مشكلة مع أخت زوجي

هلا اختي جميلة مشكورة الغالية بس انا قصدي انها بتعرس ان شاء الله وبتروح بيت ريلها وبتفتكين منها

شكراً لكل اللي ردوا ..
أما عن آخر المستجدات . فالبنت جت واتكلمت معاي واستسمحت مني . وآنا بالنسبة لي طاح الحطب (مثل ما يقولون)
بس أتمنى إنها تتخلى عن طبعها ..
أما بالنسبة لزوجي فهو يقول ليي صارحيها بكل اللي كان متعبش منها علشان ما تكرر خطأها وياش ..
وآنا متحيــرة أراويها الموضوع أو لا..... انتو شتقولون؟


دعواتـــــكم

اهلين اختي الجميله الله يعينك على ما اصابك واصبري

انا بصراحه مرتي بهذا الموقف قبل فتره من احد قريبات وكانت اكبر مني ويمكن ان هذي النوعيه ماهي صغيره لكن تصغر عقلها لاسباب الله يعلم بها

لكن ما عليك منها طنشها واذا كلمتك كلميها بكل عفويه ولا تبدين بالكلام معها لانها ممكن تطنشك او تحرجك بالرد

واذا احرجتك قدام الناس تصرفي بعقلانيه ولا تردين بكلمات تطلعك صغيره قدام الناس

لان موقفك حسس قدام الناس لانها اخت زوجك وامها ميته

وارجوا من كل قلبي انك تسفيدين من تجربتي

مع اجمل وارق تحيه

معليش اختي ما قريت ردك الاخير

لكن بالنسبه لسؤالك انك تصرحينه فممكن تصرحينه بس مو بكل شي لانها مصيره تبعد عنك

انت تقولين انها لم تختلفين معها تشهوه صورتك قدام الناس فما تضمنين وش يصير فهذا الدنيا

وانت سمعتك فوق كل شي طبعا لا تصرحينه بشي ممكن بيوم من الايام تقلب ضدك وتفضحك <<<< انشا الله مايصير

وهذا الى القدر افيدك به اللحين وانشاء تسفيدين

مع اجمل وارق تحيه

الله يساعدك عليها اختي ويهديها ..........

شكراً لكما يا حبيباتي ***همس الليل*** ،و دراعه

أختي ***همس الليل*** ،

وانت سمعتك فوق كل شي طبعا لا تصرحينها بشي ممكن بيوم من الايام تقلب ضدك وتفضحك

بس آنا حاسه إني مو عارفه آخذ معاها وأعطي خصوصاً إن أحنا ثنتينا بس ببيت واحد، وخصوصاً بعد ما جت وكسرتني بكلامها، لأنها جات تستسمح لي وقالت : " سامحيني إذا غلط في حقش، رغم كل شي آنا أحبش يا زوجة أخوي " مع إنها ما تدري ليش آنا غضبانه عليها بالضبط...
أنا متحيــرة وخايفة ، يعني بصراحة أمبي أصارحها بس شلون مو عارفه!؟


دعواتـــكم

الله يعينك ...
ويرزقك بالذرية الصالحة وعن قريب آآآآآآآآآآآآآآآآآآآآآآآآآآآآآآمين يا رب العالمين

شكراً يا ليــلى :)

سلام عليج اختي جميلة ..

معاناتك من معاناتي .. انا بعد اخت زوجي طلعت روحي من تصرفاتها وتعاملها السيئ معي وخلتني ابكي بدل الدمع دما الى هذه الدرجة والله على ما اقول شهيد .. عانيت وايد معاها ولو اجلس من الحين لين سنة ما بيخلص كلامي عن مأساتي معاها .. عانيت وصبرت وصبرت وصبرت .. لين ما الله عوض صبري وتزوجت وطلعت من البيت وكان ذاك اليوم بالنسبة لي اكبر عيد .. والحين انا معاملتي معاها جدا سطحية حتى ما القى منها شئ يأثر فيني .. نصيحتي لج ابتعدي عنها قدر المستطاع ولا تسوين ليها سالفة ..

بخصوص سؤالج
وآنا متحيــرة أراويها الموضوع أو لا..... انتو شتقولون؟

الظاهر اختي انج وااااايد طيبة صح او لا ؟؟ انا اقول صح انتي وااااااااااايد طيبة
حبيبتي لا تراويها الموضوع ابداااا .... لالالالالالالالالالالالالالالالالالالالالالالالالالالالالا اقولها مليون مره لا تراويها الموضوع .. لأنك بهذا التصرف تكسرين الحواجز بينك وبينها وهذا النوع لا تفيد الطيبة معه فاصنعي حاجز بينك وبينها ..

^
^
^

وانا مع رد اختي الصبوره تحملي اتروينها الموضوع لان هالاشكال والله ماتنفع الطيبه معاهم يعني علاقه سطحيه ووبس

وبالتوفيق اختي ويرزقك بالذريه الصالحه

شكرا أخواتي :)

إن شا الله .. راح أسمع نصيحتكم وما أراويها الموضوع ......

انا اقول صح انتي وااااااااااايد طيبة
حبيبتي لا تراويها الموضوع ابداااا

أختي الصبورة يا ليتني طيبة مثل ما تتوقعين!!
تراني أنا عادية كلش، مو طيبة بل أني وحده ما تحب المشاكل بلمرة، وجلست أفكر في حلول علشان أتفادى أتعرض لمواقفها.
وفكرتي إن أراويها الموضوع علشان تتأثر وتحس وما تكرر الغلط مرة ثانية ، بس قبل لا أشوف ردودكم صراحةً أقتنعت ما أراويها ولا أصارحها حتى، لأن في حركات منها للحيـن ما تعجبني وما أظن تتغير لأن طبع فيــها وما أعتقد قراءة الموضوع راح تقلب شخصيتها ويغير أطباعها ....
على العموم شكر جزيل للتعليق والرد .. ومسامحة على التأخير في الرد لأني توني منتبهه للردود الجديدة:)

[grade="00008B FF6347 008000 4B0082"]
السلام عليكم ورحمة الله وبركاته

حياتي هذي امبين عليها فعلا تفكيرها جدا محدود وصغير لانها تعايرك بامور بيد العالمين الاطفال والجسم يعني هذي خلقة ربنا والاطفال رزق من الكريم المنان

الله يهديها يمكن من ها المعايرة الله يبلاها ببلاوي اكبر

انا ما فهمت هي تقصد الصعف من ناحية الجسم ؟؟؟؟ اذا كذا فبقولك عن وحدة من صاحباتي ضعيفة جدا لدرجة من طبيعية يعني ممكن تقولي مرض

بس لما احد يحب يقهرها ويقولها شو ها الضعف

تقول بكل دلع أصلا انا لو وزني زاد كيلو بنتحر عاجبني جسمي كذا

ها النوعية ما يجي معاهم غير ردود مثل هذي

وعلى فكرة اخت زوجي نفس الحال يعني ترمي كلام بس قدام الناس لما نكون وحدنا تكون انسانه ثانية

وانا صرت أطنشها تماما والحين صاروا الناس يستغربوا منها وقالولها بوجهها انتي دفشة هههههههههههه انا حسيت وقتها انهم بردوا قلبي واني
طلعت بريئة خاصة اني أطنشها وما ارد عليها ولا كانها قالت شي ولا كانها أساسا موجودة

والله يرزقنا واياك بالذرية بالصالحة يا رب[/grade]

شو فيه ردي كله احرف زايده

تحملي حبيبتي هههههههه

أنا بعد أؤيد منطق التطنيش


ممكن أنها تكون غيرانه مثلا


أو أي شي

طنشي أحسن


مثل ما قالت الأخت مرموم الوحدة منا تشوف بلاوي


إذا كل مرة بتزعلين

مشكله


طنشيها أحسن

وعلى فكرة اخت زوجي نفس الحال يعني ترمي كلام بس قدام الناس لما نكون وحدنا تكون انسانه ثانية

مرحباً ملاك..... انتي عجل أخت زوجك مثل أخت زوجي بالضبط ههههههه الله يعينا بس

مرحباً ريم81

بصراحــه أوقات أطنش وأوقات ما أقدررررررر:no:

وأفضل حل إني إذا أتضايقت في نفس الوقت أحسسـها حتى لو قدام الناس ... جديـه أحس روحي مرتاحة ومو متضايقة.... وما أحمل عليها ولا شي... وأحسها صارت تفهم ليي وتحترمني أكثر.....


أشكر كل من مر وعقّب على هالمشكله :)

السلام عليكم

ودي اقول لصاحبة المشكلة ترى انتي جدا حساسة و كثير من كلامك يدل على كذي

و هذا سبب رئيسي للمشكلة يعني ... :
لو تسوي اي شي لك يكون تاثيره عليك كبير وايد
ها النوع من الناس ما ينفع معاهم المصارحة المباشرة بما ازعجك لانك تراوينهم نقطة ضعفك بها الطريقة سهل عليها تكرر الشي الي وايد ازعجك ... و لكن
الطيبة لها حدود و هي فاهمة زين انها مهما سوت ما راح تخسرك

على العموم ودي اقول لك اذا ازعجتك بشي فهميها انك منزعجة بس لا تسوين جلسة و ترى انتي زعلتيني و انتي سويتي و قلتي .. يا حياتي انتي كذي تعطينها اهتمام .. لا ..فهميها ان الحركة الي سوتها مو حلوة و لا تكثرين حكي

لكن ........ " ادفع بالتي هي احسن كأن الذي بينك و بينه عداوة ولي حميم " صدق الله العظيم
و كل ما زعلتي منها ذكري نفسك انك خذتي حسنات و انك بتاخذين اجر على الصبر ... فكري ان الله ابتلاك بها و انك بتكونين معاها بما يرضي الله
و في النهاية " و ما جزاء الاحسان الا الاحسان "
تحملي على عمرك و الله معاك

اما بالنسبة لحملك فالدعاء لك بالذرية الصالحة باذن الله

يا حياي لا يكون ابدا تدري انك تكلمتي عن ها المشكلة و طرحتيها للنقاش

شكراً على كلامك ونصايحك حبيبتي:)

وأنا حساسـه! يمكن . بس أشوف إن طبيعي الواحد ما يحب ينهان جدام الناس، صح؟:)

وبالنسبة لنصايحك الغالية آنا فعلاً ما أسوي جلسة معاها بالعكس مباشرة أعطيها الرد في وجهها، يعني لازم تحترمني. صحيح مقابلة السيئة بالحسنة ثواب، بس لازم هالمقابلة صبر كبييييير وبشرط صبر بدون حقد على الطرف الثاني وكراهية..........


على العموم آنا مشكلتي أعتبرها منتهية خلاص.. البنات حبيباتي ما قصروا، وهي أخت زوجي ومهما تسوي تظل أخت زوجي وأحبها......

وشكراُ مرة ثانية على مرورك واهتمامك:):)

السلام عليكم

هلا بك ِ اختي جميله

افضل حل يا عزيزتي انج تقعدين معاها و تفهمينها

و تقولين لها انج حابة تصيرين صديقتها و انج تحبينها وايد و تعتبرينها مثل اختج ..،

و شوفي ردة فعلها و ان ما نفعت الطريقة

عندج ريلج يأدبها و يسنعها

قولي له ..، انها تضايقج عشان يوقفها عند حدها

و حل غير

انتي في بيت عمج ساكنه - بو ريلج -

المفروض انكم الاثنين- انتي و ريلج- لكم بيتكم الخاص و اذا ما يقدر يفتح بيت على الاقل شقة منفصله في بيت عمج محد يجي لكم ..، يعني لو يو زوار هي ما عليها منكم

وفقج الله

اختج

شكراً لكل من مر........ وأعطى النصيحة:):)