كل وحدة اتقول تجربتها مع الخياطة

و الله يختي أنا ما عندي فكرة

بس الموضوع حلو و أتمنى البنات يفيدونا

عروس اللولو تصدقين يوم ماشفتك الصباح قلت يمكن البنت سوتها وولدت

وانا مثل ريم ما جربنا وان شاء الله مااجرب ( يسوون اختراع غير الخياطة )

البنات ماراح يقصرون بس خليهم يفطرون ويردون لك خبر

الله يسهل عليك ويتمم لك بخير وتبشرينا

ريم .. ان شاء الله نسمع راي البنات جريب عشان الكل يستفيد ... و أولهم انا -----------> انانية

رومي ... اتصدقين انا امس بالمستشفى اسوي فحوصات لين الساعة 3-30 الفجر .. و الدكتورة قالت لي الصبح بنسوي لج طلق .. انا عاد قلت لها لا ما اقدر .. خليها يوم ثاني ... جنها عزيمة . بس الظاهر راية الاستسلام جاهزة للتشريع اليوم او باجر

دعواتكم بس

الله يقومج بالسلامة

و ان شاء نسمع الخبر الحلو و القصة الحلوة لرحلة الولادة الميسرة بإذن الله

أختي عروس اللولو فوضي أمرك لله وأنشاء الله ربك يسهلها

اول المساهمات في عرض تجربتها..:eek2:

طبعا انا سويت خياطه بعد ولادتي بالعنود..ووووووالصراحه تعور بعد مرور 8 او 9 ساعات من الولاده لانه البنج يخف..
في المستشفى كانوا يعطوني مرهم احطه ع شاش واحطه تحت وكان فنان ماتحسين نهائيا بالخياطه..(نسيت اسمه وعقيت المرهم)
ولما ظهرت وصفتلي الدكتوره مرهم احطه بعد كل يوم مره..ع الخياطه وهو تقريبا ع حسب علمي مضاد حيوي..بس فنان والخياطه راحت بعد تقريبا اسبوعين بس المكان ماعرف هل رد مكانه ولا لاني هب جريئه اشوفه:shy::gum:

وان شاء الله الكل ما يحس ابها وتخف في اقرب وقت..

الله يتمم عليج حلملج ع خير الغاليه عروس اللولو.

مشكورة يالعهد .. و الحمدالله على السلامة .. والحمدالله انها ما طولت معاج ... و نتريا البقية

wessal >>> ما خبرتينا عن تجربتج مع الخياطة

ريم .. مشكورة على الدعوة و ربي يجعله في ميزان اعمالج

انا لي قصه مأساويه مع الخياطه لانه صار لي التهاب معاها و فتحت من الوسط

فاضطرت الدكتوره بعد اسبوعين من الولادة انها تفتحها و تجرح الطرفين كاملات علشان يصير في دم و رجعت خيطته جامد من الداخل و الخارج علشان يمسك و بعد شهر و نص و معاناة و بكاء يوميا انتهت مأساتي و الحمد لله بعد شهرين من الولادة
و الحين انا بالخامس

ادعولي ما يصير معاي مثل ما صار لي بحملي الأول

و كنت استخدم كريم أعشاب اسمه MEBO
فضيع و مع غسول الماء و الملح يوميا

هلا
انا من شهر ولدت عملية ولالحين اعاني منها وفي اولخيط الى هاليوم ماطاح رغم ان خرجت اي زيادة لحمة صغيرة للخارج مع نهاية الخياطة مااعرف من شنهو

اتمنى ممن لديهم خبرة او يعرفون عن هذا الشي ان يفيدوننا


ومشكوووووووووووووووورين

[align=right]

عن تجربة مني .... طاحت الخياطه بعد أسبوعين من الولاده و ما صار هالشي باستخدام المرهم الموضعي الليي عطوني اياه المستشفى........ لاااااااا....

لأني تعذبت ويه الخياطه و خاصه كنت في بيت أبوي و مافي و انتون بكرامه حمام انجليزي و تورطت ورطت العالمين لحد ما انسدت شهيتي عن الأكل 100%

بس لما استخدمت الملح البحري ويه الماي و صرت أتنقع فيه ثلاث مرات في اليوم وفي كل مره أقعد فيها تقريبا 10 دقايق ... لحد ما كانت أمي تحذرني من أن النفس لا زالت مفتوحه و طريه و هذا يؤثر .. بس من شده تفكيري بالخياطه ما أعرتها أي مبالاه .. و بالفعل في فتره بسيطه طاحت الخياطه بس ألمها واااصل لبعد الأربعين من الولاده...

انا بعد الولاده مع الاسف صار التهاب وصار فى فتحه لارحت دكتور ولاشيى بس زوجى جاب لى مرهم بس الخياطه تعور بعد الولاده بشهرين بس لما تجيك العادة الشهريه بتحسين بوخز لما تنتهيى

والله بنات خوفتوني

انا الحين بالشهر الرابع

بالنسبة لي بعد ما تميت عشرة ايام طاح الخيط الأخير وصارت فتحه صغيرة بالاخر وذهبت للدكتورة ورفضت خياطتة لانه بسبب طريقة قص الدكتورة المولدة واعطتني كريم ميبو وسكر الفتحة بمدة سبع ايام فقط صراحة رهيب

انا سالفتي سالفه مع الخياط لان ما طاح وبعد 28 يوم رحت حق دكتورتي وشالتلي الخيوط
وطبعا اول ما ولدت عطوني مضاد حيوي ومسكن حق الجرح بس لما يروح تاثير المسكن برجع العوار وكنت انقع نفسي بماي وملح كل يوم واغسل نفسي بصابون ستيال تلقونه في الصيدليه بس الخيوط انشفت حيل وصارت تشد الجلد وتغززني:gum: صايره نفس الابر
يعني تعذبت بمعني الكلمه وحتي بعد ما خلصت الاربعين ظل مكان الجرح يعورني وتحسنت بعد شهرين او ثلاثه

أنا تعذبت مع الخياطة .. كملت27يوم ماطاحت الخيوط ورحت للدكتورة وهي شالتها وقالت إن السبب من نوعية الخيوط ( متينه شوي )
وفي البداية كنت آخذ مضاد حيوي . واستخدم مطهر ( بيتادين) كل ليلة قبل النوم واستخدم بعده كريم ( فيوسيدين ) على علبته رسمة أسد والكرتون لونه أبيض وفيه خط أحمر .. والحمدلله صار مكان الخياطة تمام ..
وكنت أستخدم (خوا وجوا)مع زيت زيتون .. وبس ..

السلام عليكم..
أنا خيطت مرتين الأولى تمام طاحت الخيوط بعد اسبوعين ولا كانت تعورني و لاشي (قصدي ألمها محتمل وطبيعي لاتصدقون ما فيه بزرا ن ببلاش:ss:)
أما المرة الثانية...وااااااااااااو:confused::confused::cry::cry:
ولدي عمره سنة وشهرين واللحين وأنا جالسة أحسه ينغزني ..
الطفل الله يصلحه جا كبير شوي(وزنه أكثر من 3.5 كغم)فوسعوا لي كثير وبالتالي خيطوا أكثر وانا من السناعة ما كنت انسدح واجد(أكثر من القعدة على حيلي)وهذي نصيحتي للي تخيط حاولي قدر الامكان ماما تجلسين على الخيطة خاصة أو اسبوعينأكمل سالفة خيوطي الخيوط طاحت ولي اسبوعين زي أول مرة بس كنت احس فيه شي مضايقني وكان لما امسح اشوف نقط دم ( من الجرح مو الي خبركم)ويوم صار لي عشرين يوم الاحساس بالضيق صار ألم ورحت للدكتورة ولقت فيني التهاب وعطتني صابون سايل للمنطقة ذيك ومرهم وحبوب مضاد وسوت مزرعة للافرازات ويوم طلعت النتيجة قالت ان الالتهاب شديد مرة وعطتني علاج رابع بس ما أذكر وشو

وتوتة توتة خلصت الحدوتة:clap:
الله يهون على الحوامل ويرزق اللي ما عندهم(z)(z)(x)(x)

حبيبتي انا ولله الحمد ولدت مرتين وماحسيت بأي الم من الخياطه لأني بعد الولاده اعطوني شامبو اغسل فيه كل مادخلت الحمام
اسمه (جياا)علبه بيضاء وعليها رسمه وردي
ممتازه بلأضافه للادويه إللي تكون امي حبيتي تكون مجهزتها لذيك المنطقه
وتطيح الخياطه بعد اسبوعين لكن تكون في خياطه داخليه تطيح بعد تقريبا عشرين يوم
يارب اكون افدتك

انا ولدت مرتين وفي كل ولاده خياطه بس الحمد الله الموضوع لايخوف ولا شي

اهم شي النظافه والمنطقه تكون ناشفه وبس

تحياتي