يــــا نـــاس مـابـى اتـــــــزوج مطـــــوووع.....

السلام عليكم ورحمة الله وبركاته

انا بالنسبة لي الحمدلله انا متزوجه متدين او (مطوع) بالتحديد والحمدلله مرتاحه آخر راحه والله رزقنا ببنت وانا ما اشوف اي شي من اللي يخافون منه بعض البنات من تشدد او غيرة بالعكس انا اطلع معاه ونستانس آخر وناسه ومافيها شي الصراحه لي طلعنا ورحنا مطعم وانا وايد اشوف ناس يقطون علينا نغزات يعني يقولون (مطوع وجاي المطعم) كأنهم شايفين شي غريب ولا المطعم صاير لهم بروحهم محد يروح له؟؟

الله يوفق كل عروس والله يستر على البنات ويرزقهم الزوج الصالح

شكرا اختي فجر على المداخلة اللطيفة والله يوفقكم ويا بعض ونتريا آراء باجي البنات

موضوع مهم

تسلم ايدك على النقل المفيد عزيزتي

في البداية مو شرط المتدين يكون متشدد ويحرم زوجته من أشياء كثيرة مثل السوق والأعراس وغيرها

واي مسلم المفروض انه يلزم اهله وهو يلتزم باللبس الشرعي الكامل ويعرف حلاله من حرامه مو بس المتدين سواء كان رجل او امرأة

انا متزوجة من سنة و11 شهر واعرف زوجي من 4 سنوات ونص الحمدلله ساعدني اني التزم اكثر وفهمني اشياء كثيرة ماكنت مهتمة فيها ... اذكر في بداية خطوبتي كلمتني وحدة من اهلي قالت شلون توافقين على هذا ماتدرين انه يدور من مسجد لمسجد !!!

كان ردي احسن من اني آخذ واحد يدور من شارع الى شارع او من بار الى سفرة

وكثير ضايقها كلامها

فعلا حلو الوحدة تاخذ واحد يعينها على دينها ومثل ماسبق وذكرت التدين هو الالتزام ولا يعني التشدد لا التطرف

عمره ماجبرني على لبس معين ولا مكان معين اروحه او منعني من شي .. هو اللي عليه ينصحني والباقي علي لأن كل انسان بالغ مسؤول عن تصرفاته

الملتزم هو خير زوج لكني في نفس الوقت ارفض اني ارتبط بانسان متشدد وله افكار متطرفة بخصوص الدين ... واللي يصير هاليومين اكبر سبب من نفور البنات من هالفئة

الله يهدي الجميع

الف شكر اختي رومي على تعلقيك وفعلا كلامك صحيح 100% ونحن لازم تختار صح وزين انج طنشتي الحرمة لانه ماتبالج الخير والواحد هالأيام وين يحصل الشباب الملتزم الديّن احسه صعبة

ننتظر ردودكم

الخوف من انه يطلع ماخذ الدين كله مظهر و تشدد و بس

صدقج اختي ريم ويا كثرهم اللي يتخذون دينهم مظهر خادع شكرا على مرورك

انا زوجي متدين..
مثل ما قالوا الباقي الحمدلله
يوم خطبني توقعوا اني ارف لكن و الله قلت الحمدلله هذا الي بيساعدني على دخول الجنه
و الحمدلله رومنسي و حياتنا مثل اي حد شو يعني متدين ما يروح مطاعم ّ؟؟ بس طبعا المطاعم المغلقه الي نقدر ناخذ راحتنا فيها بالعكس عشان البسله لبس حلو و اتعدل و انا بالمطعم و طبعا الخادمه تكون حرمه نحن نطلبها ..


بالعكس المتدينين هم رومنسيين اكثر يطلعون الرومنسيه مع زوجاتهم عكس الي لعب بره ..

ومثل ما قالت احد الخوات يوم تجي وقت النصيحه يقول الي عنده و الباقي علي .. ما يضغط علي بأي شئ

يابختها اللي زوجها متدين
يعينها على الطاعات والعبادات

التدين صفة حلوه بالرجل
الحمدلله يعيش الانسان براحة نفسيه كبيره

احسن من ان تاخذ الفتاة رجل الحمدلله والشكر هايت صايع مايدل جبلة ربه
وعليها بالعافيه زوجة المتدين
يخاف ربه فيها
واولادهم يربونهم على التربيه الصالحة والطاعات والعبادات

والله ماكثر المطاعم اللي فيها كباين
عادي اشوفهم شكثرهم بالمطاعم والاسواق
مافيها شي
لا تكبرون السالفة والمتدين مو انسان
مايبي يطلع ويروح ويستانس مع زوجته


الله يهنيهم اجمعين وعليهم الف عافيه


دمتم سالمين
اختكم شريفة

طرح موفق أختي طلوع الفجر

صرااااحة أنا كنت من هذيله البنات اللي يكرهون المطاوعه
لأنه بيكونو شديدين على زوجاتهم


بس من حواليني الكل ما خذ مطوع
وعرفت انهم أكثر الرجال اللي يقدرون زوجاتهم
وفيهم رومانسية ما بعده
وخفة دم
كل هذا
مع زوجته وعياله


تحياتي

بالعكس اتمنى اتزوج واحد متدين واصلا انا دايم ادعي لي بالزوج المتدين عشان هو يكون عارف شرع ربه وما يقصر معاي بشي وبالعكس يساعدني بالدين اكثر وادعولي بالزوج المطوع هههههههههههههههههه

بالعكس
لو يجي المطوع والمتدين الصح ليه لا
في هالزمن الواحد محظوظ الي يطيح على ناس مثل كذا
في زمن الشباب فيه ضايعين
لكن نقصد مطوع بشكله ودينه وعقليته
لان في بعض الرجال يقصرون الثوب ويطولون اللحى
وبالاخير نشوف انها مجرد انسان وضع صوره خارجيه لمريض نفسي معقد يعني لااستمد من الدين بشئ وشوه صورة الدينين
لكن الي يمنع زوجته من سماع الاغاني والي يجعلها تلبس الباس الشرعي لحرصه انها تطيع ربها مع شكله المتدين
فهذا الانسان الصح والنعم فيه
وبالعكس مين يقول مالتدين مو رومانسي
بالعكس المتدين يكون عاوطفه ومشاعره كاتمه للحلال
فيعطيها زوجته ومايكون فرغها لاحد
واما انه مايروح مطاعم بالعكس ياكثرهم
والله يكثرهم ويرزق بنات المسلمين منهم

من اللي ما تبي المتدين

حد يرفضه ،،،

بصراحه رايي الشخصي ،،، والله اخذه وانا مغمضه،،، ياليت اختي الله يسمك منك،،، ما عاد تلاقين حد متدين في هالأيام الا القليل **إلا من رحم ربي**
أتمنى اخذ مطوع ،،، الله يكتبه لي ان شاء الله،،،،

مشكوره اختي على الموضوع


سفيرة فوق العاده

آرائكم صحيحة وننتظر البقية


:up::clap::clap::up::clap:

مشكورة اختي طرحك هالموضوع الرائع..
انا تربيت في بيئة مطاوعة ولله الحمد واحس براحة نفسية مااحسها عند كل البنات
والدي شخص متزن ربي يطول بعمره وملتزم ومثااااااااالي بمعنى الكلمة واعطاني احلى انطباع عن المطاوعة
وبعد كذا اخواني اتخذوه القدوة وكلهم ملتزمين ولله الحمد
وزوجي متدين ولكن مو مثلهم بس انا افتخر فيه مره لانه شخص عاااااقل ومتزن وملتزم
ومن يوم اتزوجنا الى اليوم ماترك قيام الليل الله يتم عليه من فضله الا كذا مرة لظروف
ويحب اني اكون مثالية واربي اولادي التربية الصحيحة
بصراحة انا لما شفته اول ماخطبني قبل الزواج ماحسيت انه كذا ..
بس المعاشرة وضحت كل الامور والخصال الطيبة ..
واكثر مايعجبني فيه انه يمثل مقولة ( خير الأمور أوسطها ) :shy:

بس حبيت اقولك حاجة ..
فكرة البنات عن المطوع غلط .. ولو كان زوجي مطوع قبل الزواج ماراح ارفضه مع اني كانت عندي فكرة ان المطوع يخوف
بس اتضح لي العكس لما شفت كثير بنات حولي يرغبون المطوع وفهمت مقصدهم من الأفكار الصحيحة اللي رسخوها في بالهم امهاتهم الله يحفظهم..
المطوع اذا حصل بينه وبين زوجته خلاف .. يتقي الله فيها ويخاف ربه لو ماخاف منها أو من اهلها ..
وقلبه دايما نظيف وطيب ويحب اهله يكونون مثله .. متسامح وكريم وحنون ( طبعا هذا المطوع اللي فاهم دينه صح مو اللي مظهر بلا جوهر )
زوجته تعيش باستقرار وتزور اهلها زي ماتحب وتطلب منه زي ماتبي ..
وبالنسبة للباس الشرعي .. كل بنت عاقلة وتحافظ على دينها وتغار على نفسها واهلها لابد انها تلتزم بنفسها ومايحتاج احد يلزمها..
والاغاني كذلك .. الاغاني تضيق النفوس وتحزن
اما العزايم والسوق فليش يمنعها اذا هو واثق فيها ؟؟ بالعكس هو اللي بيوديها ويرضيها لما ترضيه..
بالنسبة للرومانسية هم في قمة الرومانسية حسب ماسمعت من البنات
ودمتم :smile:

نسال الله ان يرزقنا الصالحين
ربنا هب لنا من أزواجنا وذرياتنا قرة أعين
((الطيبات للطيبين والطبيون للطيبات))

أختكم سلسبيـــــل

صراحة انا أوافق ان الوحده تأخذ رجل متدين ومحترم

هذا شي لصالحها دنيا واخره

:)

وصح اختي طلوع الفجر في بنات واااايد يترددون يتزوجون رجل متدين لأسباب اللي ذكرتيها

بس هذا يعتمد ع عقل البنت اذا كانت فاهمة او لا

salsabeel:
نسال الله ان يرزقنا الصالحين
ربنا هب لنا من أزواجنا وذرياتنا قرة أعين
((الطيبات للطيبين والطبيون للطيبات))

أختكم سلسبيـــــل

[grade="00008B FF6347 008000 4B0082"]آميييييييييييين يارب


موضوع رائع

أهم شي مايكون متشدد بس
وبالعكس شفت مطاوعة مافي أحسن منهم من تعاملهم مع زوجاتهم وعيالهم
وأكيد في العكس صح ؟

وفي النهاية نصيييييييييييب

محد ياخذ غير نصيبه
ان شا الله خير [/grade]

اشكركم بنات على مشاركاتكم ومثل ما قالت الاخت مسك ورد محد ياخذ غير نصيبه