خطوبة مع وقف التنفيذ

السلام عليكم ورحمة الله وبركاته



حابه أخذ رايكم في شئ ما ادري اسميها شئ ولا مشكله ؟ عموما بقول اللي عندي واقرأ أرائكم

بنات شو رايكم في اللي تنخطب وخطيبها يكون في بلد وهي في بلد سواء بحكم العمل او الدراسه او أي ظروف تحكم بالبعد بينهم.. في هالحاله كيف للطرفين ان يتعرفوا على بعض اكثر أو كيف يفهمون طباع وأخلاق بعض..؟

أكيد صعبه لأن كل واحد في بلد ..نسيت اقول لكم ان الطرفين منجذبين لبعض وفيه ارتياح بينهم.. لكن هذا ما يمنع انه في أشياء وااااااايده لابد يعرفونها عن بعض غير الانجذاب والارتياح.. اقصد الخطوبة مثلا تعطينا فكرة عن اذا كان احد الطرفين بخيل .. عصبي .. أناني الخ يعني ممكن نكون منجذبين لشخص لكن بمجرد قعدتنا معاه نكتشف أشياء مثلا ما كنا متوقعينها فيه ويتغير راينا عنه

.. بس تكون مشكله اذا كل واحد في بلد ؟؟؟؟؟؟؟؟ ولا تفهموني غلط.. ترى انا اقصد ان الخطيبين يشوفون بعض ويتكلمون في حضور محرم .. وهالخطيبين للأسف حظهم ردي.. وبينهم بلاد ..

ياليت يابنات تحطون نفسكم مكانهم وعطونهم الحل .. هل يجوز في حالتهم التواصل مثلا عبر الهاتف او حتى الكمبيوتر؟ رغم ان الهاتف او الكمبيوتر ما يعطينا صورة كامله عن اللي نكلمه لكن المتوفر ..

على فكرة البنت انخطبت وثاني يوم سافرت يعني حتى ما لحقت تتهنى بالخطوبة والمشكله ان ام البنت هي اللي اصرت على السفر والبنت موب صغيرة ترى في الثلاثين..

انتظر ردودكم....

مشكورين