لست جميلة ..................

السلام عليكم ورحمة الله وبركاته




هلا وغلا بـ(ألم الروح)

كل عام وأنتي بخير وعساه يعود عليج السنة وكل سنة إن شاء الله


حبوبة ، الكل قال لج أن الجمال مو كل شي وهالكلام صحيح وصدقيني

كثير نشوف بنات مو حلوات بس ثقتهم بنفسهم رفعت مكانتهم وجملتهم في عيون الناس

أهم شي الأخلاق والسمعة الطيبة والجمال تراه مو دايم وممكن يروح في لحظة

وتأكدي أن كل إنسان أول ما ينولد ربي يكتب له من راح يتزوج

ونصيبج موجود بمكان ما بس للحين ما جات اللحظة إللي ربي كتبها علشان تجتمعون

والإنسان هذا بتكونين أنتي أحلى وحدة بعينه وما راح يهتم لالبنات..

أنتي عليج أنج تحمدين الله وتشكرينه دايم .. وأهتمي بنفسج أكثر وصدقيني

راح تتغير نظرتج لنفسج.. وتتغير نظرة أمج لج..

عليج بقيام الليل والدعاء أن ربي يسخر لج الزوج الصالح والذرية الصالحة..

لا تخلين هالموضوع أكبر همج وأشغلي نفسج بالدراسة وبأمور ثانية مثل الرياضة..



الله يوفقج ويهنيج ويرزقج بالزوج الصالح ويرزق جميع بنات المسلمين


و السلام عليكم ورحمة الله وبركاته

عزيزتي
انا ماعندي شي ازيده عن كلام الاخوات بس حبيت اقولج عبارة قريتهاا مرة
ان الجمال في عيون الناظرين
بالفعل الجمال في العيون
يعني يمكن انتي تشوفين نفسج مب جميله بس صدقيني اكيد في حد يعجبه جمالج
ومثل مانشوف واحد وسيم ياخذ وحده عادية نقول شو عايبنه فيها ؟ نحن ماندري هو كيف يشوفهاا بعيونه يمكن يشوفهاا ملكة جمال
هذا كل اللي عندي
واتمنى لج التوفيق

كل عام واتم بخير
شوفي حبيبتي قبل كل شي الزواج قسمة ونصيب
وياما في بنات جميلات لكن في نفس الوقت يطولون على بال ما يتقدم لهم ولد الحلال
والله يرزقك بالرجل الصالح
شوفي بقول لك سالفة قريباتي الكبيرة عادية ماهي قبيحة وماهي جميلة وما حد تقدم لها رغم ان اخلاقها قمة
الصغيرة جميلة ومغرورة ومتكبرة وخطبوها 20 اي 20 شخص وما وافقت
كل شي قسمة ونصيب وانتي صغيرة توك والخير جايتك انشاء الله

وبنات وايد جمالهم عادي ويتزوجون

السلام عليكم

أختي في البداية عيدك مبارك وكل عام وانت بخير

وأقولك الجمال مو كل شيء أهم شيء الأخلاق الحسنة وبعدك 20 سنة لسة صغيرة عالزواج
ولازم تقنعين نفسك أنك حلوة ويكون عندك ثقة ولا تكووووووووووونين محبطة ولا تقولين ماني حلوة

واللله يرزقك بولد الحلال ..

بااااااااااااااااااي

بصراحة نفس احساسي
بس انا لسى مابلغت العشرين احس نفسي بايخة
ابغة اسوي عملية بخشمي افكر بس
وكمان احس انو مافي فايدة مني

thank you girls for these beautiful words but , you really helpe me alot but I need time to unswer each girle bez I am so
busy now and this computer dose not wright arabic so give a day ......and then I will told what I felt that chang on me


thaaaaaaaaaaaaaaaaaaank you allllllllllllllllllllllllllllllllllllllllllllllllllllllll .....

هم شوفي حبيبتي

اول شي

من رسالتج حسيت فيج اشياء وايد حلوه .. ومنهم ان قلبج ابيض وان احس ان هذي اهم نعمة واكثر نعمة عظيمة الله يرزقها الانسان...

اتمى من كل قلبي ان الله يرزقج ع قد نياتج ... ويعطيج كل شي تمنيته

وان الله مع الصابرين .......

وانا انسانه مؤمنه بها الأية (وع نياتكم ترزقون)

وعسى لله يرزقج بولد الحلال

آمين

وثاني شي بما انج تحسن انج ناقصة الجمال .. اكيد رب العالمين كمل فيج اشياء غير الجمال

واذا عن الجمال ترا والله هي مشكله بسيطه صدقيني

لان الدنيا الحين تطورت وطلعت وايد مراكز تهتم بالجمال (منها العناية بالبشرة والجسم والليزر)

وايد في هالدنيا ناس انولدوا من غير ايد او من غير رجل او نقص في الأغضاء الداخليه

وانتي والحمدلله ما فيج ولا شي من هالاشياء

ونفس ما قتلج مشكلة الجمال الخارجي ترا وايد بسيطه

خلينا نبدأ بالجسم

اذا كنتي تحسين جسمج ابد مو عجبنج شكله .. سوي رجيم معين واشتري جهاز المشي وامش لو 30 دقيقة في اليوم

صدقيني جسمج بيشتد والترهلات بتخف صدقيني ... النتيجة مضمونه وحتى نفسيا بتتغيرين لان الرياضة الحركه تجدد من النفسية

وبعدين كل شي في الدنيا سوا كان جماد او من البشر اذا اهتمتي فيه بيكبر وبيزهو وبيستوي حلو

يعني لو مثلا كان عندج زوج واهتمتي فيه بيحبج صح ونفس الشي عاملي جسمج وويهج حبيهم نفس ما هم واهتمي فيهم

كل شي في الدنيا يبال له اهتمام عشان يتستوي حلو حتى الأظافر صدقيني

واذا عن العيوب اللي في ويهج ( اذا كان خشمج كبير ترا في وايد بنات خشمهم كبير بس حلوات)

مب مشكله

عليج انج تهتمين في نفسج يعني راجعي دكتور جلدية زين .. حاولي تأخذين ادوية مقشره عشان تجددين البشرة

عندج المكياج (ما اقولج اترسي ويهج مكياج واصباغ وغيري ملامحج) لا

انا من الناس اللي ما يحبون المكياج الدفش ابد

يعني استخدي الالوان الخفيفة مثل ال baby pink و ال baby blue وعندج احمر الشفاء الي يبين طبيعي في وايد اللوان طبيعية اختاري الي يناسبج

غيري استايل لبسج نفسيتج بتتغير ... يعني ان كان وقت عيد او عرس ... غيري قصت شعرج ... اختاري الملابس اللي فيها اللون زاهيه وعباة مطرزه لو بالخفيف (حق العيد بس طبعا) بس حق السوق أايد العباة المسكره والحشمه فوق كل شي


اصبغي شعرج .. غيري استايلج ....

صدقيني كل شي تهتمين فيه يطلع بنتيجة حلوه في النهاية

واذا احتجتي اي مساعده .. او اي شي راسليني ع الخاص

اعتبريني لج اخت من اليوم

أختي البنات كفوا و وفوا الجمال مب كل شي
أنا عن نفسي جميلة وهذا الكلام بشهادة الجميع وكمان أعز صاحباتي جميلة والحين راح ندخل ال 25 ومانخطبنا وانا محد طق باب بيتنا يبيني وقبل كم يوم تزوجت وحدة كانت معاي بالمدرسة مابي اعيب على الناس بس هي مش جميلة ابدا وغير مثقفة وماكملت حتى دراستها ومع ذلك تزوجت
الزواج قسمة ونصيب واذا الوحدة جاها نصيبها ماشي راح يوقفه صدقيني وانتي لساتك صغيرة 20 سنة
لاتحطي في خاطرج هذا الموضوع كثير حتى لايكبر داخلج وماعليج من كلام احد

أنت يا حبيتي

قاعدة تقسين على عمرج وايد

كفاية قسوة

منو قالج انج مب حلوة

و من قال ان الحلوة تعرس و الشينة لا

حرام عليج


و إذا فرضنا انج مب حلوة

هل أنت أكرم من ربج ؟؟؟؟

ربج عنده خزائن السماوات والأرض

و انت ما كنت عند رب العالمين يوم كتب قدرج في اللوح المحفوظ

خلي دائما عندج أمل و بنفس الوقت رضا بقضاء الله و قدرة

ياما بنات عرسوا و هم عندهم إعاقات بعد و هم موفقين ما شاء الله بحياتهم

توكلي على الله

هلا بنات مشكورين و ماقصرتو على كل شي و على كل وحدة ردت يارب يكون هذا في ميزان حسناتج
و الله بنات صدق أنا وايد كنت مترددة في كتابة هذا الموضوع في البداية بس عقب حسيت أنا من أفضل الأشياء الي سويتها في حياتي لأنكم ماشاء الله صدق ساعدتوني بردودك علي وحسيت أنا في أشياء وايد إتغيرت فيني
أحس الحين إني جمت أظهر بمظهر البنت الي المفروض يكون من زمان و الله قمت أعدل و أتكشخو طبعا كله في حدود الحشمة و اللباس الشرعي بس طبعا قمت مثل ما قالت على وحدة في الجامعة .....إستويتي بنت ..... و فعلا كانت صادقة حتى إسلوبي مع الغير تغير قمت أكون أكثر لباقة و إسلوبي أحوال يكون مثل البنات و أكثر رقة و أكثر أدب .....
و أحوال إني ما أفكر مول في الزاج لأن مثل ما قلتوا نصيييييييييييب بس و الله حتى قبل ما كان هذا الي مكدرني كانت مشكلتني أن وايد من الناس ما يفكرون إلى في الجمال .... بس الحين حطيت في بالي أن .... سو وت ... أقصد شو يعني و الله دراستي هي الي بتنفعني عقب و مشكورين الحبايب على كل شي و ما قصرتو ... :clap:(f)(g)

يمكن ما بعرفك شخصيــــــــــــا بس ما بتتخيلي مدى السعادة الي حاسة فيها لشعورك الجديد بنفسك..وانشالله الله يبعتلك من كل شي احسنو بإذن الواحد الاحد:up:

الحمدلله اختي والله اني معجبه فييج وااايد و في قناعتج .. و عسى دوم هل ثقة اميين يارب!! و تاكدي مافي حد يسوى نكدلر اعمارنه عشانه و الناس اذواق

الزواج قسمه و نصيب و انتي بعدج اصغيره ... انشالله بييج نصيبج و بتفرحين و بتتهنين به.. و اذا كنتي اتشوفين انج محتاجه عملية تجميل اتوكلي على ربج و سويها.. ترى واااااااااايدات سون عمليات و عدلن اخشومهن و يوم تسالين هن قالن : سويت حادث خشمي انكسر.. ولا سويت اللحميه و أثر على شكل خمي .. و غيره و غيره من هالخريط!!!! لول ... المهم ادري البنات في المنتدى بيحتشرن عليه بس هذا اللي حاصل.. المهم و بعدين مش لازم عمليه جراحيه.. خذي ابر كولاجين .. نفخي اخدودج ..شفايفج..شدي الناطق الترهله .. هممم سوي تقشير بشره عشان تطلع بشرتج حلوه و صافيه.. صبغي شعرج و قصييه قصه ايديده اتناسب رسمت ويهج.. سوي قصه (قذله، بكله, غره) ترى القصه وايد اتحلي و بعدين تراها موضه.. حطي مكياج.. و اتعلمي كيف تخفين عيوب ويهج بالمكياج.. دايما سوي مانكيير و بدكيير.خلج دايما متزقرته و كااااااشخه في مظهرج و لبسج.. حتى و انتي في لبيت..خلج دايما امجحله عينج و حاطه قلوس..ترى الناس الحين مب بس ايدورون الحلوه.. لا,, يبووون الكشيخه بعد .. اهتمي افجسمج .. و دايما العبي ريلضه.. و الله ايوفقج يارب .. اتعبي على عمرج اشويه و انشالله بتوصليين للي تبينه .. ياما بنات احيدهن جيااااكر ايام الدراسه.. اتغيرن و اترتبن و صارن جذااابات ابمظهرهن .. اهتمي افبشرتج و شفايفج وايد ترى البشره تلعب دور... و اتذكري الثل اللي ايقول : لا خصر و لا ساق إلا البخت رززاااااااااااااق!!!! =)

يمكن متأخرة واااااااااايد.....

بس أنا في نظري كل وحدة فيها نسبة من الجمال تتفاوت من وحدة لثانية ....

وكل وحدة وشطارتها كيف اطلع جمالها ..........

أنا وايد صريحة .....

يعني لو غيرتي من طريقة تسريحة شعرج و لونه وقصته بتتغيريين ..............

لو كان عندج وزن زايد و خفيتيه بتحلين زيادة ........

لو غيرتي من طريقة لبس و الألوان و الأشكال اللي على القطع بتطلعين كشيخة وحلوة .......

حبيت اعطيع حل فعلي............واقعي..........لو سويتيه أكيد بتستفيدين..........

أقوووووووووووول حتى طريقة وضع الميك أب تحلي

اتمنى لج التوفيق