~*¤®§(*§أم تـحــت المـجـهـــــر (1) جـمــــــانـة §*)§®¤*~ˆ°

هلا و غلا بـ عيون اي دي

و يعطيج ألف عافية على جهودك بالركن و على هذا الموضوع الحلو

و يا هلا و سهلا يالغالية جمانة عروس ركن الطفل

حبيت اسئلج عن تجهيزاتج لغرفة المستشفى؟
شو الافكار اللي قدرتي تنفذينها؟

فكرة حلوة اختي ام مصبح

واختيار اول موفق ........ توني ادري ان جمانة صارت مشرفة على ركن التربية والطفل ... مبروك ام حسون

بانتظار مشاركة البنات وانا بعد بشارك ما بقصر

السلام عليكم و رحمة الله و بركاته

يا سلام يا سلام على الإبداع في المواضيع الحلوة...

أحب الأفكار الخطيرة :handup:

طيّب راح أسأل أنا سؤال... :o

هل في أشياء معينـــة يا جمانــــة تعمليها بعد الغسل من الدورة...مثلا أسمع ناس تستعمل تحاميل للنظافة...اسمع ناس تستعمل دش مهبلي...و أنا عن نفسي محتارة...

و يعطيكي العافية مقدّما :)

عن جد موضوع بيفيد الكل مشكوره عليه وننتظر ام جمانه :)

السلام عليكم ورحمة الله وبركاته

أختي الغالية 3yoOon_AD

تسلم إيديك على هذا الموضوع الرائع

جزاك الله كل خير وبارك الله فيك

وأهلاً بضيفتنا وأختنا الغالية جمانة

واشكرك على قبول دعوة أختنا 3yoOon_AD الإستضافة

جزاك الله كل خير وبارك الله فيك

تحيتي لكم

اشكر لكم خواتي تفاعلكم الطيب وياي ...

وما زلنا بانتظار العزيزة جمانة عشان تجاوب على الأسئلة لأنه اكيد مجهزين لها اسأله ثانية ...

موضوع رائع وبالفعل اختيار موفق لج عيون ابوظبي :clap:....موضوعج اتوقعه بيفيدنا وايد (اسأل مجرب ولا تسأل طبيب)
ونحن بانتظار ردود جمانه.....وعندي اسئله كثيره بعد لجمانه...... :think:
1-شو معاناتج بعد الولاده خاصه مع الجراحه؟
2-وكم اخذتي وقت علشان تتعافين منها وهل استخدمتي شي خاص لها؟؟
3-وشو كنتي تسوين في فتره النفاس( شراب معين..اكل معين...رياضه معينه..الخ)؟
4-وكيف كانت حياتج الزوجيه عقب الولاده؟

ادري اسئله وايد بس شو اسوي صرت على ابواب التاسع والمخاوف زادت :sad:

فعلا موضوع رائع عيون

واتمنى لج النجاح الدائم والسير على خط الابداع دائم ان شاء الله

وانا سوءالي نفس سوءال الاخت مرموم ....... انا استخدم دائم الدش المهبلي فأبي اعرف اكثر

بخصوص هذا الموضوع يا جمانه

وانتي ما بتقصرين يالغاليه بالرد

في انتظارج

السلام عليكم ورحمة الله وبركاته..

ما شاء الله .. مداكم تشنون هجوم عليّ؟ :D2

اول شيء اشكر اختي عيون على ثقتها فيني ، واختيارها لي حق البداية واتمنى اني ما اخيب ظنونكم يا رب..

سامحوني يا بنات.. النت عندي يقطع.. << هذا وقته بس؟

راح اجمع الاجابات كلها في رد واحد عشان هالسبب.. عاد كل وحدة تدور وين اجابة سؤالها :D2

عيون أبوظبي

أول سؤال مني لج .. في بداية زواجج.. فكرة الحمل كانت في بالج ؟؟ بالذات انج تدرسين؟؟

تزوجت نهاية سنة ثانية جامعة..
وبالتأكيد كنت افكر في الحمل..
لكن الدراسة هم كانت شيء ضروري في حياتي... وكان لازم اني اكمل تحت اي ظرف..
فاتفقنا انا وزوجي على التأخير سنة واحدة على ما أحصل الدبلوم وبعدها يكون خير..
لكن بعد مرور كم شهر ما قدرت اتحمل : pain:
خصوصاً لما اشوف اللي تزوجوا بعدي وانعم الله عليهم بالذرية...
فقررت الغي كل اعتباراتي السابقة .. واشتغل على موضوع الحمل...
لكن ربي ما كتب لي الحمل الا بعد سنة ونصف من الزواج...

والحمدلله على كل حال... :) اكاني بتخرج بعد اقل من شهرين



مشرفتنا الحلوة فــــــــــــــوانيس..

حبيت اسئلج عن تجهيزاتج لغرفة المستشفى؟
شو الافكار اللي قدرتي تنفذينها؟

شنطة المستشفى جهزتها من نص الثامن تقريباً .. باعتبار ان الولادة ممكن تحدث في اي وقت من الشهر التاسع..
يحتاج اذكر محتوياتها؟
جلابيتان لي ، و3 اطقم ملابس داخلية..
ملابس للولد عشان وقت الخروج من المستشفى..
ادوات النظافة الخاصة بي: مشط ، كريم، لوشن، ربطات شعر... فوطة سباحة الخ.
بصراحة هاللي اتذكره فيها..

طلبت من زوجي حجز غرفة خاصة لأن المستشفى حكومي مش خاص ( السلمانية)
وطبعاً لأني كنت بإجازة اواخر شهور حملي ، فنفذت التوزيعات بنفسي وما طلبتها من محلات الحلويات..
اشتريت تحف صغار ممكن تعبيتها، وخليت داخلها ورد مجفف بالاضافة الى نوع من الحلاوة نسميه عندنا بيض حمام
وحتى البطاقات صممتهم بنفسي <<< اقتصادية الاخت :D2
كنت سعيدة جداً بحملي وصممت لازم احط يدي بكل شيء..


رومي ام..

الله يبارك فيج يا عمري، وبانتظار اسئلتج..



مرموم

هل في أشياء معينـــة يا جمانــــة تعمليها بعد الغسل من الدورة...مثلا أسمع ناس تستعمل تحاميل للنظافة...اسمع ناس تستعمل دش مهبلي...و أنا عن نفسي محتارة...

هلا هلا بأم احلى مريم...
الله يعافيك يا حياتي..
بكون صريحة معك، ما جربت غير الشطف بالملح.. جبانة انا في هالسوالف :pain:
بس حالياً افكر استخدم شيء مو للنظافة الخارجية، انما لنظافة الرحم..
افكر في شيء عشبي او من هالقبيل، لأن الدورة تمللني اواخر ايامها تقطع واتجنن ما اعرف انا طاهرة او لسه..


دراعة ، ألينا...
شكراً الغاليات على مروركن،


GooD MOTHER

1-شو معاناتج بعد الولاده خاصه مع الجراحه؟
2-وكم اخذتي وقت علشان تتعافين منها وهل استخدمتي شي خاص لها؟؟
3-وشو كنتي تسوين في فتره النفاس( شراب معين..اكل معين...رياضه معينه..الخ)؟
4-وكيف كانت حياتج الزوجيه عقب الولاده؟

ادري اسئله وايد بس شو اسوي صرت على ابواب التاسع والمخاوف زادت

واخيراً حصلت لي وحدة حامل عشان اجننها واموتها من الخوف :D2

امزح معاج عمري..

اول شيء لازم اقوله لج، لا تفكرين بالولادة بحد ذاتها كأنها شيء مهول وعظيم، انما دائماً فكري بالنتيجة اللي راح تحصليها من بعد الولادة، وهي مولودج الحبيب,,,

الالام الولادة وما بعدها مجرد فترة زمنية وتعدي، ويتم البيبي عندج تفرحين فيه لآخر العمر ان شاء الله..

الى الاسئلة:
1- ما عانيت شيء اكثر من غيري بالنسبة للجرح ( ولدت طبيعي).. ويمكن بعد لأن ولادتي كانت سريعة فالشق معظمه صار طبيعي ( تهرئ ) والبقية كملته الطبيبة بالمقص ..ومعروف ان التهرئ اللي يصير بروحه اسرع في الالتئام من جرح المقص..

وبصراحة اقول لج شيء؟ توقعت الم الجرح اكثر من جذي!! من كثر ما كنت اسمع ان الوالدة ما تقدر تقعد وما تقدر تمشي ولا تسوي شيء...
بصراحة هو فيه ألم بس يمكن احتماله، وبالعناية والاهتمام راح يلتئم ..


2- ما راح يطول اكثر من 10 ايام او اسبوعين بالكثير.. وعن نفسي سألت الممرضة لما كنت بالمسشفى شنو استخدم بالضبط، وقعدت اسرد لها اللي حفظته من تجارب البنات في عروس الله يحفظهم، ردت علي ان كل هذا ما يحتاج ، مجرد سافلون مرة واحدة فقط باليوم، ويجب الانتباه الى تجفيف الجرح جيداً من الماء بعد كل خروج من الحمام، المهم ابقاءه جافاً ما امكن ..
عشان تبعد الالتهابات والفطريات مثل ما تعرفي...

كنت ناوية استخدم الملح ( ملح مخصوص لهذا الشيء) بس لما قالت لي الممرضة ما يحتاج، قلت وش لي بالام ، خصوصا لما سمعت من الحريم انه يألم من زود الجفاف اللي يسويه..


3- بداية ولادتي اضطريت اتنوم بالمستشفى مع وليدي لأنه صاده بوصفار و على عمري... :(
وهالشيء أثر علي وايد ، لأن النفسية صارت دمار، وما كان لي نفس اهتم بنفسي ..
بعد حوالي 10 ايام رديت البيت ، واصرت امي البس الحزام.. وشربت حلبة .. بس يعععع ، ما طاقيته، وتركته :D2
اكلي كان دوم حار .. والماي البارد ما حرمت روحي منه ، حرام كنت والدة بعز الصيف!!
وبعد اسبوعين كان لازم اداوم الجامعة،
وفي كليتنا كنت امشي وايد وايد ، والحمدلله فادني هالمشي وروح عني الكرشة,, وما اضطريت اسوي رياضة ولا همك الله.. :)


4- بييييه وصلنا الى الغزير :D2
اتذكر جملة فوانيس بشأن العلاقة الزوجية: هو لازم يعور في المرات الاولى بعدين يصير عادي..
فعلا كلامها صحيح ، ويمكن ما كان يعور بس لأني كنت خايفة من الجرح ينفتح او شيء.. فعورني..

ما استعملت وصفات التضييق رغم اني احتفظت فيهم، لأني الحمدلله ما احتاجيت لهم،
احس المنطقة رجعت طبيعية ، مو مباشرة لكن بالتدريج..
الحين بعد مرور سنة وشوي، احس اني رجعت مثل قبل الولادة..
يمكن صج كلامهم.. عمليات التضييق الجراحي ما تحتاجين لها الا بعد البيبي الثالث .. :)

هلا والله بالعزيزة ام حسين

ماشالله كفيتي ووفيتي في اجوبتج...

وبانتظار باجي البنات عشان يهرونج بالأسئلة :D2 لا تحاتيين ... :shy:

مممممممم خلني افكر شو اسألج ... :think:

1- شو اكثر شي كنتي تحاتينه وقت الحمل ..؟؟ سواء عليج واللا على الجنين ..

2- شو الشي الي ما كنتي تعرفينه وقت الحمل وعرفتيه من منتدى عروس .. ؟؟

ما ابا اخلص الاسئلة كلها اللحين مخلية لج لبعدين :bigsmile:

تسلمييييييييييييييين على النصائح.......ومشكوره طمنتيني في الجواب الرابع :shy:

افا عليج يا عيوووون ، حاضرة لكم انا، كم مرة بتستضيفون جمـــانة..

انتهزوا الفرص هاااا :D2

1- شو اكثر شي كنتي تحاتينه وقت الحمل ..؟؟ سواء عليج واللا على الجنين ..

2- شو الشي الي ما كنتي تعرفينه وقت الحمل وعرفتيه من منتدى عروس .. ؟؟

ما ابا اخلص الاسئلة كلها اللحين مخلية لج لبعدين

1-اكثر شيء كنت احاتيه ان البيبي يطلع سليم من كل النواحي...

يمكن لأن عندي حالة قريبة جداً مني وهو ولد حماتي معاق :(

واللي زود هالاحساس عندي اني كنت مريضة بالتهاب في الامعاء.. وكنت اشرب حبوب وايد قبل الحمل، ومع اني وقفت الحبوب بمجرد علمي بالحمل، لأنها تتعارض معاه، والدكتور اكد لي انه ما راح يأثر باذن الله.. بس بعد تعرفين احنا نسويلنا من الحبة قبة..

ساعات افكر العصبية والشطانة اللي في ولدي كله من تأثير هالحبوب :D2


2- ما شا ءالله عليج يا عيون... منوين تجيبين هالاسئلة... :)

ما شاء الله ، اشياء واااااايد ما كنت اعرفها ،وعرفتها من هني...

خصوصاً موضوع مرموم الخاص بالتسعة شهور.. كنت اقرأ كل شهر لما ادخله، وما اقرأ الشهور الباقية عشان ما احرقها :D2

استفاديت من معلومات البنات بخصوص الوحم والتخفيف منه... خصوصاً الخيار المعصور عليه ليمون... الكل استغرب من اهلي من وين جايبه هالوصفة .. بصراحة كانت رهيبة وخففت علي وايد..

هم موضوع النوم لما تعسر علي عرفت ارتاح عن طريقة وصف البنات لاستعمال الوسادات..والنوم على جهة اليسار.. وضرورة عدم التقلب وانتي منسدحة...

ايضاً ، وضعيات الولادة في موضوع فوانيس كنت ادخلها بشكل مستمر في الشهر التاسع .. عشان اخذ فكرة يمكن اتعرض لأي طريقة منها ..

الشيء الوحيد اللي ما استفدت منه هو موضوع الوصفات العشبية.. اسامي غريبة لأنها تبع مناطق ثانية مثل السعودية والامارات وللاسف ما عرف شنو اسمها المقابل عندنا في البحرين...



يالله يا بنات وين همتكم... لهالدرجة اخوف انا؟؟

الصراحة الموضوع وايد حلوووو و عندي جم سؤال

شنو الشي اللي توحمتي فيه ؟

يوم دريتي انج حامل شنو تمنيتي تيبين بنت او ولد ؟

في غرفة الولاده شنو كان شعورك و هل تمنيتي انج ماحملتي عشان مايصادفج العذاب و التعب اللي عقدونه منه البنات ؟ و لا هالشي كان عادي

ام اسولة

شنو الشي اللي توحمتي فيه ؟

يوم دريتي انج حامل شنو تمنيتي تيبين بنت او ولد ؟

في غرفة الولاده شنو كان شعورك و هل تمنيتي انج ماحملتي عشان مايصادفج العذاب و التعب اللي عقدونه منه البنات ؟ و لا هالشي كان عادي

هلا وغلا ببنت ديرتي .. اشرقت ونورت ..

توحمت بالاشياء المالحة.. خصوصاً الاجبان بأنواعها<< اشوى شيء مفيد :pain:
لدرجة اني كنت آكل اشد انواع الجبن ملوحة بدون اي شيء آخر معه، لا خبز ولا شيء...
شلون كنت اسويها ؟! ما ادري..

الحين افكر صدق ان المتوحمة ما عليها شره!!

اول ما حملت كان خاطري مووووووت ببنوتة حلوة امشط شعرها واحط لها فراشة حلوة فيه...
بس بعدين لما شفت لهفة اللي حواليني على الولد، وشلت هم زوجي لازم يصير ابو فلان رضخت لفكرة الولد هههههههه
بس بعد لازلت اتمنى بنت من قلبي..

ابداً ما تمنيت اني ما حملت.. ايه موول ، ما صدقت اصلا اوصل وقت الولادة حق اشوف النونو .. كنت فرحانة مووت!

في غرفة الولادة الاحساس الرئيسي الفرحة مع القلق والترقب الشديدين...
بس لما حقت حقايقها، تمنيت من قلبي اني سويت عملية قيصيرية ولا ولدت طبيعي..
الحمدلله الله سهلها ويسرها على خير..

ماشالله عليج يا جمانة مكفيه وموفيه هههههههههههه

بس بعد ما بنخليج لين ما نهريج اسأله ...

انا عاد ياني فضول .. ممكن تقولين لي شو وصفة الخيار المعصور والليمون ؟؟؟ ( ميته قهر اني ما عرفتها في حملي) :D2

شو احلى شهر في شهور الحمل كان بالنسبة لج .. من ناحية شكلج و حجم البطن و الراحة ؟؟ :shy:

ههههههههههههههههههه
شخبار الكرش
قدرتي تقضين عليها بعد الولادة و خاصه انه مرت سنه
خبريني بسرعه
اختج المتعقده هههههههههههههههههه

3yoOon_AD:
ماشالله عليج يا جمانة مكفيه وموفيه هههههههههههه

بس بعد ما بنخليج لين ما نهريج اسأله ...

انا عاد ياني فضول .. ممكن تقولين لي شو وصفة الخيار المعصور والليمون ؟؟؟ ( ميته قهر اني ما عرفتها في حملي) :D2

شو احلى شهر في شهور الحمل كان بالنسبة لج .. من ناحية شكلج و حجم البطن و الراحة ؟؟ :shy:

ايوه يا عيوووون احلى واحلى.. خليج جذي متابعة ورافعة الموضوع فووووق :D2

الوصفة مافيها شيء!!!

تعرفين البعض يخفف عليهم الحمض الوحم ..
فانا اخذت خيارة وقصصتها حلقات، وعصرت عليها نصف ليمونة وقليل من الملح وهات يا اكل!!

بس مو زين كثرته، لأن يعور المعدة من الحموضة.. يطلع عليج رادي بعدين..


احلى شهور الحمل كان الشهر السادس... انتهى الوحم بشكل نهائي... وبدا البطن يطلع بشكل ملحوظ.. وفرحت بكرشتي! وكانت النومة للحين ما تعسرت..

افا عليج هههههههههههههههههههه

ما خبرتينا وجاوبتي على جامي والكرش

ترى مب بروحج جامي متعقدة انا بعد والله اقول كرشتي ردت طلعت وكل شوي امسكها من القهر

خبرينا جمانه شو سويتي ويا الكرش

jami:
ههههههههههههههههههه
شخبار الكرش
قدرتي تقضين عليها بعد الولادة و خاصه انه مرت سنه
خبريني بسرعه
اختج المتعقده هههههههههههههههههه

بيييه شله تفضحين المستووور!

بصراحة اول ما ولدت صار مالي نفس الاكل، تعرفين .. النوم متخربط، وتعب دائم، وقلق على الطفل..وضعفت بالنتيجة ، واختفى الكرش تماماً..

لكن بعدين لما تعودت على قلة النوم وصار وجود البيبي عادي في حياتي.. انقضيت على الاكل...

وبيني وبينج انا كلش مو راضية عن وزني وجسمي حالياً عندي زيادة عوودة... وكرشة بعد :(

وكل يوم اقول بكرة بسوي رجيم...:D2

يعني بالعربي الكرشة تروح.. . اهم شيء الرياضة..ولبس الحزام بعد الولادة :up: