بنات ساعدوني

[grade="FF1493 FF6347 FF1493 FF0000"]
السلام عليكم ورحمة الله وبركاته

أختي بإذن الله بتنحل،وأنا ماأشوف مشكلة،كل ماهنالك يمكن

تتحمسين في البداية وبعدين يخف الحماس عنج،لكن عشان تبدئين

بشغلج،سمي بسم الله وتخيلي الشغل في مراحله الأخيرة وكيف صار حلو

ومميز والكل بيعجب فيه،مدام عندج الأفكار والموهبة استغليها واستفيدي

منها لأنها تخليج مميزة بحاجياتج من أكسسورات وغيرها..

وتذكري أختي صاحب الموهبة قد يكون محط العين وقد يُحسد لذلك

حافظي على أذكار الصباح والمساء حتى تحصنين نفسج من الحسد،

لأني قريت قصص في هالموضوع،مثل بنت تقول انها كانت خطاطة

وفي المدرسة يستفيدون من جمال خطها،وفجأة كرهت الكتابة وما

تحب تكتب،لذلك أقولج أختي صاحب أي نعمة ممكن ينحسد ابها..

الله يحفظ الجميع من العين والحسد،آمين..

في أمان الله

[/grade]

عزيزتي
انتي اول شئ حطي في بالك ان ربي اعطاك موهبه مااعطاها كثير غيرك
وحطي في بالك رضا نفسك عن نفسك لماتنتجين
وكذلك حطي في بالك انك تشتهرين بشغل يدك لو على نطاق ضيق
عموما انتي انسانه تمتلكين الافكار والاداوت
ابدي ولاتحطين براسك انك تفقدين الفكره لماتبدين تشتغلين
انا طالعت انتي باي بلد لقيت الكويت
عموما كل البلدان فيها مراكز للموهوبين والابداع بمختلف اشكاله
واذا انتي حاسه ماتقدرين تقدمين على هالخطوه فادخلي احد الدورات لحد مايتحدد الخطوط الرئيسيه بتصاميمك
وسمي بسم الله
وابدئي

لسلام عليكم
اختي شلون تبينه نساعدج وانتي مو قاعده تساعدين عمرج .. اذا العزيمة مو موجوده ..ولا محاوله راح تفيد او نصيحة .. دامج تقولين تحبيين هل اشيه و ودج تشغلين وقتج فيها بس مجرد ماتصفين الادوات تردين تلمينهم و تخافين انج تطلعين فاشله ... انتي يمكن مو واثقه من مدى ابداعج لهل شي بس واثقه انج تحبينه و تحبين تشغلين وقتج فييه ..
طيب حتى لو اول مره سويتي الشي شوي غلط .. كارثه مصيبه؟ لا بالعكس انتي يالسه تصقلين هل موهبه الي فيج بالتدريب .. حبيبتي مو شرط من اول شي تضبطين الامور بس مع التعود .. عودي نفسج دايما انج تجريبن في الاشياء .. حتى لو ماتقنتي الشي من البدايه .. حاولي مره و مرتين و ثلاث .. و لانج تحبين هل شي صدقيني راح تنجحين و راح تصقلين هل موهبه .. بس السالفه يبيلها تدريب...
والله كريم!

السلام عليكم و رحمة الله و بركاته

ينقل لركن أفكار و خبرات...

هلا يا قمر..

ما شاء الله البنات كفوا ووفوا..
طيب وش رأيك تقولين لنا وش أول شي تبين تبدين فيه الحين واقترح تبدين بشي سهل لا تطلعين فوق على طول.. يعني اطلعي الدرج درجه درجه لا تنقزين..

اطلبي اللي تبين وحنا باذن الله بنساعدك..سواء بأفكار أو بطريقة عمل ان شاء الله..

وسويها واعرضيها لنا هنا بالركن مع طريقة العمل لو قدرتي.. وبنحكم لك اذا كان حلو ولا لأ..

واذا عندك اشياء سويتيها اعرضيها لنا خلينا نشوفها..

وبالتوفيق حبيبتي..