السلام عليكم ورحمة الله وبركاته
:bigsmile:أخيرا وعقب معاناة وتعب نجحت اني اصور محشي الملفوف
بالخطوات وأستعمل الفوتوشوب :mad2: (طلعت روحي وانا أصور
وأعدل بالفوتوشوب) بس كله يهون عشان انزل شي
في المنتدى ويستفيد غيري
(r)وأهدي كل عرايس المنتدى هالوصفة اللي أتمنى انها
تعيبكن....والسموحة لو الشرح ممل وطويييييييل
خذت طريقة الحشوة من جارة بنت عمي الله يذكرها بالخير
وطريقة تحضير الملفوف اكتشفتها فجأة
المقادير:
ملفوفة كبيرة - أرز مصري – لحم مفروم – كزبرة وشبت – طماط مفروم –
بصل مفروم - بهارات (فلفل أسود-قرفه-كمون-كركم، حسب الرغبة) - ملح
زيت زيتون – ملح – ماجي أو ماء سلق الدجاج او اللحم
صلصة طماط – شرائح طماط وبطاطس غليظه (ما أقشر البطاطس
عشان تحافظ على قوامها بس أغسلها زيييين)
الطريقة:
اغسلي الأرز وانقعيه في الماء
حطي اللحم المفروم على النار بدون زيت وقلبيه لين ما ينشف الماء
وخلي قطع اللحم صغيرة لو تكونت كتل.
اضيفي الزيت ثم البصل وقلبيه ويا اللحم لين ما يذبل.
اضيفي البهارات وصلصة الطماط والماجي والملح وقلبي لين ما يتجانس
الخليط.
اضيفي الطماط المفروم والكزبرة والشبت وعقب تخلطينهم
طفي النار وحطي الأزر واخلطيه ويا باقي المقادير.
(أفضل اني اترك الحشوة أطول فترة ممكنه عشان يتشرب
الأزر طعم باقي المقادير)
البعض يفضل انه يسوي الحشوة بدون صلصة الطماط
واللحم ويفضلون اضافة الليمون وفي النهاية المسألة
مسألة أذواق وكل حد ياكل اللي يشتهيه
ابتدي ألحين في تحضير الملفوف (هالخطوة أصعب شي في محشي الملفوف)
عقب ما تنظفين الملفوفة من الأوراق الذاويه وتغسلينها حطي قدر فيه
ماي على النار وحطي على القدر مشخلة وبعدين سوي الخطوات
التالية:
1-اقطعي بالسكين حول قاعدة الملفوفة (مثل الصورة)
2-حطي الملفوفة في المشخلة وخليها دقيقتين ثم اقلبي وخليها
بعد دقيقتين.
3- بتلاحطين مثل في الصورة الثالثه ان أوراق الملفوف بروحها
انفتحت. شليها بدون ما تقطعينها واستمري في ازالة أوراق الملفوف
لين ما تلاحظين ان الاوراق اللي وصلتي لها يابسه – أعيدي الخطوةالأولى و الثانيه
لين ما تخلصين الملفوفة.
4 و 5 اقطعي ورقة الملفوف مثل ما هو موضح في الصورتين
(ورقة الملفوف الكاملة قطعتها في النهاية لأربع قطع)
6-اسلقي أوراق الملفوف المقطعة لين ما تستوي لينه مثل الصورة
لفي أوراق الملفوف مثل الصورة ومافي داعي انج تسدين الحبه
من الطرفين عشان الحشوة تثبت في الملفوف مب مثل
ورق العنب.
في قدر (يفضل تيفال أو قدر قاعدته سميكة) حطي القليل من الزيت
وصفي شرايح الطماط وفوقها البطاطس وبعدين رتبي حبات الملفوف
ممكن تصبين على كل طبقة خليط غليظ من ماء سلق الدجاج أو ماجي و
صلصة طماط وقليل من الزيت.(انا حطيت فلفل أخضر عشان أحبه
حاااااااااار)
عقب ما تنتهين من الملفوف حطي صحن حجمه أصغير بشويه
من القدر وحطي فوقه شي ثقيل (حطيت غرشة ورق عنب)
سخني ماء وحطي فيه ماجي او سخني ماء الدجاج او اللحم واضيفي
صلصة الطماط بس لا تخلين الماء غليظ أبدا.
صبي خليط الماجي على الملفوف وخليه يفور (يغلي) على نار عالية
خمس دقائق بس وبعدين خلي الملفوف يفورعلى نار هادية لمدة ساعة
تقريبها (على حسب حجم حبات الملفوف اللي لفيتيها)
ولو احتاج ماء ممكن تضيفين بس لازم يكون ساخن.
قدمي محشي الملفوف وزينيه بحبات البطاطس اللي حطيتها في القدر
وهذا صحني
وبالعاااااااااااااااااااافية عليكن
