البيبي صار عمره 4 شهور؟ تعالي نتناقش

انا بنتي أربعة أشهر وهي الثانية وزنها أكثر شوي من ولدك أعطيها عصير برتقال يوميا مخفف بالماء وأعطيها خضار للغداء وسيريلاك بالعشاء وأعطيها حليب صناعي وهو نان1 جدا ممتاز أما سيريلاك الأرز ما أدري انا يسبب لأولادي حساسية أعطيهم إياة متأخر شوي يعني على السنة من العمر والله يربية لج إن شالله

مشكورة الغالية على الرد وأخيراً حد عبرني
الله يخليلك بنتك ويبلغك فيها يارب وتشوفيها عروسه
وكويس انها تشرب العصير انا ولدي يرفضه
وبالنسبه للخضار الدكتورة قالتلي لاتعطيه قبل 5 شهور
وش نوع السيريلاك اللي تعطينها ؟؟

انا مثلك هده بنتى الثانية والاسبوع الى فات كملت اربعة اشهر وكان عندها تطعيم ورفعناها للدكتورة انا اعيش فى كندا والتطعيم هنا كل شهرين ووزنتها ووزنها 6 كيلو ومعاها وفحصتها وقالتلى وزنها طبيعى ... انا بنتى ما اعطيتها شى تاخد الحليب من صدرى فقط حاولت نبدا معاها بالارز واعطيتها يومين بس حسيتها اضايقت وسبب لها مغص سألت الدكتورة وقالتلى وقفى عليها وزديها 10 ايام تانيين لان معدتها مازال مو متحملة ( مع العلم ان سيريل ارز هو الى البداية للطفل اما الفواكه مازال عليها لان الطفل يبدأ بالحبوب اولا")
بالنسبة للحركة والصوات مثل ما قلتى عندك تحاول تمسك بالشئ يعنى اتحسى انها مكتشفة ايديها وادور فى مكانها تحرك فى ايديها ورجليها بكثرة والحمدلله.
الوزن الطبيعى للبيبى لما يصل لستة اشهر المفروض يصل لضعف وزنه وقت الولادة او اكثر.
وربى يحفضهم جميعا"

:shy:اختي العزيزة wmmm
الله يخليلك بنتك ويحفظها لك يارب ويرجعكم من الغربة سالمين..
عزيزتي ليش ماتعطينها فواكه ؟؟ الدكتورة قالت كذا من الشهر الرابع
خليها تحلي شوي :shy:
بس التطعيمات اللي كل شهرين هذي عشان ايش ؟؟؟؟؟؟؟؟؟؟؟

انا مثلكم بنتي ثاني طفل لي وهي الآن في الخامس بس وزنها ناقص شوي 6 كيلو والدكتور كتب لها فيتامين طبعا انا حست معاها لإنها دلوووووووعة بالمرة حتى الروب ماتاكل والسيريلاك بالمزاج وحليبها اس 26 من يوم انولدت والدكتور قال لا تغيرينه مادام مرتاحة عليه وبصراحة نفسي تصير دبدوبة ويتعدل وزنها أكثر بس ما عرفت وانا صبر شوي

يالليت كل امهات الدبدوبين يقولون لنا :smile:

والله الموضوع حلو .. لانه يلمس واقع نعيشه احنا الامهات .لانه من حد شاف عيالنا ضعاف شوي الا قالوا انه الام مب مهتمه .. انا عندي ولد الله يحفضه لي ولابوه عمره 4 شهور ووديته عشان اطعمه من كم من يوم .. (احنا عندنا ف الامارات يطعمون كل شهرين ..مثل كندا) وكان وزن ولدي 6 كيلو وشوي .. وقالوا لي وزنه زين ..بالنسبه للاكل انا اعطي ولدي فواكه مثل التفاح و الكمثرى ..واعطيه بعد تمر وماي..و من الحبوب اعطيه ميلوبا ..ارز بالحليب ..انا الصراحه عندي موسوعه الفراشه للعنايه بالام و الطفل وامشي عالكلام اللي مكتوب فيها ....الصراحه انصح كل ام تاخذ لها هالكتاب وايد مفيد ..

عمتي تقول انه عم ولدي كان مثله في الجسم .. وقالت لي ف عيال يكون وزنهم زين بس ما يبين عليهم لانه وزنهم يكون ف العظم مب ف اللحم فاهمين علي ...... والصراحه انا كام نفسي انه ولدي يكون مربرب شوي ..بس اغير راي بسرعه لانه الطفل يوم يكون زين وزنه دوم يحسدونه و يمرض وانا مابا عيالي يمرضون فياامهات مدام انه كل شي طبيعي ف ولدج ..والدكتوره تقول انه وزنه طبيعي ..فخلاص اطمني ..ولا تيلسين تحاتين مساله الوزن لامه الاطفال يخسرون وزن بسرعه وياخذون وزن بسرعه .. فاطمني يااختي اهم شي صحه الطفل و عافيته

موضوع مهم

بنتي كملت الخمس شهور يعافيها ربي وعطيتها التطعيم والحمدلله

اعطيها كاسترد مخفف والرز الناعم بس كثير تصيح متمغصة ودلوووووووووووووووووووعة

وزنها 7 كيلو والحمدلله (قولوا ما شاء الله) ما يبان عليها مربربه مثل اخوها لما كان بعمرها ما شاء الله

بس لان امي كانت تهتم بيه وهذه صياحة بزيادة.(*_*)

المهم اعطيها بسكويت مذوب مع الحليب الصباح وسيريلاك العشاء والغدا الموجود سواء خضار او رز او شوربة مطحونه

وبنتي الله يهديها ما ترضى تشرب الحليب اول شي جربت معاها نان1 وما فاد جربت اس 26 وهم نسوي المرضعة ونرمي

الحليب بالعافية تفتح فمها بالقطارة امي تعطيها اياها.

انصحوني انا اشتغل وهي عافسة عفسة وقت تبي تنام لازم تريد الصدر وانا بالدوام يتموا ماسكينها معلقة لين تنام

انا ولدي اكبر عن ولدكم .. عمرة 5 شهور وكمن اسبوع

وزن ولدي في هالعمر ؟؟
7.500

وكم المفروض يكون وزنه الطبيعي؟؟
ووزنه طبيعي (الحمدلله)

كم ساعات نومه ؟؟
من ناحية النوم .. يرقد كل 3 او 4 ساعات... وعقب نص ساعه ولا ساعه ينش ما يواصل ما اعرف ليس ...
اما بالليل كل 3 ساعات ينش ....

وايش الحركات اللي يسويها في هالسن ؟؟ ( اشوفه يضحك كثير ويصرخ كثير ازعجنا ويحب يشوف كل حاجه يصدر منها صوت ويحاول يمسك الالعاب اللي فوقه ويكثر مناغاة )
ولدي كان مثل ولدج يوم كان في عمرة .. اما الحين هادي يوم يلعب بس يوم اكله ينفخ ويطلع صوت بحلجه ... اما عن اللعب كل شي جدامة سواءا لعبة ولا لا كل شي يبا يمسكه وييلس طبعا يوم امسكه

هل ممكن اعطيه سيريلاك بالارز ؟ ( سمعت انه عادي )
عادي تعطينه السيريلاك بس يكون سائل ... الافضل انج تحطينه مع الحليب ..انا من الرابع عطيته السيريلاك والفواكة والعيش والخضرة والروب

ايش ممكن اعطيه عشان يبين دبدوب مره ؟ ( مش فيتامين طبعا انا قصدي اكل) يعني هل ممكن ياكل رز؟
السيريلاك والخضرة والفواكة....

ايش الحاجات اللي ممكن اجيبها له غير الفواكه المعلبه ؟؟ ( طبعا العصيرات يرفضها ويشرب حاجه بسيطه ومايحب الخضار المعلبه)
شوفي انا مثلج الفواكة اعطي ولدي معلبات بس امس الكل يقولي الفرش احسن .. ليش ما تعطينه خضرة ..؟؟

وبالنسبة للحليب الصناعي ( لاني انا اعطيه ) فإيش هو احسن نوع؟ وليش اخترتيه ؟
والله انا استخدمتلة S-26 والحمدللة تقبلة .. عقب فترة يعني من كمل شهرين قام يرجع وايد وما عرفنا السبب قالولي يمكن من الحليب غيرتلة استخدمتلة سيميلاك .. ما تقبلة ياه اسهال وتعب وما قام يشرب منه .. رجعت على S-26 والحمدلله الترجيع طلع طبيعي (وراثه عدنا اليما يكملون 6 شهور )

أنا بنتي عمرها شهر و3 اسابيع...

مررره متحمسه تكبر وتصير بعمر عيالكم عشان أبدأ أأكلها...

أستخدم لها حليب اس 26 والحمدالله مرتاحه عليه :)

عندها بعد اسبوع التطعيم حق الشهرين .. وخايفه انها تسخن علي :(

موضوعكم حلو

انا هذي بنتي الاولى الله يحفظها ، هي الحين عمرها 4 شهور واسبوع
الاسبوع الي فات كان لها تطعيم بو 4 شهور( احنا بالبحرين يطعمون كل شهرين بعد) كان وزنها 6 كيلو وشوي ... تقول الدكتوره انه مناسب لطولها

بخصوص الاكل من تمت الثالث ودخلت الرابع بديت اعطيها فارليز في الحليب بس ما احطه بالرضاعه لا اعطيها بالملعقه وبنص الرابع بديت اعطيها خضار بديت بالكوسى اول عشان الاخف .............كنت اسلقها وبعدين احطها بالخلاط مع شويت ماي السلق واخلطها وبعدين اعطيها
بعد الكوسى بديت بالجزر وبعده البطاطس ...... كل نوع جربته حوالي 5-6 ايام عشان اتاكد انه ما يسبب لها حساسيه
واول يومين من الخامس بديت اخلط لها نوعيم من الخضار ومن يومين بديت بالارز لكنها كلش ما حبته وحاولت اخلطه مع نوع خضار بس بعد ما عجبها كثير يعني بالوقعه يا الله تكمل ربع الصحن

بالنسبه للاكل الصناعي المعلب فما اعطيها .......... كله مواد حافظه خلنا على الطبيعي والمعلب للطوائ لو احتجت له
ونصيحه مهمه يا امهات ابدو مع عيالكم بالخضار لان لو بديتو بالفواكه بيتعودو على الطعم الحلو وراح يرفضو الخضار بعدين


بخصوص النوم مو راضي يعتدل خصوصا بالليل ........ز صحيحي انها احسن من قبل وتنام 3-4 ساعات متواصله بس تتاخر كثير في النومه يعني ما تنام قبل 1 او 2 والبارحه الين 3:30

الحركه: صارت تضحك اذا احد يكلمها واذا كانت منبطحه واح يقرب ليها تستانس عبالها بشيلونها .... وتحب تطالع التلفزيون عشان الالوان والاصوات وتبي كل شي تمسكه وتحطه في بوزها

هذا الي عندي الحين

انا بنتى يا أم ريم نقس كبر بنتك بالضبط (الله يحفظهم)انولدت فى 15-6 ووزنها متل ما حكيت عليها قبل 6 ومعاها ونفس حركات بنتك وبخصوص النوم هى الايام هده محتفلة برمضان يعنى اليل قبل الساعة 2 ما تنام وهى الان قاعدة معاى وعندنا الان الساعة 1.30 تونس فيا لكن الصبح كله ترضع وتنام بس انا الاكل مازال ما دخلته.
خاطرى انعدللها نومها بس ما اعرف كيف انحسها مازال ما نقدر نتحكم فى مواعيد النوم.

زين بنات

الحين عندي سؤال عن اليهال الي بعمر عيالنا بس شهور يبان عليهم ينتبهون وايد ويشدهم التلفزيون

يا ترى هذا شي عادي ما منه مضار لعيالنا

لاسيما سمعت ريل اختي يقول فيه دراسة امريكية تقول انه في مساؤي على اليهال يطالعون تلفزيون

قبل ما يكملوا سنتين

وانا وايد محتارة

ياريت نتناقش بهالموضوع ضروري عزيزاتي

انا ولدي يوم ابا اسكته اقعده جدام التلفزيون .. وما شاء الله علية قام يدقق في اشيا .. والي يشوفه علمة تعابير الويه يعني يوم ابوز قي ويهه يصيح ويوم اضحك سضحك وكل حركة يردها لي بنفس التعابير .. احس ماله خص !!!!!؟؟

اختي ليل المجاريح .. الله يحفظلك بنتك يارب ويبلغك فيها
بالنسبة لوزنها حبيت اقولك انه مو ناقص عارفة ليش ؟
لان الوزن الطبيعي للبيبي اللي عمره 5 اشهر 6,8 هذا لو كان ولد
والدكتورة قالتلي ان البنت وزنها يجي اقل من الولد بكيلو ( دكتورة شااااطرة )
بس احنا كذا طماعين ودنا يجونا مليانين زيادة


العزيزة غلا اخوها .. مشاء الله وزن البيبي هو الوزن المثالي للي في سنه
وهو 6,2
وصحيح كلامك ان ثقل البيبي احيانا يكون في العظم
واحيانا يكون في الطول
وصدقتي بكلامك :clap: العافية اذا بينت بزيادة مالهم الا العين والحسد الله يكفينا شر نفوس الناس هاليومين
والله يحفظلك البيبي ويحميه من كل مكروه


اختي فيوليت .. الله يحفظلك بنتك ويخليها لك يارب
مشاء الله
مشاء الله
مشاء الله
وزنها حلوو مررره
بس انا اعرف ان الطفل ماتبين عافيته الا من بعد السادس
الحين خليتيني اقلق على صغيري
مع ان وزنه كويس جدا بس مو باين عليه
وبالنسبة للكاسترد.. كيف تسوينه لها ؟؟؟؟؟؟؟؟


اختي bj3a ..
مشاء الله .. تبارك الرحمن البيبي وزنه مثالي
وشكلك مهتمة فيه مره وكفيتي ووفيتي مشاء الله
بس احس انه متعبك مره .. ليش ماينام كثير ؟؟؟؟؟؟
عروس 14 <---- تنومه كثير بالقووووة :D2
(عادي تعطينه السيريلاك بس يكون سائل ... الافضل انج تحطينه مع الحليب ..انا من الرابع عطيته السيريلاك والفواكة والعيش والخضرة والروب)
هو نفسه سيريلاك نستله اللي مكتوب عليه من 6 أشهر ؟؟؟؟
(شوفي انا مثلج الفواكة اعطي ولدي معلبات بس امس الكل يقولي الفرش احسن .. ليش ما تعطينه خضرة ..؟؟)
انا تركت المعلبات وبديت اعطيه فرش وبالرغم من اني حسيت انه في البداية عجبته اكثر الا انه بدا يرفضها مع الوقت مع اني اشكل له واغير النكهات .. بس الوالدة تقول المعلبات في المرحلة احسن لانها تناسبه وفيها فيتامين..
وبالنسبة للخضار الدكتورة قالت لا تعطينه في الرابع
ولدي الاول كنت يوميا اسويله شوربة خضار من الشهر الخامس ( بطاطا + جزر + كوسا )
وبعدها اضفتها رز وبعدين اللحم الاحمر .. كنت متحمسة له مره وكانت عافيته تمااااام
بس الثاني هذا مدري شفيني عليه ؟ او عشان رمضان الوقت مو مسعفني اهتم فيه
يمكن بعد هالشهر افضي نفسي له
وبالنسبة للترجيع .. عندنا وعندكم خير
الاول لما الحين يرجع وهو عمره سنتين :down:


اختي bent^cute .. عقبال ماتحكينا عن بنتك :shy:
وبالنسبة للتعطيم لا تشيلين هم السخونة ..
ولو حصل لا تشيلين هم بعد .. انا اثنينهم عندي تعبانين من كم يوم وديتهم المستشفى عندهم احتقان وانفلونزا بسبب تغير الجو..
وجاينا الشتا الله يعيننا
هم الاطفال كذا دايما تعبانين من اول مايدخل البرد لما يخلص..

اختي أم ريم .. مشاء الله وزن بنتك حلو مره الله يخليها لك
بس بالنسبة لفارليز مو بدري عليه ؟؟؟ والا احد ناصحك بكذا ؟؟ افيدينا :shy:
(ونصيحه مهمه يا امهات ابدو مع عيالكم بالخضار لان لو بديتو بالفواكه بيتعودو على الطعم الحلو وراح يرفضو الخضار بعدين)
معقوله ؟؟ اقلقتيني
بس الفكرة ان الفواكة اخف عليهم وهذا كلام الدكتورة
قالت الرابع فواكه والخامس خضار
(بخصوص النوم مو راضي يعتدل خصوصا بالليل ........ز صحيحي انها احسن من قبل وتنام 3-4 ساعات متواصله بس تتاخر كثير في النومه يعني ما تنام قبل 1 او 2 والبارحه الين 3:30 )
النوم يعتمد عليك انتي وشطارتك .. لازم تعودينها تنام معك وتصحى معك .. لو تعبتيها يومين بتنتظم باقي الايام ..


لاحظتوا يابنات ان معظمكم يستخدم نفس نوعية الحليب S-26
وش السر ؟؟؟؟؟

وبالنسبة للتلفزيون الالون والاصوات والحركات هي اللي تجذبهم فيه والا هم مو فاهمين شي ..
انا ولدي الاول كان يتفرج عليه في البداية بس صرت اطفيه واحاول مااعوده يتفرج عليه
والثاني لما اجلس معه عند التلفزيون يحاول انه يتفرج بس انا اغير وضع الكرسي واخلي ظهره مواجه للتلفزيون ووجهه بوجهي..
المفروض اولادنا مايتعلقون فيه من هالوقت والمفروض انهم مايحبونه لا الحين ولا بعدين ..
والتلفزيون عندي مايشتغل اكثر من ساعتين منفصلين لو كان ولدي معي ..
آثار التلفزيون السلبية اكثر من ايجابياته .. واولها واخطرها .. على النظر ..
والكلام اللي سمعتيه اختي فيوليت صحيح ومايحتاج اثبات
هذول امانه يابنات احرصوا عليهم وعلى عيونهم وسلوكهم .. وهم الحين في اهم مرحلة لانها الاساس وبداية المرحلة الاولى في الحياة اللي هي مرحلة الطفوله..
المرحلة اللي يبدا الانسان يكتسب فيها كل حاجه..
ودمتم سالمين

نسيت اقولكم يابنات من ناحية الفيتامينات ..
فيه فيتامين ضروري جدا ياخذه الطفل من الولادة الى السنة الأولى ..
وهو مش لزيادة الوزن.. انما لنمو العظام السليم ولتقوية القدمين وخصوصا للاطفال اللي مايتعرضون للشمس او بيوتهم مغلقة ماتدخلها الشمس ..
والفيتامين هذا يحل محل فيتامين د الموجود في الاشعة الشمسية
واسمه Vi-De 3

اهليييين بنات
انا بعد مثلكم بنتي توها مكمله 3 شهور من يومين وللحين ما عطيتها شي غير فارليز بالحليب الصناعي اللي تشربه وهو نان 1.
مع ان هذي ثالث طفل لي بس والله نسييييييت شنو اعطيها من أكل لاني تميت سبع سنوات ما حملت عقب بنتي الثانيه.
ان شاء الله لها تطعيم الشهر الجاي لين كملت 4 شهور واكيييييييد بيعطوني كتيب فيه أطعمه الفطام.
بالنسبه لنومها اعتدل وايد وصار احسن من قبل يعني قامت تطول فى النومه توصل لساعتين او ساعتين ونص واحيانا لثلاث بعد
بس للحين معذبتني معاها فى الليل تسهر وايد وما تنام قبل الساعه 2 نص الليل.
حركتها واااااايد زينه وقامت تضحك وتناغي واااااايد كأنها تسولف معاي وخصوصا أبوها تحب تناغي معاه لدرجه انها تصارخ بعد
ههههههههههه :)
لاحظت عليها انها بدت تمص فى اياديها مع اني حاولت اعطيها المصاصه بس رفضتها وفضلت مص ايدينها وهالشي زاعجني لاني خايفه
يتطور معاها ليييييييين ما تكبر ونبتلش بمص الاصبع!!
بعد شنووووووو...
ايه.. تحب تتسبح وتحب تلعب فى الماي وتصيح اذا شلتها منه ههههههه.. الضاهر بتطلع سباحه مع اني ما اعرف اسبح موليه ههههه.
بالنسبه للتلفزيون تموووووت فيه وانا ما كنت ادري عنها بس مره من المرات اخذها ولدي وقعدها يمه جدام التلفزيون جان تسكت وتركز معاه كأنها صج يعني مندمجه فى الفيلم هههههه هنيه لاحظت انها تحب الالوان والحركات والاصوات :) على الاقل التلفزيون يساعدني اشوي اذا كنت مشغوله او ابي اسوي شي اخليها جدامه وتسكت.. عاد مو افلام لا سبيس تون بس هههههه.
هذا كل اللي عندي الحين.

انا بنتي فديتها عمرها 3 اشهر و اسبوع..., اليوم وزنتها لاني خايفه عليعا واايد ترجع

مع اني ما اعطيها صناعي...بس حليب صدري...ليش الترجيع ما ادري !!! وزنها 5 كيلو و 800 جرام

شكلها ضعيف..لانها فديتها ما اشالله طويله.....و بديت اعطيها شوية رز اطفال من فارليز.., تقبلته

بس علب الفواكه..طلعت روحي معاها عشان تاكل وهي رافضه...اتصيح و ترجعه...بس الارز يعني لا باس

تاكل شوي اقل من فنجان...بس اباها تتعود على الخاشوقه...و الله يعينا و يخليلنا عيالنا يا رب...

اختي عسووووله الله يخليلك ماعطاك ويعينا على تربيتهم .. وانا اشوف ان بنتك تسوي زي ولدي :) الله يخليهم يارب وعندها نفس المشكلة اللي عنده وهي مص الأيادي :(
قرفت انا من هالحركة مع اني عطيتع المصاصة في البداية بس اشوفها يرفضها الحين وصار يعرف يطلعها بعد
وبالنسبة للاكل في هالشهر يكون فواكه مهروسة وعصيرات وبس

العزيزة رميسه الله يحفظلك بنتك ويهديها للفواكه لانها مهمه مره في هالمرحلة وحتى انا ولدي ماهو منتظم على كل الفواكة .. يوم ياكل وكم يوم يرفض بس وش نسوي لازم نحاول فيهم لمصلحتهم .. وبصراحة الوحده تحتار معهم في هالشهور الاولى وقبل السنة لانهم يتعبونك بمزاجهم وانتي ودك انهم ياكلون ويتصرفون بمزاجك انتي بس لازم نتحمل ونحتسب الاجر..
الله يخليهم لنا يارب ..

انا ولدي عمره خمس شهور وزنه 6كيلو ونص واعطيه سيري&#65275;ك بس احسه نحيف نفسي يسمن ايش اسوي حليبه فبي ميلك