قبل لاتحطين موضوع او سؤال عن فتره الخصوبه وكل مايتعلق فيها ..اوعن تاجيل الحمل تفضلي

*الملف الاول:ملف الخصوب ومساعدات الحمل-معلومات مهمه
فيه مؤشرات منها تعرفين ايام الاباضه
اهمها افرازات لزجه شفافه تشبه بياض البيض
الالم في واحد من قنوات فالوب وهو الم ناتج عن تحرك البويضه في القناه الي طلعت منها
ارتفاع بسيط بدرجه الحراره(راح نتكلم عنه بطرق معرفه ايام الخصوبه)
اعراض تبشبه اعراض الحمل كالالم في حلمه الصدر تلقبات مزاجيه غثيان خفيف

معلومات يجب اتباعها عند الجماع لرفع فرص حدوث حمل
1-عن الجماع يفضل ان تاخذ المراءه الوضع التقليدي(تنام على ظهرها اثناء الجماع)
2-وضع مخده تحت الظهر اثناء الجماع وتركها لمده ساعتين وبعد الجماع وضع مخده تحت الركبه
3-عدم الحركه بعد الجماع لساعتين على الاقل ويفضل طوال الليل مع النوم على الظهر

-اجهزه تساعد على معرفه ايام الخصوبه
1-شريط البول الكاشف لايام الخصوبه

يجي 7 اختبارات بالعلبه الوحده تستخدم بنفس الشهر
سهل استخدامه تطلع النتيجه ب3 دقايق تقريبا
نسبت الصحه 99%
عيوبه سعره غالي خصوصا للاستخدام الطويل
تقريبا 170 ريال\درهم لكل شهر

2-الترمومتر الاكتروني
بحيث تقيسين درحه حرارتك كل يوم اول ماتصحين من النوم وتسجلينها
الايام الي ترتفع فيها درجه الحراره اكثر بدرجه او درجتين عن الايام العاديه هذي هي ايام الخصوبه او الاباضه

3-كشف الخصوبه عن طريق اللعاب

كيفيت استخدامه
مسح العدسه جيدا

وضع عينه اللعاب على العدسه وتركها لتجف جيدا 2-5 دقايق

النظر من خلال العدسه


اذا طلعلك الشكل هذا

الخصوبه منخفضه جدا جدا(معدومه)

اما اذا طلع الشكل هذا خطوط طويله بس مو كلها متصله مع بعض .. احتمال بسيط للحمل(خصوبه منخفضه)

احسن وقت للجماع وباذن الله يحدث حمل لان الخصوبه عاليه

مميزات الجهاز
سهل الاستخدام
يعيش عنك سنييين طويله من غير لايحتاج تغير
استخدامه مزدوج لما تعرفين ايام الخصوبه يصير فيها جماع للي تبغى تحمل او يوقف فيها الجماع بنيه تاجيل الحمل
سعره رخيص مقارنه بطول استخدامه 40دولار من الشركه نفسها طبعا الموزع بيكون سعره اغلى شوي
ولقيته بالسعوديه من سنتين بس شكل وصناعه تختلف ماني متاكده من السعر بس متاكده انه مستحيل يتعدى ال400

يـــــــــتبع

الملف الثاني:وسائل تنظيم النسل او تاجيل الحمل

قبل لانتكلم عن الطرق الطبيعيه
1-لازم الوحده تعرف انه مافي طريقه مضمونه 100% حتى حبوب منع الحمل بنفسها ممكن الوحده تحمل عليها بس طبعا بنسب نادره
وترتفع النسب احتمال حدوث الحمل كل ماصارت الطريقه طبيعيه واحيانا تخمينيه زي العد
2-لما تنوين بتاجيل الحمل بطرق طبيعيه ينصح بتطبيق طريقتين بنفس الوقت خصوصا ايام الخصوبه لرفع نسب نجاح التاجيل

-وسائل تاجيل الحمل الطبيعيه
1- طريقت العد
طريقه غير مضمونه وكثييييييييييير حريم حملو عليها
ينصح انها ماتستحدم لوحدها
اذا كانت دورتك منظمه راح يسهل عليك استخدامها
اما اذا كانت غير منظمه فلايمكنك استخدامها
ومنتدانا الغالي مسهل علينا المهمه
http://www.3roos.com/planner/index.html
ماعليك الا انك تحسبين دوره الاباضه عندك كم يوم؟(هو نفسه طول الدوره الشهريه الي شرحناه اول الموضوع)تتاكدين منه ومايتم هالشي الا بحساب 4 دورات متتاليات
عندي جدول جاهز باطوال دورات مختلفه بس طويل وماودي احطه بنفس الموضوع بيضيع صفحات كثيره ..فودي يسمحولي المشرفات انزله بموضوع الحاله واحط اللنك هنا الي تبغاه ترجعله هو نفسه تنظيم الحمل مع عروس لكن جاهز من غير لاتعبين الخيارات

2-القذف الخارجي
وهي طريقه معروفه واعتقد مايحتاج لها شرح
لكن مشكلتها انوا ممكن يتسرب شوي من السائل المنوي اثناء الجماع وقبل القذف علشان كذا ارجع وااكد على الي تستخدم طرق طبيعيه انها ماتعتمد على طريقه وحده بس بنفس الوقت
وايضا صعبه على العرسان الجدد

3-الكاندوم(الواقي الذكري)
وهو واقي مطاطي نوعا ما مدهون بنوع من الزيوت فيه ماده تساعد على قتل الحيوانات في السائل
ممكن تقلل من الاستمتاع خاصه عند الزوج
لكن ممكن يتم الجماع عادي وعند قرابه القذف يستخدم
لازم تحرصين تقرين التعليمات الي على العلبه ومنها
اول ماينلبس يتم الجماع (الايلاج)من غير مايصير فيه احتكاك خارجي
الانتباه لتاريخ الصلاحيه
ماينفك بقوه او بالاسنان وتجنب مسكه بالاظافر الطويله علشان ماينشق
بعد الانزال مباشره يسحب العضوي الذكري وقبل سحبه التاكد من وجود الواقي عليه
معليش بنات على الكلمات الي مش ولابود وانا اكتبه مغمضه عيوني بس علشان الفايده تعم وللمشرفات حريه تغيرها عادي يعني ماراح ازعل بس مو تشولون الموضوع كله تراني تعبت وانا اكتبه واجمعه هههههههههه

3-التحاميل المهبليه
شكلها زي حلاو البولو .. تكتبها لك الطبيبه
تحطيها كتحاميل مهبليه قبل الجماع بنص او ربع ساعه
راح تطلع زي الرغوه فيها ماده تقتل الحيوانات في السائل المنوي

4-قياس درجه الحراره لمعرفه ايام الخصوبه
تم شرحها في الملف الاول

5-جهاز الكشف عن ايام الخصوبه عن طريق اللعاب
تم شرحه في الملف الاول

6-الواقي النسائي
يشبه الواقي الذكري ويعمل على منع وصول الحيونات المنويه للمهبل
عيبه انه مكلف نوعا ما[size=3]

-موانع الحمل الطبيه

احنا هنا مو طبيبات مجرد بنات نتبادل الخبرات ونحب نفيد بعض ومانبي نضر احد
واي شي فيه مركبات كمبائيه وحوست هرمونات لازم الوحده تروح لدكتوره تسويلها فحص كامل
من خلاله تحدد لها النوع المناسب لحالتها

اذا انتي عروسه جديده او ماقد حملتي من قبل
ما انصحك بالموانع الطبيبه اضرارها اكثر من فوايدها
وناس كثييييييييره تقول انها تسبب العقم الله يبعده عن بنات وحريم المسلمين وحتى لو ماتسبب العقم ليه تحوسين هرموناتك وجسمك وتدخلين عليه مركبات كميائيه
ووحده تقربلي دكتوره نساء وولاده وخبره فوق ال20 سنه مشالله جبنا طاري الحمل ومدري ايش التفتت على زي الي تذكرت شي وخايفه وقالتلي لاتكونين تاخذين حبوب منع حمل
قلتلها لا والله ما اخذ شي تحسين جبل وانزاح من عليها قالت الحمدالله ابعدي عنها مدامك بكريه وماقد حملتي مو كويسه

بعد هالمقدمه الطويله
اذا انتي عندك طفل او سبق لك الحمل فممكن على كلامهم انك تستخدمينها من غير خوف
وهذي انواعها بس اعذروني من غير شرح لان موضوعنا بالاساس يتكلم عن الموانع الطبيعيه

حبوب منع الحمل المزدوجة
حبوب منع الحمل وحيدة الهرمون
لزقات منع الحمل
حقن موانع الحمل
اللولـــب
أنيبيبيات تزرع تحت الجلد للمرأة


كذا يكون الملف الثاني خلص
زي ماقلتلكم بنات هذا موضوع لنا كلنا وياريت الكل يتعاون فيه
الي عندها اضافه او تصحيح معلومه تكتبه علشان نطلب من المشرفات يضيفونه على الملف نفسه ويكون مرجع لنا

ارجوا من اخواتي الغاليات قبل لايحطون سؤال ياريت تقرين الموضوع كامل او الملف الي تحتاجينه واذا مالقيتي فيه اجابه
تفضلي وحطي سؤالك وانشالله بترد عليك وحده من عرايس عروس الخدومات(يعني مو لازم انا الي ارد هذا موضوعنا كلنا الكل يستفيد ويفيد)
بس نبي اسئله نستفيد منها ماتكون تكرار للكلام الي كتبناه

هذا الملف اجتهاد شخصي اعتمد على تجميع المعلومات من مصادر طبيه وشخصيه ومونتديات
عند النقل ارجوا ذكر المصدر وتحليلي من اي معلومه غلط انتوا عارفين انها غلط ومانبهتونا لها

الاخت لك روحي مشكورة على الموضوع الحلو والله يعطيك العافيه

موضوع رائع
جزاكي الله خير الدنيا والاخره

[frame="2 80"]اشكرج من كل قلبي....[/frame]:clap::clap:

السلام عليكم و رحمة الله و بركاته

تسلم إيديكي أختي على المجهود الروعـــــة...:)

بإنتظار الباقي...

السلام عليكم

مشكورات اخواتي على المرور
الله يعطيكم عافيه

انشالله راح اذكر تجربتي مع مواتع الحمل الطبيعيه
بس مو الحين لاني هلكااااانه ما اشوف قدامي مواصله من امس

مشكوره ويعطيج العافيه على الموضوع المفيد

يعطيك ألف عافية على الموضوع الشيق يا لك روحي
تسلمين يا الغالية

والله افدتينا الله يجزاك الخير

مشكووورة اختي على هالمعلومات والله يجزيك كل خير

[grade="00008B FF6347 FF1493 4B0082"]

جزاكـ الله الف خير اختي على المعلومات المفيده[/grade]

يعطيك العافية اختي

توني اشوف الموضوع ... تسلم ايدك

تسلم هالأيادي حبيبتي على المشاركة القييييمة
تصفيق لجهودك الرائعة :clap:

ما شاء الله عليك أختي ...مجهود رائع تشكري عليه

الله يعطيك العافيه

مشوره اختي ع المجهود الرائع

جزاك الله أختي على هذا الموضوع اللي أفادني كثير وان شاء الله يفيد أخواتي وان شاء الله يكتب لي ولخواتي الذريه الصالحة..آمين
ويجعله في موازين أعمالك يأختي العزيزه

][®][^][®][مشكورة اختى على هالمعلومات القيمةوجزاك الله كل خير][®][^][®][

السلام عليكم...

يعطيج العافيه اختي على هالموضوع اللي جداً مفيد..

بس بغيت استفسر...

انا توني من يومين مخلصه الاربعين...وخايفه اني احمل..

لانه صار جماع وخايفه انه يكون هناك احتمال اني احمل في هالفتره...

وابي اسأل هل اخذ حبوب منع حمل...؟؟ واذا نصحتوني فيها هل لها اعراض جانبيه..؟؟

اتمنى تردين علي انتي والاخوات ...