اهل زوجي احسهم غير عن العوايل الثانيه

السلام عليكم ورحمة الله وبركاته


هلا خواتي انا عندي مشكله مع اهل زوجي

ما ارتاح لهم ابدا فالبدايه كانو يعزوني وااااااايد بس من تزوج ولدهم الثاني بدت المشاكل مع مرت ولدهم وكانو كله يقارنونها فيني مسكينه عانت واااايد وكنت المثل فعينهم
انا ماكنت ايلس معاهم وااااايد يعني دايما مسافره برع عشان جذيه كنت احس اني مفتكه من المشاكل ومرت ولدهم الثاني عشانها ساكنه معاهم عانت المهم انا استقريت عندهم فتره وبعدين طلعنا شقه بروحنا ومن يومها قيل وقال وانا صراحه ماسمعت شي بس توصلني عن طريق مرت ولدهم وكان واايد تاثر فنفسيتي انتو بتقولون لازم اتاكد انه كلامها صحيح انا تقريبا متاكده لانه يوم ادخل البيت كل حد ماااااط بوزه شبرين ومايسولفوووون ولما زوجي يكون معااايه ياسلام عراااسهم محطيني حتى يوم يكون عمي موجوود يعاملوني احسن معامله لانه لاهو يعزني وااايد الله يحفظه000
الصراحه تعبت نفسيتي كنت اشتريلهم هدايا شكرا ما اسمعها منهم اذا اطبخ شي واوديه حلو مايقولون حتى واذا عجبهم يوميا يقولون سويلنا منه انا صراحه ماحبهم يتامرون علي فما اسووويه0000 بعد لويشكرون ما عليه===

اتصدقوووون مايتصلون يسالون عني عمتي تتصل تاخذ الاخبار وين رحنا ووين رجعنا ووتنتقد وتبند بسسسسسس
واذا اتصلت بزوجي اسمعها دايما تسال عن عيالي وعن زوجي واحواله وماتيب اسمي ماعرف ليش؟؟؟؟؟؟هم الي كرهوني فيهم

ويوم تي البيت عندي اشووفهم يفتشوون عشو ماعرف المهم تقعد ساكته ولما الكل يجتمع تنتقدني جدااامهم مثلا ناسيه عصير برع مو فالثلاجه بتعطيني محاظره تحسسني اني مقصره بس الله العالم اني محافظه عبيتي وزوجي حتى اكثر عنها بشهادة زوجي

انا كلمت زوجي كم مره وهو يشوفني شو اسووي معاهم ويشووفهم هم شو يسوون بسيوم اتضيج يقولي امي حرمه كبيره دخلي من هنيه وطلعي من هنيه بس انا بعد انسانه احس يعني بتنتقد لبس عيالي اذا بنتي لابسه قصير بتقول برد واذا طويل تقوول حر بتجتلونهااااا لاحوول ولاقوه ماعرفنالها هالحرمه ودااايما تشتكي مني اتعرفوون عندمنو عند اخو زوجي ويوم بتشتكي منهم تشتكي عند زوجي و24 ساعه شكاوي عافان الله 00انا فخاطري نجتمع الحريم مع بعض ونسوولف مثل مايصير بيت هلي نحن وحريم اخوانا سوالف وضحك انا فيت اهل ريلي من 4 سنوات عمرنا ماجتمعنا نسووولف مع بعض اذا بنجتمع عاكل بس 0 يعني بروح عندهم بيلس من الصبح الين وقت الغدا انا وزوجي بروحنا فالصاله ومحد معبرنا ويجي وقت الغدا ناكل وبعد ين كل حد غرفته وطبعا نحن نروح بيتنا انا ما اقدر اشتكي لزوجي لانه يتضااايج ومهما كان مايرضى عاهله فما عندي غيركم



شكرا لكل من سمعني وانشالله احصل حل عندكم لاني ماعرف شو اسوي معاهم هدايا مانفعت طلعااااات مايراعون كله نبا نبا نبا نبا نبا ماتنترس عينهم مجاملات واتصالات ماحصل من وراها الا انتقادات وصراحه مرت ولدهم تضيجني يوم تيب لي اقوالهم قالو عنج وقالو عنج حتى تكرهني فالرووحه لهم

المهم ادري طولت عليكم بس حبيت افـــــــــــــــــــــضفــــــــــــــــــــــــــض