول واحد محتاج الثاني اكثر انتو ماتتصورون هذا الانسان وقف معي في مواقف كثير ناس اتخلو عني وعن اهلي وهو وقف معنا وانا وقفت معه مواقف اهله وخصوصا امه وابوه تخلو عنه لان همه بس يبون فلوس منه وبس.بس فيهم حب السلطه لدرجة ان ابوه زوج اخوانه اللي اكبر منه بالدين والسلف وهو اللي اختار زوجاتهم وكلهم اختيار فاشل وحده منهم صغيره لدرجة انها تسب حماتها قدام زوجها وتسبه هو ومايتكلم وسبب اختيارهم للبنت انها من قبيله رفيعة المستوى.المهم شاء الله انه تجيه فرصة عمل في مكان ثاني براتب ومنصب احسن سافر واشتغل في مدينه ثانيه ومازلنا مستمرين مع بعض كل واحد مننا سند وقلب للثاني الى ان فتح له ابوه موضوع الزواج من وحده ابوها شي في العايله وهو اصلا ما بعد استقر ماديا حتى في مكانه الجديد بس الاب يبي يناسب العايله هذي وبسمن دون مايفكر ،هو رح موقفه رفض الزواج ولمح لابوه انه يبي يرتبط فيني انا تدرون وش رد ابوه هدده انه يذبحه ويرميه في البر وحلف ان يسويها .
بس اقنع ابوه انه رافض فكرة الزواج وقال لي اذا ماقدرت اتزوجك على الاقل مااتزوج قبلك وانا ماحد يتقدم لي ولا ابي الا هو ودايم ادعي في كل وقت.
مرت الايام وكملنا اربع سنوات وقلبلته مره وقلت له اني احبه واني ماعاد اقدر استغني عنه وقلت له اننا مو محتاجين اهله وممكن نرتبط من غيرهم او غصب عنهم بس قال لي اسف بصراحه هو من النوع اللي يقدر العايله وابوه مع انه جبار وجاف.والحين هو في مدينه ثانيه عايش لحاله يجي يزور اهله من فتره لفتره ويشوفني احيانا ،والمشكله الثانيه اني انا مو مرتاحه في شغلي ولقيت عرض للعمل في المكان اللي هو فيه وجدتي ساكنه هناك يعني ممكن اروح عندها بس محتاره ،وفي رمضان فتحت له موضوع الارتباط وقلت له لازم تسوي شي عشان اللي بيننا قالي انتي عارفه .وخصوصا ان كثير من اصحابه تزوجو عن طريق الحب وصار بيني وبينه نقاش حاد وبعدنا عن بع بعدين رجع لي وهو مريض باللاكتئاب والحين علاقتي معه متذبذبه،الله يخليكم انا مهما كتبت وقلت ماراح اشرح مواقف ولا ايام من هذي العلاقه الي هي حياتي كلها وبالذات اني انا محرومه من الاستقرار العائلي والانسان هذا عوضني عن اشياء كثيره مااقدر ابعد عنه ولا هو يقدر بس كيف اقدر لرتبط فيه مااقدر احرضه على والديه بعدين ربي يعاقبني انا محتاره اول انسان احسه فهمني ولا تقولون لي انه مرحله او نزوه لآ .لنه مو اول علاقه لي بس كل شي فيه هو اللي ابيه واللي فيني هو اللي يبيه بس ابيه بالحلال تصدقون دايم ادعي واستخير ومهما نبعد نرجع مره ثانيه ارجوكم انا محتاجه لدعواتكم ومحتاجه لارائكم بس ردوا علي بشي يطمني والله دايم ادعي ادعو لي اني افرح في هذا الانسان واكون زوجه له قبل ما اموت عطوني ادعيه فيها تضرع واجابه باذن الله ردوا علي ارجوكم انا مهما كتبت لكم يمكن ماوصلت شي من اللي في داخلي ولا تقولون ان هذي مرحله تمر في حياة اي وحده انا قربت على الثلاثين ماني صغيره ارجوكم اخواتي ادعو لي وافتوني في امري.