:::: شهر عســـــــــــ ماليزيا ــــــل :::

السلام عليكم ورحمة الله وبركاته

مبروك يالغالية والله يتمم بخير أنا أنشالله عرسي بيكون شهر 2 وشهر العسل نفس الشي في ماليزيا على كل حال الجو بيكون بارد يعني أخذي معاج جاكيتات وهالموقع أتمنى أنة يفيدج ومبروك ثاني مرة ويمكن أنتلاقى أهناك بس مانعرف بعض هههههههههههه........
http://go.3roos.com/NtDK6b3eo0R

مشكوره وما قصرتي يالغالية1 .. وان شاء الله نتلاقى هناك ما تدرين ... بس انا كنت ابى من تجربة عرايس راحوا من قبل وعرفوا الوضع كيف هناك في ماليزيا من جو واماكن واسعار والترتيبات كلها .. انتظر ردودكم بليز

بقولج عن زيارتي الأخيره لماليزيا ... كانت زياره مع الأهل

الجو في ماليزيا واحد طول السنه نفس ما عرفته يعني ما عندهملا برد و لا حر جو معتدل و مقبول

و أحلى فندق سرته و يناسب العرسان هو كراون بلازا (Mutiara) كوالالمبور

و تقدرين إتسيرين مناطق مثل جينتينغ ... و كالات السفر بيقولون إلكم عن المناطق الموجوده و أحلى شئ جريب البحر

طيب في شهر ذي الحجة يعني بعدشهرين
ماليزيا
وش يكون جوها عادي أو برد
ولكم جزيل الشكر

السلام عليكم ورحمة الله وبركاته يا عرايس

خواتي انا رحت ماليزيا مرتين و اعتقد اني عندي معلومات بتفيدكم

اولا الجو استوائي يعني لاعندهم لا صيف و لا شتا بس عندهم اشهر مطر يعني الموسم و هو تقريبا من 11 الين اخر 12 او واحد........... بصراحه تاكدوا لانه في الاشهر العاديه المطر تقريبا كل يوم يعني في اشهر المطر ماتقدرون تتحركون

و بعدين الجو دافي الى حااار يعني ما تحتاجين لبس ثقيل وايد ............احيانا يكون حلو بس عموما دافي .. امممممم و الرطوبه شوي عاليه

الاماكن

الجزر جمييله و رومانسيه

انا زرت بيننق بصراحه يعني..... ما عجبتني وايد .. .....هي حق التصوير رووعه بس ووااااااااااااااايد حر و رطططططططططوبه ماتستاهل اكثر من 3 ايام
فيها شويه مناطق زي القلعه .. و مزرعه الفواكه ( جربوا اليح الاصفر موجود بس في ماليزيا) و حديقه الفراشات = في وحده في كوالالمبور نسخه منها بعد يعني روحوا وحده منهن ( مالت كوالا لمبور اكبر )

كوالالمبور حلوه وكبييره يعني اسبوع مش حرام فيها .. و مولاتها حلوه

يعني اوكيه حق السياحه و التسوق .. تقدرون تزورون اماكن و متاحف و مناطق تاريخيه و قصور و بعدين التسوق فيها جنان

نصيحتي اذا تريدون فندق رائع مالكم الا mandarin-oriental هذا بابه بالتوين تور ( المبنيين العملاقين الي في ماليزيا ) وااايد فخم وراقي و مكان الفندق روعه يعني في اهم نقطه في العاصمه
بس
بشكل عام الفنادق مستواها وايييد زين يعني حتى ال4 نجوم زي 5 نجوم اوروبا بعد اذا تريدون شي ارخص جربوا كراون برنسس شوي ابعد عن الابراج بس تحته مول و عندهم عرب يساعدون السياح العرب في تعريفهم باهم المناطق و هكذا
اممم شو بعد
روحوا صن واي لاقون هذا منتجع و فندق و مول على الستايل الفرعوني يبعد عن مركز المدينه 45 دقيقه بس يستاهل روحة يوم كاامل


عندكم بعد منطقه المثلث الذهبي الحين مش ذاكره اسمها بالماليزي بس هالشارع وايد مشهور و كله مولات بكل المستوايات يعني من الرخييص الين الماركات العالميه كلها ... تقاطع ثلاث شوارع و المولات على الجهات الثلاث

بعد في مول اسمه ايتام ون وووووايد كبيرررر يهد من المشي و شوي بعيد ( انا ماعجبني ) لانه المحلات الي فيه مكرره من المولات السابقه و مايستاهل 30 دقيقه للطريق

حديييقه الحيوانات روعه لاااازم تروحونها

اممممم

جنتنج هذي منطقه في الجبل فيها فندق على راس الجبل(كله سحاب) و حديقه العاب حلوه و فيها تلفريك بس من رايي ماتستاهل تنزلون في الفندق الي فوق شوفي منتجع شوي تحت و اسمه اونننه هو ملعب جولف و خيول يعني مكان روومنسي واييد و احلا شي فيه الفطور الصبح الجو يجنن و المناظر رااااااائعه ( المنطقه فوق بارده شوي تحتاجين شي ثقيل شوي)

روحوا جزيره اسمها مكاوي يمدحونها للعرسان ! اعرف وحده راحتها شهر عسل و ستانست بس بصراحه مازرتها


هذا الي في بالي الحين اذا تذكرت اي شي برجع

الله يوفقكم و يوفقني

دعواتكم :)

مشكوووورين خواتي MoonStones وماسة دبي معلوماتكم عطتني فكره عامه ما قصرتوا ... وانا ابى بعد من خبرة اللي راحوا من العرايس بعد اكثر وياليت اللي راحوا في اخر شهر 1 بستفيد منهم وايد عشان اعرف شو اخذ من الملابس معاي ... انتظر ردودكم :)

I'm WAITING

وانا معاج انتظر ردود البنات لان زواجي بيكون ان شاء الله منتصف شهر واحد وناويين انا وخطيبي نروح ماليزيا ,,ياليت تقدروا تفيدونا بنات..

تحياتي,,

مايحتاج تاخذون ملابس ثقيله
لانه جوهم دافي ورطب

واكيد لا تنسون الجواتي تكون مريحه في النهار يعني الكعب العالي والرفيع ماينفع للمشي

بس خلوه حق الكشخه بالليل تروحون مطاعم

والبناطيل بتكون اريح لكم
وطبعااا لاتنسون واقي الشمس شيء اساسي

ومبروووووووووووووك وموفقين ان شاء الله

مشكوورين وهذا العشم فيكم .. ويمكن تعبتكم شوي بس مالي غيركم ... ابى اسامي الاماكن السياحيه والفنادق اربع نجوم في كل مكان .. وتسلمون مقدما ً

انا رحت شهر عسلي وكان في شهر ابريل
عموما الجو واحد طول السنة

حر ومطر

وكان جدولنا كالتالي


3 ايام كوالالمبور في فندق اسمه شنغريلا
وبعدين 5 ايام في بيننغ وكان الفندق اسمه جولدن ساندز ريزورت
وبعدين 3 ايام في لنكاوي الفندق اسمه شيراتون بيردانا
وبعدين يوم واحد في جنتنغ والفندق اسمه جنتنغ
وبعدين يومين في سن واي لاجون ف فندق على اسم المنطقة وهذا الفندق روعة فيه فلل صغيرة مثل السويت لللي رايحين شهر عسل وفيها بركة خاصة والغرفة جنان
وبعدين يومين مرة ثانية كوالالمبور في فندق اسمه ويستن

كلها فنادق 5 نجوم وراقية جدا ومع الفطور الصباح

الله يوفقك

اي معلومات ثانية انا مستتعدة

مشكوره اختي Happy Tooth كفيتي ووفيتي ... اذا ممكن ابى معلومات اكثر عن صن وي لاقون وين مكانها بالضبط يعني في العاصمه ولا برا .. يعني اذا اتبعت نفس جدولج ونزلت من جنتيتنغ لسن وي لاقون كم بحتاج وقت وشو فيه غير عن باقي الفنادق .. ويسلمووو :)

مبارك عليكم

انصحج بموقع خطير فيه بوايه كامله عن ماليزيا بالصور بعد
اسمه
www.travel4arab.com

العرب المسافرون بينفعج لانه كله مواضيع عن تجارب الناس في السفر ورحلاتهم بالصور ..واذا مامشى الرابط اللي حطيته اكتبي الأسم في قوقل وبحث بيطل باذن الله؟؟؟؟؟؟؟؟؟؟؟؟

وشكرا

كمان انا سافرت لها شهر عسل بس كان بصيفية . بالنسبة لانكوي مدينة رائعة جدا ..وهي عبارة عن شاليهات فنادق وكل واحد احسن من الثاني ولا الجو خيال اذكر الليلة الاولى الي قضينا فيها كان مطر شديد والرعد عمري ماشفت منه يذكرني بالافلام اذا نور الرعد دخل جو الغرفة المظلمة لان الجدار الرابع كله قزاز ويطل على الشاليه ومنه تشوفين البحر .
ادري طولتها .............ز بس وناسة ولو اقول كل اللي عندي كان الى بكرة .
الله يسعدكم وانبسطوا ............. وفرفشوا شهر العسل ما ينتعوض طول العمر . حتى لو سافرتي لها ثاني مرة ماتكون مثل شهر العسل
جعل ايامكم تكون دائما عسل ×عسل

هلا حبيبتي

سن واي لاقون من جنتنغ يعني يمكن يبغى لك ساعتين بس وهي على حدود كوالالمبور
وباقي الفنادق كلها شي راقي و5 نجوم واذا حجزتي فيهم اعطيهم خبر انه شهر عسل
لان الاستقبال بيكون غير اللي بيجيب ورد واللي كيك وغيره
بصراحة مكان رائع والله يوفقك

اي سؤال او استفسار عن التفاصيل
ارسلي على الخاص

رحيق المسك .... الله يبارك فيج حبيبتي

راعيه العيون ... مشكوووره الموقع فيه خبرات حلوه واستفدت وايد منه وبكمل قراية فيه

عروس2002 ... هذا اللي ان شاء الله بنسويه بنحاول نستانس بكل لحظه تمر علينا :)

Happy Tooth ... صج صج ما قصرتي حبيبتي


والحين خذت فكره عامه عن ماليزيا وبنرتب ان شاء الله مع وكالة السفر وبنرتاح في سفرتنا :)

مرحبااا عرايس

ابى اخبركم عن الجدول اللي رتبناه حق سفرتنا لماليزيا لشهر العسل

السفره بتكون 12 يوم من 28\1 ال 9\2

اول خمس ايام بتكون في كوالالمبور في فندق مندارين اورينتل

بعدين اربع في جزيره لنكاوي في هوليدي لنكاوي فيلا او لنكاوي لاجون للحين ما تأكد الحجز

بعدين 3 ايام في كوالالمبور في فندق الماريوت وبيكون للتبضع

طبعا خلال تواجدنا في كوالالمبور بنطلع لجنتغ وملقه ونرجع في نفس اليوم وبنروح حديقة الفراشات والزهور والطيور

وبنروح عن طريق وكالة سالم وطلع علينا 10860 وبيكون مصروف الجيب بحدود 5000

شورايكم ؟؟؟؟ واللي عندها اقتراح لا تبخل علينا

اختي Happy Tooth
ممكن اعرف كم كلفتش الرحله
وعلى اي وكاله سافرتو؟