قصة حب اماراتية سالم.........ما أدانيك!!!!!!!!

السلام عليكم ورحمة الله وبركاتة
وينج أختي قلب الورد
تراج وايد صيفتي علينا
أحنا على أعصابنا نبي التكملة
وأرجوج لا تتأخري علينا

وعليكم السلام ورحمة الله وبركاته
هلا بالغالية الريم_21
شكلك زعلت علينا وعصبتي بعد
لا انا ما اقدر على زعلك بنزل التكمله
باذن الله

وعذبة يت عندهم وروحوا الشقة... ويلسوا يطالعون التيلفزيون( مبروكة ومحظوظة)
الام: عليوه باجر لا اتحطين مكياج
عليا: اميه خفيف!!
الام: ولا شي
عليا: ليش؟؟!!
الام: كلهم مغاربة... ومن يحطون عينهم غير ليزر... يعجونج
عليا: ان شاء الله
الام: يالله منو بيوّدي الثياب للغسيل اليوم؟؟!!
محد قال شي
عليا: خلاص انا بسير
الام: يا حبج حق الهوامة!!
عليا: اشوف محد قال شي!!! فانا علاية اتطوعت ....
الام: ما عدمج!!... يالله خذي الملابس سيري وردي بسرعة .. وان حد اتكلم وياج... سوي عمرج بلما ....
عليا: ان شاء الله
لبست عباتها وشيلتها ودوّرت على نعالها وما حصلته... لبست نعال مال النوم تويتي عليه
وسارت ويوم وصلت غرفة الغسيل .... حصلت كله ثياب بس ولا الة فاضية... فانتظرت لين ماخلصت الة... ويدخل ريال عليها الغرفة...
الريال: السلام عليكم
عليا منزلة راسها: عليكم السلام
حطت الملابس وتوها بتظهر
الريال: الغالية... شكلج ما عرفتيني؟؟
عليا: والله الشيفة مب على بالي؟؟!!
الريال: افااا!! شيفة!!! بعد!!! اقولج انا اللي على الدريشة... وممكن اقولج شي ... حلو نعالج
عليا: اوهووه!!!
وركضت عاللفت ووصلت طابقهم ... ودقت الباب..من الخوف ونست انه عندها البطاقة..
محمد فاتح الباب: يالله اشبلاج؟
عليا:واحد يقولي حلو نعالج!!
محمد:وينه؟؟!!
عليا:فغرفة الغسيل
محمد: طبعا يلفت... وحلو نعالج... بس صاحبته احلى!!
عليا: اففف منك ومن مصخرتك!!!
وبعد العشاء تتصل عذبة فجاسم
جاسم: سالم... سالم!!! بعض الناس
سالم: رد
جاسم: مرحبا ... اشحالج؟... الله يسلمج... اتولهتي علية؟؟... نحن تونا شايفين بعض
وعليا كانها اتشوف فيلم ومحمد وسالم بعد
جاسم بصوت خفيف: خمس دقايق واتقول احبك ضمان
وبعد الخمس دقايق: انته الصراحة غاوي وانا احبك وما اباك لحد غيري!!!
جاسم: بس انا خاطب... وانتي مب غاوية لهالدرجة!!!... عسب اتعلق فيج!!
عليا: يالله عليك!!!
وعذبة بندت فويهه
وجاسم يضحك
عليا: شو استوا؟
محمد وسالم يضحكون: بندت فويهه
وطرشت له مسج: انسى رقمي!!!



















عليا وسالم وجاسم يضحكون عليها
سالم بصوت خفيف حق عليا: ما اباج اترابعينها... هذي البنية هب زينة
عليا: كيفي!!
سالم: اففف.....ولو مرة اسمعي كلامي!!!
عليا: لا اتكلمني!!! ما اكلم حشاكل
سالم: لا تكلميني يا باربي
عليا: بسير انام تصبحون على خير
الام سارت اترمسها في الغرفة
الام: البسي جلابية واقفلي عليج الباب في الليل... واذا بتسيرين الحمام... البسي شيلة بيضا... سبحان الله حد يطلع في الليل
عليا: ان شاء الله
الام: تبين حد ينام عندج؟
عليا: مابا حد... يرافسوني في الليل...
الام: يالله انا بسير عند ابوج
عليا سارت شربت ماي ... وبعدهم الشباب عالتيلفزيون... وراحت غرفتها وقفلت الباب..
وفي دوا شرته اليوم من السوق لبشرة صافية... حطته على ويهها ونامت...
ونص الليل نشّت لانه ويهها يحرقها.... ولبست شيلتها بتسير الحمام عسب تغسله...
وتوها بتفتح باب الحمام...وانه محمد ناش من الرقاد وهو مغفي... شافها
محمد: بسم الله الرحمن الرحيم.... ام الليل!!!.... سالم .... جسوم!!!! تعالوا طالعوا!!!
عليا بصوت واطي: اسكت فضحتني!!!
محمد: عنبوج ام الليل.... تتريينا في الليل عسب اتخوفينا!!!
سالم وجاسم: بسم الله الرحمن الرحيم!!!!
سالم يضحك بصوت عالي ويقول: شوها؟!!!
(عليا ويهها ابيض من الكريم.... والشيلة بيضا...فظاهره مثل الشبح)
عليا: وسقم!!! انطبوا!!
جاسم: صدق ام الليل... شو تسوين ظاهرة في الليل؟!!
عليا: ويهي يحرقني... بسير اغسل الكريم
سالم يكلم جسوم : يا ريال خلها وخلنا انسير عنها
عليا: نانانانانانناه... يا غلاستك!!
محمد: سيري الحمام وانا عقبج
سارت غسلت ويها... وشافته وطلع احمر... ودعت عاللي مسوي هالمستحضر ولعنت والدين والديه...
عليا فخاطرها: باجر وراي سيرة!!! وويهي محمر... حسبي الله عليك يا راعي المستحضر... يعلك تستعمله ويحترق ويهك مثل ما حرقتلي ياه...
محمد: ويهج محمر!!!
عليا: شو الحل؟
محمد: صبري شوي...
سار الغرفة وظهر وياه كريم...
محمد: يوّدي هالكريم... حطي طبقة خفيفة على ويهج... وبيرد ويهج نفس قبل...
عليا اتطالعه لاول مرة بنظرة ثانية....
وخذت الكريم عنه ولمست يده
محمد فخاطره: فديتج يا غناتي احبج فأي شكل يا عمري...
عليا فخاطرها : ليش اشوفني منشّدة لمحمد؟؟!!...
محمد نزل راسه: تصبحين على خير
عليا: وانته من اهله
عليا راحت حطت الكريم وكان بارد...
عليا: الله يبرد عليك يا محمد دنيا واخره
وطول الوقت محتارة بين سالم ومحمد... بس طبعا 90% لسالم الحبيب الخاين
لين ما نامت ومحمد طول الوقت يفكر فيها....

الام: يالله قوموا يا قوم!!!ورانا سوق!!!
وتكرر كلامها كم من مرة
عليا يوم سمعت كلام امها ركضت عالحمام عسب اتسبح
عليا: انا اول!!!
اتسبحت وظهرت من الحمام مستانسة لانه اللي فويهها راح...
عليا دخلت ع غرفة الشباب
عليا: يالله قوموا اليوم سوق الاحد!!!
جسوم: انا مب ساير!!! بعد تخريعة ام الليل.... ما ابا اسير
سالم: انا بييكم عقب
محمد: انا بسير
عليا: يوم انك بسير يالله عالحمام
محمد: صباح الخير
عليا منزلة راسها: صباح النور
سالم: لا خلاص غيرت رايي ... بيي وياكم ( حس باللي صار)
محمد سار يتسبح ويصلي..وعليا سارت غرفتها حطت جحال خفيف داخل عينها وجلوس...
الام: ما قلت لج لا اتحطين شي!!
عليا: دخيلج يا اماية....تعالي بخبرج شو استوا البارحة( اونها اتغير السالفة)...بس صبري ... بسير اييب كوفي
صبت الكوفي
عليا: يالله نيلس عالبلكونة
الام: يالله
والصغارية يطالعون الرسوم
محمد خلص ويلس وياهم....وسالم سار يتسبح
محمد: عمتية...البارحة ظهرتلنا ام الليل... وخوفت الشباب
عليا: اوهوووه!!!
محمد: ولا تزعلين الباربي
الام: ليش شو استوا؟
وخبروها السالفة
الام: حسبي الله عليج من بنية.... الله ستر ما شردتيهم من الشقة!!!






عليا: هذا الكريم الله يغربله كان بيخرب ويهي!!!.... بس الله ستر
محمد ويشوف واحد يوايج من فوق
محمد بصوت عالي: بخبرك شو اتطالع جيه سينما جدامك؟
ودخل الريال داخل
عليا: هذا دوم عند الدريشة
الام: يالله ادخلوا داخل
عليا بصوت واطي: هذا هو نفسه اللي فغرفة الغسيل
محمد: خليه يوّلي عنج.... انتي شخبارج؟
عليا احمر ويهها من المستحى
عليا: احم .... احم... بخير
محمد: الباربي محلوة!!
عليا: اوهووه!!
محمد فخاطره: فديت عيونج
ويطالعها وهي منزلة راسها يالسة تلعب بالموبايل
سالم وهو معصب: مب بسكم مغازل!!! يالله بنسير...
عليا: انته مالك خص!!
سالم: ام لسانين .... ارحمي حالنا شوي
عليا طالعته بنظرة احتقار وقالت:ما اكلم حشاكل!!!
سالم فخاطره: اباج لو تسوين اللي تسوينه
محمد: حشاكل؟!!
عليا: يالله محمد بنسير
(وعلى فكرة الام والابو حاطين عينهم على سالم لانه دوم وياها )
وركبوا الموتر وساروا السوق
عليا: وصلنا!!! وصلنا!!
سالم: انا ببركن وانتوا انزلوا
ويوم نزلوا محمد لاصق فعليا
محمد: احم .... احم...
عليا: عيش ولحم
محمد: شو رايج في السوق؟
عليا: يعني !!! مب لهالدرجة!!
محمد: انتي اتجدمي وانا ياينج
مر على محل ورد وخذ وردة بيضاء وحمراء وربطها بشريطة حمراء
محمد: عليا!!
عليا: ها شووه؟
محمد: اتفضلي هالوردة لوردتية الحمراء
عليا احمر ويهها وخذت الوردة
عليا: تسلم
والام غايصة في السوق ونست كل حد...(اللي يدخل السوق ينسى كل شي ... يتشرى ويخلص... وبعدين يتذكر اهله).... ادمان التسوق
وسالم يدور عليهم... دق عليهم ودلوه المكان
ويوم وصل.... شاف ورود ف يد عليا.... فخاطره: اكيد هو اللي عاطنها الورود...
والمغاربة يطالعونها ومتخبلين ع جمالها... ويبون يتقربون منها... بس ما يقدرون محمد وسالم وياها...
سالم ومحمد ساروا محل مال جاكيتات وعليا في المحل اللي حذاله...
ومغربي وربيعه انبهروا بجمالها...
المغربي: يا مرحبا باهل دبي..
عليا شافته بنظرة تكبر وفخاطرها: اشدراه اني من دبي؟
المغربي: الحلو ما رد؟!!
عليا: افففففففف
المغربي:يا حبيبي... اتزوج لبنانية ولا سورية؟؟...ولا لاء!! شو رايك باماراتية؟
شافته وعطته بنظرة واحمر ويهها وردت عليه: انته اصلا لو تبيع عمرك ما يبت مهر الاماراتية!!!
محمد: شو استوا؟
عليا اتحرطم ... وروحوا عنها من سمعوا هالكلام
وسالم ثرة طلع من المحل... وهو ياي اتشوفه ياكل كاكاو
عليا: الله كاكاو!!
سالم: تبين؟
عليا: ابا كاكاو!!
سالم: تامرين... بس على شرط
عليا: يالله عاد!!!
سالم: انا بأكلج!!
عليا: ما ابا
سالم: عيل ما شي كاكاو!!
عليا: عنبوك بتذلني الا هو كاكاو روحي بشتري
محمد: في محل جدام
عليا: يالله محمد
سالم: يوّدي والله تاخذينه...كنت اتمصخر وياج
عليا: احلم... وسير كفّر عن حلفتك لاني ماباخذه منك
محمد: خذي عنه
عليا فخاطرها: والله اني اباه بس بس لازم اتكبر عليه
عليا:اسفة برستيجي ما يسمح
محمد وعليا وصلوا عند راعية الكاكاو
عليا: حمود كاكاو!!
محمد فخاطره: فديت كلمة حمود من لسانج
محمد: اطلبي امري
عليا: ابا كاكاو!!!
محمد: خذي والرفجة انها على حسابي
عليا: انزين انا ماباخذ حقي بس؟ حق ربيعاتي بعد!!!.... والله انه عندي ابويه عاطني ... 500 يورو
محمد: مب عسب الفلوس...بس انا ابا... باخذ بعد حق اهلي ... يعني مرة وحدة
وطلبوا عشر كراتين.... ومحمد دفع... كان الكاكاو طعمه لذيذ ومب موجود في البلاد وشكله غريب
والحرمة اللي تبيع الكاكاو فرنسية اتقول لمحمد: u r handsome man انته رجل وسيم
محمد: thank uشكرا
عليا ومعصبة تبا اتشوف اخرة الفلم شو؟!!
الحرمة: do u have a girlfriend? عندك حد؟
محمد:no لا
الحرمة:this iz my card...call me هذي بطاقتي واتصل
محمد: no.. i'm لا... انا
وقاطعته الحرمةlz call دخيلك اتصل
وبسرعة مفاجأة باسته على خده
عليا خلته وسارت عنهم وهي واصل عندها الجايج حد الانفجار
محمد شل الاغراض ولحقها
محمد: عليا!!! عليا!!!
عليا: لا تكلمني!!!
محمد: شوفيني
صدت صوبه وشافته
و طر البطاقة اللي عطته الحرمة

شووووووووووووووووو راح يصير عقب انتظروا يا احلى البنات

عليا فخاطرها: انا احبه ولا احب سالم؟ يا ربي شو الحل؟.... ليش غرت يوم شفت البنية اتبوسه؟...لازم ما افكر فأي حد منهم... انا يايه استانس مب اكدر عمري... واذا حد سوا غلطة... طاف من الخاطر...

والام ردت هي وسالم وماشاء الله ... خمّت السوق كله... من الاغراض
الام: عليوه وينج؟
عليا يوم سمعت صوت امها .... بسرعة دخلت داخل اللحاف.... اتسوي عمرها نايمة...
محمد: عليا داخل الغرفة...
الام: شو مستوي؟
محمد وكان وايد متكدر: لا ماشي
وطرش مسج حق عليا غناتي والله اسف... فديتج هالشي ماكان مقصود... سامحيني)
عليا اتشوف المسج... واتشوف الورود واتشمهم... ومحمد كان يدري انه عليا ماكانت راقدة
عليا طرشت له حرام ان طرشت شي مرة ثانية... والله لأخبر اهلي انك اتغازلني!!)
محمد شاف المسج واتكدر وايد
وسالم مايدري شو صاير...
سالم: عمتية بوديكم العصر الملاهي
الام: زين يابويه

(حزت العصر)
سالم: يالله اتلبسوا
عليا: وين بتسيرون؟
سالم: بنسير الملاهي ... يالله بدلي
عليا: اوكي
ساروا اتلبسوا كلهم
عليا: يالله سالم بسرعة هات المفتاح بسير اشغل الموتر
سالم: خذي!!
سارت شغلت الموتر وانها اتشوف الريال اللي عالدريشة
شافها روحها ودق عليها.... عليا بطلت الباب...
عليا: نعم؟!!
الريال: اسمي راشد وابا اتعرف عليج
عليا: وعلى اي اساس؟!!!
الريال: على اساس جمالج اللي خبل بي
عليا: ههههههههه... انا مخطوبة
راشد: يوّدي هذا رقمي
ومحمد وهو ياي يشوف راشد يعطيعا البطاقة
عليا: سير... ولد خالي يشوف...
راشد مشى ولا كانه شي مستوي... ومحمد يكلمه وهذاكي طاف
محمد سار عند عليا
محمد: شو عطاج؟
عليا: ولا كلمة!!
محمد: افففف
دسّت الورقة فشنطتها
وبعدين كلهم يوا...وساروا الملاهي
سالم: علاية بتركبين هاللعبة اللي تجلب!!!
عليا: جيه مستغنية عن عمريه!!!لا يا بويه
سالم: انزين هاللعبة.... يالخوافة.... يالجبانة...اسهل عنها مافي
عليا: انا خوافة!!!.... جبانة.... اوكي بركب اللعبة
وكانت اتدور على محمد بنظراتها وماحصلته
سالم: ها؟؟... شو؟؟؟
عليا: يالله اتوكلنا...
وتنتفض من الخوف
فخاطرها: لا اله الا الله... بس اللعبة شكلها ما تجلب!!
يلست في السيت وسالم حذالها
سالم: عمتية صورينا
عليا: امايا لا!!
سالم: ماعليج منها
عليا فخاطرها: يا رب سامحني على كل شي سويته غلط فحياتي... ومحمد سامحني فديتك...
عليا: امايا اتراني احبج!
وسالم ميت عليها من الضحك لانه حس بخوفها
وحطوا لهم الحديدة عالسيت
عليا: سامحني على كل كلمة قلتها لك غلط
سالم: خايفة!!
عليا بتكبر: لا!!
سالم: اذا ما اتخافين امسكي يدي
وهي بدون ما اتفكر مسكت يده... وبعدين فهمت...
فخاطرها: فحياتي ما شفت غبية مثلي!!!
وشلّت يدها وسالم يضحك عليها.... واتحركت اللعبة
عليا: بسم الله الرحمن الرحيم
يلست اتدور تحت ويوم ارتفعت
سالم: اتمسكي عن اتبطل الحديدة!!
هو من قال هالكلام
عليا تصارخ: امايا !!! الحقي علية...
ومتشبثة فذراع سالم وهي ميتة من الزياغ
وكل ماتسرع اللعبة عليا تصارخ.... وبدون ماتدري لاصقة فسالم... وسالم يصارخ مب من الخوف من ظفورها .... غرزتهم ف يده من الخوف
ويوم نزلت من اللعبة
عليا: الحمدلله... والشكر.... يوم برد البيت بصلي ركعتين شكر...
سالم: اخر مرة اركب وياج يالقطوة
الام: ليش
سالم: ما اتشوفينها اتصارخ... غارزة ظفورها فايدي
الام:ما اعدمج

وردت الشقة متكدرة لأنة محمد ما رد وياهم .. اونة مشغول (بس عرفت ليش هي منشدة لمحمد ..لانة دوم يدافع عنها بس هي تحب سالم) وفي الايام الباقية اتشوف محمد لدقايق

و فآخر يوم كانت سايرة السوق لمحت ساعة عيبتها طلعت رجالية

فخاطرها:هذي لو تكون على سالم بتطلع روعة

واشترتها و غلفتها وما سوت التاكس فرية لانة اهلها بعدين بيعرفون

وحطتها من بين اغراضها ..ورتبت اغراضها ..لانها بتسافر

وناداها الابو يبا كلمها

بو جاسم :عليا ..بنيتي انا ابا اكلمج عن سالم و محمد..وليش هم يايين ويانا

و خبرها السالفة كلها

عليا: انا ما ابا حد!!!

بو جاسم :نحن انا و امج حسينا انج تبين سالم

عليا:سالم ؟!!مستحيل!!

بو جاسم: تبين محمد..انزين بس خطوبة مب ملجة

عليا:بفكر

بو جاسم:ما شي جاوبي!!!

عليا منزله راسها: سالم

بو جاسم:بالبركة عليج يا الغالية

عليا:الله يبارك فيك

عليا فخاطرها:والله لاغصص فيك لين ما تفصخ الخوطوبة

و محمد حس بالظلم اللي صابة بس كتم احزانة

و سالم مستانس حده

عليا فخاطرها: ما ادري ليش اخترت سالم

و روحوا ووصلو البلاد

و كان كل يوم يحرق تلفونها سالم و هي ما ترد

و بعد السفر بأسبوعين يا البيت
و سالم ياي عندهم البيت عسب ايشوف خطيبته

عليا وطاف من الخاطر

سالم :السلام عليكم

عليا طالعته بنظره و صدت اتطالع نجوم الخليج كانت آخر حلقة

اخوها:عليكم السلام

و الأخو قام يسلم عليه.......

أخوها : اقرب..اقرب..حياك

سالم:الله يحييك

و عليا اذنيها وياهم و عيونها على التلفزيون

تموا نص ساعة

و كانوا يعلنون منو الفايز

سالم :انتي منو تشجعين؟

عليا:مالك خص (و ترفع حواجبها)

الاخو:عيب عليوه

عليا:مب انت اللى تعلمني العيب

الاخومعصب

سالم:خلاص جاسم خلها على راحتها

عليا:انت تشجع منو؟

سالم: انا من اول المسابقة اشجع سلمان حميد

عليا: اها

ومب طايعه اتخبره انها هي بعد اتشجعة

التلفزيون: الفائز في مسابقة نجوم الخليج..نجم نجوم الخليج سلمان حميد

عليا و تقفز من مكانها: ييييي..فديته...فاز..فاز( و هي طايره من الفرح)سلمان حبيبي

سالم ومحرج ويهه :جاب و لا كلمه!!!!!

عليا و جاسم يطالعونه

جاسم:شو سالم؟

سالم وقف ومحرج:جيه انا مب سادنج؟! ولا ناقص شي

عليا فخاطرها:ناقصتك ذرابه

سالم: يا الله فمان الله

جاسم: يا ريال تعال

سالم:مرة ثانيه

عليا:فمان الله

سالم طالعها بنظرة وقال فخاطره:تبيين الفكه انا ما بخليج انتي حقي بس!!!!!!!!

سالم:شوفي انا طالع و بدق بعدين و لازم تردين فهمتي ولا لا؟

عليا:هذا امر!!!!

سالم:احسبي اللى تحسبينه

عليا:جاسم طالعه......

جاسم:خطيبج و تفاهمي وياه انا مالي خص

عليا:مب رادة...شو بتسوي..بتخبر التحريات؟

سالم:غصب عنج بتردين ولا والله وهذي حلفتي انه الملجة الاسبوع الياي!!!!
عليا وهي ميته من الخوف

سالم:ها ما بتردين؟!!

عليا لا ما برد!!

سالم:متاكدة؟!!

عليا:جاب ولا كلمه!!!!

سالم و يضحك(وحس انه حصل الجواب اللى يباه)

طلع من البيت و سارت اتكلم امها

عليا:امي الحقي عليه

الام:شو فيج

عليا:قالللي سالم اذا ما رديت علية بيخلي ملجتي الاسبوع الياي

الام :و هو صادق ليش اتطولينها

عليا:امايا!!

الام:الي قدج معرسة و عندها ولد او بنيه

عليا:ما بي اعرس و ما ابا اكلمه
الام: والله ع راحتج.. بس اذا مارديتي ...بيملج عليج...
عليا: ما يقدر
الام: كيفج!!
عليا: امي ما يستوي اتزوج غصب!!!
الام: شكلج تبينه بس اتكابرين!!
ووصل اخوها الصغير
الام: تعال حبيبي
واخوها يسمع الاغنية ويرزف بمكشة والام تضحك
عليا باسته ولعبت وياه شوية... وراحت غرفتها تلعب بالكمبيوتر...
وفجأة يرن تيلفونها ومن الخوف بسرعة اتدوّر عليه... واتحله داخل فراشها... حتى ماشافت الرقم وردت..
عليا: الو!!!
سالم: اشوفج رديتي؟!!!
عليا: انته اتعرف ليش؟؟!!
سالم: ليش ماتقوليلي غناتي شو سالفتج؟؟
عليا: انا هب غناتك...
سالم:يالله شوي شوي علية!!!... شوفي انا لو ما قلت لج هالكلام.... جان مارديتي علية!!!
عليا: اها!!
سالم: ليش اتكبرين علية... في السفر لنتي كم من يوم وبعدين اتغيرتي!!!
عليا: اظني وايد بنات يبوووووووووونك ... ليش انا


آرااااااااااائكم

يابنات سامحوني الحين علي امتحانات بطول عليكم اسبوع

الله يوفقج أختي يا قلب الورد بامتحانتج ويسهل عليج

بصراحة قصة حلوة استمتعت بمتابعت أحداثها

تقبلي تحياتي .

حمد الله على سلامتج
انتي وينج ؟ تسلمي لي الغاليه الله يعطيج العافيه
وبالتوفيق ان شالله وطمنينا عن الأمتحانات
واحنا في أنتظارج
وجولي حبيبتي هالدعاء قبل لا تبدي اتحلي الأمتحان
(( اللهم لا سهل إلا جعلته سهلا وأنت تجعل الحزن إذا شئت سهلا))
وبعدها سمي بأسم الله وأبدي حلي وعسى الله يسهل عليج
الأمتحان والله معاج

أمل 2005
هلا اختي وانا استمتعت بمرورك

اختي الغالية ننتظر تكملة القصة بفارغ الصبر وان شاء الله امتحانات سهلة

مشكورة حبيبتي الريم_21

صدقيني ما كنت ناوية انزل اجزاء لاني كنت

داشة المنتدى بطالع الردود واسكر بس

عاد علشانك انا بنزل وبعد علشان البنات

والحمد لله قدمت نص الامتحانات باقيلي الاسبوع الياي

واخلص واعذروني كنت مريضة بعد وتعبت ما اقول غير

الحمد لله على كل حال

بس بقول شيء انه في الجزء في مقاطع اغاني اسمحولي
حذفتهم علشان ما اكسب اثم اللي يسمعها

سالم: انتي اتعرفين ليش!!!

عليا: لا ماعرف
سالم: عن الاستهبال!!!
عليا: ما استهبل... ولا ابا اعرف اوكي؟؟!!...ممكن ابند؟؟
سالم: لا!!
عليا: ليش؟؟
سالم: انتي وردتي الحمراء... اللي فخاطري اشمها واحبها كل يوم...
عليا حسّت الكلام يدوور براسها..
سالم: واظني انتي اللي خذاج سالم ع جناحه وحطاج فقفص قلبه
عليا فخاطرها: فديت كل كلمة اتقولها!! وكل حرف تلفظه!!
عليا شوية وبتصيح
عليا: ممكن ابند؟
سالم: خذي راحتج...
وسالم حس انه وصل المعلومة
وهي يالسة سرحانة فكلامه ... اييها مسج منه

-------------------------

بس طبعا ما تقدر تنسى الموقف اللي استوا قبل ماتسافر وانه كان يكلم بنات
طرشت له مسج:
[
----------------------
وبسرعة غلقت موبايلها...عسب مايتصل واذا سألها بتقول انه في جرج
وهو حاول يتصل بها بس كله مغلق .... سار يتصل فمحمد
محمد: الو
سالم: مرحبا يا محمد
محمد: يا مرحبا وسهلا بسالم
سالم: هلا... بغيت أسألك... انته تبا عليا؟
محمد:ليش يعني هالسؤال؟
سالم:بس!! انته جاوب!!
محمد: الصراحة كنت اباها وبدون زعل...ويوم كانت من نصيبك الله يهنيك... واهلي بيخطبون لي بنت عمها
سالم: وانته تبا بنت عمها؟
محمد: شوف ياريال انته اتحب عليا وعليا اتحبك...وشكلكم بتاخذون بعض...
سالم: شكلنا بنفنجش!!!
محمد: افااا!!!
فتحت تيلفونها وطرشت:
-------------------------------------

(ويا ريت ماتتصل او اطرش اي شي ... سالم انا ما اباك)

ويلست اتصيح
ويوم وصله مثل الماي البارد اللي انصب ع راسه
سالم ومعصب: شو هذا؟؟؟
محمد: اشبلاك؟
سالم: مطرشتلي مسج
وقال له شو كاتبه..
محمد: ياخي شو مسوبها جيه؟
سالم: مسوي بلاوي... بس ماكان قصدي
محمد: ياريال!!! الا عليا ماتستاهل!!!
سالم: والله انه ماكان قصدي...احبها واباها...بس هي مب حاسة اني متخبل عليها...
محمد: مادامك تباها... اتوكل على الله...وكل شي نصيب... اذا هي من نصيبك.... خلاص املج عليها!!!
سار سالم رمس اهله انه يبا يملج عليها ملجة رياييل بعد يومين
ام سالم: جيه مستعيل!!!
سالم: ابا املج عليها ....ابا اشوفها ع راحتي....
ام سالم: بعده في وقت...
بو سالم: ولدي اتوكل على الله ... وانا اليوم بكلم ابوها...
سالم متفجج من الفرحة
(في الليل)
سالم في غرفته: بتكونين حقي انا بس.. ولازم ترضين يا علايتي...فديت روحج وعيونج...
عليا وعيونها محمرة: مابسامحك... عادي اتكلم بنات مني والدرب

(الصبح)
الابو والام يطالعونبعض عند الريوق وعليا مب حاسة بهم...
ابوها: هاخلصتي ريوق؟
عليا: الحمدلله
وكل اخوانها متيمعين
وعليا حاسة بشي من الخوف...
ابوها: ترا البارحة يرمسني بو سالم ... انه يبون يملجون يوم الاربعاء
الام: والله ما بتلاقين احسن عنه
جاسم:صدق انه ريال حشيم وذرب... وما شفنا عليه اي زلة...وحتى يوم تسألين عنه...يردون بكل خير...
ابوها: حتى اخوج يمدحه!!
عليا: انا هب موافقة.. انا اصلا ماكنت موافقة على الخطبة... اهله طيبين على عيني وراسيمن فوق... بس انا ما با اعرس
ابوها: لين امتى؟
عليا: لين ما اخلص دراستي
ابوها: اسمعي كلامي... ابا مصلحتج... ووافقي!!!
عليا: بفكر عطني مهلة يومين
ابوها: ماشي... بس لين في الليل
عليا فخاطرها: والله اباه... بس ما اقدر.. اخاف يلعب بمشاعري ويخونني
عليا طول الوقت وهي اتفكر
ووصلها مسج من محمد: وافقي لانه يباج...والله يوفقج ويسعدج وياه
وطرشت له:[-----------------------------

حست مثل الروح اللي ردت الها
عليا فخاطرها: يعني يباني!!ما اصدق بسير اسوي حق شويخ!!!
عليا: الو... مرحبا... شويخ
شويخ: هلا بالغلا
عليا: انا مترددة
شويخ: مب لازم اتقوليلي..شو السبب انا اعرف ليش
عليا: سالم علمج؟
شويخ: هي علمني...ويباج من خاطره
عليا: عيل... انا ببند عنج... اوكيه مع السلامة
شويخ: موافقة؟!!
عليا: ماباج تزعلين!!! بتسمعين روحج باجر الخبر...
شويخ وهي متحرقصة: ع راحتج!!
عليا سارت عند ابوها وهي فرحانة وعليها الابتسامة
عليا تصارخ: ابويه ابويه!!!
ابوها: اشبلاج اتزاعجين!!!
عليا: شو اتمنى؟؟!!
ابوها: لاحولل... اتمنى 3 رياييل ايوني ويفكوني منكم
عليا: امنية وحدة اتحققت!!!
ابوها: يعنيموافقة!!!
عليا: هيه!!!
عليا فخاطرها: بعدني باتكلم وياه بتكبر وبثقل عليه!!!
وسالم طول الليل على اعصابه: ادري بها اتحاول تقنع ابوها انها ماتباني... بس الله يستر
وعليا فخاطرها: بدق له وببشره
واتدق له
سالم شاف رقمها وسيده رد
ويقول فخاطره: اكيد رافضة... بتشمّت علية!!!
سالم: الو؟
عليا: سالم؟
سالم: عيونه!!
عليا: ماشي
سالم: غناتي تتزوجيني؟؟!!!
عليا: هاه؟!!
سالم: تتزوجيني؟ يا عيون سالم؟
عليا: انا موافقة
سالم والصدمة ع ويهه: قولي والله!!!
عليا: والله انا موافقة اتزوجك يا سالم
سالم وطاير من الفرحة: والله اني احبج
( وطلعت هالكلمة بالغلط)
عليا حست انها بتطير من الفرحةوفخاطرها: يحبني!!! يباني!!!فديت عمره!!!
عليا: ممكن اطلب طلب؟
سالم: امري غناتي!!!
عليا: مااباك اتكلمني او اطرش لي اي شي لين يوم الملجة
سالم: مب جنة فترة طويلة؟
عليا فخاطرها: فديت عيونك
عليا: موافق؟
سالم: تم!!
عليا: ممكن ابند؟
سالم: خذي راحتج
عليا: سالم؟
سالم: عيونه امري؟!!
عليا: تصبح على خير
سالم: غناتي قبل ماتبندين بسألج سؤال: اتحبيني؟
عليا: يالله فمان الله
سالم: الله يحفظج
وبندوا

ترى ما بقى غير جزء واحد و تخلص القصة السلام عليكم ورحمة الله وبركاته

هلا اختي غناة الروووح
ومشكورة على المرور
وعلى فكرة اسمك حلو

تسلمين
أختي الغالية على ذوقك رفيع
وعاد انتظر الجزء الاخير من حلقه

قصة ولا اروع
تسلم الايادي

وين التكمله ما فيني صبر

هلا بأختي قلب الورد
حمدلله على سلامتج الغاليه ما تشوفي شر
إن شاء الله ...أجر وعافيه عاد السموحه ما رديت
عليج إلا احين عشان بس اليوم شفت القصه
سلامتج ألف سلامه مره ثانيه تسلمي الغاليه
على الرد وعلى تنزيل القصه الله يوفجج ان شالله
وتمر الأختبارات على خير

القصه رووووووعه

بنتظاااار انج تكملينها

يعطيج العافيه يارب وموفقه ان شاء الله

شكرا على القصة الجميلة بل الرائعة...وبانتظارك

أختي قلب الورد
طولت علينا وايد
الله يخليك كملي القصة
أنتظر بفارغ الصبر

لله يسلم عيونك ام ضاحي