السلام عليكم ورحمة الله وبركاته
كيفكم حبيباتي
اليوم شفت لكم طريقه حلوه وبسيطه
وعجبتني الفكره .. ناويه أطبقها بإذن الله
خلونا نبدأ على بركة الله
الأدوات المطلوبه
قماش بولستر شفاف
صبغ أكريليك بلون بيج
مخفف ألوان الأكريلك الخاص بالقماش
فرشاة بحجم 1 بوصه
إسفنج مضغوط
قلم للرسم
خلاص جهزتوا الأدوات .. لا تنسوا كوب الشاي
أولا: نقوم بقص القماش على مقاس الطاوله
مع الأخذ بعين الإعتبار ترك كم بوصه زياده على الجوانب
ثانيا : نقص الأسفنج بشكل نحبه سواء ورق شجر كما الصوره
أو نجوم أو قلوب أو زهور .. كل وحده وكيفها
ثالثا : نضع الصبغ والمخفف على الأسفنجه بواسطة الفرشاه أم 1 بوصه
رابعا : نبدأ بالطبع بطة الإسفنج على قماش البوليستر
بشكل عشوائي .. راح يتضح لك لما تشوفين آخر صوره
والشكل النهائي
خامسا: نحدد شكل الورقه المطبوع بقص القماش
الزائد ذا اللون الأبيض
سادسا: اتركي القماش ليجف على سطح مستوٍ لكي لا يسيل الصبغ
ثم ضعيه على الطاوله .. وساعتها أمك بتقول : بنتِ خوش نفر
وبتزوركم الجاره .. وتستخف على الشرشف وتقول من وين شريتوه
أمك بتقول هذي بنيتي حبيبتي .. تقوم جارتكم تنشر الخبر
عاد إذا انتشر الخبر واحد من 2 ..
يا تفتحون مصنع .. أو يجون العرسان
خ خ خ خ
