بنات البحرين لو سمحتوا ؟؟؟

[grade="2E8B57 4B0082 2E8B57 4B0082 2E8B57"]أهلين

انه عملت عملية هناك بالعكس لا وحاشة ولا شي

وخصوصا اذا عطوك غرفة على البحر

وممكن حد ينام معك كمرافق..........

والله يقومك بالسلالالامة انتي والبيبي[/grade]

اختي انا ولدت بالامريكي بس الي سمعت انه التخصصي كانك بفندق 5 نجوم
عنايه واهتمام وكل الي تبينه مجاب

الله يقومك بالسلامه ان شاء الله

صديقتي ولدت هناك و شفت شلون العناية و الاهتمام .... رحت اليها من الصبح و لاقيت كل شوي أحد يدخل الغرفة : ممرضة تفحصها و عامل بيعمل شوي في الحمام و بعد عاملة أدخلت شاء و قهوة للضيوف ....

بصراحة أنا ما أفكر أولد هناك ، لكن المنظر على البحر وايد حلو و عجبني.... منظر جسر المحرق !
كأنك في فندق 5 نجوم.....

يعنى تعتقدون اولد هناك انا بصراحة ارتاح للسلمانية أكثر لأنى ولدت بنتى هناك واحس بكثرة الناس والممرضات اهتمامهم طبعا انا اقصد بجناح 410 لأنى ولدت هناك يعنى بأغلى غرفة مش باقي الأجنحة كأنك بسوق المركزى بس الحين دكتورتى بالتخصصي وانا اريد اولد بعملية قيصرية وهي اللي تعمل لي العملية فلازم اكون هناك ، امس مثلاً رحت شفت غرفة الولادة المكان كان نظيف وظلام وما في احد وخالي يخرع بس بالسلمانية اذكر يوم عمليتى المكان كان وسخ من الدم الله يعزكم ولوية الممرضات وهيلتهم.....بس لللأسف مش الدكتورة نفسها اللي تعمل العملية اللي على الدوام ........

والله يقومك بالسلامة يارب هو اعتقد بالنهار حلو بس بالليل يخرع لأن المكان بعيد .....وما في مرضى بالمستشفى نفس السلمانية او العسكرى .......

أنا عني أختي ... لما أولد بروح السلمانية ! هو فيه حركة أكثر و أنا بتم فيه بس يومين و أنا طالعة
و ليش أحاتي هالموضوع ...

و أريد أكون في مكان قريب حتى الكل يحضر يشوفني....

والله يا أختي ما ادري شاقولج ...
أنا وايد أستانس لما أروح التخصصي .. سواء حق روحي (فحوصات) ولا حق زيارة مريض لا سمح الله ... بس كل مستشفى فيه شئ ايجابي و شئ سلبي ... مثلاً :

المستشفى التخصصي مستشفى له اسمه وراقي ونظيف ومثل ما قالوا لك الاخوات اهتمام و عناية وزوجي دائما يقول كأنه فندق لما يخدومننا كل شئ لمكانك... بس عيبه انه بعيد وووووووووايد ومنعزل، فوق ذي 450 دينار عشان ليله وحده مبلغ موب سهل

اما السلمانية العكس تماما، مستشفى فيه حركه والخاص فيه (جناح 410) حلو وفيه اهتمام بعدين مثل ما قالت المحمدية الكل راح يزورج عشان الموقع استراتيجي وموش في آخر الدنيا ! بعدين تدفعين 40 دينار في الليله احسن لج من 400 !!!!

هذا اللي عندي ، بس القرار الاخير يعتمد عليج خاصه اذا تقولين ان طبيبتك راح تسوي لك العملية، من قصدك ؟ كيران و لا فرح ؟

صح كلامك انا لين ولدت بنتى ربي يحفظها جلست بالغرفة اللي بـ 60 دينار ، وهنى التخصصي اذا عملية قيصرية الف ومائة دينار التكلفة السعر اللي قلتيه هاي بالنسبة للولادة الطبيعية بس انا اريد ولادة قيصرية ، ويوم اللي عملوا لي قيصرية بالسلمانية خربوا لي اشيائي من داخل ولصقوا لي الرحم بالبطن لدرجة انى سافرت الأردن ومصر علشان يعدلون لي خطأ العملية اللي عملوها لي وما اقدر اخاطر مرة ثانية بس هنى الدكتورة كيران دكتورتى واشوفها شاطرة وقالت انها بنفسها راح تعمل لي العملية واللي يحبك اعتقد لو انتى بمستشفى عوالى او الدولي بيزورونك ...........والا شنو رايكم.