سؤال عن إبرة الظهر

ماقدر اجاوب على كل تساؤلاتج بس هذه الروابط بتفيدج:

ابرة الظهر مالها وماعليها

اللي جربت ابرة الظهر اثناء الولادة،، تخبرنا عن تجربتها/إيجابياتها وسلبياتها

حقنة الظهر

ابرة الظهر

ابره الظهر ( ألأدميرول)

ابرة الظهر.......ضروووووري

اللي جربت ابرة الظهر في الولاده تدخل وتقول تجربتها


أما ألم الولاده........عادي صراخ وبجي بعد :cry:
ادعيلي الله يسهل علي ....باقيلي شهر واسبوع :cry:

جزاج الله كل خير أختي على المساعدة ..
: )

يعني لزم التخريع يا قود موذير انا بروحي خايفه من هاليوم من اول ماقالولي مبروك انتي حامل

صدقتي يا روز ..
أنا بروحي معتفسه وخايفة من يوم الولادة ..
..
في بنات يقولون ما تحسين بالولادة ..
وفي بنات يقولون طلعت عيونا لحد ما وصلنا 9 ..

شي يخوف صراحة .. : (
الله يهون علينا

أنا ما أخوف أحد بس اقول الحقيقة....علشان كذا افكر اخذ ابره الظهر :think:

[align=justify] بسم الله الرحمن الرحيم

اللة اعلم لكن مشهتكون اصعب من الولادة
اسئلى الدكتور و فدينا:think:









:cool2::cool2:

الله يهون على الجميع ان شاء الله
بس يقولون ان ابره الظهر لها سلبيات
والله اعلم

هلا خواتي .. الله يهون عليكم يارب وتولدون بالسلامة ..
..

أنا سألت دكتورتي عن إبرة الظهر .. وقالت إن ببريطانيا وأمريكا الأمر عادي وأغلب الحوامل
يستعملون هالابرة وقت والولادة .. بس هي تدري إني من قطر وما نصحتني بهالشي لأنها ما تعرف
مستوى كفاءة الدكاترة عندنا .. وقالت حرصا على سلامتي ما أستعملها .. وقالت لي أستعمل الإبرة
الموضعية اللي هي الطريقة التقليدية في الولادة ..
..
وانا بسمع كلامها لأنه فعلا صح ويطمن .. والله يعين إن شاء الله : (

بس خاطري افهم هل من زود الألم يستعدي الصراخ ! أحس إنها مبالغة ما ادري ليش !

انصحج تقرين قصص ولادات العضوات :D2

@@ من كلامج يتضح لي إن صج في صراخ : ( الله يستر ..
بقرا وبرد لج خبر ^_^

ههههههههههههه الله يهون عليج حبيبتي ,,

ما لي شغل في مسألة إبرة الظهر و جذي ,, بس اللي سمعته إن كثير من الحمّل يتجنبون إبرة

الظهر هاذي عشان سلبياتها و بعدين خبرج الكفاءة عندنا الله بالخير ,, فتحملي و لا تحاتين ..

و عن تجارب لأخت ريلي و بنت عمي و كانوا حمل في البجر .. الحمد لله كانت ولادتهم متيسرة بدون صراخ

حتى الدكتورة تقول حق أخت ريلي " أول مرة أشوف وحدة هادية وهي بتولد " ,,, و بنت عمي كانت راصة على شفايفها و قت

الولادة لحد ما تشققت بس ما صارخت .. و ولادتهم كانت طبيعية و الحمد لله ..

الله يطمنا عليج و يهون و ييسر عليج الولادة إن شاء الله ,,

الله يهون عليج اختي وتقومين بسلامه بس ماانصحج لانه هالابر لها مضااار وسلبيات واللي تقولج لا سوري على كلمه جذابه لان في ناس وااايد خذوها وبعد فترة انشلوا من حركه

لان هي تدخل باعصاب نهايه ظهر وهي فقرة صغيره وهذي منطقه لاسمح الله حتي لو صار للشخص حادث ينشل تماما لانها مركز للشعيرات الحسيه بالجسم كله

فتحملي منها

واذا ماتقدرين وخايفه سوي عمليه قيصريه الكل اللحين يسوي هالعمليه لامنها صراخ ولاالم ولا بتعورين

تسلمين أختي على نصيحتج ..
وكلامج أكيد صح .. بس على حسب ما عرفت ان ابرة الظهر ما تدخل الاعصاب ..
تدخل غضروف الظهر بس وهالشي يحتاج كفاءة مو كل الدكاترة يقدرون على هالشي ..
..
من ناحية العملية القيصرية تشوه البطن .. عشان جذيه الولادة الطبيعية وايد أحسن ..

والله كريم إن شاء الله
..

انا سمعت ان ابرة الظهر تكون في ولادة وحدة بس وعادة في البكر لأن تكرارها يضر.. واعرف وحدة دكتور اجنبي هو اللي ظربها الابرة في اول ولادة لها وعادي ما شا الله عليها كله تمام.. لكن الابرة كانت مثل ما قلت في اول ولادة لها بس

جزاج الله خير أختي على النصيحة ..
فعلا كلامج مهم .. تكرار الإبرة في الولادات الثانية لها تأثير سلبي او لا ..
..
صحيح إني ما جربت ألم الولادة لكن مع ذلك أنصح خواتي إنهم ما يستعينون بالأشياء الصناعية ..
صحيح إن العلم يتقدم ولازم ننتفع به .. لكن لو كان الشي قد الثقه وصار أمر عادي وقتها نقدر نسويه ..
لكن الحين صعب .. خاصة وإني قريت في موقع إن حريم صادهم شلل .. يعني عاهه مستديمه مالها علاج ..
..
الله يبعد عني وعنكم السوء ..
و عـ الطبيعة كل شي أحلى ..

: )

السلام عليكم والله يابنات انا عن نفسي اخدت ابرة الظهر في كندا جدا كانت رائعة وفعلا ما حسيت بالولادة ابدا صح الها مضار اذا صار حركة بالغلط بس انا غامرت وسويتها والحمدالله ......اي استفسار انا حاضر

مراحب أختي ريم ..
وفعلا ً بأمريكا الوضع يختلف عندهم كفاءة كبيرة .. والوحدة متطمنه وهي بتنحقن بالإبرة ..
مثل ما قلت أنا حالياً مقيمة بأمريكا والدكتورة اللي تعالجني أمريكية وما نصحتني أبدا إني آخذ هالإبرة بقطر ..
خاصة بعد ما قلت لها إن الدكاترة عندنا مو كفاءة .. طيب انتي لما خذتي الإبرة هل قالوا لج في الولادة الثانية
لا تاخذينها أو شي ثاني ؟
..
وتسلمين أختي على معلوماتج ..

أقوا ما أنصح في لأنه وحدة دكتورة قالت لقريبتي لا تسوينها لأنها مب زينه

وعن ضررها تكون خطرة لأنها توضع في الحبل الشوكي وأي غلطة بسيطة يمكن تؤدي للشلل


والله يحفظكم

أختي أرنوبة المشكلة أن في الدوحة ما عندنا كفاءة ..
يعني لو كنا في أحد الدول المتقدمة مثل بريطانيا أو أمريكا ..
كنا استخدمنا الابرة هذي بدون خوف من أي خطأ ..
..
عموما كلامج صحيح .. وجزاج الله كل خير ..