ساعدوني في قائمة المكياج اللي راح أشتريه ..

اول شي العيون ما استغني عن كحل لانكوم السائل او ماك المائي
البلاشرات عندك برجوا حجمه صغير وحلوه وفيه كرستيان ديور بعد حلو وحاليا استخدم من ميكاب فور ايفر 3 في 1 قلم بلشر وشدو وروج وهو يجي في 3 الوان
وبرضو الشدو عند ماك حلو وفي شدو نينا ريتشي بعد مابو شي :)
القلوس خذي من لانكوم ونينا ريتشي بعد حلو
هذا اللي الحين براسي

عزيزتي دوحانية

ألف مبروك في البداية و الله يوفقج بجميع امورج

انا مثلج عرسي بعد شهرين و من الحين اجهز و لكن المكياج راح باخذه قبل العرس بفترة بسيطة
حتى يكون جديد كلياً و ما يخرب و على الموضة...
نصيحتي لج لا تاخذين كل شيء من ماركة وحدة .. حلو تنوعين لان فيه ماركات عندها منتجات
بعينها هي الحلوة و الباقي عادي..
انا كتبت قائمة (مبدئياً) بالاشياء اللي اباها من مكياج للعرس

مع اني مو خبيرة و لكن من كثر ما اقرأ في النت و المجلات المتخصصة حطيت لي هالقائمة

- كريم أساس للسهرات ( ديور).
- كريم أساس للاستعمال اليومي ( ذا بودي شوب).
- أساس استوديو فيكس من (ماك)
- بودرة مضغوطة من (كانيبو ).
- بودرة مضغوطة للاستعمال اليومي ( ماكس فاكتور).
- لووز باودر ( من شانيل).
- مثبت مكياج ( جيفنشي).
- كريم ترطيب قبل المكياج ( هذا للحين ما اخترته ومدري شو احسن نوع).
- اللمعة دايموند باودر من ( ميك أب فور ايفير)
-الكونسيلر تاتش أوف لايت من (ايف سان لوران ).
- و الكونسيلر المتنوع الباليت الكامل من ( ميك آب فور ايفير).
- قلم الكحل الأسود من لانكوم و ماك.
- ماسكرا من استي لودر.
- و ماسكرا هيبنوس من لانكوم.
- الآي لاينر آرت لاينر من ( لانكوم)
- الشدو:
بيق مينت من ماك للسهرات بآخذ ألوان معينة .
- مجموعة شدو منوعة بين المات و اللمعة و الكريمي من ماك و بن ناي و نوبا
- علبة الشدو الكاملة من مكياجي للاستعمال اليومي و الخفيف .
البلاشر :
نوبا و ماك.
- الأرواج و الجلوسات:
- ماك و نوبا و ميك اب فور ايفير و جيفنشي.
-فرش المكياج و قطع اسفنج :
بودي شوب و ريد إيرث وماك . ومستحضر منظف للفرش من ماك.
مثبت الشدو:
من ماك رهيييييييب و يخلي اللون يثبت و ما ينثر على الوجه.
- رموش :
ماك.


وفيه باقي اغراض ما اعرف بالضبط من اي ماركة آخذها
مثل واكس الحواجب ، و المحددات و المناكير و مزيل المكياج و الجلييتر.

و بانتظار باقي الاخوات وباذن الله نستفيد كلنا و نختصر على بعض التعب و الخساير
و نختار افضل و احلى المكياجات سوا

تحياتي

خلود ,,

ما قصرتي يالغلا و يعطيج العافية ,,, وكله راح يتقيد ^^

,,,


إيما ,,,

تسلمين يا عمري انا مثلج ما راح آخذ الا قبل العرس بفترة بسيطة عشان ما يخترب ,, لكن حبيت احط لي قائمة بكل شي وعقب أصفيها و لما آخذ لي جولة أعرف أنا شنو أبغي ..
قائمتج طوييييييييييلة بس كشخة ^^ امممم بخصوص أساس البودي شوب للإستعمال اليومي ,, ما أنصحج به استخدمته يخلي البشرة كأنها مغبرة : ) ,, جربي جيفنشي أظنها أحسن ,,, بس باسجل كل الاشيا اللي ذكرتيها ..
و الله يبارك فيج يالغلا و مبالمبارك لج أنتي بعد و الله يسعدج و يوفقج ,,

هلا عيوني دوحاانيه انصحج نصيحه اذا عندج مكياج لاتكثرين انا عاقبت نفسي ماراح اشتري لعرسي لاني عندي مكياج يكفي سنه تخيلي كل مارحت شريت ومااكتفي فيني مرض مكياج اللهم لاكافي وبس حرمت نفسي قلت ماراح اشتري الا لما اخلصهم لان حرام وين بتودين اللي عندج واللي بتشترينه ومب كل يوم بتمكيجين

فشوفي انا اللي سويته شفت مكياجي اللي مااقدر استغني عنه وجديد خليته لي واللي مااحبه وزعته على بنات عمي واخواتي

وحق عرس بشتري بس اساس واحد فقط وبودرتين بس

وشوفي انتي شوفي اللي ناقصج وزيدي عليه ولا تاخذين ماركه معينه لان كل ماركه تتميز بشي جديد

وانصحج بماك كل ماادش عندهم قلبي يعووورني خصوصا اظلالهم روووووووووووووعه

وعندج بودرة كانيبو كرميل روووعه للمناسبات والعروس وغلوسات لانكوم وكحلهم خفيف على العين وماسكرا تجننن وعندج بعد بودرتهم خفيفه للصبح بس

وماك بودرتهم حلوة وعمليه للصبح والقعده العائليه وكحلهم يجنن اسوووووووووووووود وغلوساتهم

ومن فور ايفر لمعاتهم والارواااج تجنننن

ومن ايف سان لوراان بودرة لمعه وجه وارواجهم

والله يوفقج حبيبتي

بنات حتى انا ماعندي مكياج كريم اساس كل ماحطيت الكريم تشرب بوجهي ولا جني حاطه ويطلع وجهي مغبر انا استخدم ماكس فاكتور العصار شنو تنصحوني فيه وياترى شنو سبب تسرب الكريم لبشرتي

@@

احسب سفهتوا الموضوع محد رد عليه ..

اممممم عروس الدوحة فكرت أسوي مثلج بس بعد أحس إني لو أشتري جديد يكون أحسن ,, يمكن في أشيا لين الحين استخدمها مثل

فرش البودي شوب القدييييييييييييمة اللي لونها بيج عمروا معاي ما غير أنظفهم واستعملهم ..

الأساس مثلاً الحين كل مرة شي مرة السائل من لانكوم ,,, بودرة كنيبو ,,, لوس بادور ريفلون ,,, شادوهات واساس و ارواج كريولان ,,,, سمر كيك الأورنج ,,,, الشادوهات شي من ني و نوبا و ريفلون وريميل و العلب الكبيرة هاذي في ماركة الوانها حلوة وايد بس ما تنباع الحين الا على شكل باليتات أو سامورا الشادوهات و الغلوس و ..بودرة برجوا أو كلارنس أو ديور ... الكحل من ريفلون أو البودي شوب أو ماكس فاكتور أو كريولان ,, كونسيلر البودي شوب ,,, غير بوبا كت بلاشرات و ارواج و شادوهات ..

فهذا كله ما ينفع آخذه وياي مع إني أستعمله .. فقلت ابي اقلل من الكمية .. صح ما راح آخذ كل شي مرة وحدة لكن اعرف شاخذ لما أحدد ..

.....

واي انتي ,,, انا جربت الأساس المعصار مال ماكس فاكتور ما عجبني على قولتج يطلع الويه مغبر جربت المضغوطة اللي في علبة كحلية وايد حلو كنت استعملها للمناسبات ..

هلا أختي راح أحط لج ملخص سريع:

أساس مناسبات: غرلاين إذا بشرتج دهنية أو عادية أو مختلطة
و إذا جافة إخذي ديور

أساس خفيف و ناعم: جيفنشي

لوس بودر: ايستى لادور أو غرلاين

بودرة مضغوطة: جيفنشي أو ديور

كونسيلر: توج أوف ايكلا من و إذا تعرفين اللايتنينغ و الشيديغ اخذي من فور ايفر بالته لخمس ألوان

بيس: شانيل أو YSL أو فور ايفر

كحل: ماك

ايلينر: ماك أو لانكوم

ايلنر ملون: لانكوم أو ماك الجل أو فور ايفر

المسكارا: لانكوم أو YSL أو HR

الظلال: ماك و باليتات من ديور 5 ألوان و باليتات من ماك و فور ايفر

اللمعات: بيجمنت من ماك و ستار بودر و دايموند بودر من فور ايفر

البلاشر: ديور و EL و YSL

الأرواج: ديور و لانكوم و ماك

الغلوسات: ديور و ماك و فور ايفر

المحددات: ديور و شانيل

الفرش: ماك و فور ايفر و مكياجي

المناكير: ريفلون و ديور و جيفنشي و ماك

دوحانيه ....! ا




انتي هي اللي اعرفها ....!!!!

والله فادني الموضوع سجلتهم كلهم :)

حابة اساعد

عندج ... مرطب قبل كريم الاساس من ماك ( حلو يرطب ويورد الخدود ويثبت المكياج)

اسمة strobe cream



وعندج بعد جل لتهدئة العيون ويعطي العيون نضارة من دون تعب... من كلينيك وايد حلو وصراحة الكل يمدحة

اسمة all about eye



وعندج بعد كريم الاساس اليومي من ماك والبودرة مالته حلو وخفيف حق دوم

طبعا في منه وايد درجات انتي اختاري اللي يناسب بشرج



+



وعندج خافي العيوب (للعيون والبشرة) من ايف سان لوران (طبعا اكيد تعرفينه مشهور وايد ) :)

في منه 3 درجات اختي اختاري اللي يناسبج



اذا كانت بشرج ... دهنية (عندج من البودي شوب جل لتحكم بالدهون البشرة .. تحطينة قبل الاساس)



اما بالنسبة لل lipstick عندج استي لودر ...... و لانكوم وماك........ وشانيل ... طبعا انتي اختاري اللي تحبن

اما بالنسبة لل lipgloss احسن ماركتين لانكوم ولوريال ... خفيفة ع الشفايف (اكيد بتقولين لوريال ماركة رخيصة ... بس صدقيني وايد حلوة gloss عندهم ........ وعن تجربة مب دوم كل شي غالي يعني حلو وزين ولو تجربينهن ما بتتركينهن)

لانكوم


لوريال


وبما انج ع باب عرس (( عندج ديور منزل ,, gloss يديد للي بيتزوجن .. حلوات وبطعم فواكهه والريحة حلوة وادوم ...طبعا كانوا كاتبين انهم مسوينهن للعرائس وانا مب عروس بس احب اجرب كل شي :shy:

هذا اسمهن dior kiss في وايد اللون :) اختاري الي تحبين ... من اسمهن يبين حق المعرسات (r)



وعندج ...... ها العلبة منزلنها بعد ديور .... حلوة حق الشنطة ..... حق استعمال بسرعه بسرعه

فيها gloss وبلاشر وكريم اساس .. مع فرشاة للبلاش وال gloss



اما للمسكار عندج لانكوم ونيفيا انا هذيلا اكثر شي استخدمهن

واخر شي make up 4 ever منزل لمعة وايد حلوة .. نفس اللي عن نانسي وهيفاء وهبي وفي منها وايد اللون والابيض روعه



واتمنى اني قدرت اساعدج

بالبداية مبروك وطبعن البنات ماقصروا بس انتي ماتقدرين تاخذين المكتوب وتشترين لان يمكن نصة بيطيح في جبدج من جذي روحي عند محل معين مثل ماك او قنطار وقولي لهم يشوفون بشرتك ويجربون عليها الكونسيلر والفاندويشن والباودر وتقدرين تاخذين دورة بماك لمدة 3 ساعات وراح تعلمج عيوب بشرتج وكيف تغطينها وكيف تبرزين جمالج وراح تشترين المكياج والفراشي اما اللمعات والكريستال وغيرة من ميك اب فور ايفررر .

حلو الموضوع :) حفظته عندي اكيد بحتاجه

مبروك اختي

والبنات ماقصروا

بس حابه اقولج لاتستعجلين ولاتخلين البياعات ياثرون عليج

واصبري كم يوم لين ماينزلون مكياج جديد كولكشن الربيع والصيف

والله يوفقج في حياتج يارب

مثبت الشدو:
من ماك رهيييييييب و يخلي اللون يثبت و ما ينثر على الوجه.

شو اسمه بالانجليزي حبوه ؟؟


مس اووووووبس

شو اسم اللمعه اليديه من فور ايفر اللي حطيتي صورتها ؟؟؟

أسيرة العيون:
مثبت الشدو:
من ماك رهيييييييب و يخلي اللون يثبت و ما ينثر على الوجه.

شو اسمه بالانجليزي حبوه ؟؟


مس اووووووبس

شو اسم اللمعه اليديه من فور ايفر اللي حطيتي صورتها ؟؟؟

أسم اللمعة :

Diamond Powder

روعه صدق لمعتها تكون مثل الالماس :handup:

مرحبا بنوتات ..

آسفة ع التأخير في الرد

جزاكم الله خير جميعا ..

و على فكرة أنا أفهم في سوالف المكياج و صعب على أي وحدة تقص علي تحسبني ما أفهم ^^

ما قصرتوا ..

بودرة جيرلان الفضية أو الذهبية ( جربت الثنتين وعطوني نفس النتيجة ) رهيبييييييييييين

أحمر خدود بودي شوب .. طبيعي وروعة .. ويبقى معك مية سنة ولا يخلص البلاشر السحري هههههههه .. وما فيه لمعة يعني طبيعي يطلع

جلوسات نيفيا حلوووووووووين .. ومايبلين حلوين كمان فيهم لمعة

لحواجبي استخدم قلم مبروك اللون بني غامق اللي بغطاه يجي المشط بصراحة ما استغنى عنه ..

المسكارا كلارنس روعة

وووبس .. بالتوفيق عيوووووووووني

ثانكس حبيبتي ما قصرتي ^^