[frame="2 80"] السلام عليكم ورحمة الله وبركاته
أدري ان اليوم عيد و سامحوني.. لاني بخرب عليكم فرحتكم وبضايقكم..
بس لازم اشكي .. لازم اتكلم..لاني احس اني خلاص انكتمت معد اقدر اتحمل اكثر..
يمكن كلامي يكون كثير بس استحملوني لازم اطلعه و اقول كل شي..
مااعرف من وين ابتدي او شنو اقول..
بتكلم عن بداية طفولتي..
انا عندي 4 خوات و اخ واحد الله يخليهم لي..
انا الوسط ما بين البنات..
و احس اني ضااايعه.. من يوم ما كنت صغيره .. امي كان اهتمامهاالكبير في الي اكبر مني و خصوصا اخوي انا مااقول انهااهملتني لكن ما اهتمت فيني ذاك الاهتمام.. الي كنت اشوفه بعينها مع الي اكبر مني..
لي ذكريات اتالم اذا اتذكرها عن ايام طفولتي..
واهم ذكرى حزينه.. ان ولد خالتي تحرش بي جنسيا يمكن لما كان عمري 4 او 5 سنوات كان يقولي وريني المكان فلاني و كذا .. بس المهم اني مافقدت عذريتي لاني ماكنت اسمح له.. و اصلا ما كنت اعرف في هذه الامور شي الا لما كبرت و عرفت اني تعرض لتحرش الجنسي و من من؟ من احد يصيرلي!
وطبعا ماقدرت اتكلم او ابوح لاحد عن هذا الشي و المهم اني مافقدت عذريتي لاني ماسمحت له..
طفولتي كانت شقيه حتى امي تقولي اني كنت وايد اغربلها و اتعبها.. بس كنت ياهل و ما كنت متعمده اني اتعبها.. تربيت مع بنات عمتي الي كنت اعتبرهم صديقاتي..
وكبرت وتغيرت و لاحظت اهتمام امي فيني كلما كبرت كلمااهتمت فيني خصوصا اني بسن المراهقه و عرفت السبب لما كنت صغيره ماكنت تهتم لي لان الي اكبر مني كانوا بحاجتهااكثر مني.. وعموما انا عذرتها و مستحيل ازعل عليها..
بدت مشكلتي بام المراهقه .. مثل ما قلت كانوا صديقاتي بنات عمتي هم 2 وحده بعمري و الثانيه اكبر مني بسنتييين ..وطبعا مرتهقتهم كانت مااعرف كيف اوصفها لكن طريق الى الانحراف شباب و خرابيط بس ما وصل الشي الى الطلعه او يسووون شي غلط..كانوا يقولون لي عن الشباب الي يغازلونهم او لين شافوهم بالشارع يكلمونهم..وطبيعي بهذيك المرحله البنت تحب تسمع من يتغزل فيها ويدلعها و طبعا جرفوني معهم في التيار لكني كنت ..محافظه.. انا اعترف اني غلطت..بس ما سويت هذيك الاغلاط الكبيره كل الي سويته اني اهتمييت بشكلي زياده عن اللزووم لين طلعت بالشارع!
وطبعا لا اهلي و لا اهلهم يدرون بشي!لين انكشفت من قبل اهلي و جلسوا يكلموني و يكلمون بنات عمتي و تبت و تركت امور الشباب و خرابيطهم مع اني ما كنت اكلم احد بالتلفون او اطلع معاه بس يعني ابتسامه من ذا و هذه الاشياء البسيطه لكن الله هداني و تبت لدرجه اني ماصرت اطلع من البييييت من كثر ما كرهت نفسي و كرهت الي كنت اسويه!
انا ما الوم بنات عمتي في كل شي لاني كنت اقدر اضع حد..بس ماعرف كيف اوضح لكم .. ماكان لي غيرهم وطبيعي بنجرف معاهم..لكن الله هداني و هداهم و تبنا..
اخلص منمشكله و ادخل بمشكله غيرها!
وابتدت مشكلتي الثانيه مع بداية معرفتي للنت..كان عمري 14 وماكنت افقه او اعرف في امور النت شي لين شوي شوي و تعلمت وصرت ادخل الشات..وهو سبب عذابي..ماكان فيه احد يوعيني علىالي كنت اسويه!
تعفت على واحد من غير بلدي.. وضحك علي بكلمة احبك حالي حال اي بنت و استدرجني لين اكلمه بالتلفون و انا كنت ماعهرف في هذه السوالف يعني اقدر اقول عن نفسي غبيه..وطبعا محد يدري عن كل شي غير بنات عمتي و اختي الي اصغر مني اني كنت اكلمه بالشات و بالتلفون..الين يوم من الياام قررت اقول لامي عنه..لاني حسيت اني اخون ثقة اهلي فيني..وقلت لها كل شي و بالتفصيل و امي قالت لي لازم تتركينه و قلت لها لا لاني كنتاظن اني احبه! بس ماكان حب يمكن لانه كان الاول بحياتي..وطلبت من امي تقول لابوي..وابوي سوالي مشكله و كلمني اكثر من مره و انا قلت لابوي خلاص ماراح اكلمه و قلت لامي بعد مااراح اكلمه ابيهم بس يسكتون عني! وبنات عمتي و اختي طلبوا مني بعد اتركه لانه كان يكذب علي باشياء كثيره و اناادافع عنه و كنت متمسكه فيه لدرجه ماتتوقعونها مع انه مايستاهل..المهم اني كلمته من ورى اهلي و هم على بالهم اني تركته الاشخاص الي كانواي درون فقط اختيو بنات عمتي..الين جا هذاك اليوم..الي تهاوشت مع اختي علشانه و صل لدرجة اني ضربتها كف و من بعد هذاك اليوم ما كلمنا بعض الى يومنا هذا..وهي راحت و علمت علي اخوي وصارت لي مشكله و اخي و اختي واختي الي اكبر مني كلهم خاصموني و لارضيت اتركه..وبنات عمتي بعد ابتعدوا عني..وتركوني لاني ماتركته..وبكل التضحيات الي سويتها علشانه بالاخير يخوني؟!! لاني رفضت اقابله و اطلع معاه و ياخذ اغلى ماعندي وهو شرفي..وبعد هذا تركته وهو يصر على انه يحبني الخ.. و انا وضعت حد لعلاقتي معاه و نهيتها و انا عمري 16 يعني تقدرون تقولون اني كنت معاه سنتين بعلاقه..تركته لكن بعد شنو؟؟
بعد ماخسرت ثقة اهلي فيني؟؟
بعد ماخسرت اخواني و خواتي؟؟
بعد ماخسرت صديقاتي؟؟
النتيجه اني اصبحت وحيده..اعيش همي لحالي حتى بالمدرسه كنت اجلس لحالي محد معاي و محد لي.. تعرفت على صديقه غيرهم و كانت تحبني حب وتخاف علي ودايما تنصحني و لماشافوا ان معاي احد رجعوا لي بس مارجعوا حبا فيني رجعوا علشان يدمروون حياتي فرقوني بيني و بين صديقتي وسولي مشاكل و بعد ماافترقنا رجعوا تركونيمن جديد!
انا اكتب لكم اللحين و الدموع تنهمر من عيني لانها ذكريات بجد حزينه و تالمني و ابي اشكيها لاحد بس اقول لمن؟؟
لما شفت نفسي جذي تقربت لامي و ابوي اكثر و اكثر و عاهدتهم ما اعديها و انا عن عهدي وشوي شوي رجعت ثقتهم فيني وطبعا عرفوا عن اخوي و خواتي و اعتذرت لهم وصرت مع الكل عادي و رجعتالثقه لي و حتى انا صرت اقولهم صارلي مع فلاان كذا و كل شي ماصرت اخبي عليهم شي..
بس اختي الي اصغر مني ليومنا هذا مو راضيه تسامحني او حتى تصدقني انا اثبت لامي و ابوي واختي و اخوي الي اكبر مني اني تكرته علشان جذي بدت ترجع ثقتهم فيني شوي شوي و اعترفتلهم انها غلطه مراهقه ومراح تتكرر..بنات عمتي رجعوا يكلموني بس مو مثل قبل يعني موصداقه..لانهم للحين على بالهم اني اكلمه و ماتركته..و انا كبريائي مايسمح لي اقولهم من بعد الي سوووه فيني تركوني و انا بامس الحاجه لهم..تخرجت من المدرسه ودخلت الجامعه وتعرفت على صديقات غيرهم يحبوني و احبهم..وبنات عمتي صاروا يتصلون فيني فقط للمصلحه و انا لاني طيبه مااردهم و صديقاتي يعصبون علي و يقولون لازم اضع حد بس مااقدررر! هم ضروني بس انا مااقدر اضرهم ما اقدر صعب صعب اتمنى لو اقدر اسوي فيهم مثل الي سووه فيني مع اني كنت اعرف اسرار وايد ممكن توديهم في دواهي بس ما تكلمت عنها و لا قلت لاحد شي مثل ماهم سووو فيني! وليومنا ذا يكلمون اختي الي اصغر مني سوالف و ضحك و طلعات و انا مافي لي اي اهتمام ما كاني بالحياة موجوده!
اخلص من مشكله و تطلع لي مشكله ثانيه انا اللحين بالجامعه سنه ثانيه و بعدشهر ان شاء الله بيصير عمري 19 المشكله هي بصديقات صديقتي..
اول شي ابيكم تعرفون ان صديقتي مخطوبه ومالها في سوالف الشباب بعكس صديقاتها ..
هي عندها صديقات من ايام الاعدادي تعرفون شنو احساسي لما اكون معاهم؟
ماعرف كيف اقوله لكم بس يعاملوني و كاني حشررررره! ليش؟
اول شي لاني مو غنيه و لا عندي مال وفلوس و لا سيارات اخر موديل مثلهم و لا عندي شباب
واكلم مليون واحد مثلهم!انا وش ابي فيهم؟؟ انا مستحملتهم علشان صديقتيو قلت لها ترى انا صديقاتج مااحبهم و فهمتها بس هي وش بيدها هذلين صديقتها من الاعدادي وهي توها صديقتي من 2سنتين؟؟ ماتتخيلون شكثر اضاااااااااايق لمااجلس معاهام بس غصبا علي علشان صديقتي والله معد فيني اتحملللل العذاب تعبت نفسيا
احس اني لو اموت او يصير فيني شي محد بيهتم لي!
اتمنى لو تدعون لي الله يفرج لي همي..
يمكن البعض مايحس انها مشاكل ذات اهميه بس اثرت فيني وايد خصويا اني بنت حساسه لدرجة ماتتوقعونها ودلوعه كثييير..
واسفه لاني طولت عليكم سامحوني
اختكم
Sad memories[/frame]
"ابي افض فض و اشكي لكم"
s
03-11-2005 | 10:32 PM
a
03-11-2005 | 10:43 PM
السلام عليكم
عيد مبارك عليكي وعلي كل اسرتك
انا قرأت جزء من مشكلتك
وإن كان موش عندك مانع نكون أخوات
وربنا يحفظك من كل سوء انشاء الله
عيد مبارك عليكي وعلي كل اسرتك
انا قرأت جزء من مشكلتك
وإن كان موش عندك مانع نكون أخوات
وربنا يحفظك من كل سوء انشاء الله
s
03-11-2005 | 11:04 PM
السلام عليكم ورحمة الله وبركاته
كل عام و انتي بخير اختيantakia80..
.. وانا اشكر لج دخولج موضوعي و اسفه لاني طولت و الشرف لي بان اكون اخت لج..
الله يعطيج العافيه ويحفظج
أ
04-11-2005 | 12:35 AM
[grade="DC143C B22222 DC143C B22222"]
السلام عليكم ورحمة الله وبركاته
مبارك عليج العيدأختي،وعساج من عواده يارب
أهم شي في الموضوع إنج قدرتي بالأخير تمشين في هالحياة بالطريقة الصحيحة..
بالنسبة لبنات عمج،صح هم آذوج وانتي ماتقدرين تعاملينهم بالمثل،إتعرفين
أختي لازم تفتخرين بعمرج لأن هاي صفة تكاد تكون معدومة،الحين مجرد الوحدة تحس
بالخطر تحمّل الخطأ لغيرها..لذلك لاتندمين أبد على تصرفج لأنه مش جبن وضعف شخصية
وانما دليل كرهج لأذية الناس حتى لو كانوا يستاهلون،واحستبي الاجر عند الله..
بالنسبة للحادث اللي تعرضتي له لما كنتي صغيرة،الحمدلله إنه ماصارت الكارثة،
واعتبريه بلاء من الله،لأنه أكيد لها آثار في نفسج بعد ماكبرتي،لكن يلا الحمدلله
على كل حال،أهم شي انج ماتأذيتي..
بالنسبة لصديقات صديقتج،إنتي مش ملزومة تيلسين معاهم،وتشوفين نظراتهم،
واللي يشوفج بنظرة عطيه نظرة أقوى منها،صح كلامي بعيد عن العقلانية والنضج
لكن أنا لو منج بسوي جذيه،وإذا لزم الأمر ويلستي معاهم،خله يكون لج حضور
تكلمي وقولي رايج،لا تحسسينهم بأنج مغلوب على أمرج،لأن لو فكروا بهالشي
راح تظل نظراتهم لج كما هي وماراح تتغير،لذلك لاتخلينهم يكونون سبب ضيقج وتعبج..
أما المشكلة الأخيرة اللي هيه أختج،يمكن الكف كان مؤلم ومبرح،وطبيعي ضربة الويه
مو هينة،لأنه الوجه فيها كرامة الإنسان،لذلك لا تتضايقين لو مارضت عنج بسرعة،بس أنتي
حاولي،بعطيج أفكار وطبقيها،اشتري وردة بيضة واكتبي في البطاقة هذه الأية
القرآنية {ونزعنا مافي صدورهم من غل إخواناً على سرر متقابلين}
وحطيها فوق السرير،يمكن صعبة عليج هالحركة لأننا مش متعودين نتعامل مع خواتنا بهذه
المشاعر الحساسة لكن بما أن الموضوع وصل للضرب والكف لازم تعالجين الموضوع بهالطريقة..
طبعا يمكن ماراح تتقبل في البداية،لكن كوني أكيدة انه هالحركة بترقق قلبها،الشي الثاني
لما بتروحين السوق وتشترين شي،لاتنسينها اشتري لها حتى لو شي بسيط ،وقوليلها هذا لج
لو قالت ماريد منج شي،انتي خليها ماعليه،والغرض بيظل لها،وكل مرة تطلعين تشترين شي
حتى لو كان بسيط..
كذلك لو عندها ايميل ارسلي لها مواضيع حلوة ومفيدة،سواء كانت دينية،ثقافية،متنوعة،فكاهية
خليها تحس أنج تشركينها بإهتماماتج،مهما صار من جفاء..
والفكرة الأخرى واللي أتمنى إطبقينها من اليوم،إدعي في أوقات الاستجابة،ان رب العالمين
قلب أختج لج،ويرجع القلوب متصافية كما كانت،رب العالمين ما بيخب أملج،إنتي بس توكلي
والله خير وكيل..
الله يوفقج يارب ويسعدج،آمين
في أمان الله[/grade]
السلام عليكم ورحمة الله وبركاته
مبارك عليج العيدأختي،وعساج من عواده يارب
أهم شي في الموضوع إنج قدرتي بالأخير تمشين في هالحياة بالطريقة الصحيحة..
بالنسبة لبنات عمج،صح هم آذوج وانتي ماتقدرين تعاملينهم بالمثل،إتعرفين
أختي لازم تفتخرين بعمرج لأن هاي صفة تكاد تكون معدومة،الحين مجرد الوحدة تحس
بالخطر تحمّل الخطأ لغيرها..لذلك لاتندمين أبد على تصرفج لأنه مش جبن وضعف شخصية
وانما دليل كرهج لأذية الناس حتى لو كانوا يستاهلون،واحستبي الاجر عند الله..
بالنسبة للحادث اللي تعرضتي له لما كنتي صغيرة،الحمدلله إنه ماصارت الكارثة،
واعتبريه بلاء من الله،لأنه أكيد لها آثار في نفسج بعد ماكبرتي،لكن يلا الحمدلله
على كل حال،أهم شي انج ماتأذيتي..
بالنسبة لصديقات صديقتج،إنتي مش ملزومة تيلسين معاهم،وتشوفين نظراتهم،
واللي يشوفج بنظرة عطيه نظرة أقوى منها،صح كلامي بعيد عن العقلانية والنضج
لكن أنا لو منج بسوي جذيه،وإذا لزم الأمر ويلستي معاهم،خله يكون لج حضور
تكلمي وقولي رايج،لا تحسسينهم بأنج مغلوب على أمرج،لأن لو فكروا بهالشي
راح تظل نظراتهم لج كما هي وماراح تتغير،لذلك لاتخلينهم يكونون سبب ضيقج وتعبج..
أما المشكلة الأخيرة اللي هيه أختج،يمكن الكف كان مؤلم ومبرح،وطبيعي ضربة الويه
مو هينة،لأنه الوجه فيها كرامة الإنسان،لذلك لا تتضايقين لو مارضت عنج بسرعة،بس أنتي
حاولي،بعطيج أفكار وطبقيها،اشتري وردة بيضة واكتبي في البطاقة هذه الأية
القرآنية {ونزعنا مافي صدورهم من غل إخواناً على سرر متقابلين}
وحطيها فوق السرير،يمكن صعبة عليج هالحركة لأننا مش متعودين نتعامل مع خواتنا بهذه
المشاعر الحساسة لكن بما أن الموضوع وصل للضرب والكف لازم تعالجين الموضوع بهالطريقة..
طبعا يمكن ماراح تتقبل في البداية،لكن كوني أكيدة انه هالحركة بترقق قلبها،الشي الثاني
لما بتروحين السوق وتشترين شي،لاتنسينها اشتري لها حتى لو شي بسيط ،وقوليلها هذا لج
لو قالت ماريد منج شي،انتي خليها ماعليه،والغرض بيظل لها،وكل مرة تطلعين تشترين شي
حتى لو كان بسيط..
كذلك لو عندها ايميل ارسلي لها مواضيع حلوة ومفيدة،سواء كانت دينية،ثقافية،متنوعة،فكاهية
خليها تحس أنج تشركينها بإهتماماتج،مهما صار من جفاء..
والفكرة الأخرى واللي أتمنى إطبقينها من اليوم،إدعي في أوقات الاستجابة،ان رب العالمين
قلب أختج لج،ويرجع القلوب متصافية كما كانت،رب العالمين ما بيخب أملج،إنتي بس توكلي
والله خير وكيل..
الله يوفقج يارب ويسعدج،آمين
في أمان الله[/grade]
د
04-11-2005 | 12:51 AM
الله يعينك يا اختي ... والله يفرج همك وكربك
هونيها يا اختي وتهوووون .. خذي الامور ببساطة وقللي من حساسيتك ... انا مثلك بالضبط .. فنصيحة مني لا تجعلي كل شي هم وغم وتنظري له بتهوويل .. لا .. عودي نفسك بالتدريج انك تبسطي الامور .. وانا ايضا وحيدة ولا يوجد لنا الا الله تعالى ... شو نعمل يا اختي .. الله معنا وهو حسبنا ونعم الوكيل
ويشرفني اكون اخت وصديقة لك انا ايضا ... وبالتوووفيق
هونيها يا اختي وتهوووون .. خذي الامور ببساطة وقللي من حساسيتك ... انا مثلك بالضبط .. فنصيحة مني لا تجعلي كل شي هم وغم وتنظري له بتهوويل .. لا .. عودي نفسك بالتدريج انك تبسطي الامور .. وانا ايضا وحيدة ولا يوجد لنا الا الله تعالى ... شو نعمل يا اختي .. الله معنا وهو حسبنا ونعم الوكيل
ويشرفني اكون اخت وصديقة لك انا ايضا ... وبالتوووفيق
a
04-11-2005 | 01:24 AM
السلام عليكم ورحمة الله وبركاته
لو إانتي عايزة أي حاجة كلميني علي الإيميل ده
يمنع وضع البريد الإلكتروني
لو إانتي عايزة أي حاجة كلميني علي الإيميل ده
يمنع وضع البريد الإلكتروني
&
04-11-2005 | 11:01 AM
عيدك مبارك حبيبتي
واحنا موجودين بكل وقت عشان نساعدك
ابقولك رئيي بنقاط
اولا انتي لسا في فترة تقدرين تقولين اخر مراحل المراهقه يعني ماتزال مشاعرك واساسياتك بالحياة متضاربه
ثانيا انتي غلطتي لما طلبتي من امك توصله لابوك كان المفروض تكتفين بامك ويصلح الموضوع
ثالثا شئ جيد انك تركتي كل هالخرابيط وشوفي نتيجتها اغضبتي الله فربي اغضب الناس منك سوا تركوك او استمروا معك
رابعا انتي الحين بمشكلة صديقات صديقتك من يقول ان فيه انسان مايجيه الاحتقار من الناس فيه عينات في الحياة هذي متعتهم لكن ابقولك شئ انتي لاتحسسينهم بالانكسار يمكن لما يجيبون طاري الشباب والطلعات ماتكون ردودك لهم ردود الواثقه المكنره لانك انكسرتي من هالموضوع
مايمنع الانسان يغلط ويتوب وينصح غيره انه مايغلط
انتي اهم ماعليك صديقتك دامها انسانه صالحه لاتتركينها وتمسكي فيها اكثر واكثر
بالنسبه لاحتقارهم هنا ربي يختبرك هل انتي بتستمرين على الحق الي انتي فيه او بتنجرفين فيه
مع اني متامله انك انسانه عاقله بالنسبه لعمرك الي الواحد فيه يحس انه متلخبط
وكلي امرك لله واطلبي منه دوم الثبات
ولاتتضايقين من اي احد كان
ولو حصل خلاف مع اهلك لاي موضوع حاولي ماتخسرينهم عشان توافه الامور
واقول لجميع البنات الي غلطوا هالغلط ومستمرين فيه
انتبهوا لانفسكم خذوا العبر من غيركم مهما اختلفت القصه
الله يحفظك
واحنا موجودين بكل وقت عشان نساعدك
ابقولك رئيي بنقاط
اولا انتي لسا في فترة تقدرين تقولين اخر مراحل المراهقه يعني ماتزال مشاعرك واساسياتك بالحياة متضاربه
ثانيا انتي غلطتي لما طلبتي من امك توصله لابوك كان المفروض تكتفين بامك ويصلح الموضوع
ثالثا شئ جيد انك تركتي كل هالخرابيط وشوفي نتيجتها اغضبتي الله فربي اغضب الناس منك سوا تركوك او استمروا معك
رابعا انتي الحين بمشكلة صديقات صديقتك من يقول ان فيه انسان مايجيه الاحتقار من الناس فيه عينات في الحياة هذي متعتهم لكن ابقولك شئ انتي لاتحسسينهم بالانكسار يمكن لما يجيبون طاري الشباب والطلعات ماتكون ردودك لهم ردود الواثقه المكنره لانك انكسرتي من هالموضوع
مايمنع الانسان يغلط ويتوب وينصح غيره انه مايغلط
انتي اهم ماعليك صديقتك دامها انسانه صالحه لاتتركينها وتمسكي فيها اكثر واكثر
بالنسبه لاحتقارهم هنا ربي يختبرك هل انتي بتستمرين على الحق الي انتي فيه او بتنجرفين فيه
مع اني متامله انك انسانه عاقله بالنسبه لعمرك الي الواحد فيه يحس انه متلخبط
وكلي امرك لله واطلبي منه دوم الثبات
ولاتتضايقين من اي احد كان
ولو حصل خلاف مع اهلك لاي موضوع حاولي ماتخسرينهم عشان توافه الامور
واقول لجميع البنات الي غلطوا هالغلط ومستمرين فيه
انتبهوا لانفسكم خذوا العبر من غيركم مهما اختلفت القصه
الله يحفظك
أ
04-11-2005 | 11:47 AM
اهلين حبيبتي قريت كل قصتج واول شي احب اباركلج العيد واقولج كل عام وانتي بخير حبوبه وعساج من العايدين والغانمين باذن الله..
ثاني شي احب اقولج ان نحن خوات وما من بينا اي شي لو اتضايقتي من حقج تلجئين لربج اول شي وبعدين لنا..
ثالثا احمدي الله بان ابد ما صار فيج شي وهذا اهم شي في البنت.. والانسان يتعلم من اغلاطه والي سويتيه خلاص انتهى والانسان يتعلم من الشي الي فات وما يكرره.. صدقيني كل وحده فينا تمر لمراحل وترتكب اغلاط لا تظنين ان الناس حياتهم سعيده وفرحانين وما يرتكبون الاغلاط.. وقولي الحمدلله ان ابد ما تعديتي العتبه الي اتخليج تندمين طول عمرج.. وكلما اتشوفين ناس ضايعين احمدي الله انه حاميك وبعدك على عقلك..
حبيبتي فمن اعرض عن ذكر الله فان له معيشة ظنكا.. ارجعي الى الله وبتحسين بطعم حلاوة الايمان وبتتكون لج شخصيه محد بيقدر يهزها.. وحتى اعدائج بيخافون منج وغصبن عنهم يحترمونج.. واختج بترجعلج صدقيني بس مسالت الوقت والصبر.. وباسلوبج الكل بيتقربلج..
صدقيني مش الفلوس كل شي.. شو فايدة الفلوس بدون اخلاق او دين؟!؟!؟! الحمدلله على نعمة الاسلام.. وحطي في بالج ربج يمتحن عبده المؤمن كثيرا فالصبر والاسقفار والدعاء تمسكي بهم..
خليكي قويه كلما اتضايقتي ارجعي لكتاب الله واقريه.. واقري كتب الصحابه وقلدي امهتنا المسلمات..
خلي شخصيتك قويه ويا جبل لا يهزك الريح.. اذكري الله وقومي صلي ركعتان توبه من المعاصي.. واستقفري واكثري من المعوذات ولا تخلين الشيطان يسيطر عليج..
واذا احسيتي انج متضايقه راسيليني على الخاص وباذن الله بكون موجوده لتلبيت ندائك نحن خوات اوكيه..
{رَبَّنَا مَا خَلَقْتَ هَذَا بَاطِلا سُبْحَانَكَ فَقِنَا عَذَابَ النَّارِ * رَبَّنَا إِنَّكَ مَنْ تُدْخِلْ النَّارَ فَقَدْ أَخْزَيْتَهُ وَمَا لِلظَّالِمِينَ مِنْ أَنْصَارٍ * رَبَّنَا إِنَّنَا سَمِعْنَا مُنَادِيًا يُنَادِي لِلإِيمَانِ أَنْ آمِنُوا بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأَبْرَارِ * رَبَّنَا وَآتِنَا مَا وَعَدْتَنَا عَلَى رُسُلِكَ وَلا تُخْزِنَا يَوْمَ الْقِيَامَةِ إِنَّكَ لا تُخْلِفُ الْمِيعَادَ} [آل عمران: 191-194].
تسلمين حبيبتي هلاوين على تفنينك لصورة ابنتي.. ومشكوره على الهديه الرائعه
س
04-11-2005 | 12:16 PM
غاليتي ذكريات حزينه
عيدك مبارك وعساك من العايدين،،،
ودي اقولك غاليتي ان اللي فات مات،،، ما عاد شي يصلحه،، لانه صار وإستوى ،، أنظري للحياه بنظرة أمل ،،، انتي ولله الحمد رجعتي لله،،، ووقفتي،،، وأنا ما ألومك لانك مريتي بظروف سهل عليك انك تسوين اكثر من هالشي بحكم اللي حواليك واللي شجعوك،، وصدقيني ربي يحبك لانك ما وصلتي لمواصيل تفقدك اهم شيء في حياتك،،،
بإختصار ومن غير اطاله،،، لا تفكرين باللي مضى،، انتي كسبتي رضا امك وابوك وهلك وهو اهم شيء،،، والباقي عليك الإلتزام والتفكير بحياتك الجايه وتحاولين التوقف عن التفكير بما مضى،،،
غاليتي،،، بالنسبه لصديقات صديقتك ،،، أنا لو منك ما اجلس معاهم واذا اضطريت التزم الصمت والهدوء ،،، واذا قالو اي شي عنك لا تردين عليهم،،، واذا كانت المسأله مسألة غنى وفقر،،، فاللي بيحبك علشان فلوسك وكشختك بيعيه لانه في النهايه ما حب فيك شيء ما تقدرين تفقدينه واللي هو القلب والأخلاق والطيبه،،،
تحملي باقي السنين وكملي الجامعه،،، بس لا تتأثرين ولا يهزك شيء مضى ،،،
الله يستر عليك،،، ويرزقك بولد الحلال اللي يستاهلك،،،،
واحنا في المنتدى خواتك واللي تبينه احنا حاضرين به ،،، إخت عزيزه وغاليه ،،، واللي يسعدك يسعدنا،،، لا تترددين
سفيرة فوق العاده
عيدك مبارك وعساك من العايدين،،،
ودي اقولك غاليتي ان اللي فات مات،،، ما عاد شي يصلحه،، لانه صار وإستوى ،، أنظري للحياه بنظرة أمل ،،، انتي ولله الحمد رجعتي لله،،، ووقفتي،،، وأنا ما ألومك لانك مريتي بظروف سهل عليك انك تسوين اكثر من هالشي بحكم اللي حواليك واللي شجعوك،، وصدقيني ربي يحبك لانك ما وصلتي لمواصيل تفقدك اهم شيء في حياتك،،،
بإختصار ومن غير اطاله،،، لا تفكرين باللي مضى،، انتي كسبتي رضا امك وابوك وهلك وهو اهم شيء،،، والباقي عليك الإلتزام والتفكير بحياتك الجايه وتحاولين التوقف عن التفكير بما مضى،،،
غاليتي،،، بالنسبه لصديقات صديقتك ،،، أنا لو منك ما اجلس معاهم واذا اضطريت التزم الصمت والهدوء ،،، واذا قالو اي شي عنك لا تردين عليهم،،، واذا كانت المسأله مسألة غنى وفقر،،، فاللي بيحبك علشان فلوسك وكشختك بيعيه لانه في النهايه ما حب فيك شيء ما تقدرين تفقدينه واللي هو القلب والأخلاق والطيبه،،،
تحملي باقي السنين وكملي الجامعه،،، بس لا تتأثرين ولا يهزك شيء مضى ،،،
الله يستر عليك،،، ويرزقك بولد الحلال اللي يستاهلك،،،،
واحنا في المنتدى خواتك واللي تبينه احنا حاضرين به ،،، إخت عزيزه وغاليه ،،، واللي يسعدك يسعدنا،،، لا تترددين
سفيرة فوق العاده
ل
04-11-2005 | 03:06 PM
شوفي الغالية محد فينا ما مر بنفس الظروف الي مريتي أنتي فيها كلنا مرن علينا هلأموار ويمكن اكثر منها بعد بس الحياة والظروف تتغير كل ما مر يوم بتلقين نفسج غير ..........................نصيحتي لج أتعاملي مع الحياة بواقعية أكثر والحمد الله يوم انه الله من عليج ورزقج بالهداية ويكفيج شرف أنج أبتعدي عن طريق الحرام ياختيه أرضي ربج وما عليج من غيره ................
s
04-11-2005 | 09:11 PM
السلام عليكم ورحمة الله وبركاته
اولا اختي اميرة البجع..
اشكر لج اهتمامج وبالنسبه لصديقات قصديقتي انا مضطره اجلس معاهام علشان خاطري صديقتي ماتزعل علي..
و عن الافكار الي عطيتني اياه علشان اراضي اختي فيها عجبتني وايد و ابشرج هي راحت العمره وقبل ما تروح سلمت عليه وكان عادي ومو صاير شي و هي بعد ابتسمت لي..بس مااظن الامور ترجع مثل قبل سوالف و ضحك..
اختي الحياة الورديه..
اشكرج على الرد و دعائج لي والله يوفقني و يوفقج..و ان شاء الله راح احاول اخذ الامور ببساطه والشرف لي بان اكون اخت وصديقه لج ..
اختي antakia80..
اشكرج مره ثانيه على الاهتمام و ماقصرتي الله يعطيج على حسن نياتج..
اختي &&_عاشقة الجوري_&&..
مبارك العيد علينا و عليج.. و انا احترم و اقدر راايج وان شاء الله بدعواتكم لي راح احاول اني ما انكسر و اكون قويه قدام صديقات صديقتي و ابي اقولج ان ثقة اهلي فيني رجعت والحمدلله على كل الحال و الشكر لج حبيبتي..
اختي ام سعيد..
كل عام و انتي بصحه و سلامه و اشكر لج دخولج لموضوعي ..و انا اتشرف بان اكون اخت لج..و طبعا مافي شك باني الجاالى الله سبحانه و تعالى ثم لكم.. و ان شا ءالله ترجع لي اختي مثل قبل ادعي لي..وانتي بصداقه بقولج شفايده الفلوس بدون اخلاق؟؟!! الحمدلله على كل حال ةالشكر و الحمدلك يارب..
اختي سفيره فوق العاده..
ابركت العايد عليج و عساج من العايديين السعيدين..اقدر لح اهتمامج بمشكلاتي..و انا اتفق معاج بكل كلمة قلتيها و بالنسبه لصديقات صديقتي مثل ما قلتي التزم الصمت ونادرا ما اتكلم..اصلا مافي مجال اتكلم فيه كل وحده تسولف عن الشباب الي تكلمهم وشنو سوت معاهم الله يهديهم..والله يرزقني ويرزقج بابن الحلا الي يسعدج اذا ماكنتي متزوجه طبعا..
اختي oqbah..
الواحد يقول الحمدلله على كل حال..والي يشوف مصيبه غيره تهون عليه مصيبته و مشاكله..بالنسبه لاصدقاء النت يمكن احصل فيهم الصديقه الاحسن من الي بحصلها بحياتي اليوميه.. وشكرج على كل حال..
اختي لب الفؤاد..
مشكورة على نصيحتج.. وان شاء الله اتبعها ماتقصرين اختي الله يعطييج العافيه..
اولا اختي اميرة البجع..
اشكر لج اهتمامج وبالنسبه لصديقات قصديقتي انا مضطره اجلس معاهام علشان خاطري صديقتي ماتزعل علي..
و عن الافكار الي عطيتني اياه علشان اراضي اختي فيها عجبتني وايد و ابشرج هي راحت العمره وقبل ما تروح سلمت عليه وكان عادي ومو صاير شي و هي بعد ابتسمت لي..بس مااظن الامور ترجع مثل قبل سوالف و ضحك..
اختي الحياة الورديه..
اشكرج على الرد و دعائج لي والله يوفقني و يوفقج..و ان شاء الله راح احاول اخذ الامور ببساطه والشرف لي بان اكون اخت وصديقه لج ..
اختي antakia80..
اشكرج مره ثانيه على الاهتمام و ماقصرتي الله يعطيج على حسن نياتج..
اختي &&_عاشقة الجوري_&&..
مبارك العيد علينا و عليج.. و انا احترم و اقدر راايج وان شاء الله بدعواتكم لي راح احاول اني ما انكسر و اكون قويه قدام صديقات صديقتي و ابي اقولج ان ثقة اهلي فيني رجعت والحمدلله على كل الحال و الشكر لج حبيبتي..
اختي ام سعيد..
كل عام و انتي بصحه و سلامه و اشكر لج دخولج لموضوعي ..و انا اتشرف بان اكون اخت لج..و طبعا مافي شك باني الجاالى الله سبحانه و تعالى ثم لكم.. و ان شا ءالله ترجع لي اختي مثل قبل ادعي لي..وانتي بصداقه بقولج شفايده الفلوس بدون اخلاق؟؟!! الحمدلله على كل حال ةالشكر و الحمدلك يارب..
اختي سفيره فوق العاده..
ابركت العايد عليج و عساج من العايديين السعيدين..اقدر لح اهتمامج بمشكلاتي..و انا اتفق معاج بكل كلمة قلتيها و بالنسبه لصديقات صديقتي مثل ما قلتي التزم الصمت ونادرا ما اتكلم..اصلا مافي مجال اتكلم فيه كل وحده تسولف عن الشباب الي تكلمهم وشنو سوت معاهم الله يهديهم..والله يرزقني ويرزقج بابن الحلا الي يسعدج اذا ماكنتي متزوجه طبعا..
اختي oqbah..
الواحد يقول الحمدلله على كل حال..والي يشوف مصيبه غيره تهون عليه مصيبته و مشاكله..بالنسبه لاصدقاء النت يمكن احصل فيهم الصديقه الاحسن من الي بحصلها بحياتي اليوميه.. وشكرج على كل حال..
اختي لب الفؤاد..
مشكورة على نصيحتج.. وان شاء الله اتبعها ماتقصرين اختي الله يعطييج العافيه..