السلام عليكم خواتي.......
قبل ما أطلب المساعدة خلوني أقول لكم عن فكرة العرس...قبل ها المرة كتبت لكم عن فكرتي لليلة الحنة واللي بديت فعلا أجهز لها......والموظوع موجود على الرابط التالي للي حابه تشوف الفكرة..
http://www.3roos.com/forums/showthread.php?t=122893
ألحين بخبركم عن فكرة العرس،،، العادة الناس يسوون الحنة تراثية بس أنا قررت أخلي العرس تراثي، الكوشة بتكون بشكل تراثي، خيمة مثلا بس بشكل راقي وحصلت صور رهيبة في ها المنتدى الرهيب لمثل ها الفكرة، ومرة قريت في المنتدى بعد في موضوع عن أفكار لحلويات الأعراس، وكانت وحدة منهم تطبيق شكل نخلة مع التمر، وينشال التمر منها ويتوزع على الناس وهذي بخليها للمدخل لاستقبال الناس، وأبي أييب بنات وأولاد صغار مال الحربية مثل الفرق اللي تكون في التلفزيون، بس مثل ما قلت ""صغار""، وهذا اللي أنا محتاسة فيه!! أنا شفتهم في عرس كانوا بس أولاد لكن ما أعرف وين ممكن أحصلهم فياليت حد يفيدني، في ناس قالولي في محلات خدمات الأفراح، أتمنى اللي عندها فكرة تدلني...وياليت في الشارجة، البنات بخليهم يرقصون جدام العروس في دخلتها والأولاد مع المعرس.....
واللي عندها أفكار تخدم فكرتي ياليت تساعدني،،،،،،
وقولولي رايكم بصرااااااحة.....
ومشكووووريييين حبيباتي.........
على فكرة ترى ها الأفكار لعرس أختي مو لعرسي :)
فكرة العرس،،،،منو يقدر يطبقلي ياها؟؟
A
09-11-2005 | 10:03 AM
A
09-11-2005 | 01:04 PM
حرام عليكم..21 زيارة ولا رد :( :( ع الأقل قولولي رايكم في الفكرة إذا ما بتظيفون شي عليها
r
09-11-2005 | 01:35 PM
بصراحه عزيزتي الفكره حلوة
انا شفت نفس الفكره هذي بعرس وكانوا جايبين اطفال يرقصون جدام العروس قبل الزفة وبعد الزفة
بصراحه كان شي حلو والكوشة كانت بشكل خيمه
بالنسبة للصغار احنا عندنا بالدوحه يطلبونهم من مركز لكن بالنسبة لكم ماعندي فكره
الله يوفقج بهالفكره ان شاءالله :)
انا شفت نفس الفكره هذي بعرس وكانوا جايبين اطفال يرقصون جدام العروس قبل الزفة وبعد الزفة
بصراحه كان شي حلو والكوشة كانت بشكل خيمه
بالنسبة للصغار احنا عندنا بالدوحه يطلبونهم من مركز لكن بالنسبة لكم ماعندي فكره
الله يوفقج بهالفكره ان شاءالله :)
M
09-11-2005 | 02:33 PM
اختي الفكره واييد حلوه
و انا من رايي تدخل على اغاني مالت اول او شله بس بالاسلوب القديم !! هذا اذا كان فستانها بعد شكله تراثي
سالفت الصغار حق الحربيه بصراحه ما عندي فكره من وين
الله يوفقكم
و انا من رايي تدخل على اغاني مالت اول او شله بس بالاسلوب القديم !! هذا اذا كان فستانها بعد شكله تراثي
سالفت الصغار حق الحربيه بصراحه ما عندي فكره من وين
الله يوفقكم
د
09-11-2005 | 03:29 PM
انا من قطر وما عندي فكره عنهم
بس اظن كان في موضوع فيه نفس طلبج
المشكله ماذكر العنوان
جربي سوي بحث يمكن تلقين نتيجه
وعندي فكره
دام العرس بيكون تراثي شرايج تطلبون شله باسم العروس وتنحط قبل ماتدخل
اهل الامارات معروفين بالشلات
وبالنسبه للحلويات اللي تتوزع بالعرس
تقدرون توزعون اللقيمات
بتكون فكره حلوه ومكمله للستايل التراثي
بس اظن كان في موضوع فيه نفس طلبج
المشكله ماذكر العنوان
جربي سوي بحث يمكن تلقين نتيجه
وعندي فكره
دام العرس بيكون تراثي شرايج تطلبون شله باسم العروس وتنحط قبل ماتدخل
اهل الامارات معروفين بالشلات
وبالنسبه للحلويات اللي تتوزع بالعرس
تقدرون توزعون اللقيمات
بتكون فكره حلوه ومكمله للستايل التراثي
r
09-11-2005 | 03:45 PM
الفكره واييد حلوه
ح
09-11-2005 | 06:30 PM
فكرة حلوة أختي ..
والله يتمم لكم على خير ..
أ
09-11-2005 | 07:45 PM
الفكرة رائعه ورايقه
A
12-11-2005 | 09:02 AM
مشكوووووووووورييييين فديتكم على الردود والأفكار الحلوة، ومثل ما اقترحتوا بخلي الدخلة على أغنية تراثية أو شله، وأتنظر المزيد من الأفكار والردود خصوصا بالنسبة للحربية،،،
د
12-11-2005 | 09:37 AM
@@ تصدقين جاتني هالفكرة أطبقها لعرسي بس تراجعت !!! فكرت أرجع الماضي يوم واحد ,,
بالنسبة للنخلة اللي يكون فيها تمر أنا شفتها بصراحة فكرتها واااااااااااايد حلوة ..
و اما اليهال ما تقدرين تسألين الفرق الحربية اللي عندكم يمكن يفيدونج ..
و السموحة الغالية ما قدرت أفيدج ,,, و بالمبارك مقدماً ,,
بالنسبة للنخلة اللي يكون فيها تمر أنا شفتها بصراحة فكرتها واااااااااااايد حلوة ..
و اما اليهال ما تقدرين تسألين الفرق الحربية اللي عندكم يمكن يفيدونج ..
و السموحة الغالية ما قدرت أفيدج ,,, و بالمبارك مقدماً ,,
س
12-11-2005 | 12:05 PM
بالنسبه لفرقة الرزيفة الصغار برسالج رقم فرقه بها اولاد وبنات على الخاص وافكارج كلها حلوه
ن
12-11-2005 | 06:35 PM
الله يوفقك لو انتي في السعوديه كان ممكن نساعد
A
14-11-2005 | 08:45 AM
أختي دوحانية، ياليت تشرحين لي بالضبط كيف كانت النخلة، لأني مثل ما قلت قريت عنها في المنتدى بس ما شفتها...
ومشكوريين كلكم على الردود
ومشكوريين كلكم على الردود
j
14-11-2005 | 08:12 PM
النخلة تلقونها بمحلات التمور عندنا بالسعودية يبيعها هضيم والسكرية وطقتهم بس اعتقد غاليه شوي ممكن انتي تنفذينها بنت خالتي بزواجها اشترت فلين اسطواني وورق شجر صناعي وعملت القاعدة مربعة وغرست فيها الفلينه ثبتتها فيها وفي الاعلى رصت الوراق الشجر مثل سعف النخيل وترصين التمر كل تمرة فيها عود اسنان ومغروسة في جذع النخلة جمب بعضها تطلع نفس النتيجة واوفر بس شوفيلك نوع تمر مايحتاج تبريد عشان تعمليها من وقت بدري
وعندي لك فكرة لو تخلين المفارش اللي عالطاولات من القماش التراثي اللي لونه عودي وفيه نقشات بالابيض والاسود ممكن كمان التوزيعات اللي عالطاولات تكون في اواني تراثية منوعة مثلا الحلاوا على الحون الخسف حقت الخبز زمان والله يوفقك فكرتك اكثر من رائعة
فكرت فكرة تضحك
شرايك عشان الكوشة خيمة وتراثية تصير العروس تجلس بالارض وتتكي على تكاية ههههه طبعا امزح
وعندي لك فكرة لو تخلين المفارش اللي عالطاولات من القماش التراثي اللي لونه عودي وفيه نقشات بالابيض والاسود ممكن كمان التوزيعات اللي عالطاولات تكون في اواني تراثية منوعة مثلا الحلاوا على الحون الخسف حقت الخبز زمان والله يوفقك فكرتك اكثر من رائعة
فكرت فكرة تضحك
شرايك عشان الكوشة خيمة وتراثية تصير العروس تجلس بالارض وتتكي على تكاية ههههه طبعا امزح
j
14-11-2005 | 08:18 PM
والاطفال ممكن تشوفين من اقاربك اذا عندهم اولاد سنهم مناسب وتدربينهم من بدري تلبسينهم لبس موحد تراثي بيطلع شكلهم حلو
أ
15-11-2005 | 12:28 AM
هاي الفكرة سوتها بنت خالتي في عرسها، في يوم الحنة، كانت كوشتها عبارة عن خيمة حاطة فيها صناديق تراثية وحصير، والمعازيم بعد كانوا جاعدين على الحصير، ويايبة حرمة إتسوي خبز رقاق حار بحار يتوزع على الحريم، والأغاني كانت عبارة عن أغاني تراثية، وكانت متفقة معانا على أساس نلبس لبس شرات قبل (الزري) مع الطاسة والمرتعشة، حتى اليهال كنا ملبسينهن ثوب وكندورة، صراحة الفكرة وايد حلوة لو إطبقينها.
A
15-11-2005 | 08:14 AM
أختي janoo، أفكارج واايد حلوة الغالية، وحلو وايد اقتراحج أني أسوي النخلة بروحي، بالنسبة لفكرة جلسة العروس :) ممكن نطور فيها، يعني نسويها جلسة عالية بس بخامات تراثية ونحط مخدات على اليمين واليسار، هو بيكون أحلى لو كانت بدون سند للظهر بس المشكلة العروس مسكينة ظهرها بينكسر، بصراحة وايد أفدتيني، جزاك الله خير
أختي أم مريومة 218 ، مشكورة الغالية على الإفادة، مثل ما قلت قبل عادة الناس يسوون الشكل التراثي في الحنة بس أنا حبيت أخلي في العرس، بس بنت خالتج سوت الفكرة بشكل أوسع وأحلى،،،ورهيييييبة فكرة الحرمة اللي تسوي خبز،، ياترى كيف أقدر أطبقها في الفندق؟؟؟؟؟؟ أحس بتكون عجييييبة....
أشكركم كلكم الغاااااليات، وأي شي يديد أفكر فيه وأطبقة أكيييييييد بخبركم....عشان نستفيد من بعض
أختي أم مريومة 218 ، مشكورة الغالية على الإفادة، مثل ما قلت قبل عادة الناس يسوون الشكل التراثي في الحنة بس أنا حبيت أخلي في العرس، بس بنت خالتج سوت الفكرة بشكل أوسع وأحلى،،،ورهيييييبة فكرة الحرمة اللي تسوي خبز،، ياترى كيف أقدر أطبقها في الفندق؟؟؟؟؟؟ أحس بتكون عجييييبة....
أشكركم كلكم الغاااااليات، وأي شي يديد أفكر فيه وأطبقة أكيييييييد بخبركم....عشان نستفيد من بعض
j
15-11-2005 | 08:35 PM
الله يوفقك بس كل هذا يبغاله اعداد وتجهيز من بدري عشان ماترتبكين اخر الايام
A
22-11-2005 | 08:57 AM
هلا خواتي..........الحمد لله بديت تطبيق الفكرة....بالنسبة للبطاقة الحمد لله رحنا محل لخدمات الأفراح في الشارجة عنده شغلات حلوة وأسعارة وايد مناسبة......البطاقة أول ما دخلت شفتها جدامي!!!سبحان الله نفس الفكرة اللي أباها، مصنوعة من الخيش وعلى شكل كيس أو شنطة والكرت يدخل داخل.......
الكوشة خيمة ملكية..فيي الصورة وايد راقية..انشاءالله تطلع حلوة على الطبيعة..وراها نخل وفيها صندوق مندوس ومخدات تراثية.....
وحجزنا المقهويات مع اللقيمات(لأنه شي تراثي)،،
هذي آخر التطورات لأني وعدتكم أخبرطم عن أي شي يصير..........
ياليت يكون في آراء ومقترحات.......
الكوشة خيمة ملكية..فيي الصورة وايد راقية..انشاءالله تطلع حلوة على الطبيعة..وراها نخل وفيها صندوق مندوس ومخدات تراثية.....
وحجزنا المقهويات مع اللقيمات(لأنه شي تراثي)،،
هذي آخر التطورات لأني وعدتكم أخبرطم عن أي شي يصير..........
ياليت يكون في آراء ومقترحات.......
و
22-11-2005 | 07:56 PM
الفكره وايد حلوة
بس ابي اسأل وين احصل النخله في قطر عشان احط عليه التمر
بس ابي اسأل وين احصل النخله في قطر عشان احط عليه التمر