اللي عندها مشكلة ويا الفطريات........بليز تساعدني

السلام عليكم ورحمة الله وبركاته،،،

أختي العزيزة بنت البحرين،،
أول شي مبروك مقدماَ على الزواج،،،

وثاني شي الكبسولات لكبار الي عطتج الدكتورة وايد زينه وقالت لج تستخمينهم ثلاث ليالي صح!

المهم انه بعد صار عندي فطريات ورحت المستشفى الحكومي ولا احتجت الى اخصائية ولا شي ،استخدمت الكبسولات وعطتني كريم مثل نوعية الكبسولات، والحمدلله استفدت منه وايد.
وبصراحه أنه الفطريات اثر علي في الحمل، شهرين من تزوجت ما حملت وبعد العلاج الي قلت لج عن الفطريات حملت مباشره فأنتي لا تهملين نفسج واهتمي بالنظافه الداخليه،
والدكتوره قالت لي لان الفطريات تسبب ارتفاع الحموضة في عنق الرحم ولما تجي الحيوانات المنوية يكون الوسط حامض يؤثر عليها وتموت ومن جذي ما توصل الى البويضات.

انتي لا تحاتين ولا تخافين بس حطي الشي ببالج ،

والله يطمنج وبريح بالج يارب ياكريم،،،
والله يرزقج بالذرية والخلف الصالح يا منان،

ودمتي بود غاليتي،،

[size=3]حبيبتي.. كيف الدكتورة اخذت العينة و انتي زواجك بعد اسبوعين؟؟[
و الكبسولات الـ 3 تقصدين انها تحاميل؟ او للبلع؟/size]

مشكورة اختي (جمجوم) وجزاك الله الف خير... اي صح الكبسولات حق ثلاث ليالي ... وانا سألت الدكتورة بعد اذا كانت تأثر على الحمل قالت لي اي كانت المنطقة ملتهبة راح تقتل الحيوانات المنوية.. بس انا احاتي لان اعرف وحدة تأخر حملها اكثر من سنة من هالالتهاب.. زين بسألج بعد ما قالت لج يمكن العدوى تنتقل حق الزوج اذا كانت المنطقة ملتهبة ولازم ياخد مضاد هو بعد؟؟؟؟

مشكورة اختى على الاطالة وماتقصرين يالغالية والسموحة

اهلا الاخت (فوانيس) ... الكبسولات هي تحاميل ومو للبلع.

احنا عند بالبحرين الملجة يعني الغقد والزواج وانا ملجت من زمان ( 7 اشهر) والحفلة بعد اسبوعين

هلا اختي

حتى احنا الملجة عقد و زواج

المهـــــم

استخدمي غسول مهبلي اسمه بيتادين ..ممتاز
بالاضافه الى الادوية اللي وصفتها لك الدكتورة
و الف سلامة
و مبروك مقدما

السلام عليكم ورحمة الله وبركاته،،

هلا وغلا أختي بنت البحرين،

أول شي ابغى اقولج لا تحاتين وتخوفين روحج وان شاءالله كل خير، ومثل ما قلت لج انه استخدمت التحاميل وعلى طول بعدها حملت وانه وقت مارحت للدكتوره وقلت لها اني شهرين من تزوجت وما الله كتب اني احمل وابغى تسوين لي فحوصات، قالت لي البنت تبقى بالسنه ما تحمل وهي طبيعيه والدوره منتظمه والهرمونات طبيعيه،هاي الشي عادي، والفحص يسوونه بعد السنه اذا البنت ما حملت،انه عطتني الكبسولات وقالت لي الموعد الجاي بعد العلاج اخذ منج عينه ولا رحت لها ولاشي والحمدلله انه اكلمج عن تجربه وماهي قديمه والحمدلله انه قريب بدخل الشهر الرابع.

وثاني شي حاسبي على روحج مع النفسيه ترى كلش مب زين وخصوصا انتي مقبله على زواج ( بالتوفيق ان شاءالله) والنفسيه لها دور بعد في تأخير الحمل ، انتي تفائلي بالخير وان شاءالله كله خير.

و الزوج ما يتأثر ولا يصاب بالعدوى من الفطريات، العلاج لج انتي بس.

الله يطمنج ان شاءالله وتفرحين بعرسج وبحمالج يارب ويرزقج ويرزق كل محرومة يا رب العباداللهم آمين،

ودمـــــــــــتي بـــــــــــود يالـــــــــغالية،،،

]
السلام عليكم ورحمة الله وبركاته

مشكورة اختي جمجوم طمنتيني الله يريح حالج انتي والكل انشاء........والله ماتدرين شكثر احاتي مع ان الغير يقول لي انتي للحين ماتزوجتي وجذيه ؟؟؟ الله كريم انشالله

واشكرج مرة ثانية حبيبتي