تعبت وأبي حل؟

وعليكم السلام ورحمة الله وبركاته


أختي الكريمة (شيخة الزين)

مثل ما قلتي أن الموضوع متكرر وسبق أنك مسكتيه بنفس القصة

أنا من رايي إنك تواجهينه، لا تعصبين وتفاهمي معاه بالهداوة

لما يكون معاج بالبيت قولي له إنك تبين تكلمينه بموضوع

وتكلمي بأخر هداوة بس على شرط تكونين متأكدة أنه يكلم بنت

مو تفتحين الموضوع على مجرد إحساس إذا أنتي متأكدة 100% فاتحيه

ولا تسكتين ، لأن سكوتج يدل على رضاج..

قولي له والله يا فلان أنا أدري أنك تكلم وحدة وكذا بس شنو شعورك

إذا أنا إللي خنتك وقعدت أكلم واحد بالمسنجر؟؟ بكل تأكيد ما راح يرضاها

وخليها جلسة مصارحة معاه وقولي له أبي أعرف بالضبط أنا بشنو قصرت عنك

ولكن لا تنسين أنها تكون بالهداوة لأن الإنفعال بيضرج أنتي..

أنا ما أنصحج بالطلاق بس الشي الطيب إنك تستخرين الله سبحانه في هالموضوع

فأنتظري الرد منه سبحانه بس هاذي ما يمنع تتكلمين وتتناقشين معاه بالموضوع..

وخيريه بينج وبين هالعلاقات العابرة إللي يسويها ولا تحزنين إذا أختار العلاقات العابرة

وتأكدي أن تفكير ريلج وايد سطحي وتأكدي إنج أحسن منه.. والله بيعوضج خير



الله يوفقج إن شاء الله ولا تنسين قبل ما تتكلمين معاه تصلين صلاة الحاجة

تتطلبين من الله أنه يكون لج عون لما تتناقشين مع ريلج..


و السلام عليكم ورحمة الله وبركاته

أنا موافقه على كلام همس القلوب

بس عندي إضافه، لما تسألينه إنتي شنو مقصره عليه، بعد بينيله هو شنو مقصر عليج

يعني قوليله إنت مقصر علي في الإهتمام في الأمان في الراحه في الإحساس اللي تبخل به علي وتعطيه لوحده ثانيه
وإذا قالج إنه بس كلام مو أكثر، قوليله بس هذي الكلام قاعد يجرحني والخوف إن الشيطان يلعب براسك مثل ما زين لك الجات
وحلل لك الحرام، إنت خليتني أحس إني مو مرغوب فيني إني غريبه عنك ، كل مره تجلس على الجات تبتعد عني خطوات

إذا تبغي زواجنا يستمر إبتعد عن هذي الأمور اللي راح تهدمه لأني ما راح أعيش زوجه بدون إحساس
يعني لو زوج أختك يسويلها هالشي بترضاها له وتقول عادي يكلم صديقه

الحياة صارت صعبه معاك، إنت لا تجاوبني الحين فكر وبعدين رد علي

والله يوفقج ويرد عقل زوجج

هلا اختي طبعا همس القلوب وقطاف ما قصرو.. وكلامهم صح..انتي لاوم اتواجهينا بس بهداوة..

الله الله يوفقج ويرزقج بيهال حلوين....

اعتقد كلام اختي همس القلوب كافي ووافي
والله يوفقج ...

تحياتي

افتحي الرابط هنا وياريت تقائي كل الردودهنا

اول شي ابا اقوله لج
لو ناقشتيه في الموضوع ياويلج لو صحتي بطلع عيونج
مب كل مرة تصيح الحرمه و الريال ما يحس ولا يقدر
و كلميه بكل ثقه
و قوليله انا ما عندي شي اخسره
حبيب خسرته اول مرة لما اكتشفت خيانتك
زوج خسرته ثاني مرة لما عرفت السالفه
الصدق تجذب علي و انا في داخلي اضحك عليك و اقول مسكين يتحراني غبيه و ما يعرف من الغبي اللي فينا
الامان اي امان تنتظره اذا انت تخون ما تخاف اخون او وحدة من خواتك تخون اذا دعيت ان الله يحرق قلبك مثل ما حرقت قلبي

و خليه يختار و قوليله اول مرة سكت عن الموضوع الحينه شوف تبغي اهلي يدرون ما عندي ماتع بقول لابوي و انت تفاهم معاه ما عندي اعصاب تستحمل خياناتك و غلطاتك


و نصيحه مني صلي ركعتين و ادعي ان الله يأدبه