@كل وحده تدخل وتسأل عن اي شي تبيه عن المكياج@

تســــــــلمين حبيبتي سفيرة فوق العادة
واكيـــــــــد بتفيدين وايد بنات
واذا عندي اسئلة ماراح اتردد وبسالج
مشكووورة عروستنا الحلوووة
واحب ابارك للقسم واهنيه لانج مشرفته


اختج المحبة
#رومانسية#

اناااااا عندي استفسار وتسملين مقدما على الموضوع
حبيبتي ابغي اعرف شو الفرق بين البودره الحره والبودره العاديه للوجه و بودره الاضاءه وبودره اللمعه للوجه والجسم؟ واذا ممكن ابغي احسن الماركات في هالمجال
وعندي سؤال ثاني يوم اسوي مكياج في الصالون ملاحظه انهم يحطولي شي تحت عيني في المنطقه اللي تطلع فيها الهالات السوداء وعقب يرسمون الجحل والشادو
انا ما اعاني من هالات سوداء الحمدلله بس هالشي يخلي المنطقه لونها فاااااتح والشادو عليها يكون لونها نفس لون العلبه بالضبط

بتقولون كونسيلر..انا شريت كونسيلر بس ملاحظه انه خفيف وبعد فتره بسيطه يروح وبدل لا يعطي الاي شادو اللون الطبيعي له اللي في العلبه..لا يسيح على الحكل والشادو و يخبص الدنيا..خصوصا لو رقصت

لو تقدير تساعديني في هالمعلومات اكون شااااااااااكره

#رومانسية#:
تســــــــلمين حبيبتي سفيرة فوق العادة
واكيـــــــــد بتفيدين وايد بنات
واذا عندي اسئلة ماراح اتردد وبسالج
مشكووورة عروستنا الحلوووة
واحب ابارك للقسم واهنيه لانج مشرفته


اختج المحبة
#رومانسية#

هلا وغلا والله بعروستنا

رمانسيه

مشكوره على المرور ،،، نورتي صفحتي بجيتك يا الغاليه،،
واذا نبارك فنبارك لمنتدى عروس لانك موجوده في جميع انحاءه

الله لا يحرمني منك ان شاءا لله


سفيرة فوق العاده

هلا غاليتي مدلله

اولاً شكراً على مرورك،، وثانياً انتي تدللين يا الغاليه

ونبدأ بالأسئله مع الاجوبه


حبيبتي ابغي اعرف شو الفرق بين البودره الحره والبودره العاديه للوجه و بودره الاضاءه وبودره اللمعه للوجه والجسم؟ واذا ممكن ابغي احسن الماركات في هالمجال




بالنسبه للفرق بين البودرة الحره واللي لها اسم ثاني لوس بودر (( بودره مثل الطحين يعني لوس،، مفككه وفائدتها تثبت المكياج وبعد تعطي لوك مخملي للبشره)) وانا انصحج بها وأحسن ماركات لها ماركة ماك وHR وكذلك كريولاين لاكن كريولاين للشغل البروفيشينال مثل العرايس والفنانات


البودرة العاديه والمقصود فيها المضغوطه وهي بودرة الأساس تتوزع في البدايه على الوجه وثم يتم التكرار بإستعمال اكثر من بودره فتصبح عندك طبقه خافيه لكل عيوب الوجه واحسن انواعها كذلك ماك ،، كانبو ، وبعد ارجع واقول كريولاين للشغل البروفيشينال

وانا دائماً اعمل طبقات خفيفه لوجهي ،، إبتداءاً بمسحه من كانبو ثم مسحه من ماك العاديه ثم اللوس بودر في الأخير،،،

بالنسبه لسؤالك عن بودرة الإضاءه وهي دائماً توضع على الخشم وتحت الحاجب ،،، انصحك بماك

اما اللمعه العاديه للجسم والوجه في بخاخات كثيره وكذلك بودره لوس وتلاقينها بأي مكان مب شرط تكون ماركه خاصه انها فقط تعطي لمعه سواء كانت فضيه ذهبيه والخ،،،



وعندي سؤال ثاني يوم اسوي مكياج في الصالون ملاحظه انهم يحطولي شي تحت عيني في المنطقه اللي تطلع فيها الهالات السوداء وعقب يرسمون الجحل والشادو
انا ما اعاني من هالات سوداء الحمدلله بس هالشي يخلي المنطقه لونها فاااااتح والشادو عليها يكون لونها نفس لون العلبه بالضبط

بتقولون كونسيلر..انا شريت كونسيلر بس ملاحظه انه خفيف وبعد فتره بسيطه يروح وبدل لا يعطي الاي شادو اللون الطبيعي له اللي في العلبه..لا يسيح على الحكل والشادو و يخبص الدنيا..خصوصا لو رقصت




شوفي غاليتي هناك سببين لوضع مستحضر تحت العين :

الاول هو وضع بودره بيضاء تحت العين وذلك لتتمكن خبيرة التجميل من التنظيف بعد الإنتهاء لإزالة الشوائب للمحافظه على المنطقه لجعلها نظيفه،، ومن ثم تقوم بإزالة هذه البودره بالفرشاه،،،

السبب الثاني وطبعا كما تفضلتي الكونسيلر،،،

غاليتي كما تعلمين ان الكونسيلر عباره عن شبه ماده سائله،، هي تسمى ليكويد بمعنى مائيه،،، ولكن كما تفضلت وذكرت انك لا تعانين من اي هالات فإنتي لست بحاجه إلى كونسيلر،، اذا بدئتي بوضع اكثر من طبقه على بشرتك بشكل متساوي وبالظغط والتطبطب تحت العين،،، وبذلك تتلاشي على قولتك ****لا يسيح على الحكل والشادو و يخبص الدنيا****

اما اذا ودك تستعملي كونسيلر فلازم تكون كل المستحضرات المستعمله بودر وليست مائيه ،،،

واذا فقط تبين بياض فضعي كميه كافيه تحت العين بدرجتين افتح من البودره المستعمله او اللوس بودر،،،

ونصيحه للبنات اللي عندهم هالات سودا عليكم باستخدام تحت منطقة العين كونسيلر من ايف سان لوران ومن ثم وضع طبقه كافيه من البودره العاديه وعلى ان يكون الكونسيلر مقارب جداً للون بالبشره اللي تحت العين،،، أما باقي البشره فضعي اللون الفاتح الذي ترغبين به اما تحت العين ضعي لوناً مناسباً حتى لا يبشع منظر عينيك بالسواد تحت العين


أتمنى أكون افدتك إختي الغاليه مدلله


وإذا عندك اي سؤال انا حاضره


سفيرة فوق العاده

سفيررره انتي فله والله .... جيتيني في الوقت ... حابه اسالج اساله وانشالله تردين علي...

1- انا عروس بس صراحه حابه اييب مكياج عرسي من عندي يعني مابي الصالونه تحط لي من الي عندها ... شنو احسن ماركه تنصحيني فيها حق الشادو والحمره وكريمات الاساس والوس باودر؟؟

2- كريم الجسم للعرايس وبودرته الي طبعا يعطي لون البياض الناصع وفيه لمعه قويه ... من اي ماركه اييبه ؟؟ سمعتج تقولين للاخت الي قبلي انه كريولاين ماركه للبروفشنال والعرايس؟؟ ممكن ماركه ثانيه اخاف مالقاها في الدوله الي انا فيها الحين ...

3- مثبت الحمره والمكياج للعروس خاصه ... تدرين العروس مكياجها قوي ولازم مايسيح ولا يخترب لين تدخل الصاله فا انا قاعده ادور علي مثبت للمكياج كله وللحمره بعد ... شو احسن ماركه ؟؟

4- ابي كحل ما يسيح ليله عرسي لانه عيني تدمع اذا حطيت كحل شنو احسن شي يثبت الكحل او فيه نوع قوي من الكحل الي ما يسيح ؟؟

اشكرج والله يعطيج العافيه علي الموضوع المميز ...
حبيبتي سفيره انا عايشه بدوله اجنبيه فاياليت تكتبين لي اسامي المثبتات بالانقلش و ماركتهم ... بليز

تحياتي

غاليتي دلع حبيبي


اولاً الف مبروك مقدماً يا عروستنا وان شاء الله ربي يتمم لك على خير،،، ونفرح فيك يا رب،،

وثانيا بالنسبه لأسئلتك نبدأ بالأجوبه

1- انا عروس بس صراحه حابه اييب مكياج عرسي من عندي يعني مابي الصالونه تحط لي من الي عندها ... شنو احسن ماركه تنصحيني فيها حق الشادو والحمره وكريمات الاساس والوس باودر؟؟

مثل ما ذكرت حق اختي مدللله كانبو، ماك، HR وطبعاً مري عليهم وتنقي اللي تبين،،



2- كريم الجسم للعرايس وبودرته الي طبعا يعطي لون البياض الناصع وفيه لمعه قويه ... من اي ماركه اييبه ؟؟ سمعتج تقولين للاخت الي قبلي انه كريولاين ماركه للبروفشنال والعرايس؟؟ ممكن ماركه ثانيه اخاف مالقاها في الدوله الي انا فيها الحين ...

هذا وبلا منازع ماركة كرويولاين ،، واذا ما لقيتي عليك بماك وكانبو،،، وبصراحه عندنا في الدوحه محل اسمه زهور الريف يبيع كريم خاص للجسم يجنن ويبيض ويحلي ويعطي لمعه بحط لك صورته ان شاء الله ترقبيني قريباً ،،،


3- مثبت الحمره والمكياج للعروس خاصه ... تدرين العروس مكياجها قوي ولازم مايسيح ولا يخترب لين تدخل الصاله فا انا قاعده ادور علي مثبت للمكياج كله وللحمره بعد ... شو احسن ماركه ؟؟

بالنسبه للمثبت عندك كريولاين ،، انا بصراحه ارتحت وياه وكل العرايس في قطر يحطون لهم هالمثبت

اما بالنسبه للحمره فلاتخافين لان المثبت هذا بخاخ ويثبت كل شي في الوجه،،، لا انصحك بمثبتات الكريمات لانها ما تعطي نتيجه،،،


4- ابي كحل ما يسيح ليله عرسي لانه عيني تدمع اذا حطيت كحل شنو احسن شي يثبت الكحل او فيه نوع قوي من الكحل الي ما يسيح ؟؟

في انواع كثيره واولها ماك،، سواده مركز،،، وما يسيح وانصحك به،، وأرجع واقول ان المثبت يلعب دور في هذي الأمور،،، فلازم تلاقين كريولاين



ولا يهمج بعد بصور لج المثبت واضيفه لج بس بكره الصبح لاني بقوم اصلي قيام الليل


سفيرة فوق العاده

السلام عليكم ورحمة اللة وبركاتة
يعطيك العافية سفيرة فوق العادةعلى الموضوع ...................................
اشرايك في كريم اساس سان لوران الكل يمدحه اباخذ على لون بشرتي كيف اعرف انه يناسبني انا نفسي اخذ لون برتقالي مدري هو يناسبني او لا...
بودرة سماش بوكس اشرايك فيهاا اخاف من البودره تخرب بشرتي
شادو نيفيا ثابت اويطير ................مشكوره

ألف شكر لك عزيزتي

وربي يجزاك ألف خيـــــــــــــر على هذا المجهود الملحوظ ... جعله الله في موازين حسناتك

بس إذا ماعليك أمر أبي أطلب منك مساعده وإستفساري في هذا الرابط

http://www.3roos.com/forums/showthread.php?t=147692&page=1&pp=15

وأتمنى لو عندك الأسماء والأرقام اللي تقترحين علي فيها

وجزاك الله خيـــــــــــــــر

اهلين بالسفيره
حبيت اسالك عن كريم الاساس المخملي
انا ولامره جربته بس صديقتي تمدح فيه وتقول افضل من كريم الاساس العادي
يعني كيف طريقته شكله لو فيه ماركه تمدحينها منه يعني افيديني
ومشكوررررررره كثير لاني بجد محتاجه احد يساعدني

مشكوره حبيبتي سفيره علي ردج الفضيع لي واجوبتج الحلوه والمفيده ... عندي سؤال اخيررررررررررررررررررررررررر بليز سامحيني سفوره لاني اسالج وايد استحمليني الله يخليج


ايوم عرسي شنو نوع الشادو احطه لمكياجي ؟؟ يعني شادو نوعيته مائيه او لوس بودر او العاديه العلب ؟؟؟ محتاره اي واحد فيهم اضبط واثبت ويعطي حلاوه للعين ؟؟



تحياتي لج حبيبتي

غاليتي يومي بسنه،،

أولاً شكراً على المرور،،، وثانياً بالنسبه لأسئلك



اشرايك في كريم اساس سان لوران الكل يمدحه اباخذ على لون بشرتي كيف اعرف انه يناسبني انا نفسي اخذ لون برتقالي مدري هو يناسبني او لا...

من اصعب الامور اختيار الكريم والون المناسب للبشر ة خصوصا انه من الافضل يكون عندك اكثر من درجة واحدة افتح بدرجة او اثنين وواحدة اغمق بدرجة لاتقان الشيدينق واللايتنق

كريم اساس ايف سان لوران رائع ويتسم بالطبقه الخفيفه،،، يعني طبيعي جداً عادةً ما يكون سميك،، لاكن عند شراء كريم الأساس لا تتسرعي في اختياره جربيه أولاً على بشرة وجهك وليس علي يدك لأن لون بشرة الوجه يختلف بعض الشيء عن لون اليد، ثم راعي أن تكون بشرتك نظيفة تماماً. اما بالنسبه للون المائل للبرتقالي او الوردي فهذا يناسب البشره البيضاء اكثر من السمراء ،،، فإنتي وبائعة مستحضرات التجميل بيدكم معرفة اللائق من هالناحيه،،، وزياده على ذلك اطلبي منها تحط لك اللون المائل للبرتقالي واللون العادي على بشرتك وانتي قرري بعدين،،،

وحطي في بالك اذا كانت بشرتك دهنيه فلا تسعملين كريم اساس ليكود،،، استعملي البودرات المضغوطه اما اذا كانت جافه او عاديه فبإمكانك استعمال كريم الأساس السائل،،،



بودرة سماش بوكس اشرايك فيهاا اخاف من البودره تخرب بشرتي

بودرة سماش بوكس فائدتها توحد ملمس البشرة فينساب الاساس بشكل رائع على البشرة ودائماً تتميز هذه الماركه من ناحية مستحضرات الإضاءه ،،، فأنصحك بها ولكن بعد ما تجربينها عليك وتتأكدين انها تناسبك ودخلت مزاجك،،،




شادو نيفيا ثابت اويطير ................مشكوره

بصراحه ما عندي ادنى معلومه افيدك بها إن شاء الله البنات يفيدونك وانا بنشد لك عن قريب




سفيرة فوق العاده

fofo2:
ألف شكر لك عزيزتي

وربي يجزاك ألف خيـــــــــــــر على هذا المجهود الملحوظ ... جعله الله في موازين حسناتك

بس إذا ماعليك أمر أبي أطلب منك مساعده وإستفساري في هذا الرابط

http://www.3roos.com/forums/showthread.php?t=147692&page=1&pp=15

وأتمنى لو عندك الأسماء والأرقام اللي تقترحين علي فيها

وجزاك الله خيـــــــــــــــر

فوفو 2

غاليتي انا مب طالع عندي شيء،،، ولا صوره واضحه اذا تقدرين تنزلينهم من جديد علشان اقدر اساعدج


سفيرة فوق العاده

&&_عاشقة الجوري_&&:
اهلين بالسفيره
حبيت اسالك عن كريم الاساس المخملي
انا ولامره جربته بس صديقتي تمدح فيه وتقول افضل من كريم الاساس العادي
يعني كيف طريقته شكله لو فيه ماركه تمدحينها منه يعني افيديني
ومشكوررررررره كثير لاني بجد محتاجه احد يساعدني

هلا وغلا بحيبية قلبي

عاشقة الجوري


نورت صفحتي بمرورك،،، بالنسبه لسؤالك ،،،

للحصول على بشره مخمليه ،، يكون فقط عن طريق إستعمال اللوس بودر(( البودرة الحره (( بودره مثل الطحين يعني لوس،، مفككه وفائدتها تثبت المكياج وبعد تعطي لوك مخملي للبشره)) وانا انصحج بها وأحسن ماركات لها ماركة ماك وHR وكذلك كريولاين لاكن كريولاين للشغل البروفيشينال مثل العرايس والفنانات

وسؤالك مثلك خفيف وعطر،،،


سفيرة فوق العاده

الله يعطيج العافيه حبيبتي على هالمجهود ماشاءالله عليج

ماتقصرين ..


انا عندي استفسار عن مثبت كريولاين .. هل المثبت هذا له لون ؟ او انه مجرد مثبت يشبه الكريم ؟ واقدر احطه في الايام العاديه او لا؟
وشرايج في مثبت كانيبو ؟

وتسلمين ياغالية

De3LaT_7aBeBY:
مشكوره حبيبتي سفيره علي ردج الفضيع لي واجوبتج الحلوه والمفيده ... عندي سؤال اخيررررررررررررررررررررررررر بليز سامحيني سفوره لاني اسالج وايد استحمليني الله يخليج


ايوم عرسي شنو نوع الشادو احطه لمكياجي ؟؟ يعني شادو نوعيته مائيه او لوس بودر او العاديه العلب ؟؟؟ محتاره اي واحد فيهم اضبط واثبت ويعطي حلاوه للعين ؟؟



تحياتي لج حبيبتي

هلا حبيبتي دلع حبيبي

انتي تآمرين امر ،،، ومرورك يسعدني،،، لانه يفيد الجميع

غاليتي الشدو للعروس لازم يكون مائي لان المائي يعطيج الوان ثابته وفعلاً يعطي اللون حقه على البشره،،، وخاصه تحت الإضاءه والتصوير انتي بحاجه الى الوان مركزه ثابته لذلك يسمى المكياج المائي المكياج السينمائي،،،


واللي هو كريولاين افضل شي للعروس،،،، وهو يحتل المرتبه الأولى وانا مكياجي كله من كريولاين وما كلفني شي،،،

خذي بكميات بسيطه والألوان الأساسيه اما الألوان المبتكره وهو انك تدمجين الوان مع الوان من الألوان الأساسيه


سفيرة فوق العاده

roseqatar:
الله يعطيج العافيه حبيبتي على هالمجهود ماشاءالله عليج

ماتقصرين ..


انا عندي استفسار عن مثبت كريولاين .. هل المثبت هذا له لون ؟ او انه مجرد مثبت يشبه الكريم ؟ واقدر احطه في الايام العاديه او لا؟
وشرايج في مثبت كانيبو ؟

وتسلمين ياغالية

أهلا وسهلاً

أسفرت وأنورت

هلا بروز قطر


اولاً مشكوره على المرور والإطراء الجميل،،، ثانيا بالنسبه لسؤالك،،،

هو مثبت لونه شفاف عادي لاكن لما ترشين منه يعطيج مثل اللمعان للوجه اقصد باللمعان العادي مب لمعه مع الألوان الفضيه والذهبيه،،، وسامحيني على المثال ،، شفتي الكيك لما يحطون عليه مادة الجيلاتين الملمعه ،،، هو نفس الشي يعطيج لمعه بس مب لمعه بألوان،،، عالعموم تأكدي اني ما راح ادلكم على شيء ما منه فايده وما يكون رائع

ومثل ما قلت ان عبير ودينا وكل خبيرات التجميل يستعملونه ورشي رشتين فقط على الوجه لا أكثر،،،


اما بالنسبه لكانبو،،، بعد حلو لاكن مب مثل كرايولاين وعلى فكره بالنسبه للسعر ما يزيد عن 150 ريال يكفيج سنه واكثر


سفيرة فوق العاده

غاليتي

دلع حبيبي


هذا الكريم اللي قلت لك عنه بخصوص كريم اساس الجسم وهو طبعاً من زهور الريف وهذي هي ماركته واسمه



واسمه

Instant Beautifying Complex

Cosmetics

ومعاه كريم مرطب

وهذا رابطهم

إضغطي هنا

ان شاء الله اكون افدتك


سفيرة فوق العاده

عزيزتي سفيره فوق العاده

ألف شكر لك على هذه المساعدات اللي تقدمينها لنا وجزاك الله ألف خيـــــــــــر
تسلميـــــــــــــــن على سعة صدرك لأسئلة البنات وأسئلتي :)

بالنسبه للصور مافهمت قصدق هل هي الصور مو واضحه !!! أو ماطلعت عندك أبدا !!

:):)

fofo2:
عزيزتي سفيره فوق العاده

ألف شكر لك على هذه المساعدات اللي تقدمينها لنا وجزاك الله ألف خيـــــــــــر
تسلميـــــــــــــــن على سعة صدرك لأسئلة البنات وأسئلتي :)

بالنسبه للصور مافهمت قصدق هل هي الصور مو واضحه !!! أو ماطلعت عندك أبدا !!

:):)

غاليتي ما طلعت عندي ابد


ياليت لو تقدرين تنزلينهم وانا حاضره


سفيرة فوق العاده