خطوبتي انفسخت..

ياحبيبتي هونيها وتهون


يمكن مو نصيبك ... وعسا ان تكرهوا شيئا وهو خير لكم

ادعي ربك يهون عليك

بسم الله عليك ياغاليتنا ياsadlove

هدئ من روعك واسترخي وخذي نفس عميق وقولي من قلب مخلص (( اللهم اجرني في مصيبتي واخلفني خيرا منها))

حبيبتي .. لا تقنطي من رحمة الله .. مهما كان ترى ربك عند ظن به اذا ظنتي خير حصلتي خير والعكس بالعكس

ياغالية إذا انتي بعدك متمسكه فيه حاولي تدخلين طرف ثالث للصلح بينكم

ولو ذكرتي سبب الخلاف نحاول نحله معك ونعطيك اقتراحات تناسبك

وحافظي على الاذكار ياغاليتنا والمعوذات وايه الكرسي

وبإذن الله بإذن الله راح نسمع اخبار مفرحة في القريب العاجل

اله يهون عليج ويرزقج ولد الحلال الي يسعدج
اختي الغاليه بس شنو السب الي خلاكم تتخانقون والي خلاكم تفسخون الخطبه

بس مولازم اهوا بنفسه يخبر اهلج


اختي استهدي بالله وانشالله زعله بسيطه وترد الاموور مثل ماكنت
ويمكن يكون لحظه غضب منج ومنه بس لمن ترتاحون بتردون تتصالحون وانشششششششششششششششششششششالله تتصالحون
وربي يوفقكم

فعلا أختي خذي نفس واسترخي 00000وقولي لنا السبب يمكن انشاء الله نقدر نساعدك وكل مشكلة لها حل اذا كنتي فعلا تحبينة لا تستسلمين حرام كل شئ ينتهي وانتوا تحبون بعض0

حبيبتى


الله يهون عليج يارب


بس انت ماذكرتى شو السبب ؟؟؟



حتى لو مابغيتى تذكريه لا تكونى متسرعه وعصبية وزعوله حبيبتى فكرى فى الكلام الى دار بينكم


وشوفى منج ولا منه الغلط

وانشاء الله تكون زعله بسيطه وتنحل


وترجعوا زى العسل



هونيها حبيبتى وتهون


وما ذاقت الا مافرجت

وكل واحد ياخذ نصيبه

السلام عليكم

والله خواتي سبب الخناقه مدة الخطوبة..هو حدد سنه عشان يجهز بيت الزوجية وانا واهلي وافقنا.. بس اليوم ونحن نتكلم على التلفون بما انه في بلاد بيني وبينه قالي انا محتاج سنه و 6 شهور.. طبعا انا تفاجئت لأنه غير كلامه.. سألته شو السبب ؟ قالي ظروف .. انا الصراحه زعلت.. اهلي ما يعرفون وما ادري شو بيكون رد فعلهم على هالتطويل؟ قلت له انت كل يوم بكلمة عطني كلمة وحده

والكلام يجر كلام فقلت له على سالفه انه خالتي يابت عريس يبي يتزوج بس هو مشترط انها تكون موظفه وطبعا أمي قالت الكبيرة لأ لأنها مخطوبة .. وموب موظفه.. فاختاروا اختي لأنها موظفه .. هو خذ الكلام على إني ادور على واحد جاهز وعنده فلوس حلفت له انهم بياخذون اختي لكن مافي فايده..

انتي انسانه مادية.. ودخلت السالفه في كلام يجرح.. خلي العريس الغني ينفعش انتي واهلش.. انا قاعد اجمع بين وظيفتين وما انام الليل بسبب الشغل وانتي تدورين الغني..افهمه بكل الطرق ومافي فايده..يهديك يرضيك..وهو مصمم وكأنه ما صدق لقى حجة.. ولما لقيت لهجته صارت حاده وكلامه صار يخوف ويجرح هديت انا معاه الكلام قلت اخزي الشيطان ولا تخسرين خطيبش..بس للاسف ماقدرت اجاريه في الكلام..الكلام نازل مثل المطر .. مدفع رشاش..وكلام من هالقيبل.. هذا اول الجنون انتي بعدش ما شفتي شي؟؟ وكلام تهديد يخوف جدا..

وإما تكونين زوجتي انا أو تموتين بإيدي..ووصلني منه إيميل الحين..يقول مابتحسين بقيمتي إلا لما ترتبطين بغيري وبتم احبش لين ما اموت..

قعدت أبكي من الصدمة ماتوقعته عصبي ومجنون بالهشكل ..وين اللي كان طيب وخلوق وريايل العيلة معجبين فيه.. معقوله قدر يضحك عليهم معقولة؟؟ هل اسامحه واعطيه العذر لأنه مضغوط يتعب في شغله عشان نتزوج ويأثث بيت الزوجيه بأسرع وقت خاصة انه وضعه المادي موب لين هناك..ولا أتركه من الحين ؟

ياربي من الغلط انا ولا هو ؟

اختي سالفتج عاديه ... اهو اكيد محتاج وقت عشان يجهز نفسه وخصوصا في بلد ثاني ... انا مثلج بعد انا وزوجي في بلدان مختلفه وصارلي تقريبا سنه كامله مالجه وناطره لمه يجهز نفسه ويستعد للزواج ... عادي حبيبتي بالعكس خليه ياخذ وقته عشان يقدر يعيشج بمستوى حلو وما تندمين عليه ..

علي العموم انا لو منج ادق عليج واجرب معاه واخذه بالكلام الحلو الطيب وارجع كل شي مثل ما كان ... خصوصا انه يحبج وانا اعتقد لو انه بايعج جان ما رجع وقالج انه يحبج ورح يظل يحبج ...

تحياتي والله يصبرج

وعل سالفه العصبيه حبيبتي كل ازواجنا عصبين ولازم نستحملهم مهما كان ومو معقوله بتزعلين من كل كلمه بيقولها غلط ... مافي انسان كامل والكمال لله سبحانه....


قولي لنا شنو يصير معاج ....

حرام عليكم تتضاربون على شي تافه وانتو تحبون بعض


فديتج دقيله وقوليله انج اسفه

او طرشيله مسج يكسر الخاطر

يمكن تعود المياه لمجاريها


والله يوفقج يارب

وترجعون حق بعض

وعسى ان تكرهو شيئا وهو خير لكم
اختي تصبري واحتسبي الامر عند الله

اذا الله رايد لك عيشه معه بتاخذينه لو بعد حين

صلي لربك وادعي له يفتح قلبك ويهديك الى الخير

غيرك ياقلبي لهم 6 سنين وللحين موقادرين يلتمون على بعض من المشاكل والصعوبات والظروف
سنه و6 شهور قليله
بس اذا هو مضغوط بيعصب يومين او اكثر عقب بيرجع لك ياااااااااااااااارب يجمعكم على خير

شوفي حبيبتي اكيد ضغط الشغل وخصوصا انه جامع بين وظيفتين يعني الصبح والليل ظروف كل وظيفة ومشاكلها يخليه مظغوط فالانسان اذا مظغوط من جهة وحدة يتعب فما بالك بجهتين واكيد انه ما ينام كويس وهذا ظغط ثالث علية وكمان تفكيرة في البيت و مسؤوليتة والظاهر انة كمان متغرب على حسب فهمي للموضوع 0
لازم تعذرينه حرام0000وكل هذه الظروف والله تخربط عقل اكبر حكيم0
وهذا اذا كان فعلا رجال ويستاهل زي ما قالوا لك رجاجيل العيلة على العموم كل ما الخطوبة طولت كل ما كان احسن لك لان الزمن بس بيكشف شخصيتة الحقيقية الزمن فقط0
وتأني لا تقولين لاحد من أهلك شئ عن موضوع فسخ الخطبة يمكن يندم ويحب يتراجع اذا تم الموضوع بينكم اما اذاطلع الخبر فا ظن ان الرجعة عليه بتكون صعبة شوي وزي ما يقولون أترك مساحة للاخر حتى يستطيع فيها الاعتذار0
لكن انتبهي تكوني انتي البادئه ومرة ثانية اذا هو شد ارخي وياليت تعاملينة بشعرة معاوية وانشاء الله ربي يوفقك0

.... والله كلامكم احلى منه مافي..وكلكم احسكم تحاولون اني ما أنهي الخطبه.. جزاكم الله ألف خير

بس كرامتي توجعني يابنات.. كيف ارجعله بسهولة وهو يهددني ويصرخ علي وانا بعدني ما صرت في بيته.. معنى هذا اذا اجتمعنا في بيتنا مع كل مشكله بيتبع أسلوب التهديد والوعيد وكاني طفلة.. وانا أريده ينتبه أني موب صغيرة عشان يهددني وانه في شي أسمه نقاش..اذا كلامي غلط ياريت تصححولي..

حبيبتي اذا فيه باب للتفاهم والصلح لا تصكينه تحاورو في هدوء واعرفي منه الاسباب اللي خلته يوصل لهالمرحلة من العصبية ويقول هالكلام دامه طيب ويحبك حاولي ما تفرطين فيه بهالسهوله والله يكتب لك الخير وين ما كان

هلا عيوني فدك1980طمنيني عليك؟؟
اشوفك موجودة معانا

قعدت أبكي من الصدمة ماتوقعته عصبي ومجنون بالهشكل ..وين اللي كان طيب وخلوق وريايل العيلة معجبين فيه.. معقوله قدر يضحك عليهم معقولة؟؟ هل اسامحه واعطيه العذر لأنه مضغوط يتعب في شغله عشان نتزوج ويأثث بيت الزوجيه بأسرع وقت خاصة انه وضعه المادي موب لين هناك..ولا أتركه من الحين ؟

ياربي من الغلط انا ولا هو ؟






هذا اختى انت حطيتى له عذر وعذر مقنع بعد


خليه شوى احين

واتصلى فيه بعد شوى وقوليله انج اتحبينه ومابتكونين لغيره


وشويت كلام حلو وتنحل السالفه لا تنقهرين وتضايقين حبيبتى

ماشاء الله البنات ما قصرو و عطوج حلول .. اتصلي فيه و وكلميه .. ترا هالايام من تحصل الوحده ريل تشبك فيه بيديها وريولها :D2

لا صدق انتي اتصلي عشان ما تخسرينه ... وعقب ما تصالحون فهميه انج ما تحبين هالاسلوب ولازم فيه مناقشه وكل اللي في قلبج قوليله

بس ها عقب ما تصالحون وتصفى القلوب تقولين هالكلام... مب اول ما تكلمينه

و طمنينا

[grade="00008B FF6347 008000 4B0082"]
اذا يا وصالحج لاتردينه تصالحوا وتفاهموا وتوكلي على الله

وهذا نصيييييييييب

موفقه حبيبة قلبي دنيا وآخرة باذن الله تعالى [/grade]

اختي الكريم السلام عليكم ورحمه الله وبركاته

انا ما بختلف مع البنات الي قالو لج روحي وصالحيه ... والصراحه انا احط الغلط عليج ,,, كان ممكن باسلوب ثاني تحسسينه ان المده الي طلبها طويله مع اني انا ما شوفها طويله عندي بنت خاله مسكينه انتظرت خطيبها 3 سنوات يكون نفسه ... وناس مثل ما قالت اختنا سنوات وسنوات ... انااعتقد انك انتي الغلطانه .... ورجعي وكلميه.... الريال مثل الطفل .. يحتاج مسايسه... ولمه يشوف المسأل تضرب عناد ممكن يعاند على حساب حياتكم الشخصية

شغله ثانيه اذا بتحسبين مسأله الكرامه في كل شي في حياتكم عيل ما بتعيشين الحياه الزوجيه حياه تنازلات ورحمه وتفاهم وتقدير .. معلش هو اليوم عصب .. بكره يمكن انتي اتعصبين .. انتو توكم .. معلس قعدو وتفاهمو ... الكرامه ما تنحسب في نظري إلا عندما يوصل الأمر .. إلى الخيانه ... بس انتو الحمدالله الكل حاسدكم على بعض .,.. كل شخص وفيه عيوب ... يمكن الريال زين مثل ما يشفوونه الناس بس عيبه انه عصبي .. ويمكن انتي نفسج فيج عيوب ... انا ما بطول عليج اختي اقولج رجعي واتصلي وصلحي امورج والحين عرفتي ان خطيبج يتحسس من الامور هذي لا تفتحين معاه الموضوع هذا وخلج دايما في صف خطيبج وشرح حق اهلج سبب التأخير ..الي بنطرج سنه بخليج تنطرين ست شهور .. عشان تتعرفون على بعض اكثر وخليكم تتعرفون على بعض اكثر .. صلي على النبي ... استفسار هل انتو عقدتو ... ولا بس خطبه ... ؟
في كلاالحالتين لا تخسرين الريال علشان السبب التافه .......لأن حرام حاولي تقضين على مسأله الكرامه .. انتي مثل ما قلتي توج يديده في المجال هذا يعني لا تتسرعين .. اليوم عندج خطيب بكره لأ ..... لا تتركينه الا لسبب يحسسك انك فعلا ما تقدرين تعيشين معاه .. والله يصلح بينكم وسامحيني مره ثانيه على الاطاله.

تحياتي والله يبارك لك امين
وسمعيني اخبار زينه مو شينه

السلام عليكم ورحمة الله وبركاته

دخلت ابي اقولج بس البنات مشاءالله ما قصرو

توكلي على الله الغاليه

ولا تضيعين على عمرج
تراكم تحبون بعض وحرام تخسرون بعض
والله يكتب لكم كل خير

وطمنينا الغاليه

نترياج