استفساااااااااااار جاوبوني بسرعه لوسمحتوا؟؟؟

السموحه اختي ماعندي خلفيه ولا حبيت اطنش موضوعك والله يسهل عليك ويساعدك ويرزق كل محرومه ويسهل على كل حامل ووالد يارب ياحي ياقيوم......

عزيزتي

انا لما كنت حامل

البيبي كان معترض في الشهر السادس

والدكتور قالي عن هالشي ونبهني اني لازم اراعي حركاتي وجلساتي لانها السبب عادة في وضعيه الجنين

المهم اني وصلت الثامن ..والبيبي معترض والدكاترة قرروا انهم يعطوني موعد علشان يقلبون لي الجنين

بس انا طنشت لهم حسب اوامر الدكتور الخاص

ولما دخلت التاسع ووصلت تقريبا لاواخر التاسع سويت الالتراساوند وقالوا لي ان البيبي في الوضع الطبيعي والراس تحت

يعني اختي تو الناس عليج

لا تخافي راح يتغير وضعه من الحين للشهر التاسع وان شاء الله تولدين بالسلامه وخلي نفسيتك حلوه ولا تشيلين هم عشان البيبي ولا قمت بالسلامه خبرينا

هلا عزيزتي انا مش مزوجه بس اسمع بهالحالات ومن ظمنهم زوجة اخوي المهم انج ماتجلسين وايد يعني ريحي على جنبك وكل اسبوع اشربي زهورات ولين الشهر التاسع ان شاءالله بينزل بس اهم شي الحين الراحه على قد ماتقدرين..والله يقومك بالسلامه ان شاءالله.

يقولون وضعية الحبو ( كما الاطفال ) تعدل من وضعية الجنين بس مو متأكدة من هالكلام..

انا بعد قريت نفس المعلومة اللي قالتها جمانة

بس الجلوس في وضع السجود .... ومثل ما قالوا البنات لا تخافين عندك وقت كافي ان شاء الله عشان يعتدل وضع البيبي

[frame="2 80"]][®][^][®][:think: اسمعي كلام الاخوات.وانشاء الله خير][®][^][®][[/frame]

لا تستعيلين ياأختي بعده في وقت انا لين دخلت الثامن وهو معترض وبعدين الحمد لله انجلب
وفيه وحده اعرفها قبل الولاده بكم يوم اتغير وضع الجنين
بس مثل ما قالوا الخوات لا اتيلسين وايد

هلا الغالية بسمة
بدري..بعدك عندك اكثر من شهر لحد ما يثبت راسه تحت
و وضعية السجود تساعد على تثبيت الراس للأسفل

تسلمين اختي دراعه على الرد

تسلمين اختي دفء الجليد على الرد
وجزاج الله الف خير

تسلمون خواتي
skystarss/عنودالصيد ../جمـــانة/RoOoOmy_M/الحالمة بالحب/big baby/فوانيس

على الرد والله يعطيكم العافيه
وجزاكم الله الف خير