راتب الزوجه

السلام عليكم
اختي موضوعه غريب لاءنه الي دايما يطلب من بنيه واهوا مومرتبط فيها رسمي معناتها اهوا بيستغلها بس
بس اهوا بيخطبج وهذا الغريب
واختي اهوا يشتغل ولا لاء؟

اختي اذا يشتغل لازم تسئلينه وين يودي معاشه وتتفااهمين معاه على انج مراح تعطينه شي
واذا لاء مايشتغل فترفضينه احسن لأنه بيعتمد عليج بعدين بالمصرف وبتتعبين معاه

اختي خلي اهلج يسئلون عن الريال وبشكل زياده عشان يعرفون اهوا شلون يصرف لفلوس


وصلي استخاره

والله يوفقج

اختج
كويتيه

نصيحتي .........انحاشي بعمرك قبل ما يفوت الفوت....هالاشكال ماراح تستحي منك و بعدين هو واثق انك ما راح تستحملين تعيشين من غير راتبك و المفوض هو اللي يعطيك مو انتي لان القوامه للرجل مب العكس....حبيبتي ما بني علي خطأ فهو خطأ صلي صلاة استخاره و خلي اهلك يسئلووووووووون عنه عدل و إذا كان فيه خير لك راح تتزوجينه اما إذا مافيه خير راح ينصرف عنك و يبعده الله عنك ..الله يكون بعونك

اتقي الله في نفسك..
اول شي كيف تعرفتي عليه!؟ وانتي تقولين ما من بينكم شي رسمي؟! اذا العلاقه من بدايتها غلط فما بالك بالي قادم؟؟؟؟؟؟؟؟
اختي هذي الاشكال من الرياييل تراها ما تنفع.. باجر ان جاء وخطب وين بيصرف عليج؟! من الحين لا مسؤوليه ولا مراعاه ولا رجوله ولا شخصيه وين بعدين؟! كيف تبغينه يكون ابو لعيالج وهو ما له اي مسؤوليه؟! كيف بيصرف على عياله في المستقبل؟! واختاري زوج مناسب ولا اتعقين عيالج في مشكله انتي في غنى عنها..

ترى الحب ما يوكل عيش ولا تقولين احبه.. شو فايدة الحب بدون اهتمام او مسؤوليه..

توبي وارجعي لربج ودوسي على قلبج واتركي عنج هالخرابيط..


{رَبَّنَا مَا خَلَقْتَ هَذَا بَاطِلا سُبْحَانَكَ فَقِنَا عَذَابَ النَّارِ * رَبَّنَا إِنَّكَ مَنْ تُدْخِلْ النَّارَ فَقَدْ أَخْزَيْتَهُ وَمَا لِلظَّالِمِينَ مِنْ أَنْصَارٍ * رَبَّنَا إِنَّنَا سَمِعْنَا مُنَادِيًا يُنَادِي لِلإِيمَانِ أَنْ آمِنُوا بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأَبْرَارِ * رَبَّنَا وَآتِنَا مَا وَعَدْتَنَا عَلَى رُسُلِكَ وَلا تُخْزِنَا يَوْمَ الْقِيَامَةِ إِنَّكَ لا تُخْلِفُ الْمِيعَادَ} [آل عمران: 191-194].





تسلمين حبيبتي هلاوين على تفنينك لصورة ابنتي.. ومشكوره على الهديه الرائعه

السلام عليكم ورحمة الله وبركاته

معلش أختي بس سؤال...

إنتي قلتي

راتب الزوجه

و أنا مش شايفة في زوجة في الموضوع !!!!!!!

الموضوع واضح...

واحد مصاحب واحدة ( علاقة ليس لها أساس من الصحة...بعيد عن أعين الأهل )...

و قاعد يطلب منها فلوسها بدون ما يستحي إنه هو الرجل و هي المرأة...( لأنها من الأول رضيت تمشي معاه بدون رابط شرعي...لذلك هو مش عامل لها إحترام )...

لذلك...الوضع لحد الآن عادي ...و طبيعي و متوقع...ما في مشكلة !

لكن إنتي قلتي راتب الزوجة...و أنا ما لقيت زوجة في الموضوع !!!

الله يوفقك أختي

موفقة أختي

بصراحه كل الاخوات رئيهم ممتاز مفيش كلام تاني يتقال بعد كلامهم

[grade="DC143C FF4500 DC143C FF4500"]
السلام عليكم ورحمة الله وبركاته

أختي الموضوع باين من البداية،واللي أشوفه إنج تفكرين بهالشخص بقلبج

مش بعقلج،وهذا أكبر خطأ،لأن لو فكرتي في الموضوع بعقلج فمستحيل بتوافقين

على شخص تعود إنه ياخذ منج مبلغ من المال شهريا،الأخ قبل ما يتزوج طلب منج،يعني

أكيد بعد الزواج بيطلب أكثر،صحيح أنه الزوجة المميزة هيه الزوجة اللي تساعد زوجها

ويكون هناك تعاون بينهم،لكن الشخص اللي تريدينه تعود ياخذ منج،والأسلام يقول إن

الزوج ملزوم بزوجته مش الزوجة ملزومة بزوجها،يعني تعتقدين إنه بعد الزواج ممكن يشتريلج شي

أو يعطيج شي،بالعكس هو اللي بيطلب منج دوم،وبياخذ راحته أكثر دام انج زوجته يمكن ال200

توصل 2000، الغالية لا تخلين مشاعرج اتجاهه تشفع لتصرفاته،احكمي عقلج،الشي الثاني أختي

مايصير يكون هناك علاقة بينكم،حتى لو كانت علاقة محترمة،يعني أنتي تشوفينه كل يوم وتسولفين

معاه كل يوم،طبيعي يكون هناك شي من الحب والمشاعر (هذا عيب الشغل المختلط)المهم مابدخل في

هالموضوع، لكن أختي مش شرط يكون هذا هو الحب الحقيقي..

لذلك نصيحة لوجه الله ارفضي هالشخص،وبإذن الله بييج اللي بيكرمج وبيحشمج،بتقولين بس هالشخص

فيه صفات حلوة،أقولج كل شخص فيه صفات حلوة ومش حلوة،لكن فيه صفات من تطلع في الشخصية

تخربها وتشوهها،لذلك أتمنى ماتنجرفين وراء المشاعر..

الله يوفقج يارب ويفتح بصيرتج لكل خير،آمين

في أمان الله



[/grade]

السلام عليكم ورحمة الله وبركاته


اختي العزيزه
يستوي ان الانسان يحتاي بيزات
وبعد يستوي انه يطلبها من اللي وياه
بس اللي ما يستوي انه يحن عشان
يحصل البيزه

انا بنت بس والله ا ستحي احن على
اختي مثلا انها تعطيني بيزات حتى
لو كان المبلغ تافه،

كيف وهو يشوف عمره ريال يطلب من
بنت تعطيه بيزات، سويتي له راتب

لو ما يشتغل مصيبه
بس لو يشتغل كاااااااااااارثه، عشانه
بيكون بخيل أو مسرف يلعب بالبيزات

نسمع وايد عن شباب يستغلون البنات
ماديا، يعني فواتير تيلفون وعطور ووو
واحيانا مثل اللي عندج مصروف

احسن شي تصلين الاستخاره لين ما تستقرين
على قرارج

وبالنسبه لراتبج خبريه من البدايه انه بالكامل لج
انتي وهو بعد ملزوم انه يصرف عليج....ولا بصراحه
بيكون ريل على الفاضي....

على العموم لا تحاتين القماط قبل ما يطيح الولد

السلام عليكم ورحمة الله وبركاته




أختي الكريمة (بنت الشهامة)

من صجج تفكرين إذا توافقين على الإرتباط بواحد مثله ولالا؟؟

إذا هومن بدايتها يستغلج عيل بعدين شنو بيسوي؟؟

أنا أقول أتقي الله لأن معرفتج فيه أصلا غلط وهو، سمحي لي، يفتقد الرجولة

لأن المفروض رجولته ما تسمح له ياخذ فلس من حرمة..

أنا أقول فكري عدل قبل ما ترتبطين بواحد مثله وأستخيري الله..

والله يهديج ويهدي الجميع..


و السلام عليكم ورحمة الله وبركاته

من البدايه ما عنده شخصيه ولا رجوله يطلب بيزات جنه ياهل ويعترف انه ما يقدر يصرف عليج لانه ما يقدر يصرف على نفسه اصلا
كيف تبينه باجر يصرف عليج وعلى عيالج وكيف انسان نفسه يقدر يفتح بيت ويعيل اسره
اختي انتي تختبرينه بسؤالج اذا بيعتمد على راتبج ولا لا..وانا اقولج هالريال هب اهبل..هذا يعرف انه دامه الحين يروم يزن على راسج وياخذ اللي يبيه من بيزات..عيل اكيد باجر لي صار هو الامر الناهي بيجبرج على الدوام وانج تصرفين عليه

خلج ذكيه وانهي علااااااقتج اللي بدايتها غلط واستمراريتها حتى لو بالزواج بتكون غلط بي غلط

والله لو انا مكانج بسم الله علي .. لا يمكن اتزوج هالاشكال..اذا الوحده بغت الستر خذت ريااااااال .. هب حرمه بشنب ولحيه

واسمحيلي جان كلامي دفش بس هذا رايي

انتي بديتي بغلط ....... ولاتكملين على هالغلط فديتج ....... خلي عنج الجانب العاطفي وفكري بعقلانيه ........ يعني وهو قبل ماياخذج وراتبه مايكفيه عيل شلون لو خذج وبتزيد المصارف؟ ..

ولاتحطين جوابه يوم انج سألتيه وقلتي له انج بتستقيلين ...... لاتحطينه مقياس .. اكيد هو متوقع هالسوال منج ..

والمهم رايج ...... الله يوفقج