تعبت من حركاتة!!!!!!!

السلام عليكم اختي الكريمه ...

اختي ... الحين انتي معصبه عشان ان جذب عليكي في حركه التليفون ان ما كتب عمري ...بس مافي شي غير ... اختي الكريمه .انا ما شوف فيها شي كبير يمكن تحز بالنفس ان الي يجذب بالشي الصغير يجذب بالشي الكبير,, ابي اذا كان الموضوع هذا .. اعتقد انك المفروض تطنشي الموضوع لأن ما شوفه يستاهل حرق الاعصاب ... ويمكن كان حاط في باله يسوي اسمك عمري بس نسى .. من بعد ما قالك ...... اذا الريال مافيه عيب كبير .. غير الكذبه الصغيره بخصوص التليفون .. احمدي الله واستعذي من الشيطان والوساس .. الي يذهب السعادة الزوجيه بتوافه الأمور ...
اعتقد انك اطلعتي على الكثير من المشاكل الي تعاني منها بعض العضوات وانها تهون اكثر من مشكلتك لو قرأيتها جميعها ... تكلمي معاه بهدوء وبدون انفعال .. واعلميه بالامور الي تحبيها والي ما تحبيها دام انتم في فتره الخطوبه .. وبعدين خبريه ان الكذب حتى لو كان بسيط انك بعد ما تحبيه والكثير من الاخوات يرددون ويقولون ( طفلك على ما ربيتيه وزوجك على ما عودتيه) ..... خلي التفاهم والحوار الايجابي بينك وبين زوجك ... هي اذا جات علا الحركات يمكن في اشياء كثيره تنرفز بس احنا نطوفها بكيفنا لأن في اجابيات تغطي على الموضوع وانتي اكيد في ايجابيات في خطيبك والا ما كان زعلتي بس على الموضوع هذا .. هل يعني الموضوع هذا يخليكي تفكري بالانفصال أكيــــد لا .... اعتقد انها شغله دلع ... خلي دائما الصراحه بينكم وحسسيه انك انسانه متفهمه وناضحجه وانك ما تنفعلي من امور بسيطه .. بالنسبه لقضيه التليفون ممكن تقولين له بدلع ان اسمك مو عمري بالتليفون او الاسم الي يعجبه ... ليش ما قالك ان ماحط شي .. يمكن الريال ما يبي يحط اسمك بالتليفون عشان اصدقائه يحبون يتعبثون بالتلفون وما يبيهم ... يشوفون ان هذا رقم خطيبته .... قبل لا تصدرين الحكم حطي الاسباب ..... في موضوع بحياتكم الزوجيه .... تروي واهتدي بالله ودايما ادعي رب العالمين ان يهدي سركم في دعاء عجبني من احد العضوت ( اللهم اجعل لي زوجي كما احب .... واجعلني له كما يحب .. واجلعنا لك كما تحب .. ) اذا كان نقلي صحيح.....

وتحياتي لك والله يوفقك ويبارك لك امين

هدي أعصابك حبيبتي هالأمر ما يستاهل صراحه ومثل ما قالت نور 1979 إنه يمكن يكون أحد الأسباب:

يا أما إنه هو كان ناوي إنه يسميك بس كل مره ينسى... (هو صحيح المده طويله خمس شهور بس إنتي مرريها)

أو إنه ما يبغى يسميك لأن أصحابه يعبثون بالجوال حقه وهو ما يبغاهم يشوفوا أشياءكم الخاصه...

وفيه أمور بعدين بعد الزواج بتجي بتصير هالأشياء اللي تشوفينها الحين توافه بالنسبه لها...

عيشي حياتك وإتمتعي بهذي الأيام ترى ما راح تنعاد أبدا...

وهي أحلى مرحله في العمر تمر حسب تجربتي...

[frame="6 80"]][®][^][®][بعدج في البداية.


وانتي توج مخطوبة، ولا تضيعين خطبتج على اشياء مالها داعي.
حاولي تفهمين سلوك ريلج بالمستقبل كيف، رتبي افكارج علشان تسعدينه وتكسبينه كحبيب وريل في نفس الوقت، خليه يعتمد عليج ويقول انا عندي زوجة قدها وقدود مش من اول حركة ممكن نقول (سخيفة بتزعلين) سوري ....بس عن جد انا انصحج كأخت حاولي تهدين اعصابج، لأن عن جد النرفزة والعصبية عمرها ما كانت حل لأي مشكلة زوجية ][®][^][®][[/frame]

أختي الغالية
أضيف على ردود الأخوات بإن إذا الأمر لا يعدو كونه اسم على جهاز النقال ، فهذي ليست كذبة وبقولج ليش لأن إحساسه تجاهه أكبر من هذا وانتي غاليه عنده والغالي ما يعرضونه جدام الناس ويحفظونه شرات الجوهرة :) ،إنتي بروحج التمست له العذر وهذا دليل محبة وتسامح منج وإنج عاقلة ولا تقولين أكرهه أبداً حتى بينج وبين نفسج...
أختى فيه فرق كبير بين كراهية الشخص وكراهية فعل الشخص

الشيطان الملعون الله يكفينا وإياكم شره شاطر ويصور لج كراهيتج (لا سمح الله) له ... تذكري دايماً وفي كل موقف بأن الشيطان يفرق بين المرء وزوجه ، بأن يضخم لج كل السلبيات ويغذيها في عقلج الباطن ... اتحرزي منه دايماً ولا تخلينه يلعب عليج..

ونصيحة أختي أشدد على رأي نورة 1979 على ضرورة نقاشج وياه ولكن بدون ما تذكرين كلمة الكذب في سياق الحديث أبداً .. بس انج تضايجتي منه شوي وما تحبين تشرهين عليه عسب جيه تقولين له اللي في خاطرج من أفعاله.

هذا ودمتم بخير وسعادة

خالص تحياتي

انا رايي من راي البنات افضل انج تسأليه عن الموضوع بطريقه لبقه وماتبيني له انج معصبه او متضايقه ولا شي خلي المر عاااااااااااادي ولا تسأليه ليش كذبت علي يعني مثلا سوي نفسج تلعبين بجواله او مثلا وانتي جالسه معه دقي عليه دقه وابتسمي اعملي كأنك تمزحين معه وبعدين لما تشوفي انه مو مسجل اسمك اسأليه وشوفي شنو راح يجاوب وبعدين احكمي عليه ....

والله يوفقج وياه ويرزقكم الذريه الصالحه.....

عزيزتي حبيت اضيف شي على موضوعكم شي تقني

التيلفونات الجديده هاليومين مب شرط اذا خزنتي الرقم بأسم يطلع الاسم مثلا اخر تيلفونين استخدمتهم من احدث التيلفونات كل ما اخزن الرقم باسم صديقتي لما ادوره بين الارقام القى الاسم بس لما تبعث لي مسج ما ينكتب اسمها لا ساعات يحط لي الرقم حتى انا استغرب ان الرقم مسجل طيب ليه ما طلع لي اسمها

شوفي ايش نوع جواله ولا تكبرين الامور بكره الدنيا تعلمك واقري مشاكل غيرك تهون عليك مصيبتك

حاولي تفهمينه بطريقه حلوه انج ما تقبلين الكذب حتى لو كان على اشياء بسيطه بس بطريقه حلوه ماتعكر صفو حياتكم


والله يوفقكم ويهدي سركم

حبيبتي الظاهر انه يبى يراويج انج غاليه عليه بانه خزن رقمج باسم حبيبتي بس صدقيني الشباب ما يرومون يسوون جي لانه الموبايل ممكن انه يطيح بايد ربعهم او مرات يرن جدام ربعهم وما يحبون اسم عمري او حبيبتي بالذات لضعاف النفوس اللي عادي لي طاح الموبايل في ايدينهم خذو الرقم ودقو بدون لا حشمه ولا ادب

مثلا انا ريلي كان مخزن اسمي ..قطوتي..وريلي ما يروح عند ربعه يعني ما يحب لمة الشباب وايد بالذات العزابيه لانه على قولته لهم جوهم وحياتهم اللي ما يحبه..بس الظروف قامت تجبره مرات انه يتيمع معاهم ويقعد معاهم بالذات انه بغربه ويحتاجون لبعض...وهو بروحه صارحني وقالي ترا غيرت اسمج وخليته باسم البيت..عشان لو احد تطفل على موبايله ما يعرف رقمي فهمتي..يعني عادي ولو ما صارحني بعد عادي لانه الموضوع ما يسوى..يعني عادي والحب ينبان والمعزه تنبان بدون اسم عمري ولا حياتي

ادري انتي عاقل ومبين عليج ما شاء الله عليج..واستنكارج للشي طبيعي جدا بس باجر لي تزوجتي بتفهمين انه المواضيع هذي ما ترزى..الله يوفقج

اذا انتي في البدايه غير عن انش تكوني قريب الزواااج
بس ليش مااا تجلسي معاااه وتصااارحيه كلميه بهداااوه قولي اليه ان حبل الكذب قصير
وان الكذاب في النهااايه كماله احد الكل بيتخلى عنه

تحيااتي
اخختكم.....

هلا فيك اختي

اول شيء الموضوع بسيط لا تحرقين قلبك

ومثل ما قالوا البنات

التلفونات هاالايام نغيرها بسرعه

ومرات تختفي حتى الارقام مش الاسماء بس
حاولي ماتكبرين الموضوع

والله يسعدك اختي

الغاليه حاولي اتيبين له على اسلوب انه هذا الشي غلط وباسلوب حلو وهاتي له احاديث وايات من القران وبينيله نتايج الكذب..
وبينيله ان الكذب من اسلوب المنافقين واشتريله كتب دينيه عن هالاشياء..
وان شاء الله يترك هذه العاده..
علعموم يمكن في سبب انه سح اسمج علشان اصدقائه ما يشوفون الرقم او انه موبايل جديد يعني في اسباب اسئليه ولا تظنين بالسؤ..


{رَبَّنَا مَا خَلَقْتَ هَذَا بَاطِلا سُبْحَانَكَ فَقِنَا عَذَابَ النَّارِ * رَبَّنَا إِنَّكَ مَنْ تُدْخِلْ النَّارَ فَقَدْ أَخْزَيْتَهُ وَمَا لِلظَّالِمِينَ مِنْ أَنْصَارٍ * رَبَّنَا إِنَّنَا سَمِعْنَا مُنَادِيًا يُنَادِي لِلإِيمَانِ أَنْ آمِنُوا بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأَبْرَارِ * رَبَّنَا وَآتِنَا مَا وَعَدْتَنَا عَلَى رُسُلِكَ وَلا تُخْزِنَا يَوْمَ الْقِيَامَةِ إِنَّكَ لا تُخْلِفُ الْمِيعَادَ} [آل عمران: 191-194].





تسلمين حبيبتي هلاوين على تفنينك لصورة ابنتي.. ومشكوره على الهديه الرائعه

لا تكبيرها ولا تاخذين ف خاطرك

يمكن هو يخاف احد من الشباب يشيل تلفونه ويقرا اسمك