نصيحتكم ورايكم عرايس وامهات ...

الله يساعدك اختي.. بصراحة انا مريت وانمريت بهالتجربة ...ولازم انصحج عشان ما تصيرين مثلي..

البيبي اللي انتي حاملته مو بس بيبيج انتي، هذا ولد ريلج مثل ما هو ولدج
لاتقولين لي دوام من الصبح وتعب.. لازم الاب يتحمل جزء من المسؤلية معاج.. عشان تحسسينه انه ابو صج..

فكرة انج بتودين الطفل غرفة ثانية وبتنامون انتي وريلج بغرفتكم اشوفها فكرة غير سديدة .. تدرين ليش؟

لأن هذا معناته انج راح تنامين لحالج وريلج لحاله...
الاطفال في بداية عمرهم او ال 3 شهور الاولى ما ينامون الليل الا قليل قليل، وما راح ينفع تحطين جهاز الصوت، لازم تنامين جنبه والا ما راح تنامين بتاتاً .. طول الليل معقولة بتمين رايحة رادة؟؟ خله جنبج افضل...

واذا حسيتي ان طفلج مثلاً مافيه نوم .. شيء طبيعي انتي بعد ما بتنامين.. طلعي شوي في الصالة او شغلي التلفزيون عشان يقدر زوجج ينام شوي ... وبعد نص الليل اذا تعبتي .. قعديه خليه يمسك الطفل عشان ترتاحين لج شوي...

مسامحة اختي على مخالفتي لرايج بس ضريبة التربية مالازم تدفعها الام بروحها.. لازم الابو يشاركها...

ولدي كمل سنة وابوه ما متحمل ولا جزء بسيط من مسؤلياته ومخليه كله علي.. ليش انه كان يكسر خاطري وما خليه يسهر معاي في البداية شوفي شلون تعذبت في الآخر...

وبعد شوي بييب لج وصلات مواضيع يناقشون البنات فيها موضوع فصل البيبي في غرفة لحاله :)
اختج

متى يستطيع الطفل الاستقلال بغرفة مستقلة؟

انا صراحه ما ايدج بسالفه تحطينه بغرفه بروحه خصوصا انه توه مولود يبيله رعايه ولازم عينج عليه دايما لا سمح الله ما تدرين شيصير؟؟

وانا مع كلام الاخت جمانه

تحياتي لج

حبيبتي عودي زوجج على صوت الولد يوم يصيح عشان ما ينزعج .. اوائل الايام بينزعج على ما يتعود وعقب والله لو البيبي يسوي عرس فالغرفه ما بينش ولو رقاده خفيف ... عن تجربة

السلام عليكم ورحمة الله وبركاته

ليش أختي تشيلي المسؤولية كلها على راسك...مش هو كمان أب...و له دور ؟

إنه البيبي يكون في غرفة لوحده...راح يكون إرهاق كبير جدا عليكي...

يعني تظلي طول الليل صاحية بالبيبي تدوري فيه بالشقة...و زوجك نايم و لا على باله ؟

هذا مش عدل...يقوم يساعدك...بسوي لك شيء تشربيه...يمسك عنك البيبي شويه...لأنك بتكوني تعبانة و نفاس...

بعدين البيبي ما شاء الله في لحظة يتغير حاله...مرات تيجي لهم سخونة في لحظة...أو يقلب على بطنه و لا سمح الله يلاقي صعوبة في النفس...كيف راح تعرفي و إنتي بعيد عنه ؟

صدقيني مش راح ييجي لك قلب تبعدي عنه...و لازم زوجك يشترك معاكي...هذه مش حياة شهر واللا إثنين...هذا تعود من الحين...

بصراحة مرات كنت أدخل أنام و أخلي بنتي مع زوجي...بكون مش قادرة...مواصلة الليل بالنهار...

حبيبتي مثل ماقالولج البنات

انتي ماودج تزعجين زوجج وهذا شي حلو ,, بس لازم يتحمل معاج المسؤولية ولا بهالطريقة ماراح يتعود على ازعاج الطفل

او تحمل مسؤوليته .. وبالنسبة لعش الزوجيه ماراح يتأثر بالعكس خلي البيبي معاج في غرفه نومج واذا قام في الليل وقت رضاعته

خذيه وطلعي برع ولما ينام رجعي معاه .. اعتقد هذا الحل الانسب لكن تبعدين البيبي في غرفه بروحه ماحبذ الفكره ابد

ولاانتي راح يجيج نوم وطفلك بعيد عنك :)

الله يوفقك ويهون عليج ويقومج بالسلامه يااارب