بنات ممكن دقايق؟؟

السلام عليكم ورحمة الله وبركاته

اختى انا تقريبا مثلج و باقواج شو سويت و اتمنى افيدج

اول شي يبي ورقه و قلم و كتبي تقريبا كل شي تعتقدين انج تحتاجينه او انتي شو ناويه تاخذين و كم ؟
اوكي ؟
و بعدين عرفي الاماكن الي محتاجه تروحيلهم و حطي لست بعد ..

و بعدين ابدي في الاشياء الي تاخذ وقت يعني التفصيل مثلا و المغربي ...
يعني انا ناويه ابدا افصل بعد العيد ان شاء الله .. يعني مافيني على طلعات رمضان ...
و جي يعني تجهزي بالدوب و على راحتج و كل ماطلعتي و عجبج شي خذيه بس بعد لا تخلين كل سي لاخر شهر او شهرين و لا تزحمين نفسج يعني سويلج جدول انج تكونين مرتااااااااااااااااااااااااااااحه على الاخير اخر شهر او اكثر و لا تشلين هم قبل العرس

يعني الحين عندج وقت لا تضيعينه و تخلين كل شي لآخر وقت

و انا بعد فكرت ابد الفستان بعد على طول بعد العيد لاني اريد اشوف و الف واييييييييد فاعتقد انه ما بيمدي


المهم هاي افكاري و ان شاء الله اكون افدتج ...

و ان شاء الله نتواصل و نعرف مستجدات الاخبار


الله ييسر ان شاء الله للجمييييييييييييع

برايي جهزي من الحين ... وش تنتظرين ؟؟؟

MoonStones وكحيلة العين مشكورين على التفاعل انتوا اللي بردتوا خطاري صج البنات مطنشين ماادري شفيهم

MoonStones
شكلي بسوي مثلج ببتدي اكتب اللسته مالتي
انا خذت لي كذا قميص نوم عجبوني
وقلت ان شاءالله من الاسبوع الياي بكتب اللسته

عزيزتي أحلام

ألف ألف مبروك و الله يتمم لج على خير

أنا شايفة ان ماشاء الله عندج وقت وايد يعني تقريبا اذا ما حسبنا شهر اكتوبر
بيكون عندج 11 و 12 و 1 و 2و 3و ووو إلى أول الصيف شهر 6

أنا برأيي :
- تبدأين بالاشياء اللي تبغى وقت وايد مثلا لو عندج مشاكل بالوزن ابدأي ريجيم من الحين..
إذا لا مارسي الرياضة عشان تشدين جسمج .. إذا عندج مشاكل بشرة ( حبوب ، سواد ، الخ ..) أو مشاكل شعر ابدأي بعلاجها من الحين..


- اعملي حصر أو قائمة بأسماء المحلات و الأماكن اللي تلفت نظرج ببضاعتها و خدماتها وتقدرين تستعينين بالمجلات و النت و الكتلوجات يعني في دفتر اكتبي احسن محلات العبايات..احسن محلات ملابس سهرة..إلخ ، عشان لما تجهزين فعليا ما تدوخين بين محلات وايدة وتضيعين وقتج في محلات ما لها لازمة..

-اسألي عن الأسعار في المحلات و قارني بينها و اختاري اللي يناسب ميزانيتج ( مثلا اسعار التصوير..المكياج..ملابس الزفاف)..

- قسمي الفترة إلى شهور مثلا شهرين تهتمين فيها بعمرج
شهرين تكون استعدادت بس
شهرين تبدأين تجهزين فعليا و تنزلين مشاوير السوق
مع مراعاة إنج تتركين تقريبا 3 اسابيع قبل موعدالزفاف تكونين فيها مخلصة كل أمورج
حتى لا يبان التعب عليج في العرس و تبدأين مرحلة الاسترخاء و عمل البروفات النهائية

هذا اللي أقدر اقول لج عليه من واقع تجربتي .. وهذا الترتيب اللي سايرة عليه لعرسي

و الله يوفقج يارب

تحياتي

انا بعد مو عارفه ابتدي من متى
والمشكله الاكبر اني طالبة ثانويه عامه وبعد الامتحانات على طول اسبوع تقريبا عرسي تخيلي؟؟؟؟!!!!!!!!!
ومخططه اتجهز من اجازة نص السنه ومرات اقول لا ببدا بعد العيد
وما اعرف
اما لجسمي بديت اعتني فيه
وناويه انزل وزني شويه مع اني مو شايفه لزمه لذالك
وبديت وحطيت لي لسته
بالاغراض اللي باخذهم والكميات والاسعار واسماء المحلات والخياييط والاماكن وكل شي
وحتى فستان العرس صممته
وباقيلي التنفيذ لكل شي ..
بس انتي ما حددتي متى عرسج عسب نقولج متى تتجهزين يعني متى فالصيف 6او 7 او 8

حبيبتي احسن شي تسوينه انج تكتبين الاشياء اللي تبين تاخذينها ...

ووزعي المبلغ على الاشياء ،،، وحطيهم في اظرف...

وعرسج بعده بعيد اخذي اي شي يعجبج في اي طلعه

وبعدين دونيه في الدفتر... ونصيحه اخر شي تجهزين العطور

والانجري لان الجسم يتغير مع التجهيزات يمكن تضعفين او العكس

هذي طريقتي في التجهيز:)

وان شاء الله يفيدج

الله يوفقج ويسعدج

الف الف الف مبررروك حبيبتي

شوفي زوري هالموضوع للاخت دوحانيه انصحج فيه لاني صج استفدت منه

http://www.3roos.com/forums/showthread.php?t=144668

ثاني شي انتي جيبي ورقه وقلم وحددي الاشياء مثلا ونصيحه لاتكثرين اكثر من 11قطعه بتقولين شوووي لكنهم وااايد

المهم مثلا كتبي الذهب 10الاف مثلا يعني

مكياج والنوم والبدلات والخ كل شي تحتاجينه كتبيه بالورقه وحددي المبلغ جنبه والزياده خشيه بظرف الزيادة
صدقيني لما اتبعت هالموضوع وهالطريقه للاخت حبيبتي دوحانيه استفدت وااايد

ولاتنسين مبلغ تسريحه عرس ومكياج عرس ومسكه والفستان تاجير او جاهز او الشراءالخ والحنه واذا عليج كوشه او تصوير لازم تحددينهم اول شي

والفستان لازم من اللحين تخيطينه لان خياييط كاذبين يقولون لج شهرين ويمكن 3 او اذا بتشترين لازم من اللحين تشوفين محلات والا بعد يمكن توووهقين

وعن تجهيز اول شي لازم يحددون عرسج شهر 6او7او8

ولاتبتدين من اللحين مكياج وعطورات لا اخذيهم اخر اسبوعين بقوا على عرس لانهم يختربون بسرعه وابتدي تجهيز شهر واحد لان بااقي وااايد اما اذا رحتي سوق وجفتي اشياء حلوة اخذي طقم او طقمين ولاتنسين الثياب والشنط كل شهر تتغير بس عن خاطرج

فمثلا عني ملجت شهر 7 وبديت تجهيز اول 9 وخلصت يعني باقيلي اللحين شنط+تنانير+بديات ومكياج ودهون عود وعطورات بخليها لما يبقي شهر على عرس بس وعرسي شهر 2

واي شي عيوني لاتنسيني ارسليلي على الخاص وبساعدج بكل شي محتاجته

ما عندي شي أضيفه .. غير :

اممممم شوفي حبيبتي عرسج باقي عليه واااااايد و عندج وقت يكفيج ..

ابتدي أول بعلاج للمشاكل اللي عندج للبشرة والجسم و الشعر ..

في أشياء مالها موضة معينة تقدرين في كل طلعة تاخذين لج حاجة ..

ونصيحتي لج ... في أسواقنا إذا لقيتي شي جديد و عجبج اخذيه على طول و لاتقولين بانتظر التنزيلات , هذي نصيحة حماتي لي

و جربتها بنفسي و أكبر مثال أمس كنت في ماركس لقيت قميص نوم عجبني وقفت عنده وايد و ترددت عقبها توكلت على الله و شريته

لأن لو تلاحظين مرات لو تبقى البضاعة سنة ولا سنتين تتفاجئين إن ما عليها خصم وقت التنزيلات .. أو الخصم يكون على القديم

و تلقين الجديد معروض في نفس الوقت .. و استغلي موسم التنزيلات في المحلات بس مو لكل حاجة ..

في أشيا بدري عليها مثل الملابس و الشنط و الإكسسوارات .. هذي تخلينها عقب على الأقل ما يجي العرس إلا ثيابج جديدة ..

بعد شوفي موضوعي اللي حطت لج اياه عروس الدوحة إن شاء الله يفيدج ..

شكرا بنات على مروركم
مادري اشفين تصدقون اني كنت مسويه مايصولني شي ومن جي ماكنت ادري انكم تردون عل موضاعتي وكله عبالي مطنشين لي ومحد معبرني

والله استانست يوم شفت ردودكم الحلوه

وانا ان شاء الله عرسي في شهر 7 ترى كلكم معزومين لاتنسون

اردها لكم في الافراح