الحقوني قبل لا أهدم بيت صديقتي

[align=justify] السلام عليكم ورحمة الله وبركاته
عزيزاتي الغاليات والله ان صار لي يومين وانا طول الوقت افكر وما قادرة انام واحترت بالموضوع وكيف احل المشكلة لا بالله انها مصيبة وبموت من غيضي ومقهوره حدي بس ارجوكم انتوا شوروا علي واللي بتقترحوا راح انفذه .... اسفة طولت عليكم سمعوا المشكله باختصار .....
اعز صديقة عندي ساكنه جنبي واحنا جيران من اول ما تزوجنا وكان هذا طلبنا لازواجنا والحمد لله توفقنا وسكنا ملاصقين بعض ... صديقتي متعودة الخميس والجمعه تروح البلد عند اهلها لاننا مثل ما تعرفوا عمان مترامية الاطراف ومناطقها بعيده كثير فهي تروح عند اهلها يوم الخميس وتبات معاهم وترجع الجمعه باليل .. لغاية كذا والموضوع عادي ..... بس اللي مو عادي والطامة الكبرى اني اكتشفت ان زوج صديقتي .. يخونها ... تصورا ايوا يخونها ويجيب وحده فترة غياب زوجته وتقضي معاه فترة طويلة...ا لاسبوع الماضي وبالصدفة كنت طالعة وشفت زوج صاحبتي ومعاه وحده نزلت من السيارة ودخلوا الفيلا وكان شكلهم مريب ومع هذا قلت ممكن وحده من اهله او اي شي ثاني مع ان غريبه تدخل البيت من غير وجود حرمه فعلا ارتبت بالسالفة بس طنشت لكن هالاسبوع بصراحه راقبت الوضع الا اشوف نفس الموضوع يتكرر يو م الخميس لا وفي رمضان حضرتها وصلت تقريبا الساعة 8 المساء وطلعوا على الساعة 12 ولما شفتهم طالعين خليت زوجي يطلع حتى اشو ف رده فعله وهو مطلع وحده من البيت الساعة 12 وانا جلست اراقب من البلكونه الا اشوفه يفتح الباب الخارجي وزوجي عامل شكله يمشي رياضه ولما شاف زوجي طلع لحاله وسد الباب وهي ظلت خلف الباب وهو يسلم على زوجي لين ما راح وتاكد انه راح طلعها بشويش وركبوا السيارة الله لا يربحهم ....
ومنها وانا بنفجر قلت لزوجي اني انتظر صديقتي وعلى طول بخبرها بس زوجي منعني واكدلي اني راح اكون سبب في هدم بيت صديقتي مع انهم يحبوا بعض وعلاقتهم كثير حلوه وما مقصر فيها ابدا بس شو اسوي ما قادره اشوفها واسكت وبالتالي هو راح يتمادي واذا قلتلها راح تواجهه وممكن ينكر وفكرت اخليها تتظاهر انها راحت عند اهلها بس اخليها عندي وتشوف بعينها بس هم ما اعتقد انها حلوه لانها بتنهار اكيد ... ارجوكم ساعدوني شو اسوي ....