هبوط الرحم

السلام عليكم ورحمة الله وبركاته
كيفكم ياحبيباتي إن شاء الله تمام بصراحه إشتقت لكم ليأكثر من شهر مادخلت الموقع والسبب إني ولدت والحمد لله في 3أكتوبر والولاده كانت صعبه إلى حد ما لكن ماأقول غير الحمد لله على كل حال لازلت أعاني من متاعبها إلى الآن وأبي أسأل اللي مر عليها نفس اللي أعانيه
طبعاً الواحده منا بعد أسبوعين من الولاده تقريباً تصبح إفرازات النفاس تميل إلى الإصفرار مع دم خفيف وتبدأ تقل تدريجياً حتى تطهر هذا اللي جربته في ولاداتي السابقه لكن في ولادتي الأخيره
لازال الدم مستمر حتى الآن بكميه قليله مثل نهاية الدوره يعني من يوم ولدت إلى الآن الدم موجود وماأدري هالشي طبيعي ولا لا لأني حاسه إني بخلص الأربعين ومابعد طهرت بالإضافه إلى ألام أسفل الظهر والبطن عند الوقوف الكثير أو بذل أي مجهود لدرجة إني شكيت إن عندي هبوط في الرحم وبحثت في الإنترنت مالقيت إجابه مطمئنه ومن باب الفضول قلت في نفسي إذا كان الرحم نازل أكيد بأحس فيه لو دخلت إصبعي إنتو فاهمين علي طبعاً وبالفعل دخلت إصبعي السبابه وعلى بعد تقريباً 5أو 6 سم من فتحة المهبل حسيت بحاجه مفتوحه ومستديره مثل طرف البالونه اللي ننفخ فيه أعتقد والله أعلم إنه عنق الرحم خفت وتكدر خاطري معقوله قدرت أوصل بأصبعي لعنق الرحم أكيد عندي نزول وقامت الأفكار تودي وتجيب كيف أتعالج كيف أؤدي العلاقه مع زوجي بعدين أنا قريت إن النزول يسبب ألم شديد عند الجماع وكيف أسوي بالبيبي إذا قالوا لي لازم عملية ترفيع للرحم خاصه إن مامعي أحد إلا الله سبحانه لاأهل ولاقريب في المنطقه اللي أنا ساكنه فيها
الله يخليكم ردوا علي وقولو لي من الكلام اللي قلته هل أعاني فعلاً من الهبوط وهل من الطبيعي أن أشعر بعنق الرحم إذا دخلت إصبعي والله إني متضايقه حيل وخايفه وطفشانه ماأبي أروح المستشفى ولا أبي الكشف النسائي
طولت عليكم لكن والله من ضيقة صدري ماني لاقيه غيركم أسأله لعل وعسى تكون فيه وحده حست باللي أنا حسيت فيه وتطمني إن مافيني شي وإن اللي أحس فيه شي طبيعي