.
.
أول شي أبيكم تدعون لي كللللهم بصوت واحد إن الله يوفقني ويتقبل مني في هالأيام الفضيله
.
.
خواتي أنا من متابعين هالمنتدى الرائع من فتره طوييييله ولا حبيت اشترك وأكتب لكم موضوع إلا بشي أنا مجربته وشايفه مفعوله بعيني عشان لا يصير كلام في الهوا وتستفيدون منه وتدعونلي في ظهر الغيب
.
العيــــــد قرب وكــــــل عام وإنتم بخير والحين كل وحده تبدا تفكر وش بتحوس بشعرها
لــــــــــــكن
اللي شعرها
منتف
ومحترقه أطرافه
وباهت
ومقصف
وموقف مثل الخصف والليف وش تسووووووي
وهذا كله بسبب الصبــــــــــــــــغه الله لا يوفقها
يعني لا شسوار نافع ولا فير نافع ولا زيوت نافعه ناااااااااااشف وبااااااهت
.
.
وأخيـــــــــــــــــــــــرا
لقيت لكم الحل اللي توي الحين الحين مالي ساعه مجربته
شركة LOREAL منزلين نظام معالجه لشعر .. لكل نوعية شعر طقم خاص فيها مكون من خطوات للعلاج
وأنا طبعا عجازه ورحت سويته بالمشغل وهاذا صوره العلاج الخاص بنوعيه شعري
.
.
.
.
بعد ماسويته والله والله والله وربي على ما اقول شهيييييد صرت احس شعري مغذى ويلللللللللمع تخيلوا على الشسوار هذا ومن أول مره بس سويته
عشان كذا انا قررت اشتري السيت كله واخليه عندي بالبيت واسويه لنفسي كل أسبوعين وإلا ثلاث أسابيع وتعاااااالي شوفي الشعر ماشاء الله لا إله إلا الله
وربي صرت احس شعري مرايه يرصف رصف (قولوا ماشاء الله )
بنات من جد من جد فرحت لأني ماكنت متخيله إن شعري المصبوغ المنتهي بيتحسن بالهشكل
الحمــــــــــد لله
ومثل ماعلمتكم لكل نوعيه شعر طقم خاص فيه وأنا شعري كيرلي عشان كذا استخدمولي هالطقم
وإن شاء الله تجربوه وتدعونلي
وعلى فكره أنا سويته بالمشغل المره ب 80 ريال هم يقولون كان أصلا ب 100 بس مسووين خصم لرمضان
وبقولكــــــــم شي ثاني
وحده من اللي هناك قالت لي شعرك بادي يخف من قدام طبعا لنفس السبب الصبغه الله لا يوفقها وصديقها الشسوار ونصحتني بأمبولات LOREAL وقالت لي جربيها وأحكمي تقول توقف التساقط وتشيل طبقه الكولاجين اللي على الفروه تمنع الشعر الجديد يطلع وتنبت جذور جديده
ولأني سمعت كثير يمدحونها قلت نجربها ومااااااااااااالووووو
وهاذي بعد صورتها جبتها لكم من النت
.
.
.
.
وطريقه أستخدامها على العلبه اللي هي أمبوله كل يوم لمدة 6 أسابيع وانا أخذت العلبه ب 120 ريال عاد مدري ناصبين على وإلا هذا سعرها بس قلنا نجرب والشفا من عند الله
هذا اللي عندي يا خواتي الكريمات واي سؤال أنا حاضره والله يعلم لاني سفيره لوريال للنوايا الحسنه لووووووووول ولا لي علاقه فيهم من قريب ولا من بعيد بس كل اللي أبيه دعوه منكم إن الله يجزيني على قد نيتي
.
.
تقبلوا خااااااااااالص الحب
Mo0oN LighT