شفتوا شغابات ( حلقات ) الفنانات في مسلسل عديل الروح ابا مثلها وين؟؟؟

اختي قنوشه
انشالله البنات بيفيدونك
بس جربي عند تيجان وبعد في محل في سيتي سنتر الشارقة

اختي في محل عنده شغابات احلا بعد من اللي كانوا يلبسونهم

اسمه شهاااب في ومركز وافي في دبي

بس اسعاره نار

فيه محل أسمه بريق في بوظبي فتوح الخير عنده شغلات تجنن وكله بثمنه

حبيبتي الحلق ( الشغاب ) من تصاميم انسام الخلف وبتحصلينها في محل الاسطورة في بوظبي

[frame="2 80"]انا حصلت منها في ابن بطوطة مول بس اسعارها ناااااااااار[/frame]

في محل للاكسسوارات في سيتي سنتر دبي... والله نسيت اسمه يبتدي بحرف الشين ...عندهم تقريبا نفس هالسوالف

الشغاب من عند انسام الخلف واتصلت لهم في الكويت لكن معاملتهم متعبه لازم انتى تتصلين بالارامكس وتطرشينه لهم
والحلق سعره700 درهم لكن لو لاحظتي مافيه لمعه
انا ماخذه من مصر حلق احسن من اللي في المسلسل من معرض في مصر والكل متخبل عليهن خدمتهن متقنه وااايد
اما الاسطوره اللي في بوظبي قالوا لي ماعندهم شغاب بس موديلااات المسلسل الجلابياات كلها نزلت عندهم

[frame="2 80"]°ˆ~*¤®§(*§*)§®¤*~ˆ°انا اليوم شفتهم في القرية العالمية على كيف كيفج...........................روحو هناك بتحصلونها بالرخص ونفس الشكل مو مهم تكون غالية..المهم حلوة°ˆ~*¤®§(*§*)§®¤*~ˆ°[/frame]

اختي الحالمه بالحب لو سمحتي بس في اي قرية بالضبط في القرية العالمية ... لاني بمر على السريع وباخذهم ما ابي الف كل القرية ادور ..:)

تسلمون حبيباتي ع الردود الحلوة

بصراحة ماسرت السيتي سنتر انشالله بروح اشوف

ورحت تيجان ماعندهم شغابات اكثر شي مال الشعر

بالنسبة للمحل في بوظبي بعيد ماقدر اسير :(

اختي الحالمة وين اسير أي قرية ؟؟؟؟؟؟؟؟؟؟؟؟ردي عليه ضروري لانه عندي عرس

اما مسلسل عديل الروح فاتني في رمضان لاني ما تابعته
بس احس انه كان عرض للجلابيات والاكسسوار لانه دايم يطلبو ازيائهم

حسافه ما شفته بس ان شاء الله اذا جا مره ثانيه اشوفه

شوقتوني اشوف شغلاتهم

خواتي انا عندي مثل التراجي الي بعديل الروح واحلى
بعد اليوم بصورهم لكم وبوريكم اياهم

واذا عجبوكم ممكن اوفرهم لكم لي الامارات


تحياتي
كويتيه

اذا تبون مثل تراجيهم ترى اختي يابت لي من مصر وبعد شريت مثلهم تقريبا من المعرض السوري الي يصير كل سنة في البحرين وايد حلوين يتراوالي لازم يصير عندكم معرض في الامارات شوفي المعرض السوري او المصري لان مثل تقريبا الشكل

اتمنى افدتج

تحياتي

حبيبتي بتلقين نفسم في القريه العالمية والصراحة انا اشريتهم من بنكوك وكل الي شافوفهم سألوني عنهم و قالوا رووووووووووووووووعه ويوم أقولهم من بنكوك ما يصدقون بس دامج في الامارات يعني بتلقين نفسم واحلى في القريه العالمية

ممكن حد يحط صوره لهم انا ما شفت المسلسل برمضان لأن كل المسلسلات بتعرض بعدين و كلها صراحه عرض ازياء و ديكور صايره هالمسلسلات برمضان.

[frame="7 80"]موجودين بالقرية العالمية، بكثرة ...........بس انتي خذي اللي تبينه[/frame]

بنات انا صورة التراجي الي عندي الي مثل عديل الروح واحلى بعد

بس الصور كبار ومااعرف اصغرهم
منو تعرف تصغرهم لي وتحطهم واكون شاكره لكم

وعشان البنات يستفيدون بعد ويشوفونهم


تحياتي كويتيه

بتحصلينهم في القريه العالميه في القريه اللبنانيه
شراتهم وأحلى عنهم بعد
عاااد كل شغاب اييج على 400 وفووق ....
بس عجووووووبيه الشغابات

أختي قنوشة ... بتلفين مثل هالحلقان في القرية السورية ...