اشرايكم البسه هالقميص يوم العيد او لا؟؟؟؟

ج

جمـــانة

مشرفة سابقة

28-10-2005 | 03:00 AM

سلام..

عندي مشكلة صغننة، ياريت تشورون علي، وادري انكم ما بتقصرون..

رحت شريت ثياب لولدي حق العيد مع زوجي، في العادة زوجي يعتمد على ذوقي في اختيار ملابس الولد لكن لازم اراويه القطعة قبل ما نقرر نشتريها او لا..

المهم هالمرة اخذت مجموعة ملابس.. والبارحة قعدت اطالع واقرر اي وحدة يلبسها صباحية العيد واللي بالليل واللي يوم ثاني...الخ قلت بستشير المعزب في قميص الا مبطل عيونه الا آخرهم ... تدرون ليش؟؟

لأن القميص مرسوم عليه سيارة ومحطوط عليها بخط كبير for sale!!!!!

يعني للبيع...

استنكر كلش ورماها علي,, شلون تشترين هالبدلة يعني شنو ولدي للبيع ؟؟ لالا ما ابي اشوفها على ولدي... ومن هالكلام...

بصراحة انا كلش ما اشوف فيها شيء، حتى لو كانت الكلمة ممكن تنفهم بمعنى ثاني ... لكن مبين انها تدل ان السيارة المرسومة تحتها هي للبيع مو الولد!!!

شرايكم بنات؟؟ البس الولد القميص او لا؟؟؟

واذا تبون احط لكم صورة البدلة عشان تقررون عادي او لا.. بحطها.. قولوا لي بس..

جمـــانة

ذ

ذهب مخلوط بالماس

عروس مبدعة

28-10-2005 | 03:08 AM

ههههههههههههه حلوه للبيع بالعكس راح تطلع حلوه وايد للبيع ان كان حق السياره او الولد لانهاااااا طفل اصغير وانا اشوف انهاااااااااااا عاااااااديه حيل وما فيها اي شي اما اذا كان زوجج امصمم انج ما تلبسينهااااا الولد خلاص خليها وقت ثاني عشان ما تكبر المشكله

ع

عاشقه الاسلام

عروس رائعة

28-10-2005 | 03:09 AM

هوا البلوزه ما فيها شيء واذا مكتوب عليها للبيع يعني معروف انو لسياره
مو لابنك اما اذا زوجك مو عاجبتو فجيبي غيرها لابنك

ش

شجر الدر

عروس متألقة

28-10-2005 | 03:25 AM

ذكرتيني بابو زوجي

شاف بلوزه على اولدي مكتوب عليها كريزي وكان فيها صور بعد
وانا بصراحه ماتنبهت للكلمه

والا كان يحلف علي اني مالبسه اياها مره ثانيه وانها تنرمي على طول

ن

نمنمي1

عروس جديدة

28-10-2005 | 04:47 AM

ياريت اتحطين لنا الصوره

ومن وين شريتي له اثياب العيد؟؟؟؟؟؟

a

alfajer _alb3ed

عروس مبدعة

28-10-2005 | 11:47 AM

اختي بقولج...خاصة الملابس اللي من نكست دايما نحصل عليها ملاحظات مثلا..القرد الصغير...فور سيل...تخيلي تلبسين ولدج هالنوع من الملابس من هاذا المحل؟؟؟؟؟والناس بيفهمونها جذي...انا بصراحه يوم شفت هالملابس واللي مكتوب عليها حلفت اني ما البس ولدي مثل هالملابس...الحين حرمت اخذ شي من نكست لاني بصراحه حسيت انهم يقصدون يكتبون جذي حق المسلمين..حتى محل ادمز نفس الشي...

زوجك معاه حق...رجعيها البدله وخذيله شي ثاني...

ر

ريان إلقطرية

عروس مشاركة

28-10-2005 | 10:39 PM

اختي..

الصراحة زوجك معاه حق رجعي البدله واشتريل شي ثاني..

ترى احلى يوم ..يوم العيد..وبعدين فكرة فور سيل ..كثير بايخة حتى لو كانت السيارة المعنية فيها..

والملابس مليانة السوق...

توكلي على الله وخذيله شي احلى ..:smile::smile:

ريـــــــــــــــان القطــــــــــــرية

b

bj3a

عروس ماسية

29-10-2005 | 01:39 AM

انا لو منج .. ما يهووون علي البس ولدي هالقميص ..

مهما كان القصد ..

أ

أكبر قلب

عروس برونزية

29-10-2005 | 04:06 AM

ما انصحك تلبسيه يوم العيد، وبما انك بحرينية يا ريت تقولي لي من وين شريتي له ثياب العيد

م

مجنونة مصطفى

عروس مشرقة

29-10-2005 | 04:31 AM

اختي جمانة معقولة تسمعين كلامنا احنا وتتركين كلام زوجج

انا اقول سمعي كلام زوجك حتى لا تزعليه في مناسبة حلوة مثل العيد

الله يوفقج

k

katkooota

عروس رائعة

29-10-2005 | 05:37 AM

اختي جمانة معقولة تسمعين كلامنا احنا وتتركين كلام زوجج

انا اقول سمعي كلام زوجك حتى لا تزعليه في مناسبة حلوة مثل العيد

الله يوفقج

:up: :up: :up:

R

RoOoOmy

عروس ماسية

29-10-2005 | 09:03 AM

من وجهة نظري الناس اذواق

فيه كلمات تكون مكتوبة على بدلات الأطفال واحنا ما ننتبه لها

مثلا ناس ما تحب اولادها قطع مرسوم عليها حيوانات .......... انا اشوف ان الموضوع عادي

بس لو كانت كلمة معينة او لها معنى مو حلو اكيد ماراح اشتريها اصلا

for sale ما ادري هم قصدوا السيارة صح ؟

يعني مافيها شي ومع احترامي لكلام الاخت alfajer _alb3ed ما احس اني لو شفت هالكلمة على طفل راح افهم ان اهله يبون يبيعونه !!!!!!!!

فيه كلمات لها معنى مو كويس وهذا غير

بس سيارة ومكتوب عليها for sale عادي

اهم شي ان زوجك ما يتضايق ولو شايف ان هالقميص مو حلو على حسون

خلاص بلاش منه

م

مرموم

نائبة المشرفة العامة

29-10-2005 | 12:03 PM

السلام عليكم و رحمة الله و بركاته

إمشي على كلام زوجك يا جمانـــــة...

علشان بس ما يعمل لك مشكلة يوم العيد...

يعني ما ييجي حد من أصحابه أو أهله...يقول له ليش قميص ابنك مكتوب عليه for sale...

وقتها راح يعصب عليكي و يقول لك إنتي السبب...

لذلك من الأفضل تجيبي له بدلة جديدة...أو تبدلي هذه...

و كل عام و إنتي بخير :)

ع

عذب القوافي

مطرودة

29-10-2005 | 12:12 PM

سمعي كلام زوجك.............

ج

جمـــانة

مشرفة سابقة

29-10-2005 | 09:07 PM

شكراً حبيباتي على الرد .. والظاهر اني راح امشي مع رغبة زوجي.. مافيني شدة زعله في العيد... :D2

اللي سئلوني من وين شريت البدلة.. خذيتها من سناء اللي في مجمع البحرين..

تبون الصورة ؟؟؟ هههههههه بحطها بعد شوي...

على فكرة بنات.. انا صار لي اكثر من اسبوع من اشتريتها .. تتوقعون يوافقون ارجعها عشان ابدّلها؟ الرصيد للحين عندي..

أ

أم أسووله

عروس مشرقة

30-10-2005 | 01:42 AM

اي اعتقد يصير انهم يرجعونه

دام الرصيد عندج

مع ان شكل هالقميص حلوووو

ج

جمـــانة

مشرفة سابقة

30-10-2005 | 02:58 AM

انزين مسامحة يعني لني تأخرت في تنزيل الصورة بس اعدادات البلوتوث كامت محتاجة تضبيط..

مو عادية الصورة؟ بس شتسوين لين قالج لااااااااااااه :(

ن

نمنمي1

عروس جديدة

30-10-2005 | 05:01 AM

هاي جمااااانه

فور سيل كلش واااااااضحه معقوله ماشفتيها!!!!!!!

احسن اترجعينها موبس على الكتابه لان سناء ثيابهم مش ولابد

روحي مذركير الي توه فاتح في مجمع البحرين عنده ثياب حلوه وكشخه

T

The MoOoOoN

عروس ماسية

30-10-2005 | 05:51 AM

حبيبتي والله لو ترجعيها او تبدليها بشي ثاني احسن لك مو عشان الكلام لا

عشان زوجك ما يزعل عليك يوم العيد على شي ما يستاهل تزعليه فيه وكمان معاه حق يزعل

R

RoOoOmy

عروس ماسية

30-10-2005 | 11:28 AM

تعليق بسيط

الصورة واضحة ومفهومة ان الكلمة for sale يقصد فيها السيارة !!!